تحميل رواية «ماء مغلي» PDF

..♣️🩸   ماء مغلي  🩸♣️..

* adzzon *

تحية شُكر لجميل صبركم  💕

اكو كم ملاحظه اطلعو عليها  هنا اذا عجبكم واذا لا عادي تعدو البارت ..

🌷🌷

١- موضوع الديانه ...

موضوع حلو + حساس + قليل معرفه

بالنسبه لسؤال

( ليش تتعمقين بهيج مواضيع )

اني اذكر التفصيل لان اكو اشخاص ما يعرفون الموضوع من ساسه لراسه

يعني ..

اني شفت من بين التعليقات والمسجات

هوااي بنات يكلولي ماجنت اعرف هيج شي وكثريلنه معلومات احنه بعيدين عن المواضيع هاي

اني ادري اكو فئه من عمر ٢٠ وفوق

تفهم وتعرف بالتفصيل او بدون تفصيل بس عدها سابق سمع ومعرفه عن المواضيع التاريخيه نوعا ما

بس فئه ما دون العشرين ( قليلي معرفه)

جيل الالفين جيل فقير المعلومات

واني لهواي اسباب من ضمنها ( همه )

كتبت تفاصيل حادثه بسيطه مالها دخل بأي تطرف ديني

مابيها اساءه لطرف

مابيها انحياز لشخص دون الاخر

الصراحه ناتج الخلاف صار منكم وبيكم

انتو حللتو الموضوع لبعيد واخذتو اساءه لاشخاص مانذكرو وماكانو اسا موضوع

كان لبه الموضوع ( سبع الكنطره )

وليس ( الصحابه )

الانحياز منكم .. من تعبير رأيكم ومشاداة الكلام ويه بعضكم

اني ماجبت طاري احد بسوء وكل الي انذكر الف والف مصدر وثقه بنفس اساس الحديث ...

ليش زعلتو ؟ ليش اعتبرتوني متطرفه ؟

مادري !!!

هو منو الي اساء !!

وبالنسبه ل ( الموضوع هنا سحر ماله دخل بالامور الدينيه ليش دتضيعين القصه بهيج شغلات بعيده من الموضوع الاساسي )

هنا الجواب كالأتي..

اني زهراء .. اني عايشه حياه ثانيه مو حياه القصه .. اني مو ريري واشيل بكيفي شي من قصتي وما اخلي يصير

القصه قصتها يعني هي الي كلتلي اني صار وياي هيج وهيج وهيج

ومن ضمن ال ( هيج ) اكو هاي المواضيع

مو اني بكيفي داجيب واضيف واطول بارتات

هاي كلها تطلع اسباب ذكرها بعدين

لاحظت بأكثر من قصه لغير كاتبات نفس المعاناة ان اي شي بالسرد يحيز عن موضوع الاساس يكون مرفوض وعليه الف رد سلبي

بس احب اوضحها الكم ..

انتو عدكم بارت واحنه عدنا قصه

يعني حبكه .. كل طرف منها مرتبط بطرف ثاني .. ماكو شي اسمه الغي هذا والغي هذاك وخلي بس النص !!

هي الحبكه ماتكمل اذا مو تنوع الاطراف وارتباطهه بانسجام بالنهايه وتصفى لكل حدث مكانه وزمانه ..

فتقبلو هاذي كلمتي الكم ..

انتو تشوفون الخطوه واحنه نشوف نهايه الميل ...

ثقو باختيارنا للحدث المكتوب لان الرسمه بعقلنه كامله وهاي طريقه التلوين لازم تتنوع ...

٢-  الحوار ..

هنا ركزو وياي شويه والكم حريه الرد ..

انتو هاي البارتات كلها بالنسبه الكم

قصه دتقروها يومين بعد تخلص تنطوها مسح او تنزل باخر المكتبه مالكم دخل بيها اخذتو الزبده وفهمتو السالفه

تونستو شويه وعشتو تشويق شويه

كسرتو ملل يومكم وخلص

بس بالنسبه لغيركم هاي ذكريات

داتنحفر يوميا  بملف الكتروني ..

انتو تسدوهه وتروحون بس غيركم ديرجع يقرأ كل كلمه ويعيد باله نفس الشعور

غيركم ديشوف نفسه من جديد هنا

ماكدر اني اقصر بكلمتين واختصر حوار

هو من الاصل ناشىء طويل

بكل قصه تسمعون اكو الها ناقل

يتابع تقبلو طريقه الحوار لان هاي حياته

هيج صارت وديحجيها ما ممكن تكون حسب مزاجكم لان هو شخص يختلف عنكم وشخص عاش اللحظه هاي وانتهت

وعبر الحدث ..

شخص اله فكر غير فكركم واطباع وبيئه غير الي عدكم

وانتو داتقرون حيااااته لازم تقبلوهه مثل ماسواهه لان هي حياته وديحجيها الكم

ولتنسون هاي مو اني هاي ريري

( اووكيي 😒)

٣-  تنوع البارتات ..

مثلا ( هذا البارت ما بي احداث ديحجي بس ع الحب )

( هذا البارت بس حمل او بس مرض )

الجواب كالأتي..

هي تسلسل احداث .. يعني تسلسل ايام وشهور ما ممكن تمر فارغه لازم الحدث الصار بكذا وقت ينذكر حتى تكمل الحبكه لان كل حدث اله ثماره بالاخير

ولاحظو كم مره عدت حجايه

( كل حدث اله شي بالاخير )

يعني ركزو ركزو

حتى لو مو هسه

احجو بكيفكم انتو احرار بس بالنهايه

اربطو الاحداث

راح تشوفون شلون فلاان شغله هيج جانت وهيج صارت

هاي زبده الموضوع ..

اذا اني اريد اوصللكم فد فكره ان

هالشغله تغيرت لازم اكون مشوفتكم هي شلون جانت بالبدايه !!!

حتى شلون صارت هسه

اذا اني ماكتبت مثلا على الحب شلون عاشوه ومكتبت على نمط علاقتهم

انتو شلون راح تفهمون النهايه شلون مؤثره !

داغششكم اني بس انتو ركزو

😅

يعني اكو امور انتو من منظوركم عاديه

بس هي للشخص المعني بالقصه

شي كلش مهم .. شي كلش مؤثر عنده

ابسط تفصيل مذكور حتى لو على اكله

او على حجايه بسطر هي الهه ثمرة نهايه

رجاءً انظرو للموضوع من هالمنظار

حتى نكون متفاهمين ومحد عنده شي

مستصعبه بالقصه

٣-   ( الجريئة )

مااقصد بيها بس ( كلمات بذيئه) او

( مواقف رومانس زياده وطالعه عن الطريق )

هاي الكلمه ذكرتها بالبدايه ( المقدمه)

وكلت رجاءًا الي مايعجبه هالنمط لا يدخل

ويعلق ليش تكتبين هيج

لان اني من هسه نبهت يعني الي يدخل هو راضي وعاجبه الموضوع

انتو تفكيركم حلو كوولش ( 😏)

وعبالكم بس اقصد هذيج الشغلات

بس تره اني كتبتلكم اكو

( سياسه ، مواضيع حساسه )

( الشاااارع العراقي )

( كشف المستور )

هذني كلهن ضمن كلمه ( جريئة)

لييش ؟؟ لان بيهن حجي مايتقبله الكل

يعني بعدنا بس ذكرنا تطبير ، وموقف واحد تاريخي ..

قامت القيامه بالتعليقات

لو نحجي بالسياسه شتسون ياعومري

😁

تدرون القصه لحد هسه بايخه

واني اريد بس اعبر هاي الفتره

تفكيري بالاخير عاجبه هناك يضل عايش

واني ارجعه حتى اعيش حدث ٢٠١٧

حجايه من ريري كالتها الي اول ما

حاجتني   وسألتهه ..

عندج فد هدف معين تردين توصليه

بقصتج ..عبره او مجرد كتابه ذكريات

بقصه ..

كلتلي بصريح العباره ..

اني لا جايتج تكتبيلي على رجلي ولا على خبالي اصلا طاري الحب لتجيبيه بالقصه

شوفي شلون تلوفيهه وتطلعينه منهه

اني جايتج حتى تصحين عقول البنات المعشعش براسهن الثول

داشوفهن يبطن الكلب بالفهاوه والثول

والعالم اني مصلخ كدامي شايفته و جازه روحي منه

وهنه ديجفصن وميدرن بروحهن  وين

وشديسون

وحتى اهلهم هم ثولان مثلهن وماكو

بنيه تعرف الاعرفه بالعراق فدوات اسمه شكد يكسر الكلب

كلتلي ..

بيج خير تكتبين وتشدين راسج بوصله

تسدين بيهه عينج واذانج من الناس وتمشين بس وراي كولي

مابيج خير و هم بنت الماما انتي

وتبجين من اول عركه سدي الخط وروحي

قبل ماحجيلج واتعب نفسي

( هاي جزء من بدايه مكالمتنه )

واني طلع بيه خير وكتبتلكم وشديت راسي مثل ماوصتني 😄

واني الي اعترضت على سالفه الحب

كلتلها لازم تنكتب ماتكمل القصه بدونهه

هاي اكبر جزء بيها

بس اتفقنا ان يكون ذكره بس للضروري

والتركيز على مواضيع هي تريد تكشفها بصورتها الصحيحه الي انتو ما راح تصدكوهه وتتعاركون ويايه واني راح اخليلكم هذا القلب ( 💕 ) بس ما راح اردلكم اي كلمه

واني مو متكبره تره

بس اتجنب الجدال واكتفي بأن اكللكم

قريت و فهمت رأيكم

....

هاي كم ملاحظه حسيت ضروري اذكرها

بقى بالنسبه لكمية المصداقيه هنا ..

مانطيكم فد رقم معين بس هي عاشت

الحدث بحقيقته ...

الشارع كان صادق وياهه لحد الجرح

وهذا اكتفي بي مصدر ثقه لنقل الكلام

....

* خاف فد يوم يجي بالكم سؤال على شغله حتى لو بالبارتات الجايه

او استفسار على موضوع ضل بالكم

وراسلتوني بالخاص ومارديت

اكتبو هنا ... بهذا البارت

لان تعليقات تطلع بسرعه

الرسائل يطلع اشعار بس ما تحمل

واذا موضوع كلش خاص راسلوني بالفيس او التلي اني اجاوب الكل

وبكل المواضيع

* ادري كلبكم هالكبره صاير مني

وما جارعيني ابد

وصراحه اني هم ما جارعه نفسي

فتره توتر رهيبه عندي

بيتنا عدنا مريض كورونا ( بيبتي )

وصاير البيت انذار

اني ادري الاعذار شي ممل واني هم اضوج من اليتعذرلي

بس اني داحجيلكم يعني مو دالتمس لنفسي عذر

بس هيج دانطيكم خبر

اني مُتعِبه و ممحظوظه بهالمره ويه احد

٢٠٢٠وجهه كلش خير عليه

بس رغم كلشي

اتمنى يبقى الـود بيننا عامراً 🌷💕

..♣️🩸   ماء مغلي  🩸♣️..

* adzzon *

اخذته وحاولت افتح رمز مانفتح

ضليت مخلي بايدي وكاعد صافن على المكان وجان يدك تلفون ....

المتصل ( ١١١٤)

فتحت خط ..

صوت بنيه ...

- ابو سيف

ضلت تكول الو وانه ساكت ردت كالت ..

- هاا هم انتي متجوزين من سوالفج الا اخليه يكرمج ويكعدج يلا تجوزين من تلفونه

سديت الخط ونزلت لغرفتي حسنين يباوعلي

وانه ادور بالمجر طلعت تلفوني الصغير

النوكيا .. خليت بي سيمكارت عادل وشحنت التلفون ...

انتظرته فتح ودورت على اسمها ( ١١١٤)

نقلت الرقم بجهازي سجلته وضليت اكلب بجهات الاتصال ماله ...

حسنين يسألني شكو شتسوي وانه ساكت

رجعت السيمكارت بتلفون عادل ونزلت

جوه ...

شفت ريري كاعده .. خليت بايدهه تلفوني ...

- رور هاي صاحبه عادل خابرت وحجزت رقمها هذا

اخذي وتصرفي وياهه اعرفيهه منو

- اووكيي بس خلي اصير زينه هسه كلشي ماعرف افكر الحساسيه دمرتني

- اخذج تغسلين تبردين جسمج

-لاا حيداااار هي بدمي احسه يفوور

حتى عيوني ولساني ونص بلعومي كله مأذيتني وصايره نار

- لا اله الا الله حبيبي والله حرت بعلاجج

اخاف اخذج بعد دكتور وينطيج شي يأثر ع الحمل

- اكولك شي

داحس هو يمكن يريح جسمي شويه

-شنو احجي!

- اتبرع بالدم

- بووويه حااامل انتي يرادلج دم شبيج انتي

- ادري اعوضه بس هذا دم فاسد

اني عندي لزوجه بالدم كل فتره جنت كل كم شهر اتبرع بالدم

هسه يجوز لان صار هواي هاملته

وتغييرات الحمل يجوز ارتاح شويه

- لااا اخاف عليج يروح يصيرلج شي

لو الطفل يضعف نموه ماجازف بيكم

- كلشي ميصير شبيك عومري

هسه خلي الصبح اخابر الدكتوره واشوف اذا كالت اي تاخذني اوووكييي

- نتأكد يلا اخذج

- اووكيي

تعال بحضني شبيك هيج وجهك مصفر

حضنتهه وهي ايدهه على وجهي ..

- رور هذا عااادل تفهمين شنو عادل !

اخويه ولج ماشي بدرب السحوره

نمردت روووحي من شفته

- ادري هسه ماتعودت عليهم

- موو هيييج يطلع وياهم ! لج اخويه هذا

واحنه اهله كدام عينه روحنا مفرفحه جانت من السحوره والامراض وهو وياهم شريك بكلشي !

- هسه دنطي صبر ليش كبل خليته وياهم

يجوز دربه غير دربهم

- دربهم واحد كلهم سحوره وشياطين

شكو غيرهه

- مادري احساسي يكولي عادل وراه سالفه

مو منهم و بيهم

لان هو قبل هم جان متأذي من السحوره

لو صدك وياهم جان كلشي مابي

ها وهو هم يصلي ويروح زياره ويحضر مجالس لو مثلهم كافر جان مسواهن

- لااا والله يسووهن

بويه انه اعرف سحار جانو الولد بالمكبره يحجون عليه

يكولون . .

هو مسوي روحه متدين وعنده نور وهبه اله رب العالمين ومسخرله جن ودارس وفاهم

وكل ما واحد يجي عليه ما يعالجه ولا يكعد وياه الا يروح يتوضى ويصلي ركعتين كدامه يلا يجي يعالج المريض او يشوف شبي

وطلع هو بعدين معترف بنفسه كايل

انه جنت كبل ماكعد ويه شخص يريد اسويله شي بعلاج ...

اروح للحمام تطلعلي كتله مال نار اسجدلهه

واقضي حاجتي واطلع بدون تغسيل واروح اصلي حسب الاصول وانه مامتوضي

يلا الشيطان يساعدني وكلشي اريده واكله عليه للحاله الجايتني يسويه الي

-عزاااااا يمه ايييع ايييع هاييي شبيهم ويه الوصخ موقعين عقد بالنكاسه والجيافه!!

- اييي همه الوصخين هيج مكان شياطين

فلاتغرج سوالف الصلاه هذوله يسووهه

حتى يزيدون كفر ويرضون شياطينهم

- يبووووو صخااام بعينهم وعين الخلفهم

ولك هذوله شلون نهد عليهم النجف ونخلص

شنسوي !!

- شنسوي شبيدنا عليهم

اكو الله هو بيده امرهم

-  اوووف اوووف عبالي خلصنه من هذنيج الحيايه طلع عدنه حيه اكبرين النوب بيتنا

نمت على رجلهه وغمضت ضليت افكر بعادل وحاله ... بعدين كلتلهه...

- اكلج لازم اطلع عادل من البيت

واكعد وياه تحقيق بس وين اخذه ؟

- اي كولش ينراد هنا يفلت من ايدك يفلت

اخذه بيت الحجي ديساعدك هم هو خوش عقل عنده احسن من ابو صماخ

- صدك خلي اصعد اشوفه

واكله ناخذه كبل ما يكعد عزيز

-اي ديلا روح بس لتبقى وياهم هناك

للظهر ارجعلي عفيه اريدك يمي

بوستهه وطلعت.. صعدت لغرفتي لكيت حسنين متمدد ومخلي المخده على وجهه

وعادل بعده نفس نومته بالكاع ...

استعجلته واخذنه عادل ونزلنه ..

خليناه بالسياره وانه بعد ظهري تشنج

ضليت واكف اطك بظهري ورحت شربت ماي ورجعت شغلت السياره وطلعنه

لبيت الحجي ....

اول ماوصلنه بيتهم خابرني عزيز ..

يسألني وين طالع من الفجر ... كلتله

ويه عادل كعدني وعنده غراض يريد يجيبهن

وسديته ..

نزلنه انه وحسنين وعفناه بالسياره

كعدنه ويه الحجي وفهمته السالفه من اولهه

وهو كال ..

امشونا نطلع لغير مكان ناخذه ..

اخذنا الحجي ويانه وطلعنه حسب وصفه

للطريق على اطراف الكوفه بيت مثل

حسينيه صاير .. بي غرف فارغه بس

حصيره بالكاع مفروشه ...

تلكانه شايب يمشي محني الظهر سلم على حجينا وبس ردلنه السلام وكال اختارولكم غرفه وكعدو بيهه ..

اخذنا عادل انه شايله من رجليه وحسنين من ايديه وخليناه بالغرفه ...

طلعت رحت يم الشياب وصرنا نتفاهم بسالفته

والشايب كالي ..

خلي يصحى ونفتهم منه ..

رجعنه كعدنه يم عادل وطب علينه رجال

شايل المغذي وابر وراد يضربه وانه ماخليته

كلتله خلي نفتهم ابر شنو تضربه !

كالي يصعدن ضغطه ويصحنه وانه مضمد

وعندي خبرتي وهاي الحالات شابع منهه ..

شكله المغذي وراح ... طلعت خابرت ريري

وحجيتلهه الوضع واتطمنت عليهه ورجعتلهم

وره ساعه صار الشايب هذا يضرب بوجه عادل ويرش عليه ماي لحد ما كعده ..

ضل يفرك بعيونه ويندار يباوعلنه ويرجع يكمش راسه ... حسنين جر ايده وكعده

وهو ضل يباوع بوجوهنا .. كال ..

- خيركم !

احنه واحد يباوع بوجه الثاني ويريده يحجي

بداله ..

تالي الحجي كال ..

- ابو سيف احنه هاي كعدتنا وياك مطوله

ونريدلك الخير

تعاونا وتحجيلنا مشكلتك بعون الله نصيرلك

ند و مايطلع سرك بره هالباب

ما تعاونا وتكتم بكلب وتحذب علينه

لا والله احنه ما نجوز عنك ونتعبك

ضل هو صافن عليه ورجع باوعلي

وكال ..

- هاذ انته الضربتني  خويه !

ضلت عيني بعينه وكلتله..

-اي انه

شعندك من سالفه وخلتك بنصاص الليالي

كاعد بالسطوح !

اللبس والحيه هالمتنهه بركبتك

شبيك خويه !!

ضل ساكت ويباوع لحسنين .. تالي كال ..

- مادري شحجيلك

مادري ليش هيج سويت

- لااااا تجذب عاادل مو صغيرون انته

وماتدري بروحك

كلش زين تفهم دربك شنو وتفهم احنه شفاهمين عليك

اااانه كل شي شفت ماجذب عيني واصدكك

صار عصبي ووكف يريد يطلع وانه ماخليته

وكمشناه انه وحسنين وهو يصيح يريدنا نهده

وماعفناه لحد ما تضاربنه انه وياه ...

ضربته من جوه فجه ودفعته على حسنين

وطلعت ....

انفض بايدي واعصابي ترجف ..

ردت مااشوفه منو ..ردت اكعد متجاهل كلشي بعد .. ادري مواجهتهم تكسر ظهري

بس كلشي مفروض عليه امشيله ...

طلعو البقيه وضل هو قافلين عليه الغرفه

كعدنا بالمضيف والشايب كال ...

- خلوه يمنا وانتو ارجعو لاهلكم

انه اتكفل بي

الحجي كال يلا نمشي وانه اعترضت عليه

- وين نمشي حجي

واخويه اعوفه وحده هنا.  ! غير افهم سالفته

- بويه ماتفهم هسه منه مااتفهم

وعمك راح يخليه يراجع نفسه يومين ثلاث

ويكعد يحاجيه

- چا شووون !! مانشوفه بعد !

هسه غير نفهم علته وين

- بعدين تبين بويه بعدين

امشينه وعمك عنده دبارتهه

هو يعرف ازيد منك

وكفت وياهم اريد امشي بس كلبي عليه

ضليت اوصيهم ينتبهون عليه واخذت رقمهم

يلا طلعت ...

بالطريق اسأل الحجي واسأل حسنين

' شبي عادل شعنده هيج يسوي!! هم درب السحوره ماشي بي '

ويسكتون مايردون ...

وصلت كل واحد لبيته ورجعت لبيتي

شفت ريري كاعده بالهول وبايدهه جيس ثلج

كعدت يمهه وهي خلت الجيس على راسي

وتكلي..

- برد عقلك برده

ادري بيك صاير نار اعصاب

- انه هم بعد شجم يوم يضل بيه عقل !

لا والله

- عادي تخلص وتنساهه

خلي اسويلك ريوك

- كلشي لاتسوين ماريد

بس اريد انام

عفتهه ورحت غسلت ورحت لغرفه اهلي

ذبيت تشيرت وتمددت ..

شويه وضليت اصيحلهه ..

اجتي وشغلت الضوا ... صيحت عليهه..

- شعندج ضاله هناك كاعده

ماشفتيني اجيت مسمومه روحي

تضلين وياي لو تكعدين تتصفنين هناك

- بس طلعت اغسل رجلي بالصونده لان مي بارد

درت وجهي وهي اجتي كعدت يم راسي

تلعب بشعري وتبوس بجتفي ..

- اكووولك تره حامل وجسمي مورم ماكدر اضل حاضنتك صفح تعال انته اندار يلاا بلا دلع  مرتك حااامل وتعبانه

- هم بلوه طلع حملج

- حيداار ادري ضايج وكذا بس اني هم ضايجه واني حامل لازم تداريني

- عليج الحسين اسكتي خلي انام

-حيدااااااار

-هااااااااااا

- اني احبك انته تحبني لو لاااااااء

- احبج والحسسين احبج

- شكد يعني تحبني ؟ زين تحبني اني اكثر لو ابنك اكثر ؟ زين واذا طلعت بنيه هم تحبهه مثلي ؟ لو ابقى اني اكثر تحبني ؟

زين لو ما صرت حامل هم تضل تحبني ؟

- انتي بيج شي !

انداريت عليهه وكمشت وجهه فريته منا ومنا

كلتلهه..

- شبيج صاحيه ! ضاربه عندج فيوزات !

لو هرموناتج ماتشتغل بس وكت مايشتعل ابو ابويه بالمصايب !

- اييي غير داعرررف اوووي شو انته صاير متنحمل

ادنى خلي انام تعبت من الحجي عيينيي

تعبت شنو هاي بس وحده تصير حامل وتحجي شويه تتعب !!

لا لاا عيني ماكو هيج وحده حبالتهه نحسه مثلي

ضلت تمدد بجسمهه على راحتهه وتتغطى

وتعدل بشعرهه ولامه شفايفهه .. 

وانه صافن عليهه !

شفتهه غمضت وانه رجعت تمددت وانداريت

جان ادغني بظهري ..

- حيداار اكووولك هسه اني وجهي حلو لو لااااء

- حلووو

- يعني بعدك تحبه هو واحمر لو صاير يلعب نفس ويخوف

- لا زين

- ماكلتلك زين كلتلك تحبه لوو لاااء

- ايييي احبه احبببه

- اوووكييي زين اكوولك

عيوني صدك صارت مال جكمان

هذوله اليابان هيج عيونهم مبقبقه

اني مثلهم لو لاااء

- لااء

- لااء خاف مثلهم شو هذا كرفش يكولي صايره مثل هذوله الجكمان

لعد انته ليش تجذب عليه وتكولي بعدج حلوه

متصير صريح وياي وكولي صايره تلعبين النفس

- حلوووه والحسسين حلوه معليج بيهم

-لاا خاف دتقنعني وانته من تطلع تباوع على اشكال البنات وتكول هم عندي مره مثل هالنسوان شحلاتهن ! !!

- دخييييلك يارررربي

لج انه وووين وانتي وين

خلي اولي فوك انهمد وضلي انتي خيطي وخربطي بعقلج

كمت وصلت الباب وصاحت ..

- حيدااااار تعال يمي  ارررجع

شلون تعوفني وتصعد واني بالي يضل يمك ىماكدر اصعدلك غير حامل شيصعدني لو نسيت اني حامل

ضليت واكف واضرب براسي بحافه الباب

وهي تكلي ..

- ديلا شدعواااك متتحملني هسه اني شحجيت !

مو كلتلك تعبت من الحجي شكو تتزعل اوووي شو عبالك انته هم هرموناتك ضاربه

حيداااار شووو ساكت !! ترجع يمي لوو لاااء

- ارجع وعلي ارجع

ارجع وين اولي انتي براسي براسي وين انطي وجهي

يمج عمي هاي انه يمممج

- ديلااااا اووكي

يلا تعال نام بحضني شو عاجبني ابوسك

لو شفتي مورمه خاف متحب ابوسك بيهه !

- شتوسين سوي  بس عليج العباس عليج الحسيين اسكتي لخاطر رب الخلقج اسكتي

-ديلااا مو كلت تعبت اوووي كلساع اعيدلك مالي خلك متحسسه وروحي بخشمي اوووكيي لتضوجني يلا حبيبي حياااتشي انته

تعال ابوسك

رجعت للفراش تمددت وهي تبوس وجهي

وضلت تشم بركبتي وانه مغمض وعايفهه

بوست اذاني وشاورتني ..

- وياك سند وام سند يحبوك هواااي هوااي

وميعوفوك وحدك

حتى لو اهلك اذوك احنه نداريك

بوست ركبتهه ونزلت جسمي شويه وضليت كامش بطنهه وابوسهه وراسي فوكاهه ..

سكتت بعد وانه هيج بين بطنهه وصدرهه صارت  نومتي ..

كعدت على صوت امي وهوسه الجهال

كمت سلمت عليهم وتغدينه وراهه خابرت

بيت الشايب سألت على عادل وكال بس منطيه اكل وعايفيه بعده بالغرفه  كاعد وساكت ...

ريري اخذت خبر اكيد من الدكتوره

تكدر تنطي دم بس بطل واحد وتعوضه بالاكل بدون دهون ....

اخذتهه للمستشفى سحبو منهه الدم وانه

مشتريلهه عصير واكف يمهه ..

من كملت انطيتهه تشرب وشفت بيهه حيل يلا رجعتهه للبيت ..

امي كضتها كله تسويلها الاكل  شوي

وتنطيها لبن وكرفس وثوم وانه كاعد وياهه

هم اكل و ادور وياهه بالبيجات على ملابس هي بالهه تشتريها وانه اختارلهه منهن ..

عبرت ٣ ايام واخذ الحجي ورجعنه لعادل

وانه الوكت كله كايللهم هو طالع بشغل وناسي تلفونه بسيارتي ...

رحت شفته عصبي مايتحاجى اول ما شافني

هجم عليه خنكني والولد يفاككون بينه

بالف ياعلي خلصت منه وطلعت اجر نفس بره واشرب ماي ..

ضليت اسمعه يسب بيه ويسب باهلي

ويكفر ماخلى لا رب لا نبي لا امام

وانه من بره اصيح واتلاغى وياه

وهو حتى الحجي هم ضاربه ومطرده

ضلينه كاعدين بالمضيف ويه الشايب

وهو كال لبة الموضوع ...

- عادل مو بوعيه مغسول غسل كلبه وعقله

وشيسوي يروح يجي هاي من الزن بالراس

الحجي كال واضح عليه وانه وصلني خبره

بس بيتي صعب اعالجه وناس تشوف حاله

انه فهمت من الحجي هو مايريد الي مخلي هيج يوصل مواصيل يدري بينا عرفناه

وراح نعالجه .. فهمته يخاف من اليعرفون

لا يأذوه ...

رجعنه وعفناه يم الشايب كال هو يكعد يتفاهم وياه هالايام وبراحته يعالجه بدون مايتعب اعصابه ..

صارت الايام عندي مابيهه روح

كل فكري يم عادل وحاير ارتب جذب كدام الاهل حتى اغطي على روحته ...

ريري  خفت عدها الحساسيه بس شكل عدها فقر الدم ... لان كلشي تاكله وره شويه تلعب نفسها وتتقيء كلشي اكلته ...

كبل مارجع لدوامي اخذتهه دكتوره هنا حتى تشوفلهه حل للعبان نفس وكتبتلهه ابر

وحبوب كبل الاكل .. عفتهه زينه ومرتاحه عليهن .. تطمنت عليهه يلا رجعت لبغداد ..

باشرت دوامي وضال على التلفون ويه

بيت الشايب اتطمن على  احوال عادل

وهو يكول مايحجي بس صياح على الرايح والجاي .... النهار والليل بس يصيح ويسب بيهم ويكفر ..

شوكت مايسمع صوت اذان الفجر يضل يكفر

ويعلي بصوته وهمه اكو عدهم ولد اثنين

شغلتهم بس يسكتون بصياحهم ..

يرحون عليه للغرفه بس يشوفهم يسكت

ويضلون يجبروه يسبح ويتوضى ويضل كاعد

واحد منهم يمه لحد ما تطلع الشمس ويجيبون ريوك ... يخلوه ياكل ويصيح بسم الله الرحمن الرحيم بالبدايه وهو يسويها مصيبه عليهم

بس تالي يحجيها ...

يخاف من واحد من الولد بس يجي يمه شيحجيله  يسوي حتى لو يعاند بالبدايه بس يرضى بكلامه ويهدا ويسوي كل الي يريده ..

صار دوامي بي تعويض الاجازه وتاخر نزولي أسبوعين.. بهاي الايام انه اطلع

للكاظميه وره صلاه المغرب هناك اتعشى

وازور الامامين و اضل ادعي لعادل كون الله يغفرله ويرضى عليه ويرجعه لعقله ويحفظه لبيته وجهاله...

اشبع زياره واطلع اتمشى اشتري كل مره نوع حلويات للاهل واشوف شغلات للبنات

كلايد وبجايم والولد اخذلهم مسدسات

واجمعلهم كل مره هديه شكل ..

واطلع اتمشى بشوارع الكاظميه

انه كِلش نفسي ترتاح بيهه احب هالمنطقه

من بين بغداد كِلهه ...

افتر بالسياره والمكان اليعجبني اطبك وانزل اتمشى بي ..

اكو محلات راقيه وكبار هنا كلشي بيهه

اطبك براس الشارع وانزل افتر بيهن

شفت هالمره اكو سيارات ع الشحن تشتغل

كبار ويلمعن حلوات كِلش كعدن بعقلي

صحت الولد وخليته يشغلهن وشفتهه شلون

تمشي واضويتهه وستيرن وبريك وهورن بيهه ...

اختاريت وحده لونهه اسود وسمائي

كلت هاي لابني شوكت مايكبر يصعدها ..

وره شجم يوم هم رجعت للكاظميه

وانه احب شارع المحيط لااازم اطلع عليه

شكو محل فرع بيت كلهن حافظهن

احب الشارع هذا بالشته بالليل يصير الجو بي

مال لندن هيج انه يعجبني ...

شفت هالمره كره سله ... السله تتثبت بالحايط و وياهه الكره بيضويه جوزيه من هاي القويه

هم اشتريتهه....

صورتهه ودزيتهه لريري ...

خابرتني وانه بالسياره افتر ..

- لك حويدر شو عقلك بالملاعيب صاير !

شعجب!!

- فلوسي زايده شسوي

-بلاا شقى كول شعندك تجيب وتكوم

خاف عندك جاهل ومادري ولك !!!

كوووول داجي احرك بغداد على راسك وراس الخلفوك

- ييييييييي بويه شبيييج كلشي عندج افكار صهيونيه

هسه انه شوكت لحكت يصير عندي جاهل ومتدرين بي ! چا انتي مو هستوج حاااامل

- اييي بعده بطني وانته هاي المن تجيب وتكوم سالفتك مارتاحلهه

اعترف احسن ماصيدك ويصير غير حجي بعد

-بووويه والحسييين اشتري لابني شبييج

چا مو منتظرين الجاهل منج

- لك بين مايجي ويكبر ملاعيبك هاي

تصير اثريه

-اي انه اريده يلعب بشغلات اثريه

كيفيي ابني وانه حر بي

اجيبله هسه اجيبله بعد سنه لو عشر سنين

كيفي

-هااااا

يعني هسه ماعندك شي منا منا

كول عادي تره روحي رياضية اووكييي

-ههههه  عليج علي!

من شوكت هاي ! من صرتي كيوت ومامه

-اييي مو هم واحد شويه يكبر ويعقل

تعرف حسب المزاج يعني

- انه خايف من ولادتج يكولون نفسية المره هنا بالانفاس هم موخوش

متنراد ...شلون بيه ساعتهه اخذ ابني واهج واعوفج

- دكعد رااااحه حويدر اكعد راحه

مو لازمته للساني وداصير ام مؤدبه

وزوجه حنونه ليش تخليني اغرد واكسر هيبتي

-هههههههههههه وعلي مشتاقلج

لج مابدلج بعشر نسوان

- واذا اجتي ال ١١ تبدلني مو ؟

- عمممي ابتليت !!! لج شلون مصيبه انتي

-انته حجيك صاير يخوف احسك راح تطلع عن طريق هاي فرفرتك مارتاحلهه

شكو تفرفر متروح تنام ! عفيه رجال روح عمرك الشارع والسياره !! والتبصبص

بالكظماويات

- ياااابويه هالاسطوانة الماتخلص

لج وعلي انه هنا جاي اشوف الشارع اهدي بالي شويه اغير جو ياكظماويات انتي

هنه وينهن !!! شارع فارغ ماكو ولا كظماويه

بس طوابيك وشجر

- ايييي تدورررهن وماتلكط طالع متاخر

حراامات مالحكت عليهن

- اطلع بعد للجادريه احسسسن هيج وكت كلهن يلتمن

- اااااخ ااخ لك هم  اكو  وحده ثوووله مثلي

وعقلهه محشش !!!

اني لو ما براسي ثول ماخليك تداوم هناك

بس هو الثول شلون يصير احمر اخضر !

- هههههه يصير اصفر مثل وجهج

- تره حااامل ومريضة اوووكييي

- روحي اكلي بويه شتردين مني حاركه اعصابج وياي وانتي حاامل ومريضه

روحي انه اتعبج روحي

- امممم اسمع عيووني حياتتششي

صح اني مالازمه وجهك هسه ومفكسه عيونك الي تفرفر بالشوارع والدوائر

بس ابننك يمممي اووكيي

ديربالك بس تغثني وتسويلك مكسوره

اشرد واعوفك تلطخ راسك بطوابيك الكاظميه

- والله وقسم بالله ياريري اذا طلعتي

واندكيتي بابني وتحرميني منه

قسسسم بالله اموتج

- اوووكي لعد متفاهمين صير حباب حتى اني مااموت

يلاااا چاو اروح اضرب ابره

هاي اجتي فضه

- يلا عفيه بالسباعية

سديته وكملت طريقي ...  ثاني يوم راجع من الدوام وخابرني حسنين..

- ها خويه

-اكلك حيدر هاااي المره يمنه اجتي

وشابعه بجي ونين على رجلهه

ورايحه محلله طالعه حامل وكعدت نصبتهه مناحه

-هاا بالخير ان شاء الله

شكو البجي ؟

- اكله تبجي وياامن يسكتهه

تكول عادل بي شي مو من عوايده يطلع هيج وميخابر ولا يسال علينه وراح يقبط شهر ماسامعين صوته

- استغفر الله دبرهه خويه دبرهه

- انه كلت لو انته تخابر الجماعه وتخليهم يخابرون على رقمي وانه انطي تلفون للمره تحجي وياه

انطي لسيف هم رايح راجع يسأل عليه

شتكول  انته ؟

- والله مابيهه شي هسه اخابرهم و انطيك خبر

-اي بعد اخوك انتظرك انه

سديته وخابرت الولد تفاهمت وياه وحجيتله وضع الاهل كلشي مايدرون عليه وهو تكفل بالباقي ...

رجع خابرني حسنين وكال حجو وياه وزين

سلم عليهم وكللهم ناسي تلفوني ومشغول

وهيج برد كلوبهم عليه ...

وره شجم يوم صار نزولي للبيت ..

ضليت اجيب وانزل بالغراض من السياره

الجهال كلهه ذكرتهه وكلمن وعلاكته

واهلي كل الحلويات عدهم

وريري يمهه العاب ابنه عجبنهه وأمنت من صارن بايدهه ...

كل عقلهه انه اشتريهن لغير ولد ...

رحت ثاني يوم اشوف عادل ...

كعدت وياه هالمره زين هادىء بس

احاجي ما يردلي ..

متمدد ومنطيني ظهره ...

ادنك عليه ابوسه احاجيه خويه رايدلك الزين

وانه اخوك مااذيك واحرمك من العيشه

بس هو ساكت ولا دار وجهه ولا حاجاني ..

كعدت تفاهمت ويه الشايب ...

حجالي جاي يعيدون تأهيل نفسيته

دماغه افكاره واطباعه كلهه جاي يغيروهه

وهو هسه مايدري منو صاحبه منو عدوه

وشكو عمل وجن ساحبيه منه بس ضال تأثير الجان بي مخليه لا عقل ولا ادراك وهسه ضال فارغ عقله شيعلموه يمشي عليه ..

شكد ما كلبي مكسور عليه كلت الحمدلله

تلاحكتله واتأمل خير بالجاي ..

خليت بايدهم فلوس تعبهم وانه جنت ماخذله ملابس جديده ومسواك ..

رجعت للبيت ولاكاني حسنين ..

عاتبني ليش رحت وماخذته وياي

وضل يسألني شلون وضعه صار وحجيتله الحال ...

كال يريد ياخذ اخته للبيت حتى تراجع دكتوره هي وامهه عدهم موعد اليوم ..

اخذهه وضليت انه كاعد ويه اهلي ...

ابويه وضعه خير من الله صارت صحته

كلش زينه ...

يمشي براحته ويطلع بالمنطقه يفتر يروح على بيت عمامي ويطلع لفواتح ومحل عادل

مال مفروشات بالسوك هو يروح يفتحه

ويكعد بي يمشي الشغل ..

جنت ناوي اذبح لسلامته بس كلت عادل

مو هنا وكلبي مانطاني اسوي عزيمه واخويه مايحضرها ...

نويت بس يرجع عادل بسلامه اذبح لاثنينهم واوزع المنطقه كلهه ..

اخذت ريري ورجعنه لبغداد .. راجعنه

دكتوره .. هذا شهرها الخامس ..

عرفنا جنس الطفل ... ولد ...

من فرحتي وانه يمهه بس سمعت الدكتوره كالت ولد كبل شلت ايدهه وخليتهه على حلكي ابوسهه واباوعلهه مدمعه وتضحك ..

دكتوره انطتهه ابر ضروري تلتزم بيهه

كل ٣ ايام ابره مقويات ...

طلعنه من الدكتوره.. بالسياره كلتلهه..

-لج ابوس راسج ! ابوس بطنج ! ابوس كلبج! لج شسوي فهميني !!!

لج راح تجيبيلي الولد

اووووويلييي الله

ضلت تضحك وانه كامش ايدهه ابوسه واخليهه على كلبي واسوق ...

- حبيبي كولي شتريدين اشتريلج اي شي بنفسج هسه كليلي

مشتهيه فد اكله ! اخذج فد مكان عاجبج

كولي

- اييي اولاااا اريد كانيور

- يجيج بس نرجع اجيبه الج ادللي

-ثانياً اريد اروح مركز تجميل

-وعلي وجهج يلمع مابيج شي

-ادري يلمع لعد اعوفه خايس !

بس اريد اسوي تنظيف للجسم اريد

احجز حمام مغربي شويه ع البخار انتعش

وجسمي احس من كد العصارات صاير مدري شلونه معاجبني ومابيه حيل اجلف عيني بسررعه اتعب ادووخ وداعتك

- چا عندج فقر دم ليش ماتدوخين وتتعبين !

-ايي هسه اروح ؟

- اي حبيبي ادللي اليوم شتردين بنفسج يصير

حمام مغربي انه مافهم شلونه بس سوي اذا يريحج

- اييي عومري بعدين تتلمس وتشوف الفرق

تكوم انته تاخذني من وحدك

- ههههه يابعد روووحي چا كثريلي هيج سوالف .. ابو سند محروم صار هواي

رجعي نشطه رجععععي حبيبي

- اوووكي يدلل حويدر

اكولك لون شعري حلو لو اغيره ؟

- اي غيري اريد تسوينه هذا الهيج عبالك لون مال رمل

-اييييع لااا بي قصر يتلف شعري

شوف لون هيج شويه غامق

-چا سوي بكيفج انه ماحافظ كل الوان الشعر

انتن سبعين الف لون تستخدمن

- زين هاي لعد شمعرفك اكو لون رملي !

وين شايفه !!! منو هاي صابغه شعرهه هيج

وضاله بالك وعاجبتك !!

ضربت كصتي وضليت اصيح ..

- تورررطت يااابويه ياخضيير

شيخلصني من لسانهه

عدلت كعدتهه وندارت عليه وفتحت تحقيق

ماخلص لحد مانزلنه للبيت وهي قافله

انته تباوع ع البنات و تركز بيهن و تخوني بعيونك ومن تنام تضل تفكر بيهن حلوات والشعر اشكر و تلعب نفسك مني لان حامل صرت محلوه ..

اجيب واقنع واحجي ومايفيد ..

عفتهه بالغرفه مطنكره ورحت انتظر

يجيبون كانيور ...

همه جابوه وسمعت صوته طلعت تركض

وهو كمز عليهه ..

رجعت تضحك وتبوس بي وهو يشمشم بيهه

وضلت كاعده ع القنفه ومخليته بحضنهه

ورجعت تحجي وياي عادي ومزاجهه حلو

ونست العركه كلهه ..

تغدينا واخذتهه للمركز وصتني انتظر ابو التوصيل وادفعله .. وضليت طابك سيارتي

يم المركز ومشغل ملخص مباراة واباوع بالتلفون وكانيور عفناه بالبيت ...

خابرني ابو التوصيل ونزلت اخذت منه الغراض  ورجعت للسياره .. وكل شويه اخابرهه وهي قفلت تلفونهه ...

كعدت اشوف شموصيه ؟ فتحت العلاليك

وكلهه ملابس نوم عريضه .. عفتهن ورجعت للتلفون شويه ودك رقم غريب جاوبت وطلع ابو توصيل ثاني ...

ضربت على كصتي وهو كالي قريب

عليك ..

نزلت وانتظرته وهم استلمت منه ورجعت للسياره .. كعدت اشوفهن طلعن مكياج ومعطرات ..

لبست النظارات ورجعت الكشن واخذتلي غفوه ... وكعدت ورجعت غفيت وهي بعدهه

انه نمت بعد مادري بالوكت ..

وتالي حسيت عليهه تدك ع الجامه

كعدت وفتحتلهه الباب وشفت الدنيا غربت ...

- لج هاي دكه تسويهه بيه !

جان كلتي اتأخر اعوفج واروح انام بالبيت

وضلي لليل شكو شتلتيني هيج !

- اييي بلا احتاجيت شي شلون تروح وترجعلي لازم تضل يمي

-وتلفونج ! شكو تطفيه! شجم مره كايلج بطلي هاي السوله

- شوف صراحه اني جنت فاتحته بس من دخلت للحمام طفيته لان اريد اصير ريلاكس

وانته ادري بيك كل خمس دقايق تكولي وين صرتي

- يااااابويه انه متعجب على روحي شلون جارعج لهسه وماكسرت ضلوعج

- اييي غير حبيبتك ام ابنك ااانييي

واليوم انته كلتلي ادللي

- اتخليني بعد اكول التوووبه من دلالج

كل شويه نازل ادفع وارجع

منين مادير وجهي اورق وياااريت محصلي شي

- يلاا هسه اني ريلاكس لتضوجني اووكي لتضوجني

تجيبلنه عشه. ؟ اني نظيفه كوولش ماريد اتدهن

- توصخي واسبحي عدنا تانكي ماي يكفيج

- مووو خطيييه ااانيييي حيداااار

- لا اله الا الله كرهت اسمي وعلي كرهته

- ديلااا لتجيب اصلا اني اكلت ابقى انته حير بروحك

شافوني خوش اورق هم خوش دللوني جوه

تنظيف وتلميع وبخاار عيني يفتح النفس

وترطيب من هذا التووووب

الريحه اوووف اوووف تجنن بس اشم بايدي وشعررري غيرت لونه وهم معالج رجعله النعومه كلهااا والريحه تجنن صارت وهذيج اللمعه والفير يخبل ..

كووله لخااطر حبيبي حيداار اووف شكد احبه

باوعتلهه وضحكت .. كلتلهه ..

- ناخذ صاج لحم لو دجاج ؟

- دجااج عوومري

- كولي حبيبي احلى

- حبيبي حبيبيييي ابو الحيادر

اخذنا العشه ورجعنه للبيت ... عفتهه بالغرفه وطلعت اخلي اكل لكانيور ..

غسلت ورحتلهه ...

شفتهه لابسه ثوب   كصير و صلوخ فانيله رصاصي وحاشيه سوده وطابع على بطنهه

وشعرهه ملفلف و لونه بين الجوزي والعسلي

جان هو على شكار وبي خصل هسه احلى صاير ...

ردت احضنهه ماخلتني ..

- اخذلي صوره قبل متخرب شعري والحمره هيج اريدهه تبرز هاي جديده اووكيي

ضحكت ووكفت اصورهه وهي تأشرلي على بطنهه ..

خليت ايدي على بطنهه وصورتهه بس هي وجف ايدي مبين على بطنهه ...

شبعت صور وانه اخذت راحتي ...

ثاني يوم باشرت دوامي ...

وانه كلش ارتاااح من اداوم وهي يمي

حتى هي الكاهه نفسيتهه مرتاحه وماكو هذاك الاستجواب اليشلع الكلب ...

يومين وخابرت امي تريدني ارجعهه لان فضه تعبانه من الحمل هاي اول شهورها وراحت لاهلهه .. والجهال محد يداريهم

اخذتهه رجعتهه للبيت ورجعت لدوامي

اسبوع وريري انطتني خبر ...

عرفت منو الي مصاحبهه عادل ...

طلعت هاي اخت ام سيف الصغيره

بعدهه عمرهه هسه يلا ١٩ سنه

ريري مخليه رقمهه بالفيس ومحصله حسابهه

وضاله تراسلهه من حساب ثاني وتعرفت عليهه واخذت هواي معلومات منهه ...

وصيتهه تضل تسحب منهه حجي حتى نعرف غايتهه شنو ؟

لوكت نزولي شهر السابع ٢٠١٧..

كدرت ارجع عادل للبيت ....

متغير بكل شي .. الولد هناك كلولي صار احسن وهو يرجع ويه حياته يتأقلم

واخذته للبيت .. يسلم ويحجي ويه الكل بس انه ميحاجيني ...

اي شي احاجيه يضل ساكت مايرد عليه ..

وفيت نذري وذبحت لسلامتهم ..

صارت حصه ابويه كلها للتوزيع وحصه عادل للعزيمه ...

عزمنا كل اهلنه ومعارفنه .. ميوزه بالشارع من الطول للطول ..

وكت كعدنه نشرب جاي .. حسنين .يمي

واثنين من ولد عمي واخويه عزيز

واجاني احمد يصيح ..

- وينك عمي ابو سند

كلهه ضلت تسأل ياهو ابو سند؟ 

انه صحتله ..

- تعال تعال

كالي ..

- عمي سيارتك حركهه ابو البيت يريد يطلع سيارته

جان حركتهه انه بس سيارتك عمي تكرك خاف تنضرب وشيخلصني

ضحكت ورحت وياه حركنه السياره ورجعت

كعدت يمهم وحسنين كال ..

- ابو سند ؟؟ ولد جايك يعني !

ضحكت وكلتله ..

-اي ان شاء الله

دار وجهه ورافع حواجبه ورجع شاورني

- شكو فرحان و شايلهه لمرتك شيل من كاعهه !! على كسران الوجه مكيف وشاك وجهك بالضحكه !

كبل خزرته وضليت عاصر ايدي وهو رجع شاورني ...

- حرفت نسل الساده وخليته من بطن الشوارع والملاهي يطلع راسه

خلي ابوك يشد رايته بسوايتك

كبل ضربته بوكس على حلكه والولد كلهه كامت وانه ضلت عيني بعينه خزرته وردت اضربه النوب بس عزيز جرني وضل يذكرني العالم ملتمه وهو اكبر مني وعيب السويته ....

عفتهم وشغلت سيارتي وطلعت بعد مارجعت للبيت ...

تخابرني ريري ماجاوبهه .. يخابرني عزيز

هم ماجاوبه ...

ضليت وحدي كاعد بالسياره وحجايته تدك براسي ...

' نسل الساده من بطن الشوارع والملاهي '

.

.

يتبع💕

..♣️🩸 ماء مغلي 🩸♣️..

* adzzon *

ضليت وحدي كاعد بالسياره وحجايته تدك براسي ...

' نسل الساده من بطن الشوارع والملاهي '

انتبهت تلفون يدك ..

المتصل (راحتي &عافيتي)

اتعوذت من الشيطان وجاوبتها..

- ها حبيبي

- شبيك ابويه انته متكولي وين رحت وعفت الصايح والعايط وراك

- طلعت احسن مااضل كاعد واسويلي كارثة

-شصار ! وينك هسه مترجع ؟.

- شويه وارجع احجيلج

-زين اووكي بس تره ابو صماخ راح لبيته

ارجع هسه

-ماشي

سديت الخط وشغلت السياره ورجعت للبيت

ضليت كاعد ويه الاهل والي يحاجيني على سالفه حسنين اسكت ماجاوبه ...

لليل يلا راحو الخطار وكدرت اصعد لغرفتي

وشفت ريري .. واكفه تدهن بطنهه ..

- هاي ليش ادهنيهه ! ماليش هذا !

- دهن مانع تشققات مال حمل

- والله انتي انظف حامل شفتهه

اذكر اختي اول ماحبلت واجتي اسبوعين يمنه

نايمه وشاده راسهه فوك الحجاب وصله

وشادتهه صفح وشاده بطنهه بعلك اخضر

فوك الدشداشه

وعلي جنت اكللها ماخذيج تحوين بالزرع

شبيج محزمه ونايمه !

- هههههههههه خطيييه مو هاي تتعب

وتكره روحهه من لعبان النفس

- چا انتي لعابه ضليتي

- مو اني طبع بيه هذا ماااكدر عومري

بوست ركبتهه وهي ضحكت ..

- تدرين انه اشوفج احلى صرتي بهاي بطنج

حتى صاير احب احضنج اكثر من كبل

ومو تكليلي ماتحب تحضني جنت تقشمر عليه

تره جاي اكلج زايد يعني زااايد الحب

- هههههههههه ايييي اووكي فهمت

لا لتخاف مزاجي زين هسه كولش ريلاكس

- اي ياالله

چا خلي احجي براحتي

صدكي لو بيدي اخليج هيج تضلين بعد جسمج كله هيج .. بطن شحلاتهه تتمشين بيهه

يااابووويه انشده بيج وعلييي

شايفه من تفتحيلي كاميرا واكلج تمشي شويه اشوف بطنج

هااي هنا كبل يطلب عندي الحضن

واللللللللللل ..

ضحكت وعضيت خدهه وهي تضحك

وتتلمس بوجهي ..

كعدت وخليت راسي على رجلهه وابوس بطنهه كل شويه .. واكللها..

- شكد ارتاح يمج ياااربي دخيلك

هيج الراحه تصير بشر

هاي الغرفه وياج تصيرلي جنه ..احسها احلى مكان بالدنيا اكعد بي

- واني اضوج بيهه من انته ماكو

مااحبها بس وياك

- رور شكد تحبيني !

- هههه هااا صعدت عندك الهرمونات

مثلييي

- من الشروووط هاي ولج چا شحجينا !

- ايي صح صح

بس احبك هواي

يعني بس انته احبه بكل الدنيا .. بس انته اهلي

وحبيبي وصديقي المقرب

انته شكد تشوف احبك تره قليل لان بس هالواحد بحياتي انته شكد مانطيك حب احس ويه الايام اكو بعد اكثر لازم اخليك تحس اني احبك اكثر

- وانه احبج بكل روحي

مخلي ايدهه على شفتي وابوسهه وهي كلتلي..

-  تعرف الحامل حساسه كولش

واني احساسي هسه ديكولي بيك شي

حتى محبتك اليوم مختلفه

شبيك احجيلي؟

- ضوجني حسنين حجى حجايه شكت كلبي

سمع احمد يصيحلي ابو سند وهو تخبل

يكلي .. حرفت نسل الساده وخليته من بطن الشوارع والملاهي يطلع راسه ،خلي ابوك يشد رايته بسوايتك ..

ضلت هي ساكته وجرت ايدهه من ايدي

باوعتلهه وهي الدمعه بعينهه .. كلتلي..

- تندمت عليه ؟

- لااا هاي شبيج رور شايفتني شكل واحد متندم !

احبج انه شعليه باليحجي

انتي ام ابني بعد هالحجي عيب ينحجي

وانه ضربته بلحظتهه .. ضربت فجه وسكته

مسحت دمعتهه وكلتلي..

- مبين راح يبدا سرنا ينفضح حيداار

- ما خايف انه واذا هو طلعت منه حجايه علينه اعرف اسكته ماخلي شي ياخذ مني راحتي هاي تعبت يلا حصلتهه

- واذا اهلك عرفو بزواجنه شلون صار ؟

راح يكولون طلكهه

تطلكني ؟

- يا طلاك حبيبي شبيج !

اهلي اذا عرفو نكعد نحجيلهم كلشي

رضو خير على خير ما رضو اخذج ونطلع

من البيت

هو اول وتالي احنه راح نعيش وحدنا بغداد

بعد شكو خايفه !

- اخاف يحرموني منك بسوالف النسل والشرف والساده

-لااااا كافي لترحين زايد

انتي مرتي وبينا ولد بعد ياهو الي يفك حلكه عليج !

كعدت وبوست خدهه وهي تباوع بعيني وتكلي ...

- حيداار ديربالك تنسى تره بس انته بحياتي

اني حبيت الدنيا والناس لان انته وياي

- وعيونج هذا اكثر شي انه احبه بيج

انه كلشي بحياتج .. انه احبج هيج ماعندج احد حتى تضلين بس الي انه احبج والحسين

كل روحي بيج

ضحكت وحضنتني .. كلتلي ..

- لازم اخذ لقاح واخاف ترجعلي الحساسيه

- نروح للعياده ونسألهم نحجيلهم على حساسيتج يلا تلقحين

-اووكي

حيداار حبيبي نام بحضني مثل قبل

ضجت بس تحضني من وره علمود بطني

- چا غير اخاف عليج يالحبيبه

عضت بطرف سنونهه لحيه بحنجي وضحكت ..

وكفت انزع ملابسي واجيت نمت بحضنهه

مثل اول ايام ..

اخلي راسي بركبتهه وايدي جوه جتفها ورجلي بين رجليها ...

وهي تضل كل شويه تبوس براسي وتتلمس

باطراف اصابعهه جتوفي وظهري ...

انه هيج بساع انام وهي مادري بيهه شوكت تنام بس اشوفهه تكعد كبلي ..

اخذتهه اليوم للعياده الشعبيه وسألنه على لقاح

كالو مابي تأثير حساسيه واخذت اللقاح

ورجعنه ...

للعصر انه كاعد بالشارع وهي دزتلي رساله ..

-  تعال داخذ رأيك بشغله ضروررري

طبيت جوه وهي واكفه باب الهول

شافتني وراحت جوه وانه وراهه

كعدنه بغرفه ابويه ...

هي كامشه تلفونهه وتحجيلي...

- هاي صاحبه عادل دنتراسل اني وياهه

و ع اساس صرنا مقربات وكذا

وجنت اشكيلهه .. قسمتي واكفه ومداتزوج

واهلي مو زينين وياي

نسوان اخوتي وكحات ولاعبات بينه لعب

واجيب واشكيلهه

وهي دتنصحني بوحده تكول عليهه توب شغلهه وتفتح القسمه والي بالج تجيبه الج

ايي رجال تريديه وعاجبج مواصفاته

تخلي يصير قسمتج وحدج وتزوجج باقرب وقت بس تريد فلووس وتروحين تنطيهه

صوغه

- صوغه شنو ؟

- هيج يعني هديه الهه شلون احنه نكول رشوه

لازم انطيهه فد صوغه ثكيله حتى تنطيني موعد فد يوم تخصصه بس الي وتكعد تسويلي جلسه تفك قسمتي

- هاااااا والله عمي عليهن حجز !

- ابو البرلمان مو مثلهن يتمضيك

هسه دكولي شردلهه ؟؟

دتريد مني انطيهه خبر اكيد حتى تخابرهه

ونحدد موعد نلتقي اني وياهه ونروحلهه

بس كون محضره الصوغه وياي

لهذاك اليوم

- لا بربج !! هم نرجع لبيوتهن !!!

لااا ريري لا تجازفين هيج بعد

- هسه شنو لااا دخلي نروح نشوف شكو ماكو

منو هاي راس البله الجديد

- رور نسيتي انتي حامل وين ترحين تدوسين مكان نكس يصيرلج شي انتي والولد انه شيفيدني ساعتهه!!!

- يبووو حيداااار موو بالكوه يلا وصلت وياهه لهيج سالفه بعد شيحصلهه هاي !!

- ادري هسه لو ما خايف عليكم جان كلتلج اي ونروح بس بعد اكو الولد يارور لازم تنتبهين عليه مو وين ماجان تمشين

- هسه دخلي نروح حباااب

بس اول مره اشوف منو هاي وين بيت اليشتغلن بي ؟ غير دنشوف حل لسالفه عادل

لعد هاي تضل تحوم عليه وترجع توكعه بيدهه وتجر العائله كلها وياهه

- الوووولد

- شكوو عليه هسه نايم بطني منو اليوصله !!اشكه شك 

ابني اليندك بي احركه بكاعه

- انه خايف عليج لا تدوسين شي

مكان كله شياطين وجن شيوديج عليه !!!

- ديلااا هسه مو سيد وخبصه دسويلي رُقيه شي اشيله وكلشي ميصيرلي

يلا بدال متضيعهه عليه هالفرصه

اكعد فكر بشي تحصين

يلاا مو دتنتظر مني جواب ماريد اطلع جذابه كدامهه وتكوم بعد متجاوبني

- هسه كليلهه اي والله كريم لوكتهه

دزتلهه وانه طلعت وضليت افكر بحل لهالسالفه.. وبالليل رجعت للبيت

كعدت وياهه وسألتهه ..

- شصار بعد شردتلج؟

- كلتلي من هسه راح تنطيهه خبر بس لازم ادبرلهه صوغه ثكيله حتى من نروح تعرفني

عليهه اول مره وبعدين انتظر خبر منها يايوم تتفرغلي واروحلهه مره الثانيه

- زين هاي شتاخذيلهه!!

- مادري بعدني افكر

بس تره كلتلهه لازم هاليومين نلتقي وتاخذني

عليهه لان ع اساس ماعندي بعد مجال اخواني يرجعون وماكدر اطلع

كلت علمود انته موجود وياي

- بس هاي انه شلون اخذج ! كبل تعرفني

وبطنج شلون ؟؟

- يبوو حيداااار انته ضل بعيد ورانه

وبطني شكو عليهه مو لابسه عبايه وهي مو كلش جبيره دتبين

- ريري اخاف تتعبين بالمشي

بصعده السياره ويصير شي للولد

- اهووو هسه قابل لازكينه بتفله وتخاف لايوكع !!

ماعليه شي هاي النسوان مو كلهه حبلت وجابت ..يروحن ويجن ويشتغلن موظفات ومعلمات ودكتورات هسه اني ع الخطوتين

يصير شي لابني !

تره بنص بطني هو كاعد ومستريح ماشايلته على راسي

-ههههههههههههههههههه

وعلييي هرموناتج مابيهه سستم

ضاله اوبين سايت

- هذا الموجود معاجبك !!

-لاااا بويه انعم الله ع الموجود

ضلت رافعه حواجبهه وتباوعلي ..

كرصت خدهه يلا ضحكت ..

جان عندي تصليح بالسياره واطلع من الصبح

مارجع للعصر مااحجي وياهه ولا ويه احد

كبل اكل وانام لليل يلا اكعد .. اشوفهه نايمه

فانزل اكعد بره بالشارع اخابر واحد من جماعتي ونكعد ع الرصيف نكرز حب

ونسولف ...

وبهالمره كاعدين و شفت عادل وحسنين

جايين يتمشون لبيتنا .. غلست عليهم وضليت

اكرز حب وهمه وكفو يمنه سلمو وردينالهم السلام ...

جان يدنك حسنين ويبوسني من راسي

كالي..

- والله يابن العم بمعزية روحي انته

وااانه اتعذر منك حجايتي غثتك وانه ماريد اغثك انته صويحبي واخوي وعايشين بالحلوه والمره سوه

خاطرك عزيز عندي وماريد نتخارب

احنه اهل وانتو خوالنه وعمامنه ماعدنا غيركم

ضليت انه ساكت واباوعله وصاحبي

ترخص وراح ..

عادل كمش ايدي وجرني كومني وضل يضرب على جتفي ويكلي...

- انتو اخوه واهل لا تغلط مثل غلطتي خويه

شستفادينا من الزعل و شيلة الخاطر !

صافو النفوس صافوهه يلا هذااا اخوك الجبير وجاي يريد يراضيك عيب ترده وتخجله

يلا تعوذ الشيطان وباوس ابن عمك يلاخويه

حسنين يضحك وتدنى هو حضني وباسني

وكالي..

-هاااي لخاطرك خويه اانه باجر اخلي الاهل يسوولك ذاك الغدا الزين وانته جيب الاهل

وتعال وعلى راسي كلكم اعزاز عليه

- ان شاء الله

ترخص وراح واحنه طبينه جوه..

صعدت لغرفتي ولكيت ريري كاعده وفاتحه  تلفون ... سدته وكلتلي..

- وين جنت ؟؟

-بالشارع كاعد ويه الولد

تمددت يمهه وحجيتلهه على حسنين كبل كلتلي..

-لا منروح حيداار اجلهه

باجر هاي البنيه مواعدتهه مو وكت عزايم

- شوكت واعدتيهه شو ماكلتي!!

- هو اني حاجيه وياك داكولك !!

بعدين اني مو كلت وصيتهه هاليومين علمود قبل مترجع لدوامك تاخذني  شكو بعد متفاجىء

- هسه يعني مابيها مجال بس باجر !

-انته مو عكبه عندك دوام شنو بعد هالسؤال شفايدته!

- زين زييين اخذج بس وين المكان والوكت

- كلتلي .. كيفج الوكت شوكت تكدرين تطلعين من بيتكم واني كلتلهه ارجعلج خبر وتتحضرين

- وهاي شتاخذيلهه صوغه ؟

- راح انطيهه سوارات اثنين ذهب  صار موديلهن قديم وعندي منهن سته

اشيل اثنين وانطيهه احسن هنه هيج نسوان يكيفن ع الذهب

- ذهبج  هذا ولج شلون تنطي لهالزبايل

مايستاهلون عود شخاط مو سواراتج

- اييي ادري بس انتو تستاهلون

اني احبكم والذهب والفلوس هذني رخاص كدام سلامتكم

صدكني هذا عادل محروك دمي عليه اكول خطيه رجال شحلاته طول وجسم وكلبه طيب

وماتهنى بعيشته من وره هجامات البيوت هذني كل وحده تكعد براسه تطلع خياساهه

خطيه خلي نخلصه من سوسه البله هايه

بلكت ينعدل ويه فضه ويرجع حنين على عائلته يشوف هالجهال شبيهم مابيهم

وهم جايه طفل خلي يتهنى بي ليش يضلع منثول بالسحوره ويضيع عائلته

- اييييي والله صدكتي

عادل من ساعه ماتزوج هذيج الحيه

الله لا يهنيها باخرتها هجمت حياته هجم

وسممت كل اهلنه بسحورته وحقدهه

- صدوووك ذكرتني

تعال اكولك هاي امك ليش مكاطعه بيت طنطول ؟

- من زماااان امي كاطعتهم

سالفه صارلهه سنين شجابج عليهه!

- مو اليوم جنت داسألهه على عائلتهه لطنطول شويه اخذ معلومات منا منا

بس شو هي تكولي كلشي مادري

هالمله لا واصلتها ولا ادري بيهه

- اي هاي من تزوج عادل هذيج المصخمه

امي وامها تعاركن ..

امي مو صاحبه لسان طويل مثل امها

فسكتت وعافتهه بعد ماتلاغت وياهه

- هي المشكله شنوووو !!

- هااا سمعي هاي امي وامها يصيرن بنات عم بس مو اللح .. يعني جدهم يصير ابن عم

جدي ابو امي

يعني هي تصير لامي .. بنت ابن عم ابوهه

-اييي من عابت هالعمام

- ايي والله

هذوله اهل امي عدهم وكاله مال غذائيه

يوزعون الحصه بالمنطقه يعني

جدي من توفى صار واحد من خوالي هو متكفل بيهه .. عمامهم البقيه كلهم شياب وماتو

كبل جدي  .. بقى هذا ابن عمهم هم جبير

وصارت ملاغاة ومشاكل يردون ياخذون الوكاله الهم

يكولون احنه على كد حالنه ويردون يحولوهه باسم ابوهم حتى يورثهه ويحولهه لبناته من يموت لان هو عنده بنات هواي وبس ولد اثنين كلمن طالع بيت ومعتمد على نفسه بالعيشه وضالات بناته هنه مزوجات منهن

ضالات بس اثنين كبار بالعمر ومحد ياخذهن

ولزكو فد لزكه على خوالي يردون الوكاله

الهم ولازم يتنازلون عنها ويحولوهه لاسمهم

- يبووووو يالنفوس الطماعه

- فد نووب حاطين عينهم على بيت خوالي

ومن عينهم خسروهم الفوكهم والجواهم

خوالي كلهم واصلين دارسين وكلمن وظيفته

وسيارته وبيت جدي جبير تخيلي خوالي جانو كلهم بيت واحد وكلهم متزوجين

وجدي مسويلهم الطابق الفوك بس الهم

عدهم بي خمس غرف وحمامات وحولي

شكبره مخلين بي تلفزيون وقنفات

ومأثثين غرف للجهال والجوه هم غرف لجدي ولخالاتي جانن غرفهن وحدهن

والمطبخ وذاك المضيف شكبره

بيت رناان

وخوالي كل واحد طابك سيارته بالكراج

مسويهن سره وحده وره ثانيه

- ياااعينيي لاتكولي كل هذا راح

- راح طبعا راح هنه هذني خلن شي علينه

خوالي تخاربو بينهم من وره نسوان كل وحده صارت تريد شكل وكبل والله احن من هيج اخوه ماكو ... صار كل واحد يدور بيت وحده

وعاندو كلهم يردون يبيعون البيت

وياخذون حصصهم ويطلعون

جدي جان مريض وهو جبير باخر ايامه

كتب لكل واحد حصته وكاللهم بس اموت بيعو البيت ودبرو عيشتكم ..

من مات صارت عاد هوسه الوكاله

خوالي مارضو ينطوهه الهم لان همه لا يمهه ولا عليهه ولزكو الااا ياخذوهه

وصارت هذيج المشاكل كلمن يحيير شيحجي

النوب صار كل يوميه واحد منهم لو مريض لو سيارته مدعومه لو جهاله يصير بيهم شي

واحد من جهال خوالي انسحك ومات براس الفرع

- اوووووي خطيييييه

- اكلهه هجموو حالهم هجججم لحد ما واحد من الي جانو مدخلين بالعركه نصحو خالي الجبير يحوللهم الوكاله ويخلص من شرهم

لان كطعو عليهم العافيه .. هاي اذا ما مر عليهم يوم بقدر يكسر الظهر

يلكوهم واكفيلهم بالباب وااالف حيله طلعو بيهه

لو يرحون لفلان وفلان يتوسطون ويخلوه يخابر على خوالي وجيب ودي بالحجي والكعدات وصارت لعبان نفس

عاد امي هنا جانت ماخذه بنتهم لعادل

وماحجيتهه توصل حجي لاهلهه خلي يكفون مشاكل هاي وصيه ابوهه موصي لازم ولده

يديرون بالهم على الوكاله ويحفظون الامانه بالناس ومكمل معاملتهه ومسجلهه باسم ابنه الجبير يعني هي شغله بيهه حكومه مو بكيف الواحد ينطيهه لو ياخذهه

هذيج رايحه حاجيه لامها و امها راده حجي لامي مو خوش .. تكللهه ..

انتو عينكم وبطونكم متشبع من الفلوس

ولاغفين الاكو والماكو وكل واحد منكم

شابع فلووس لحد ما زايعهه ولان ابويه فقير ويريد يستر على خواتي هاي عزيوتهه علينه

امي انغثت من حجيهه تكول احنه مانخلي احد فقير ومحتاج ليش هيج تفكر بينه

ورايحه لبيتهه تتفاهم وياهه وهذيج لسان عراكه مجفصه بالحجي ويه امي

وامي طالعه زعلانه من بيتهم  ومحاجيه خوالي حتى ينطوهم الوكاله ويخلصون من لسانهم راح يشوهون سمعتهم بين الناس على همه طماعين وميديرون بال للفقير ومايساعدون احد وكاسرين خطيه البنات

ومناك هم واحد محاجي خالي كايله اكسر الشر واخلص منهم واذا تبقون ماتتوفقون بيهه

لان عليهه العين صارت شغله منفوسه

عاد خالي حولها الهم و باعو البيت وهجو من المنطقه كلهه ...

اشترو كل واحد بيت بنفس المنطقه

وخلصو منهم

وضلت امي من ذاك اليوم مكاطعتهم

- يبوووو شكددد نفسيه ونااس نكسيين

هيج كباحه مشايفه !!

زين هاي امك المسعده شكو راحت اخذت حنفيش من نفس ملتهم !!!

-ااانه ادري ! مدري شلون قتنعت وراحت خطبتهه وخبصتنه تكعد ويه عمتهه ويضلن نسوان متصافيات بينهن واخوتكم يضلون كلب على كلب

تالي خوش عصابه سون

- هم فطيره امك خطيه

اوووف اوووف هذني مال حرك ولو اني مابقيت عليهم شي بس بعد بيهم رس نكس

يخوف

- والله شبعنااا ضيم ياابو ضيم من وره هالمِله الكشره .. ابتلينه وصرنا وياهم عمام مدري خوال شو منين مايندارون محسوبين علينه اهل

- ديلااا خلي يولون حبيبي اووي عفيه لتضوج نفسك بيهم

خليك شويه ريلاكس باجر ورانه

تشغيل عقل اووكيي

-الله اليستر

هي رجعت نامت وانه كمت توضيت وصليت

الليل حتى ادعيلهه واحصنهه من شر المكان والناس ..

كضيت الليل كله انه اقرا سوره البقره

على راسهه وللصبح كملتهه ونمت شويه وهي كعدت بدلت ونزلت وانه كملت نومتي

كعدت على صوت تلفون وشفت حسنين يخابر ..

ذكرني بالعزيمه وشفت ساعه عبرت الادعش

كمت بدلت ونزلت لكيت امي وفضه متحضرات وينتظرني ..

ريري وصيتهه تتحضر وبس اخلص غدا هناك ارجع عليهه اخذهه ونطلع ..

رحنه كلنه حتى الجهال اخذناهم وضلت بس ريري بالبيت .. ابويه بالسوك وعادل لكيناه منتظرنا بيت حسنين ..

كعدنا تغدينا وانه عيني ع الساعه كل شويه اريد امشي ويطلعولي سالفه .. صارت بالثنتين بعد طلعت  وعفتهم ..

ضليت بالسياره مانزلت طبكت باب بيتنه وخابرتهه .. اجتي صعدت وطلعنه حسب المكان متفقات عليه ...

نزلتهه راس شارع كبل المكان الموجوده بي البنيه وهي اخذت تكسي وراحتلهه وانه وراهم ...

شفتهه وكفت التكسي يم فرع والبنيه مبوشه

صعدت وياهه بالتكسي وطلعو لغير منطقه

هم منطقه خرابه ونفس الدرابين الضيكه

هناك نزلن ..

شويه واحاني اتصال ...

رقم غريب جاوبت ..

- نعم تفضل ؟

- اني صخر من طرف الست

وصلتني  رسالتهه وبيهه رقمك

كالت محتاج فزعه واحنه بالخدمه

- يا فزعه عمي ممحتاج شي

- لاا هسه ماصار خمس دقايق وصلتني رساله مكتوب انته محتاج فزعه وياك عندك طلابه

واحنه من البارحه بالنجف كاعدين بس دلينه مكانك  وين وجاييك احنه بالسياره طلعنه

حسيت اكو شي وره طلبهه وانطيتهم العنوان

وضليت وياهم كلساع بالتلفون ادليهم لحد ما وصلو يمي ... نزلت وكفت وياهم وهمه فتحو باب سيارتهم وصاحوني ..

طلعو سلاح وجهزوه وخلوه بايدي ..

ضليت فاك حلكي واباوعلهم ..جان يكلي ..

- احنه مانتفزع لسالفه ما نختمها  بالدم

الست طلبت يعني نحتاج سلاح

خلي سلاحك بايدك وكول ويامن  طلابتك

- ماعندي طلابه وعلي

بس هي كاعده ويه ناس غربه بهذا البيت

وانه هنا اراقب خاف يصيرلهه شي

- نعلى على شرف خواتهم المسكط

وبعدك واكف ومكابلني !!!

ماحجيت بالتلفون ماتفهم انته الست شتقصد !!! منين جابتك انته متكلي

بعدني مافكيت حلكي ورديت عليه وهو

فتح الجكمجه وطلع الكاتم وشيشه صغيره

مال ريحه

وصاح على صاحبه ..

-  جيب باقي الشواجير واللثام

كمشت ايده وكلتله...

- لك بويه مانهد عليهم لا ننفضح

- لك اسكت اسكت

انته ماتفهم الست مثلي

لك فزعت صخر تفهم شنو فزززعتني

هاي بورطه جوه كاعده وانته مطفي راس الفهم متعرفه واكف هنا شتنتظر يدزوهه الك مجفنه !

امشي وياي ولاكسر عرض امه اليندك بيهه

لبس اللثام وصاحبه اجه لثمني ومشينه

بس اشرتله ع البيت كبل وكف يدك الباب فلشهه بالدك .. بس فتحوهه كبل كمشه طك ركبته وسحله وياه جوه وصاح ..

- يلا كدامي امشو جوه

مشينه وانه داير وجهي اباوع للرجال مدد بالكاع وهو سد الباب وقفلهه من جوه

باوعت هذا صاحبه وكف دفر الباب الجوه

وهي حديد مانفتحت عاد كسر الجامه وفتح السركي وطب ...

واحنه وراه نباوع الهول فارغ وانه ركض جوه رحت كل واحد منا راح بجهه

صخر كبل صعد فوك ..

وانه دورت بالغرفه الجوه بكل مكان بيهه حتى بالكنتور دورت عليهن وماكو هنه

كلت لصاحبه يضل جوه وانه صعدت فوك وره صخر وهو يأشرلي اسكت ..

ضليت واكف بمكاني يم الدرج وهو يم باب الغرفه .. شويه وانفتحت باب الغرفه

بس شبر واحد وهو دفعهه كبل وطب وانه وراه

شفت ريري هنا خاتله بالزوايه هي وبنيه

وهذني نسوان ثنين كبار وسمان واكفات مقابيلنه وشايلات سجاجين ..

انه كبل ركضت جريت ريري وصخر باوعلهه وهي هزتله براسهه جان كبل يضرب طلقه برجل اول مره ..

والثانيه هجمت عليه بالسجين وتصرخ

وهو من راسه جرهه وركعهه بالباب

وهم ضربهه برجلهه ...

وهذيج خانسه بمكانهه .. رحت جريت تلفون من ايدهه وهي كامت تعيط ..

ضربتهه بحافه المسدس براسهه واخذت التلفون منهه .. كبل كسرته خليته مطشر بالكاع واخذت السيمكارت ضميته بجيبي ..

سمعنه جوه صوت هوسه وصخر كال

ضلو هنا وهو نزل ..

ضلت ريري  تشاورني تكلي ...

-  اكتلهن هذني عرفني جنتكم وحاصرني استجواب

-لاااا يربي لج ثوووله انتتي ليش ترفعين بوشيتج

- لك لحن عليه لحننن وردت اطلع ماخلني

هذني يريدني انام ويه ولد هنا عدهم خاتل ضل جوه

- كتلناه بره

- لاااا واحد ثاني بعده شاب جوه بس سمع الهوسه كبل طفر ختل مدري وين

- لعد هذا لزموه جوه

امشي ويايه

جريت ايدهه وطلعنه من الغرفه وكفنه يم الدرج وصحت على صخر وهو كبل صعد

وجار وياه الولد ..

جان نسمع صوت صياح البنيه من الغرفه

ركضت عليهه وشفتهه فاتحه الشباك وتصيح

للناس عصابه بيتنا الحكولنه ...

جريتهه وضربتهه على حلكهه ومطلتهه بالكاع وضليت دايس راسهه وهذنيج هم تصركعن ضلن يصيحن ..

صخر صاح ..

- ست الصمهن الج بقيت بيهن روح

خاف عندج حساب وياهن

- لااا اصبر حسابهن مو عندي

اجتي عليه كمشت ايدي وتكلي ..

- هذني تدري بيهن منو ! ركز بوجوهن زين

ضليت اباوعلهن وكلتلهه ..

-ماعرفهن نسوانه احنه مانشوفهن

منو هذن ؟ يابيت ؟

- هاي مرت ابوهه لاخت طنطل المصخمه

وهذا اخوهه من ابوهه

- عليج علييي !!!

- هي بنفسهه كلتلي هذا اخويه وهاي مرت ابويه متزوجها بالسر وميعرف بيها احد بس اني اسألهه بنفسك

- ماريد اسأل بس كليلي هاي الثالثه منو !

- هاي اختهه لمرت ابوهه يعني خاله الولد

لعلمك هذني اضربين من امهه جانت امهه

تشتري منهن شغلات الي تسوي بيهن شغلهه

ومتدري بيهه  رجلهه متزوجهه وهي تطب وتطلع عليهم

دفرت هاي الي جوه رجلي وصحت عليهن...

- شبيييييجن انت شبيجججججن

دخيلك ياااااربي صبرني

كعدت بالكاع وجريت راسهه كلتلهه..

- شعندج ويه عادل

شتردددددين منه

ما حجت وركعت راسهه بالكاع وصخر صاحلي ..

- خويي اساعدك

شفت ايدي واعصابي ترجف كلتله..

- تعال بعد اخوك

كبل اجه شالهه من ملابسهه وثبتهه ع الحايط

وضل خانكهه .. صارت ترافس جوه ايده

وانه جريتهه منه وضلت بالكاع ..

رجعت سألتهه...

- شتردين من عااااادل لاخر مره اسألج

احجييييييي شجااابح عليه

اشرت على النسوان وكالت ..

- هنه يريدنه وياهن

دفرتهه ورحت دفرت هذني النسوان وضليت اصيح ..

- شتررررردن من عااااادل شتردن منه

كلهن سكتن و صخر رجع جر راس البنيه

وضل طابكه لظهرهه وبس كاللهه..

- جاوبي شيسأل جاووووبيييي

هي كبل كالت ..

- هنه يريدنه وياهن يريدنه نفس شغلهن

انه معليه بيهن هنه دزني عليه يريدن

يعلمنه مثلهن ويصير ابو بيتهن

انه اخويه رادني يمهم اجي وعرفت ودزوني

ماعليه بشي والله همه دزوني عليه

عافهه وانه كعدت وكامش راسي والسلاح بالكاع .. كعدت يمي ريري وتكلي ...

- حيداار اكتلهم واخذ بثارك

- شكتل انتي الثانيه لا تبليني بيهن

- اكتلهم وخلي نخلص عيشتهم بعد صعبه

يلا بقو عليك

- ماااكتل ريري لا تحمليني ذنب كافي الصار وسويته لهسه كااافي تعبت انه مو هيج انه مو سفاح واكتل بالرايح والجاي كااافي دخيل ربج ماتحمل بعد دم بركبتي

- لتخبلني ولك ضلو بس هذوله ونخلص

لك كلهم عرفونه بعد شلون تعوووفهم !!

- عوفينه خلي نتواجه ويه اهلنه وكلمن يتصرف وين ناسه بعد لا تورطيني بكتل

كاف جاي هسه ملثم واهجم على البيوت واكتل بنسوان

- لك لااااتخليني اشك هدومي حيداار

لك ضلو بس هذوله الاربعه تريد تفضحنا بين اهلك !! ميكولون منين عرفتوهم و شوداكم  عليهم !

- مااكدر ريري اااانه موو هيج ماكدر اكتل نفس

- اني اكتل ميخالف ااااني اكتل زيين

كووم وياي حيداار هذوله اذا مانكتلهم همه يكتلونه

- مااكدر اغدر باهلي هييييج افهمييينننييييي

هذني نسوااان ومن اهلي ماريد ابتلي بذنبهن

- كوووووم عااااد كووووم

نسوان البله التصخمتو بيهن

تريدنا ننفضح !! كوووم خلصنه

وكفت هي وشالت سلاحي بايدهه وكالتلي ..

- حيداار تعال يلا

اني اكتل اثنين وانته اثنين يلاااا

لا تعوف كلشي عليه

وكفت يمهه وكمشت ايدهه ..

- ريري نسلمهم شرطه

-احنه الننسجن بدالهم يالذكي

حيداار تره تعبت وبطني مغصتني خلي نخلص واخذني ارتاح هذني شلن حالي ولعبن بيه لعب

وماااطلع منا اذا ما اتطلع روحهن

ضليت اباوع عليهم وصخر اجه اخذ السلاح من ريري وحطه بايدي .. وكال ...

- انته ابو الثار لو بايدك لو بايدنا

احنه الزلم مو هي

وكفت اباوع على اربعتهم وكلت لريري..

- منو الاذاج منهم !

- هاي البربوك رادت تنومني ويه اخوهه

وهاي المصخمه مرت ابوهه تريدني اذا مانمت ويه اخوهه انام ويه اختهه

عوووود اذااا اني استحي يعني

- وهذا الكواد ! طخج

- لاااا بس كاعد يتمضحك بوجهي ويتغزل بعيوني

كبل شلت السلاح عليه ومشيت خليته براسه

وكلت ..

- ربي انته ادرى بالحال وهذا اندك بعرضي

ماعليه حرج

كبل ضربته طلقه براسه وصخر ضربه الثانيه بصدره

وكالي..

- لازم اثنين ختم امان الك تعلم خويي

ايدي ترجف ووجهي يزخ عرك انداريت اباوع للنسوان .. و هنه يتباجن ويتعايطن

وريري تصيح وتفشر عليهن ..

الباب جوه تندك و رجال يصيح ..

صخر كبل دز صاحبه جوه وكالي ..

- خلصنه اكتل يلااا

باوعت عليهن وصارو بوجهي كل عمامي

وصار بوجهي عادل ..

انه وكفت يم البنيه وخليت السلاح عليهه وهي ضلت تكلي ..

-  عاادل اعوفه والله اعوفه مادخل بي بعد

لخااطر ابويه استر عليه وعوفني والله ماحجي شي ولا اجيبكم بالطاري

نزلت السلاح وريري اجتي يمي وكلتلي..

- هاي رس امهه واهلهه بيهه

اذا مافضحتنا تموتنه بسحورتهه ولتنسى وياهه وحده بالبيت بعد كلشي سهل عليهه

اكتلهه هي بكل احوالهه عار ونايمه ويه عادل الف مره

لتنسى شنعرف عليهه من بلاوي

ضليت اباوعلهه وصخر صاح ..

- فضهااااا عااااد راح ننلزم

اكتلهه هي كحبه هسه خايف عليهه اكتلهه خرا بشرفهن

ترددت اكتلهه وريري جرت السلاح من ايدي وكبل ضربتهه اربع طلقات ..

كلتلي ..

- اني مااثق بس بيك

سوالف النسوان هاي فخ للزمن تضل

جرت ايدي ومشينه لباب الغرفه وباوعت للنسوان هذني سابحات بدم رجلهن وصخر

هو ويمشي كل وحده ضرب بيهه طلقتين

وطلع وسد الباب عليهن ..

كال ..

- اصعدو للسطح واني ادبر الطريق واخابركم تنزلون

اخذت ريري ومشينه للسطح من شفناه كلتلهه اببببد مانخطي خطوه بي ..

السطح على عرضه محطوط خشب بشكل مثلث ومنثوره الكاع بس تراب واثار شمع

سديت الباب وضليت واكف حاضنهه واقرا قرآن .. اخاف يلوحنن شي من شياطين البيت

وصيتهه تضل تصلي على النبي منا لحد مانطلع من البيت ..

وضليت انه اقرا بالسور وهي تصلي على النبي وطولت وكفتنه هنا فوك الساعه

يلا خابر صخر .. وكال انزلو السياره بالباب

وماكو احد ..

كبل نزلنه وهي راحت اخذت جنطتهه

من الهول وطلعنه شفنه سياره ثانيه غير الي اجوي بيهه .. كبل صعدنا وطلعنه ...

كلبي يدك سريع وكل جسمي يرجف

شمر علينه بطلين ماي .. فتحته وايدي ترجف

شربت وتنكعت ملابسي ...

ريري كامشه ايدي وتهدي بيه وانه سألته على سيارتي مال اخذناهه ويه سيارتنه

ضل يكلي أمن ومحد يدري بشي

من طلعنه حجينالهم عركه نسوان وشجم واحد ما صدك من الجيران طلعنه عليهم السلاح

خنسو بعد وكلمن طب لبيته ...

ورايحين ماخذين السيارات وجايبين هاي ومحد متجرأ من الناس يطب للبيت خاف تصير عليه الجريمه ..

وصلونه للمكان الي بيه سيارتنه ..

نزلنه وريري كامشه ايدي وتكلي ..

- حيداار مغص قوووووي بطنني دتتكطع

-لااااا يالله

ولج شووووصيتج

- لك هذني اخذني جر جر لفوك وكل شويه وحده جايه ضاربتني وهنه بكبر الفيل

- دخيييلك ياربيييي

مشي اليوم بسلامه دخيل اسمك الهي

اخذتهه كبل للمستشفى وضليت كاعد بره وهي بردهه النسوان جوه ..

شويه ورحت اسأل عليهه كالو معلكيهه مغذي ومنطيهه مسكنات وتصير زينه فد شويه

رحت للحمام غسلت وشويه وضليت اتقيء لعبت نفسي من كل شي شفته .. ودخت حيل

بعد اريد اشوف دربي مابيه ..

كلشي صرت اشوفه اظلم عبالك هسه

راجع من مكان بي شمس كلشي ماشوف واميز ..

اكمش بالحايط وكعدت بالكاع .. لحد ما رجعلي شويه حيلي يلا كمت رحت اشتريت عصير شربته وضليت كاعد بره ..

لحد ماخابرتني ريري يلا طبيت جوه

وشفتهه واكفه باب الردهه ..

رحت كمشت ايدهه وهي تكلي...

- خلي نرجع للبيت هناك اريد ارتاح

هذني ديطلكن وخوفني

- خلص المغذي جاي تحسين احسن بطنج صارت

-اي ايي بس تعبانه خلي ارتاح وكلشي مابيه ارجع زينه

رجعنه للبيت وتلكتني امي من شافت ريري

بيدهه الكانونه .. كلتلهه خابرتني بطنهه تاذيهه وكبل. اخذتهه للمستشفى وهاي رجعتنه

صارت عذر يغطي على روحتنه ويبعدنا من الشبهه بس الحيل انتهى بعد ..

ذبينه روحنه على الفراش مابينه قطره دم ولا قطره حيل بعد ....

ضلينه ساكتين ماحجينه حرف واحد ..

لليل بقينه ماتحركنه من فراشنه ..

عبرت الصلاه وانه ماكدر اكوم اصلي

كل جسمي خاوي والافكار ذبحتني

والخوف من الجاي اكل كل حيلي ...

فزيت من هزت جسمي .. وانداريت عليهه

- حبيبي بالي يمك

-جاي اموت بالحسييين

ليش وصلتينه لهيج مواصيل ليش دزيتي ع الولد

- اكوووله عرفني مدري شلوون هاي البربوك لكطتني وتكولي انتي جنة بيت ابو عادل البغداديه

شتريدني اسوي مو زين لحكت ادز رساله

- شلون كدرتي تكتبين وهنه يمج!

- هي راحت تصيح اخوهه واني بالختله كتبت

هذنيج حايرات بدفاترهن ويقفلن بالبوفيه

واستغليتهه فرصه

- ماخابرتيني چا بس كبل تذكرتي صخر وانه مو بعينج

- صخر دزيتله حتى يجي يفهمك لان من احجيلك رادلي جريده اكتبهه ووكت ماعندي وانته شلون تدبرهه وحدك !!

تصرفي جان احسن شي سويته بحياتي

كعدت وضليت افرك بوجهي وهي ايدهه على ظهري..

- ريري شراح يطلعنه من هالجريمه

لج المنطقه كلهه عرفت عصابه طابه عليهم ومكتلتهم

- اي لتخاف همه شافو الولد احنه محد شافنه

- لجججج اربعه ريري اربعه بساعه وحده

كتلناهم !!

وين نروح من الله احنه بعد شيطلعنه من ورطتنه هاي

لج شلون بينه !!!

حضنتني وضلت تكلي..

- احنه سوينا الزين وكلشي اضطرينا عليه

هاي الناس ماترحم ولو عايفيهم صدك بس ندير ظهرنا يكتلونه

- كلشي صار بسرعه ماجاي اكدر استوعب اااانه شسووويت

- حيداار دتفهم انته لو لاا

داكولك هذني بلوه سوده

شفت بعينك بيتهم شلونه وسمعت البنيه شكالت

يريدن عادل وياهن يعني مشتغلاته حتى يفيدهن هاااي كلشي سواه عادل وصار بي

من وراهن 

هذني تنقهر عليهن !!! ثار اخوك هذا لاتنسى

- لج ادري ادررررري

انه مانقهر عليهن انه نفسي نفسسسي تغيرت

ريري انه مو هيج

انه رجال بسيط ومن اهل الله وين رحت وتورطت وييييين

- بعدك زين ماتغيرت بس هسه انته مصدوم وخايف

ارتاح وبعدين تشوف الزين هو السويناه

وديربااالك تحجي حرف واحد لاحد لحد متموت انته تضم سرك هذا بكلبك

لووو يكطعوك وصل لاتحجي شي

موت وانته ساكت

.

.

.

يتبع💕

..♣️🩸   ماء مغلي  🩸♣️..

* adzzon *

بغداد / شهر السابع / ٢٠١٧ ..

طلعت من الدوام ساعه خمسه ونص العصر

طبكت بالطريق اخذت ( كهوه بارده )

شربتها وكملت طريقي ...

طبكت السياره بالكراج ونزلت اتمشى

للعياده موعدي ثابت .. ساعه سبعه بالليل..

وكفت انتظر باب العياده .. مابقى غير مراجع واحد ..

اتمشى واحجي ويه ريري بالتلفون ..

- باقي مراجع واحد كدامي وبعد فوك النص ساعه للسبعه

- زين لعد لا تتوتر مثل هذيج المره

احجيله كل شي وخفف عن نفسك

- اي ان شاء الله

- ليش مااكلت لحد هسه باقي ع الجرك مال صبح !! شبيك يا حبيبي

- مااشتهي

- كول للدكتور خلي يكتبلك مشهي

شلون تضل هيج متاكل وروحك خاويه

- ماشي

بعدين نحجي خلي اكعد جوه ارتاح

سديت الخط ورحت جوه كعدت واباوع للساعه .. اذني ركزت على دكة الميل

راقبته خمس دقايق ورجعلي التوتر ..

حسيت بخنكه هنا .. كمت طلعت بره اتمشى

وشفت ابو كشك يبيع جاي ونسكافيه

رحت اخذت نسكافيه.. شربته واخذت ثاني هم

ورجعت صعدت للعياده ...

طلع المراجع الاخير والسكرتيره طلعت

وبقينا بس انه والدكتور ...

سلمت عليه وكعدت .. كالي ..

- تشرب كهوه  سريعه ؟

- اي اشرب

انطاني الكوب واخذت اول شربه منه

وهو كالي ..

- كم كوب صارن ويه هذا ؟

- تسعه  كهوه و سته  نسكافيه

- تجوع ؟

- لا

- من الصبح لحد هسه صار الليل شأكلت ؟

- جرك وجاي الصبح

- شوكت ناوي بعد تاكل !

- يمكن من اطلع منا

كعد على كرسيه وضل يشرب كهوته

وانه كملت الكوب وخليته على الطبله

ضليت افتح دكم القميص من الركبه

ومددت رجلي وضليت افتح بكفه القميص وارجع اعدلهه واكفهه ...

باوعتله وهو كالي ..

- صار كم يوم على الجريمه ؟

- ويه اليوم عشره ايام صارلهه

- الوضع هناك شلونه.  ؟ متواصل ويه احد ؟

- اي .. اعرف هناك الشرطه بعدهه تبحث بالقضيه

- واهلهم ؟! شكوكهم حول منو ؟

- ماعدهم شكوك لان الولد الي وصفوهم الجيران ، غربه مو من العائله

يعني همه يعرفون القاتل غريب

وكالو هاي يجوز حراميه مثل ماصار بيت اخويه

وهيج مشت السالفه كدام العالم

- يعني بقى القاتل مجهول

- اي لحد هسه مجهول

بس هو انه القاتل

كل الي الي ماتو سببهم أمر مني

-  زين .. بارحه ماجاوبتني

سبب اعترافك الي بالجريمه هو بدافع عذاب الضمير او حاله مرضيه واجهتك يرجع سببها لوقت الحادثه !

- الصراحه دكتور

انه من يومها انهارت نفسيتي .. ماكدرت اتقبل نفسي بعد الصار

الجثث بعيني صورتها وين ماروح

احس بعد ماكدر اباوع لنفسي بالمرايه

شي بداخلي دمرني

وماكدرت اعيش هيج انه مجرم وبين اهلي كاعد ورجع كلشي كدام عيني

نسوان اخوتي صح هنه دمرن عيشتنه وكل الموزينات بيهن بس انه المسؤل بموتهن

وهذوله كلهم دمهم بركبتي صار

اكثر من جريمه .. ٧ دمهم انهدر وااانه السبب

انه مو هيج اصلي ولا هاي اطباعي

انه رجال فقير من اهل الله جنت كلشي ماعرف بهاي الدروب

عيشتي كلهه لاهلي اخاف عليهم وباذللهم عمري

بس هسه تغيرت

صرت مجرم .. ماكدر اكعد وانسى الصار والسويته بايدي لهالناس ..

قررت اروح اسلم نفسي واعترف بكل شي

بس ترددت لان خفت على مرتي حامل

وهي شريكتي بكل شي .. هنا وكفت بعد لا اكدر اعيش واتقبل الموضوع ولا اكدر

اروح اخذ جزائي بالقانون

ضليت محتار بأمري وين اروح !! شسوي !

ومالكيت غير استشير دكتور نفسي لان وصلت حدها عندي بعد ماكدر ارفع عيني بعين بشر ولا اكدر اعيش انه جاي اموت

بكل دقيقه .. القلق كاتلني والخوف من رب العالمين ومن اهلي شلون اذا عرفو

وخايف على مرتي على ابني على كل شي خايف

جريت بطل الماي شربت وضليت اهز برجلي وارجع اشرب الى ان خلصت البطل

وخليته على الطبله .. وضليت افرك بعيوني

وهو كالي ...

- قرارك من البدايه صح

بلجوئك لدكتور نفسي

هاي الحالات ماتتعالج بالنسيان

القتل دائمآ مرحله تغيير بحياه الانسان

يااما راح تنهي حياتك الاولى وتوكفك على حطامها

او تصنعلك حياه ثانيه بعيده كل البعد عن

الاولى..

- انه اريد اسيطر واوكف كلشي بديته

خايف الموضوع بعده ما خلص لهنا

خايف بعد يجرني لجرايم اكبر

- لا إن شاءالله مايتكرر الصار

اخذت المهدئات الوصفتهه الك ؟

- اي اخذتهن .. جاي اكدر انام بس من اكعد

ويبدأ يومي على كل سالفه تلكاني قلق

- زين كل شي بسيط لحد هسه

الامور زينه

بس خلي نتفاهم على نقطه معينه

انته اول مافكرت تبدأ تتخلص من اعمال البيت والعائله ودخلت بهذا الطريق

جنت  مفكر للنهايه ؟ راسم بافكارك النقطه الي من توصلها راح تشوف انتهى شغلك هنا بعد

ونجحت بطريقك ..

- لا .. بالضبط كفكره ونقطة نهايه مامحدد

بس طريق البدايه

وهذا غلطي المتندم عليه بكد شعر راسي

- فعلاً هو اكبر غلط صار

لان .. الحال الي انته بي هسه هو خط النهايه المفروض تتوقع وصولك اله بدايه افكارك

- ااانه ماردت اكتل احد دكتور

انه جنت عايش مسموم بيت مسكون جن وشياطين وعايلتي كلهه مرضى والموت كل سنه يدك بابنه وياخذ واحد من اهل بيتي

انه جنت خايف على ابويه وامي لا يوصلون نفس ماوصلو اخوتي وهم اخسرهم

خفت عليهم كلهم .. اخوتي هم خفت عليهم

بنت اختي خفت عليهه كلهم  جانو مدمرين

بالسحر

انه الوحيد الجانت حالتي احسن منهم واكدر افكر واحسب حساب لهذا وذاك

- اي بس نتيجة راحتهم قتل الاذى

-بس صرت مجرم هسه انه مجرم

كاتل سبعه شلون اعيش بعد!

- تعيش من تعالج افكارك

شوف اني مقدر صراحتك وياي وثقتك بيه

على سرك

وراح اوكف وياك للاخير

صح كلمة ( مجرم ) جبيره وعليها الف حد بالقانون

بس اساس الي وصل للاجرام اكبر من الاجرام نفسه

- يعني بديت تفهمني ليش كتلتهم

- فهمتك وواضحه الصوره للموضوع كلش واضحه

هو لو أنسان عادي وتكدر تحاجيه وتوعيه وتتفاهم وياه على الغلط والصح وتاخذه لطريق توبه .. ممكن جان  صار الحل اسهل

وياه

بس هو مثل ماوصفته متشبع بالشياطين

هيج نفس ماتعرف معنى التفاهم وتفكير عقلاني وتكدر تتواصل وياهه

- اي همه فوك هذا كله

نسوان !! انه شلون اكدر اخذهن واكعد اتفاهم وياهن !!

- اي صعبه

- ودكتور انه كلشي بديت بيه جان سري

لان الي اذونه منه وبينه

انه ردت اخلص من السحر الي بالبيت

ردت اعرف منو هي الحاقدة و وصلتنه لهالمواصيل واتجنبهه .. اخذ حذري منهه

بس ماردت اكتلهه والله وحك الله ماردت

اصير قاتل هارب من القانون

- صح خطيت خطوه صعبه بس هي بكل الاحوال ضروريه

اني هسه لو بدالك وصاير وياي كل الي حجيته الي جان تصرفت نفس تصرفك

- الله يخليك لا تحجي هيج وتقنعني

تره روحي جازه من روحي

- لا اخي هي مو بضيك الخلك

بس واقع حال

اني هسه اعرف فلان يأذيني وبكذا نوع من الاعمال

وكل مااخلص منه يرجع يأذيني بالاكثر

وهو عينه بعيني

ماعندي مهرب منه

و صار وكشفني ادري بي

شنو الحل ؟ لازم ادافع عن نفسي

شتقترح عليه حل ؟

اريد احمي نفسي وعائلتي والاذيه كاعده ومكابلتني

شسوي برأيك ؟

- تنجبر تفضحه وتسلمه شرطه او تكتله

- وانته هنا غطيت على الفضيحه بالقتل

وطلعتهم مظلومين ومغدورين

- وصرت بالوجه مجرم وهمه الوصلوني للاجرام

- إذًا الجريمه حدثت لدفاع عن النفس

شوف اني عالجت ولد بعمرك تقريباً

هذا قتل امه لانها خانت ابوه

- شلووون عاش وهو كاتل امه !!

- عاش تعبان بس هسه هو زين

هو هم محد عرف بي القاتل بس هو

جان متأذي منها يكول دكتور شكد ماحاولت وياهه تبطل وتوب من خيانة ابويه ماتابت

جانت تطلع تتواعد كل مره بمكان شكل

ويروح وراهه يشوفهه تصعد بسياره فلان وفلان وبالبيت يعرفهه تخابر وتاخذ فلوس من ابوه وتصرفهن على جماعتهه

وابوه موظف محترم وهمه عائله محترمه

وناس طيبه وعدهم بنات

خااف على خواته من امه لا تجرهن نفس الطريق وخاف من الفضيحه بين المنطقه والناس وصدمة ابوه بامه وهو يكول يحبهه ومأمن بيهه حتى البيت مسجل نصه باسمهه

بس هي بالنتيجه تخونه وخيانه مو بس تلفونات يعني مواعيد تطلع وابنهه يدري بيهه

وساكت ميكدر يحجي لاحد ..امه هاي بعد مجتمعنا يخلي عار امه لازك باسمه واسم خواته كل العمر

اضطر بيوم من الايام وهو يعرف بيهه

متواعده وتتحضر دتطلع .. مانعهه من الطلعه

ومهددها وهي كسرت الشر وكعدت بس ثاني يوم مغافلته وطالعه وهو لاحكهه وماخذهه من نص الولد و طالع بيهه مكان بعيد منزلهه

وساحكهه بالسياره

-لااا اله الا الله

- هذا اخذها بايده للمستشفى وضال حاضر الجنازه كلهه ومن وراهه وكع مريض

المشكله هنا هو صار زين هسه تعدى المرض واسس حياته بس تبقى كل ماينذكر طاري امه

هو يتضارب الشعور

هاي ام صعبه انها تطلع خاينه ومنحطه لهيج درجه وهم صعبه هي ماتت على ايد ابنهه

هاي الحالات تبقى بخانة الخذلان بعد ماتتعالج صدمة  القتل ..

بس انته تختلف هنا ماعندك خانة خذلان تعيش بيها بمرور الزمن ..

انته التفت لحياتك .. السجن والحكم مايغير بيك شي انته من ذاتك محاكم نفسك

السجن وجدوه لتوقيف الاجرام والحد من الفساد . . محاكمة النفس وتهذيبها وتغييرها

حتى المجرم يتوب عن فعلته وياخذ جزاة

فعله

وانته كلهن مسويهن لنفسك

اولاً معترف بذنبك .. و مسيطر على نفسك وخليت حد لهذا الفعل بعد مايتكرر

ومحاكم نفسك كل دقيقه وكاف اذيتك عن الناس ومسجون بنفسك .. مسجون بعقلك وضميرك

صدكني هذا السجن اكبر من الزنزانة

هناك راح يخلوك تتآلف عالم الاجرام

بس هنا راح تعالج الخطأ وتبقى انسان مسالم

- يعني هسه انه ما عليه حرج ؟

- لا هو الفعل مو عادي بس اجباري

ونصيحتي الك

عيش على اساس انته نفعت غيرك

شوف الجانب الثاني الصار اكثر امان

بعد موتهم

حقيقةً هيج ناس احنه كأطباء نعاني من وجودهم

وناشدنا اكثر من مره ذوي السلطه

ان يفتحون تحقيق عليهم ويطبقون قانون صارم على كل بيوت الدجل والشعوذه

لكن مامن أُذن تصغي لنا

- الساكت مستفاد

وانه شايف وعارف كلش زين شلون مستفادين منهم

واحدهم مايمشي خطوتين بالدوله اذا ما دك تلفون عليهم

- نعرفها اخي نعرفها

المشكله احنه كلشي نعرف بس مابيدنا شي

هسه مستعد تبدأ علاج ايجابي وتخلي حد لتفكير القصاص من نفسك !

- يعني جاي تكلي انسى الجريمه وعيش

ولا عبالك صار شي !!

- اي يااخي عيش ليش متعيش!!!

انته مو خطر على المجتمع اكثر من الموجودين حتى تعدم حياتك

الجريمه جبيره وصعبه وثكيله على النفس

وتتعب الضمير بس اني اريدك تتعالج بايجابية حتى تبقى انسان مسالم لان كل مجرم

يبقى دافن ذنبه بين جنبه هذا راح يعتاد الاجرام

اليوم هو قتل واحد او اثنين وعاش فتره خوف ورهبه باجر راح يقتل ثالث و يكول اني

اصلا متلطخ بالدم بقت على هذا !

وهيج شي يجر شي بسبب عذاب نفسي

هذا تعذيب نفسي .. الانسان يعذب نفسه بكثرة الذنوب والاخطاء .. يعاقبهه على اول خطأ

بتكرار الخطأ بكثره الى ان يصير معدوم الشعور هذا الي نكول عليه

| كلبه ميت |

التداريج هاي هي تخليه كلبه ميت معدوم الاحساس .. واني ماريدك تصير مثلهم

النفس اماره بالسوء ... ماريدك توصل مرحله

تصير تقتل حتى تأذي نفسك لانك شخص مجرم ومو زين بنظرك

- والله صدكت

هسه انه امشي بين الناس واحسهه كلهه تباوع عليه وتشوف بيه شي يخوف

احس حتى السلاح الي ماشايله همه جاي يشوفوه بايدي ويشوفون حتى الكتلتهم

واصير اريد بس اعبر من يمهم خايف يكشفوني

- اي هاي البدايه اذا انتركت توصل للوضحته الك

واني احجي عن تجربة حالات بالاف مرت عليه ودرستهه

- زين هسه انه شلون اعالج بايجابيه ؟

ماريد اضل هيج انه مااريد اعدم نفسي واعدم حياتي .. بركبتي مره تنتظرني و ابني ماضل شي ويجي للدنيا اريد اتهنى بي

والله تعبت لحد ما نرزقت بي وادعي كل يوم

ينولد بسلامه واخذه اشمه واداريه

- إن شاء الله يجي بسلامه ويكبر بعزك

وهاي لخاطر ابنك انته لازم تراجع افكارك

وترتبهه مثل ماوضحتلك وتلتزم بالادويه

واعبر هاي المرحله

انته رجل واعي ومدرك لقيمة نفسك ومسؤوليتك راح تكدر تتعدى الموضوع

لان انته غايتك الاصلاح وحفظ ماتبقى من العائله

والتوبه خليهه وياك  وابعد عن تأنيب الضمير اكثر من اللازم

- إن شاء الله

- وبالنسبة لمرتك بعد الولاده ضروري

تجيبها هنا

- ليش دكتور ! هي زينه ماتعبت بتفكيرهه مثلي

هي الي مخليتني باقي صاحي لحد هسه

- الثبات الدائم خطر على النفس

هاي قوه مصطنعه و اخرتها تعب مضاعف

- لااا ان شاء الله ماعليها شي

واجيبها ميخالف حتى هم نطمئن عليها

- حاول تخليها تحجيلك عن افكارها

لا تخلي كل تعبك عليهه وتنسى انها شريكه بكل شي يعني قاسمتك التعب نفسه والضمير نفسه

- ماشي

- تكدر توقف التسجيل هسه

و بعد ماتضبط اساس فكرك الجديد

نكمل جلسه ثانيه

اخذت تلفوني ووكفت تسجيل الصوت

انه متفق وياه اسجل الجلسه كلهه لان افكاري دايماً تغلبني وانه ادقق واعيد وازيد بالتفكير

اريد كل ما افكر لبعيد ارجع اسمع الحجي واسيطر على افكاري ..

وبنفس الوكت انه ادزه لريري لان مابيه حيل احجي كلشي ..

طلعنه من العيادة سوه وكلمن صعد سيارته

وراح بدربه ...

انه كبل فتحت نت ودزيتلهه التسجيل

وهي خابرتني بالطريق ..

- حبيبي صرت هسه احسن ؟ اكلت ؟

- اي زين

انتي شلونج احجيلي

- زينه اخبل

ومن اسمع صوتك اصير حيييل مرتاحه

- يابعد روحي

- متدري غير عزيز محصل قبول على التعيين بالجامعه العراقية بغداد

- يالله اخيرا حصل القبول

والله حرامات شهادته تضيع هيج كضه شجم سنه يشتغل بمحل مثل فيترجي

- ايي خطيه فد فرحااان

جايبلنه زنود الست وزعلنه ومتشوف بس الضحكه بوجهه ويبوس بجهاله يبووو خطيه

طاير من الفرح

- الله يهنيه يتساهل والله الفرحه

- تره هو خابرك بس يكول ماحصلته

- اي منطي طيران من طبيت العيادة

هسه اخابره

-ديلاا اووكي خابره

اني راح انام مدري شبيه بس انعس

من تضوج خابرني عادي اووكيي

- ماشي ماشي

سديته وخابرت اخويه عزيز .. باركتله وهو كالي راح يجي لبغداد باجر و واعدته

اخذه من الجامعه الظهر ونتغدا سوه

طبيت  غرفتي  .. سبحت واخذت المهدئات اثنين و نمت ..

ثاني يوم طلعت للدوام وانه اعيد تفكيري

احجي لنفسي كل شي لازم اسويه لخاطر ابني

لازم انساهم حتى لو انه غلطت لازم ادبر عيشه زينه لعايلتي

ماخليهم هم بموتهم يعدمون حياتي

ضليت طول فتره الدوام انه ارتب بافكاري

لحد ما اخذت اجازه زمنيه وطلعت

اخذت عزيز ورحنه تغدينه سوه ..

صار هواي ناسي شي اسمه غدا وحتى هسه اكل ومااستطعم الاكل بس هيج مجرد اكل

بقى يمي هذا اليوم وكمل معاملته ثاني يوم

ورجع للبيت ...

رجعت تابعت الجلسات ويه الدكتور

مجرد افهم انه وين راح امشي بعد بحياتي

واسيطر على القلق وكثره التفكير

بس اي تغيير بنفسي ما صار ...

بعدني عايش على وجبه وحده باليوم

واشرب الكهوه كل ساعه وبنفسي التدخين

وامنع نفسي عنه ..

بعدني شايل شريط المهدئ بجيبي وين مااروح .. وماانام اذا مو حبايتين من الشيشه

المهدئه للاعصاب ..

ومااختلط باحد واتجنب الرجعه لاهلي

واسمع التسجيل كل مااكعد وحدي ..

صار شهر الثامن وريري وكت مراجعتهه

للدكتوره .. هذا شهرها السابع ..

وصيت عزيز يجيبها الي .. واخذتهه كبل للدكتوره ..

واكف يمهه واسمع نبض الطفل واشوف حركته والدكتوره تبشرنه بكل الوضع زين

طلعنه نحمدالله ونشكره تيسر الحمل والولد

زين وماكو اي خطر عليه ..

هي تمشي محتره وتزخ عرك وانه كامش ايدهه .. عزيز جان واكف يم السياره

صحتله وانطيته الراجيته وكلتله ياخذهه للصيدليه بين مااتصعد ريري واغير مكان السياره لان عليهه شمس ...

اخذت باقي الفلوس منها لان راتبي كله يمها مخليه  .. ونزلت من السياره ورحت للصيدليه...

شفت عزيز بعده واكف يم جهه الباب وطابك الراجيته ومخليهه على خده وصافن ..

جريتهه من ايده وهو فز وباوعلي ..

- شبيك خويه ! مانطيتهم الراجيته شمصفنك!

- لك خويه هاي مره لو طركاعه

كبل عيني راحت على البنات هنا اثنين

وحده محجبه وناعمه ووحده سافره وضخمه

جسمهه طويل وشايله سمنهه بطولهه

والوجه خدود وعيون مكحله شكبرهه

وشعور مشسور ومكلوب صفح ..

كلتله ..

- لك هاي تجدح خويه

- شعلت اهل اهلي

- صيدلانية بعد اخوك وين تريد انته متكلي

عفته ورحت اخذ الدوا واباوعله بعده عينه عليهه ..

اخذت العلاكه ودفعت الفلوس ورحت جريت ايده وكلتله..

- امشي خويه امشي

لا توكع عيونك

مشى وياي وهو ساكت وصعدنا بالسياره وساكت ...

تغدينا وريري تشاورني ..

- اريد ابقى يمك مشتاقتلك

- لا مترهم اخويه هنا

- حيداار صار شهر مفاركتك شبيك انته ليش لا تجيني ولا تخليني يمك

- اجيج حبيبي بس اخذ اجازه واجيج اعوضج

ضلت ساكته بعد ماحجت وياي ..

اخذهه عزيز ورجعو للبيت وهي متحاجيني ..

راضيتهه ثاني يوم و تفاهمنه ..

وصتني على تجهيز للطفل اشتري كلشي

من يمي كبل ماارجع للبيت اخذلهه القائمه الدزتهه كلهه..

انه من استلمت الراتب خابرني حسنين..

وكالي محتاج ٥٠٠ دين  مستعجل ..

كلتله خيرك ؟

كالي مسوي سلفه وهالشهر متضايق على الفلوس وماكدرت ادفعهه ..

وعادل منطيه بس ٥٠٠ وهي الدفع مليون

كلتله ميخالف بس انزل للبيت انطيك الفلوس

اشتريت جهاز الطفل .. ملابس وحضاين وفراش وبقت المجرات والكريكوت وصتني عليهن هذني ماخذتهن كلت الشهر الجاي اخذهن اله ..

لان ورايه مصرف البيت والسياره لازم اخلي باقي يكفيني شهر ..

من وصلت البيت وانطيتها الغراض فرحت بيهن وماهتمت كلتلي اهم شي

ملابس سند حاضره ..

بنفس الليله انه اخذت الفلوس لحسنين

وضليت سهران وياه ..

حجالي سالفه ...

- تدري بيت اهل مرت عادل راح يشيلون من المنطقه

-هااا ليش

- خايفين يكولون هنا ناس مترصدتهم

وراح يكتلوهم واحد واحد

ويكولون ذابيلهم تهديد بالبيت

وهسه همه حتى طالعين من البيت عايفيه فارغ

مدري وين ولو

- الله اليستر

-  اكلك ماتخابر هذا صاحبك ابو سعد

تشوفلنه شي منا منا

- الرجال توفى

- لااااه صدك ! شوكت هاي!

- كبل شهرين

هو جان موات

الله يرحمه ويغفرله

- الله يرحمه

همزين استفادينه منه كبل مايموت

زين اكلك هسه بعد سالفة السحوره نسدت

- اي خويه جا كل يوميه هي اكلك نسدت

هاي الله لطف بينا ورحمنا وخلصنه منهه

- زين جا انه ماعرف شلون نسدت ؟

شلون انته هيج متاكد ماترجعلنه بعد ؟؟.

- نكول بلكت ماترجع

- حيدر مرتك الهه ايد بهاي الجرايم الصارت ؟. وانته تدري وساكت عليهه

-لاااا مرتي حامل وحايره بروحهه

وانه حاير بدوامي وينا وين الجرايم

شبيك خويه

- ان شاء الله مايطلعلكم ايد

زين هسه مرتك بعد متريد فلوس شغلهه

تنازلت بكل شي ؟

- تنازلت طبعاً جا غير مرتي !!

- انه خايف عليك صراحه خويه

-ليش من شنو؟

- انته رجال كلبك طيب وعلى نيتك

واهلك ناس فطيره ومن اهل الله

والي بيتكم بلاويهه مو اقل من الراحن

خاف لا توكعك بمصيبه وانته مأمن بيهه

على شنو مادري !!!

- لاا خويه تره هي كلش كلبهه طيب وتحبنا

كلنه مثل اهلهه والزين السوته مايتجازى

وماعدهه مصلحه ويانه

- شمدريك ماعدهه مصلحه ؟

- چا غير معاشرهه وافهمهه

- خويه المصلحه مو بس فلوس لو منصب

يمكن هي عدهه شي جبير هاربه منه ومصلحتهه بيك تبقى حاميهه !!

متذكر اول مره ليش قبلت بالزواج وحطت شروط وتأمرت شلون تغير كل هذا برمشه عين صارت تأمن بيك وحبتك !! 

- لااا هي حجتلي ليش قبلت تزوجني كالت عدهه مشكله ويه عمهه ورادت تسد بابهه

وتتزوج تخلص من هذيج سالفته

-اهااااا يعني هسه انه توقعي بمكانه !!

شفت مو كلتلك هاي وراهه شي

هيج نماذج متعودات على عيشه اخذ وانطيك

ماكو بس انطيك وكلشي ماستفاد منك

- لااا خويه لااا

المره بكل شي زينه وياي

-اييييه ادري بيهه زينه وياك وويه الاهل وخلف الله عليهه مداريتهم وشايلتهم بعينهه

بس جاي اكلك ديربالك منهه ضل مفتح عينك عليهه لا كلش تأمن وتروح تنغدر وتطلع بالتالي ماشيه الماي من جواك وانته مغمض

- لا إن شاءالله ماكو شي

-انه لان اخاف عليكم احجي واتدخل وانه كل مره اكول بعد اسكت مادخل نفسي شيصير بيهم خلي يصير بس من اشوفك كلبي يوجعني عليك وماكدر الا احجيلك عسى وان تفتح عينك على ناسك

خويه شايف هاي النسوان كيدهن كيد

وانته شفت هذنيج شسون وشعملن من مصايب بالبيت وهاي مو  وحده فطيره

وفقيرونه وتكعد على كيف الرجال واهله تعيش وتسكت

هاي مامتعلمه هيج تعيش وتخدم ناس مالهم بيهه صله ولا مصلحه

لاازم اكو وراهه شي مخليهه ساكته وياك وطايعتك من ذاااااك اليوم لهاليوم

ولا تكلي حب وسوالف مدري شني

الناس عقول مو مشاعر

- اي خويه صح حجيك ناس كلهه مصالح

وتخوف عشرة الغريب بهالوكت

بس الشاهد الله هي زينه ومابدر منهه كل سوء

- اييي چا انه هسه كايلك مو زينه !

جاي اكلك هي ليش هيج زينه ؟؟ روح شوف شمستفاده منك ومن اهلك وضاله وياكم زينه

چا اكو مره هسه تنطي وتجيب وتنكل لبيت غربه عنهه وعايشه وياهم الضيم نفسه

وتكعد كلشي متحمله وهي تكدر تروح هسه تعيش احسن عيشه

تكدر تسافر وتروح لاحسن دوله تعيش وفلوسهه الذبتهه عليكم تروح تشبع بيهه

ونسه هناك بالخارج

بس ليش عافت كل هذا وجلبت بيكم ؟؟

اخذهه بالعقل خويه

- هي رادت توب وتنصلح وانه كلتلهه تعوف كلشي وتعيش من جديد

- وهي كبل كالتلك سمعًا و طاعه!!

- لاا بس اقتنعت بعدين وصدك انصلحت

بعد كلشي عافت وانه شاهد على كل زين بيهه

واحد يحجي حك الله

- ادرررري بس ماكو ثقه هالايام خويه

لتنسى احنه اكثثثر ناااس تأذينع من ثقتنا بالغير

شفت اخوتك شصار بيهم من ثقتهم بنسوانهم وهنه بنات عوايل ودين وحشمه وتالي كسرن وجوهنه

زين هاي شلون تطلع ؟؟؟ اذا هذنيج المتربيات على ايد عمامك طلعن الساتر الله منهن هاي شتطلع وهي مربيها غريب ماينعرف اصله من فصله والشارع طابع بصمته باخلاقهه شلون تأمن لزمانك وياهه!!!

صفنت بحجيه ودك تلفوني .. ريري تتصل

رفضتهه ودزيتلهه رساله ( هسه ارجع )

وسديته ..

حسنين حط ايده على جتفي وكالي...

- لا تصير مثل اخوتك مطفي وتضيع عمرك هيج .. عقول النسوان اكبر من حد تفكيرنه

ويودن الرجال بمصيبه يودنه

هسه انته لا تزعل وتاخذ بخاطرك من حجيي

بس روح جرب بنفسك اندك بيهه وشوف اصلهه وغايتهه وياك

واذا طلعت صدك تريد بس تعيش وياك عيشه زينه ومابيهه مصلحه لو ضامه فد مصيبه مسويتهه بهذاك وكتهه

بعد الله الغافر والله الساتر عليهه

والله يهنيكم

- الله كريم خويه الله كريم

من رخصتك ارجع لبيتي تأخر الوكت

- عود مرلنه بعد اخوك لا تكطع بينه

طلعت اتمشى لبيتي ورجعت اتذكر اول ايامي وياهه .. صدك نقطه التغيير بيهه صارت فجأه !! بس هي تحبني وزينه وياي بكل شي

ممعقوله تطلع ناويتلها نيه جايده وياي !!!!

طبيت للغرفه وشفتهه متمدده ومخليه ماعون

عنب احمر على بطنهه وتاكل وتباوع بالتلفون ...

كبل كلتلي ...

- هااا حويدر تعوفني وتكابل ابن عمك تسهر وياه !! ليش انته مشتاقلي لو مشتاقله ؟

منو مرتك اني لو هوه !!!

- بويه چا غير رجال صار هواي ماشايفه

وجلب بيه بعد اخذتنه السوالف

نزعت ملابسي ودورت على جنطتي مالكيتهه يم الكنتور جنت مخليهه.. كبل صحت عليهه..

- ويييين وديتي الجنطه ليش تلعبين بيهه بكيفج انه مخليهه هنااا وين شلتيهه

-شبييك حيداار يعني وين اوديهه غير فرغت غراضك وسفطتهه وخليتهه بالمجر

- وغراااضي وين !!!

- كل شي بمكانه .. ليش عصبي! كولي شتريد هسه اطلعلك

- كومي طلعيلي الدوا شكو تضميه

خليه هناااا ع الميز كدام عيني

كامت وطلعته من الثلاجه وخلته بايدي

صحت عليهه..

- جيبي الماي من يمج لو كل شي الا احجيه الج يلا تتحركين

انطتني البطل وانه اخذت الحبوب شربتهه

وباوعت عليهه تباوعلي وعينهه خلتني ارتبك

كبل طلعت فتحت باب السطح وكعدت على الدرج ....

شويه واجتي يمي ضلت مخليه ايدهه على شعري.. وخرتهه وكلتلهه..

- روحي نامي انه اعصابي تعبانه واريد اضل وحدي

- ليش تعب نفسك وحدك هيج حبيبي

امشي نام بحضني مو ترتاح بي ؟ ممشتاقله ؟

- بعدين ريري بعدين انه من وحدي اجيج

روحي هسه عوفيني

عافتني وراحت ... ضليت اريد اهدي اعصابي صاير بكل شي اتوتر وتتعب نفسيتي

ومااطيق احد بعد ..

ضليت كاعد وحدي هيج الى ان اخذ الدوا مفعوله بيه وقفلت نعست يلا طبيت جوه

وكبل حطيت راسي ونمت ...

حسيت عليهه تكعدني الصبح ..

باوعت بوجهه وجريتهه حضنتهه...

- احبج ولج

ضحكت وضلت تبوس بوجهي ونزلنه تريكنا سوه واجاني عزيز شاورني...

- اكلك خويه شوكت ترجع لبغداد

- فد اسبوع ليش؟

- اريد اروح وياك عندي شغله شتكول اروح من هسه لو انتظر نروح سوه

- اذا شغلتك مستعجلة روح خويه هاي سياره كدامك اخذهه وروح كمل شغلتك ليش تتعطل وياي

ضل يحك بلحيته وبعدين كالي ..

- شتكول انته هذيج تقبل بيه لا ؟؟

-ياهي !

- الصيدلانية

-بعدك تفكر بيها!!!

- جدحت بكلبي وانه اخوك

هيج مره ماشايف لك بووووويه شلون ضحكه مخدخده عدهه

- ههههه خويه صدك تحجي !! هاي اذا طلعت متزوجه عدهه جهال تره مبينه جبيره مو مال بعدهه مامزوجه

- مالابسه حلقه بس كلت احاجيهه اشوف شنو وضعهه

- هااه !! يعني ناوي النيه عليهه ! رايدهه زواج !

-اييي والله

خويه چا هو العمر مره لو مرتين !!

- هااه هيج تقبل بيهه سافره وعدهه شغل ممعقول تعوف الصيدليه وتكعد وياك هنا !

- شتعوف خويه ليش تعوف ! خليهه تشتغل هسه هو ياهو الجاي ومحصل شغل صيدلاني !

واذا على الحجاب سهله مو فد مشكله عود احجبهه

- والله خويه تستاهل المره الحلوه والمعدله هيج مثلهه شهاده وجمال وترتيب بس كون

تطلع عيشتهه تناسبك

الله يوفقك خويه اخذ السياره وروح من هسه

تفاهم وياهه ليش تضل تفكر للبعيد وبعدين تنصدم بيهه .. من هسه فض السالفه

-ايي اروح احاجيهه احسن

كبل راح صعد وانه طلعت غسلتله السياره

واجتني ريري تسألني اذا اريد اطلع لمكان

وكعدت احجيلهه سالفه عزيز ..

كلتلي ...

- ولك حويدر وصي اخوك لا يصير فاهي وكبل يكوللهه خلي نتعرف مثل هذوله الزعاطيط

كوله خلي يحجي بثكل شويه يجمعله حجي مال عمو نزار مو يضل مصفن بوجهه

- هههه والله شلون يدبرهه مادري

الله يعينه

نزل هو متكشخ ومحدد لحيته و كعدت اوصي

يضبط حجي مال ثكال ويخابرني يحجيلي

ردهه ..

وهو شغل سياره وطلع ...

ضليت كل اليوم انتظر بي ..اخابره وهو يكلي بعد ماحجيت ماكو مجال ..

و لليل هو ضال هناك .. خابرني بالعشره ونص بالليل كالي ....

- خويه لك صيده صدتهه

-هااا بشر ! شكالت شكلتلهه ؟؟

- مطلقه هاي بعد اخوك وماعدهه جهال

- علييك علي !  ايييي شلون حجيت وياك

- هو انه ضليت مكابل الصيدليه من الظهر لليل اباوعلهه وتباوعلي .. وياهم ولد جوه استحيت اروح احجي كدامهم .. عاد ضليت انتظرهه بره والله طلعو وقفلو الصيدليه

وانه وكفت يمهه كلتلهه بس دقيقتين نحجي

وقبلت هي

عاد وكفنه على جهه وكلتلهه .. اذا مزوجه كليلي حتى مااعطلج ولا احرجج

كلتلي لا ممزوجه

عاد اخوك هنا انطلق بعد باب وانفتحلي

جبت كل الحجي المعدل مدري منين طلع وياي بس والله خوش بي فايده

-هههههههههه هم طلعت نجر

شكلتلهه الله عليك

- يعني .. عرفتهه على نفسي وكلتلهه صار فتره من شفتج ودخلتي عقلي وجنت حاير شلون احاجيج بس الله سهلهه وقنعج توكفين وياي تحجين

عاد هي كلتلي تره مطلقه كلتلهه ميخالف انه هم ارمل وعندي جهال بس هي من سمعت بيهه جهال شو عقجت الوجه

انطيتهه رقمي وكلتلهه رديلي خبر ونحجي براحتنه بالتلفون احسن

- خاف متقبل هسه تكلك انه عندي شغلي وعيشتي على شنو اكعد اربي جهال مو الي !

-ايي هم صدك .. مادري بعد يم الله

بس خويه تكتل كتل وعلي هذا اثول الطلكهه

- هههه ديربالك خويه الجمال خداع

اشتريلك نفس تصونك احسن

- ماكو احد يصون خويه كلنه بينه لوله

بس واحد خلي يعيش يكابل هيج وجوه تفتح نفس للعيشه وهو كلمن ونصيبه بالعشره

- اي الله كريم

يلا خويه ننتظرك توصل بالسلامه

سديته وكعدت اكل ويه ريري حب وكرزات

ودك تلفوني.. باوعت هذا حسنين ..

جاوبته وكالي انتظرك بالباب ...

نزلتله سلمت عليه وكالي خلي نتمشى

ضوجه ملينه من كعده البيت ..

ضلينه نتمشى وهو حجالي ..

- الحجيه تريدني اتزوج تريد مره تعاونهه بالبيت وتكلي مره تداري جهالك احسن مايضلون من بيت لبيت

-اي خويه تزوج جا احنه من زمان كايلين

اخذلك مره هذا العمر يمشي والعيشه تحتاج ماتوكف على احد

-ايي بس انه مالكى مثل اختك الله يرحمها

هذيج صدك نعم الزوجه جانت ومن راحت بعد ماشوف تجي مثلهه

بشرفهه وعفتهه ورزانتهه وين احصل هيج وحده ! ماكو هالوكت كلهن وجهين

- والله هي صح شغله بعد تخوف بس انته أسعى والله ييسرلك الي بي الخير

-لاااا ماريد خليني هيج مرتاح البال مااضل افكر عليهه واشك بكل شي تسوي

انه چا ليش لهسه ماتزوجت ؟. غير اخاف انغدر من النسوان لو يسولي بليه بيتي

- والله احس بيك وفاهمك كلش زين

انه مثلك هيج ماعندي ثقه بيهن وكلهن يخوفن صراحه كلهن ماينرادن

- هااا جنك اخذت بحجيي وصرت تفكر مو تمشي عمياوي

- لااا مرتي وحد هاي صريحه بكل شي

الزين والموزين تحجيه علمود هيج انه اختاريتهه مره الي

- انه اكول ضل مفتح عيونك عليهه

ولو انته كاضيهه بره البيت وعايش على حجي التلفون بس هم انتبه

- انته بالك شي خويه احجي فهمني

جاي احسك تريد تفهمني شي ومستحي تكوله

- والله هي مو شغله مستحى بس ماريد اخسرك

انته كلش حساس بسالفتهه وكبل تزعل مني

وانه ماريد اخسرك على سوالف النسوان

فاسكت احسن

- لااا كول شعندك كوول مازعل منك بس خلي افهم بالك عليه شنو!!

-اسمع خويه انه مو جاي اهجم بيتك واخرب راحتك بس اكو شغلات لازم واحد يفتح عينه عليهه مو صحيح !!

انته رجال خير واهلك كلهم ناس طيبه ومسالمه وقدر الله ووكعتو بايد مره مو من ثوبكم

- اييي خويييه هاي سالفه شجم مره حجينه بيهه هسه انه جاي اكلك اعرفهه ومقتنع بيهه

وهي زينه وياي بعد شكو

- ماعليه اشكال

زينه وياك ومداريتك ومداريه اهلك

ومواقفهه ع الراس نحطهه

بس انه شغله بالي محيرتني وادعي من الله تطلع جذب صدكني ادعي من الله بحك امير المؤمنين اطلع ااانه غلطان وماعندي فهم ولا علم .. كون من الله هيح واطلع انه اظن سوء بالناس واكسب اثم ولاااا تطلع سالفه الي بالي صحيحه

- شكو بالك !

- على الحمل انه اريد اسألك انته شعجب بساع هيج تشافيت !

— غير تعالجت !!! چا انه شجم شهر اروح دكاتره

- زين مو انه سامع كل دورة علاج بالعقم عند الرجال تاخذلهه سنه وتبدا ترجع طبيعي

الامور وبعدين يلااااا تبدا منشطات الانجاب ينطوهه للمريض

انته شجم شهر تعالجت ؟؟

- تره انه هم اكثر من سنه بس جان هذاك الدكتور علاجه مو شي مقارنة بهذا اخر واحد هو على علاجه صار عدها الحمل

- اي خوش يعني انته من رحتله جانت شويه حالتك احسن من كبل

- اي .. لا والله مادري بالضبط لان تحاليل نسبهه قليله وكل مره تطلع شكل مادري شكد جان تقييم الحاله بالمضبوط

- يعني هسه نفرض فرضاً انته من رحت لدكتورك الجديد جنت صفر وهو بدا يعالجك من الصفر شكد وبينت النتيجه وياك ؟

- يمكن تسع شهور او اقل ماتذكر بالضبط شويه هالايام تعبان مو كلش اركز

- سبحان الله ايده عليك معجزه

-انته شبيييك شتقصد  !!!

- قصدي فتح عينك خويه فتح عينك لا تاخذك مشاعر الابوه وتصدك نفسك كبل هيج وانته علاجك ماكملته بعد

- لاااا تجفص بحجيك حسنين جاي تشكك بمرتي ومااارضاهه انه المره اعرفهه شنو ومأمن بيهه ماتخون

- كيفك خويه امن بكيفك مرتك وانته حُر وياهه بس انه العليه احجي وابري ذمتي منك

واذا هم تاخذ بخاطرك مني بعد لو اشوف شوف عيني هم اسكت كلشي ماحجيلك

.

.

.

يتبع 💕

اتمنى منكم تحضرون بث يوم الجمعه

ويه حبيبة الكل (ام ايه )

بكروب ( قصص مريم السعدي )

الساعه الثامنه مساءً

اعرفو بي عني كل الي بالكم واسألو عن القصص كلهه بكيفكم بس لا تكلولي

( ماء مغلي نهايه سعيده لو لا )

رجااااااءاً والله ماعرف اجاوب هنا وماريد ادوخكم

خلوهه هي قريبه النهايه وافهموها

وراح اطلب منكم طلب بوكتهه بس ضروري اذا تحبون القصه تنفذوه

وهو طلب كلش بسيط

💕💕💕

..♣️🩸   ماء مغلي  🩸♣️..

* adzzon *

- سبحان الله ايده عليك معجزه

-انته شبيييك شتقصد  !!!

- قصدي فتح عينك خويه فتح عينك لا تاخذك مشاعر الابوه وتصدك نفسك كبل هيج وانته علاجك ماكملته بعد

- لاااا تجفص بحجيك حسنين جاي تشكك بمرتي ومااارضاهه انه المره اعرفهه شنو ومأمن بيهه ماتخون

- كيفك خويه امن بكيفك مرتك وانته حُر وياهه بس انه العليه احجي وابري ذمتي منك

واذا هم تاخذ بخاطرك مني بعد لو اشوف شوف عيني هم اسكت كلشي ماحجيلك

- مرتي مستحيل تخوني هاااي انه اثق بيهه

من الدنيا كلهه انه اثق بس بيهه

ديربالك تجيب طاريهه بعد

انه المره معاشرهه وعيني عليهه وهي بكل صغيره وجبيره بحياتهه تحجيلي

انته ماتعرفهه مثلي .. كف عنا خويه دخيل جدك انه الي بيه  كافيني

عفته ومشيت وانه ايدي ترجف .. دورت بجيب البجامه مالكيت شريط الدوا

مشيت اسرع وطبيت البيت ...

كبل صعدت للغرفه .. فتحت الباب وطبيت

كبل اخذت الشريط و بلعت الحبايه وضليت مخلي ايدي على باب الثلاجه اريد افتحهه وايدي ترجف ...

ريري خلت ايدهه على ايدي وانه دفعتهه

وجريت باب الثلاجه حييل فتحته واخذت الماي وكعدت بالكاع اشرب واباوعلهه

وهي كامشه بطنهه وتباوعلي ساكته ....

اجتي كعدت يمي وخلت ايدهه على جتفي

- شبيك عومري ؟

عصرت وجهه بايدي وضليت صاك سنوني

وهي مغمضه .. صحت بيهه ...

- باووووعيلييييي

خلي عينج بعيني ريرررري

ضلت تباوعلي وتجر بايدي وانه لويت ايدهه

وضال عاصر وجهه ..

- مجذبه عليه ؟؟ احجججي هسه كلشي مسويته وانه مادري بي

كلشي احجيلي هسه اسامحج وانساه بس لا تضميه عليه

احججججي جاااي اكلج اخر فرصه انطيج هسه احجيلي كلشي مسويته وره ظهري

ماااارحمج والله لووو عرفتج مجذبه عليه بحرف واحد

ضليت انفخ النفس بوجهه وهي بس دموع ماحجت شي ..

ضربتهه بنص عظم جتفهه  وجريت وجهه حيل وهي جرت ايدي ...

- ماجذبت عليك حيداار شجاك ويه الجذب هسه!!!

- واذا طلعتي ضامه شي عليه !!

اسكطج وحك لا اله الا الله

- ماامجذبه شبيك !!! اني مو كل شي احجيلك

شعندي داجذب !!! شتقصد انته الي بالك شنو!

- انتتتي تجذبين عليييه هم تغدريني

ريري وعلي امووت اذا خنتيني وغدرتي بيه

احجي لا تضمين عليه احجي اي شي مسويته احجي خلي ارتاح خلي اصدك نفسي انه حتى من نفسي جاي اخاف

افهميني دخيييل ربج

حضنتني وضلت مخليه اصابعهه بشعري

وتكلي..

- شلون اخونك ! بس انته عندي بهالدنيا

اسويلك  كلشي حتى مااخسرك

اني ماكدر اغدرك ولا اجذب عليك اني احبك

واليحب ميغدر

- تضلين تحبيني عمرج كله ماتغدريني

كليلي احجيلي اي شي ريري راسي

جاي يتعبني

انه اذيتج .. ضربتج والله مادري بروحي شجاي اسوي

- ميخالف حبيبي ميخالف ماصار شي

عادي اصلا حلو هيج شويه نرجع نتعارك

لو ما بطني جان هسه سويتهه وياك دفرات

بس غير حامل واصير كيوت

- ريري ابني زين ؟

- اي زين كولش زين

بعده يتحرك مادري شعنده جوه ! مادري احد كايله ببطن امك مصارعه حره

يجيب ويدفر باقي عليه بس يطلع يرزلني ويرجع يضم راسه

خليت راسي على بطنهه وضليت احضن بيهه

وهي تتلمس بوجهي .. وتكلي..

- حبيبي أجرلنه بيت بغداد نكعد سوه هالفتره

ماريد اعوفك وحدك وهم هاي الاشهر اريدك يمي

- اي اخذج احسن انه اريدج بس يمي

جاي اتعب وحدي

اريد ارجع لطبيعتي ريري وعلي جاي اتعب من نفسي

- كلشي صعب بالبدايه بس انته قوي

والقوي لازم يضل يصبر شويه

يوم يومين وانته تسيطر بعد

- لتعوفيني حتى لو اذيج وتزعلين مني بس ضلي وياي انه احبج وعلي كل حياتي عليج

انه بس ارجع اهدأ اراضيج والله حبيبي والله اراضيج

- وداعتك هالمره ابد مازعل منك واني اجي اراضيك هم تدلل

بكلشي حويدر يدلل بس خلي يضل مرتاح وبكيفه شيسوي يسوي

عدلت كعدتي وضليت اباوعلهه بتعب

وهي خلت اصابعهه على طرف حلكي وسوتلي ضحكه ..

كمت وياهه للفراش تمدده وهي طفت الضوا واجتي ضلت كامشه ايدي وتبوس باصابعي

نمت وثاني يوم كعدت مالكيتهه .. باوعت ساعه اثنعش الظهر ..

نزلت غسلت ورحت للهول سلمت على امي

وهي اجتي جابتلي كلاص حليب بارد

شربته وهي كاعده يمي ..

اباوع لوجهه وابتسم انتبهت بعيونهه خطوط حمر .. سألتهه وكلتلي من حرارة المطبخ

راحت وشويه وجابتلي ماعون بي شياف برتقال و تفاح احمر ..

وكعدت يمي تنطيني وحده وحده اكلهه

وفجأه جرت ايدي خلتهه على بطنهه

وحسيت بحركة ابني .. كل مااحسهه هيج

اضحك ..

ضليت اضحك واتلمس بطنهه بكل جهه

خاف يضرب مره ثانيه هنا ..

انه اتلمس بطنهه وهي توكلني .. شويه وكامت .. وصارو يخلون الغدا وانه اصلي

فاتتني الصلاتين ...

كملت واجيت كعدت يمهه اكلت شويه

و ابن عزيز غص باللكمه اختنك فد مره

..  كمت عليه بساع وضليت اسحب ليفوك من جوه صدره و امي تضرب على ظهره

لحد ما رجع زين ...

عفت الاكل بعد ورحت اخذته غسلتله ورجعته خليته ياكل وانه طلعت بره

افتر بالشمس مادري شأريد !!

شويه ورجعت كبل صعدت لغرفتي وضليت متمدد ..

تلفون ريري هنا اخذته .. كلبت بكل شي بي

وهي اجتي .. ضليت اباوع بوجهه وانه كامش تلفونهه وهي بس تمسح بوجهه صاير احمر وبدلت ملابسهه وضلت واكفه كدام السبلت تتبرد ...

سديت تلفونهه وخليته بالمجر وصحتهه

اجتي بحضني ..

- باجر ارجع لبغداد

-ليييش !! بعد وكت شبيك مستعجل ع الروحه

- اريد اروح للدكتور موعد ملتزم بي ماريد يتخربط علاجي

- اروح وياك !؟ حيداااار ماشبعت منك

بس ٣ ايام اشوفك وانته فوك الشهر عايفني

تره ميصير هيج

- رور تحمليني فدوه بس هالايام

جاي تشوفين ضغط الشغل ومنا مواعيد ملتزم بيهه

- ادررري مشغوول بس ااني اريدك تره حقي عليك اشوفك هسه ماريد منك شي بس ابقى يمي كم يوم عوضني هاي روحتك

كلبي ناار عليك شوفلي جاره ماتحمل اضل هيج

- هالمره اروح أجر بيت قريب على دوامي

وارتبه واجي اخذج زين هيج !!!

- وبيتي ؟ تبيعه ؟ تبقي !

- ابيعه هو انه عارضه للبيع من شوكت بس مارهمت بلكت الله هالايام ينباع

- اووووكي بس عفيه استعجل واذا مالكيت عادي خلي نكعد بهذا بيتي ونخلص

- لا لا ماكو رجعه بعد هناك

اصبري هالايام اشوفلي بيت وأجر واجي اخذج

-زين اووكي حتى من نكعد هناك نطلع سوه نكمل تجهيز الطفل واشتري هم كم شغله الي احتاجهن ضروري

- ماشي اخذج وبكيفج اشتري بس اعصابج وياي هالايام طولي خلك

- ههههههه اوووكييي حيااتشيي اوووكييي

وكت العصريه ابويه رجع من السوك وجايب وياه كيلوات صدر دجاج ومعلاك وكال خلي نشوي للعشه ..

خلينه المنقله بالحديقه ووكفنه انه وسيف نشوي ..

كملناهن وكعدنا جوه ناكل ..

فضه مااكلت منهن تكول تعبانه من الوحام ولعبانه نفسهه من الريحه

ريري يمي كاعده انطيهه مثل خضورات او طرشي واخلي بلفتهه و من اكل اضل اباوعلهه وجهه حيل متفح هالمره وخدودها دم صايره ..

شاورتهه ..

- اريد اشم الركبه شلون بيه ولج

- اصبر هسه نصعد وشمشم

- لااا هناك الشم غير شي ينكلب اريد هسه هيج راحه ويه اللكمه

- ههههه دشم يلا هو انته وصلت وصلت

طلعهه من نفسك

ضحكت واباوع للاهل كلمن ملتهي بأكله

وانه هيج بساع خليت وجهي جوه اذنهه واخذت نفس قوي ووخرت وانه اضحك واباوعلهه ورجعت اكل ....

حجيت لاهلي اريد اجر بيت بغداد واخذ ريري وياي هناك لحد ماتمكن واشتري بيت

امي قبلت بس ابويه عارض ..

ميريدني اضل بعيد عنهم ...

فهمته منا لحد ماحصل نقل للنجف وارجع

ضل كل شويه برأي لحد ما كملنه شرب الجاي اندكت الباب ..

فتحها سيف وصاحلي..

- عمي هذا مؤمل يريدك

طلعتله وهو كالي .. النت عدهم مكطوع من الظهر ويخابرون على ابو النت يكللهم من عدكم المشكله ويريدني اشوف شبي..

رحت وياه لبيتهم.. حسنين عنده خطار بالهول

ماطبيت عليه كبل من باب المطبخ طبيت

يم ساحه الدرج مخلين الراوتر .. كعدت اشوف شبي مابي ..

دزيته يروح لبيتنه يجيب حاسبتي وانه صعدت للسطح اشوف النانو ....

ولكيت واير مفصول منه ..

اخذتلي بلوكه صعدت عليهه ورجعت اشكل الواير وبعدين قفلت باب السطح ونزلت صار بوجهي حسنين...

- هااا اليوم يمنه والله زين من طبيت بيتنا

تعال تعال خلي نشرب جاي

- لاا خويه مشكور شربت هسه كبل مااجيكم

جاي انتظر مؤمل يجيب الحاسبه

اشوف النت شبي

- ياابووويه اكله لراسي بالنت

سويه وخلصنه رحمه لاهلك

عمي بلوه ابتلينه بي ماايسكت هاي رايح راد يطفي الراوتر ويكعد يصيح

-ههههه كلهه هيج

-امشي هسه اكعد جا تضل واكف

شبيك مستحي منا !!!

مشيت وياه كعدنه بالهول وجابولي الحاسبه

شافهه حسنين وكالي..

- هاي مغيرهه !! هاي مثل الايفون ؟

-اي ماك بوك برو اسمهه

من شركه ابل

-ااانه اخوووك بيش هاي !

-بفلوووس

- طكيت بعد اخوك صارت فلوسك حتى ماتنحجي

هههههه الله يزيدك خويه الله يزيدك

ضليت اشتغل بيهه ومؤمل مخلي راسه بالنص كلساع يخلي اصبعه ع اللمس واصيح بي لما خلصت ورجعتله النت زهكت روحي

كبل سديتهه وخليتهه بجنطتهه وردت اكوم

حسنين مارضى .. ضل مجلب بيه ...

- اكلك بعد اخوك تروح وياي باجر ناخذ ملوكه للدكتور عدهه تحليل وتخاف تسويه صارلهه شكد معانده عليه

كلت بلكت وياك تقتنع

- لا وين انه باجر ارجع عندي شغل هناك

- هااه ! چا بعدهه اجازتك ماخلصت

عليمن راجع !

- شغل عندي لازم اروح ارتب اموري كبل الدوام

- شعندك ! صدك اكلك هاي انته ماتبزع روحك من الروحه والجيه كل شهر

وضال هناك وحدك

شلون جارعهه للعيشه هيج

- اي والله بهذله بس بلكت احصل بيت هالايام واكعد بعد هناك استقر بين مايطلع النقل للسنه الجايه

- ااانه اخووك تشيل منا !! بس انته ومرتك !

-اي

- عليك علي ! تروح بعد مانشوفك ! واهلك شلون !!

- اهلي ماعليهم شي انه الوحيد المتبهذل

هنا عدهم بالبيت جنه تداريهم واخوتي وياهم وابويه صار زين بعد خلي ارتب حياتي

كلهه شجم شهر وارجع اذا حصلت نقل

- زين هااي شلون تعيش انته ومرتك وحدكم هناك ! انته تطلع من الصبح للعصر يلا ترجع وهي تضل وحدهه !! ومنطقه غربه !

- شكو عليهه تسد بابهه وتكعد

- بالعباس زحمه هيج تضل مره وحيدهه بالبيت وانته تطلع ماتدري بيهه تروح تجي !!

والوكت مو امان

- لاا ان شاء الله اخذ بمكان زين امان ومنطقه راقيه وناسهه كلمن بحاله

- جاي تعب نفسك هيج وتبهذلهه وتصرف فلوسك بالخالي بلاش

- لييش !!! جا منريد نعيش سوه !

- لاا خويه مو هيج بس لو تاخذ اهلك وياك

احد يضل عينه على البيت على المره

احنه هسه مانكول هي تخوف ومابيهه ثقه بعد انته واثق بيهه ومغسول عقلك غسل وياهه

- شبييييك حسنين مغسول عقلي شني!

كل مره اسكت وانساهه الك بس لا تضل تدوس بالمصارين وترجع تتعذر اوزن كلامك كبل ماتحجيه

- استغفر الله

بويه اتعذر اتعذذذر انه قصدي انته وياهه متفاهمين حيل واحدكم يثق بالثاني يعني مانحجي بسوالف الموه تخون لو تسوي الموزينه لااااااا ابد مو هنا القصد

بس اكول خاف يصير عليهه شي وانته تطلع من الصبح تقفل تلفونك للعصر رين مافكرت صار عليهه شي ورادت تخابرك وماتحصلك

شتسوي المره ؟

زين هسه جايكم طفل وتضل هي وابنهه وحيدهم بالبيت صار لاسامح الله قدر عليهم

ورادت رجال اليساعدهه شلووون ؟؟؟

ابنهه تمرض ورادت تاخذه دكتور وانته ماكو وهي لازم تاخذه شلون تطلع وحيدهه ومتكلك ! لو تضل تنتظر بيك لماتغرب الدنيا يلا ترجعلهه وتكعد تحجيلك ابنك مريض !

شويه هم واحد يفكر للبعيد هاي الدنيا كلشي بيهه ساعه الساعه الواحد يحتاج شي يصيرله فد قدر ويحتاج احد من الاهل وياه

انته تاخذهه هناك بالمنكطعه تكعدون ياهو اليدري بيكم تعيشون تموتون ياهو اليعرف احوالكم !!!!

- هم صدك والله هي تخوف العيشه وحدك بس اذا مضطر شتسوي ؟

- لاا شكو مضطر ! هاي مو عندك بيت واهل

وناسك كلهه هنا وعايش مرتاح

- چا غير اريد استقر .. چا اضل رايح راد هم اريد عايلتي يمي

اهلي مايرضون يطلعون منا شسوي اضل متبهذل !

اخذ مرتي واعيش چا بس انه طلعت بيت وحدي من امه محمد كلهه !!

- لاااا خويه لا تستعجل هم تتبهذل ايجارات

وهسه مصاريف تزيد منا عندك ولادتهه ومصرف الولد والبيت وحد مصرفه يختلف مو مثل ماكاعد ويه اهلك وهذا وذاك يشيلون من المصرف

هناك كلهه براسك شتلحك تلم شجم فلس من راتبك لو تكضيه كله سد بسد مصرف الشهر

وتاليهه من تحصل نقل وترجع هنا ماتريدلك بيت وحدك تكعد تاخذ راحتك چا تضل معلك بثالث طابق !!

- جا شتفرق ! هنا لو هناك ؟

- لااا تفرق خويه شلون متفرق

هنا تكدر تقنع اهلك وتخليهم يكعدون وياك

امك تكعد تدير بالهه على الولد ومرتك تحضر الاكل تنظف تدير بالهه ع البيت

ابوك يجيب المسواك الزايده الناقصه للبيت

وانته مأمن على عايلتك بين اهلك ماتضل توهس

هناك حتى العيشه غاليه ماتنجرع وهم وحيدك

هنا كلشي تحتاج تدك تلفون على اخوتك يرحون للبيت ، يمك ولد عمك وخوالك

ساعه التحتاج شي اكو خويك يمك مأمن

هاي لازم تحسبلهه خويه

- اييي ..الله كريم اشوف شلون تصفى

من رخصتك اروح انام ورايه طلعه من الصبح

طلعت ورجعت اتمشى لبيتي والكر بحجيه

صدك لازم أمن عليهم وانه دوامي يتاخر

وعندي مناوبات مرات شلون يضلون وحدهم بالبيت ؟؟

صعدت لغرفتي وشفت ريري لابسه شورت وفانيله بس لحد الصدر والبطن طالعه

وهي كاتبه عليهه  بلون اسود ( H+R=S)

ضحكت ودنكت بوستهه وهي ضلت مخليه راسهه على صدري وتكلي..

- مو هواي دتتاخر يم ابن عمك هالايام

- هو مايصدك اروحله يضل يسولف وياخذنه الوكت

- زين شيسولف ؟

-هيج على الشغل و جهاله وسوالف منا ومنا

وخرت منها ورحت اخذت شريط الدوا

وهي جرته من ايدي ..

- عوفه حيداار متحتاجه هسه انته زين وهادىء شكو دتاخذه !!

- ميخالف حتى اضل مرتاح البال

-ماكو تضل مرتاح البال هذا مهدء بس يخلص مفعوله يعني ترجع متوتر !! شويه انته عين نفسك لا كلشي بالدوا

هيج عمرك ماتطيب

- انتي شلون تكدرين تضلين هيج مسيطره وزينه !!

- اني متعوده على المصايب بحياتي فعادي يعني تجي وحده تروح وحده ينكتلون خمسه عشره عادي كله صار هين

الجبيره الي تهد الحيل عبرتهه هذني ضلن كرزات  بحياتي اكرزهن واشمر كشورهن

- زين وكت الجبيره شلون عبرتيها ؟

- صبرت والعيشه تجبرك ترجع توكف على حيلك

صدكني اذا تضل واكف بمكانك حتى لو بأمان بقوقعتك راح تنداس .. لان كل شي بهالدنيا يتحرك مستحيل يعبرك الا ما يدوسك

فلازم تتحرك من مكانك لا تنداس وتنتهي

باستني بشفتي وضحكت ..

- انته احلى شي كملت طريقي علموده

بوستهه وكلتلي ناخذ صور جانت تنتظرني ارجع ونسوي اللقطه ..

كملنه اخذ صور وهي مسحت الكتابه من بطنهه وشغلت اغنيه واجتي خلت ايدهه وره ركبتي وضلت تغني ...

' السااااعه الي بعيشها بقربك ستين دقيقه حياه

والوقت الضايع طول بعدك من عمري انا مش حاسباه '

ضليت اضحك وهي تكمل ويه الاغنيه

وبتعابير وجهه تضحكني وخلتني انسى هوسه افكاري والادويه وكلشي ..

ضليت مرتاح وياهه هالليله وثاني يوم طلعت من الصبح لبغداد ...

مر اسبوع وهي تسألني اذا لكيت بيت ايجار

وانه اجل بالسالفه ...  ترددت اكللهه

ماريد نكعد ايجار هنا .. وكل مره نحجي

بهالموضوع اطلع عذر شكل واسد السالفه

وصلت شهرها الثامن مضبط تاريخ وكت مراجعتها بالتلفون .. وكلتلها اخلي عزيز يجيبج ماقبلت ...

كلتلي تعبانه ومابيه حيل طريق خلي اروح هنا لاي دكتوره هو بس فحص عادي

واتفقت تروح هي وفضه لنفس دكتوره الي تراجعهه فضه ...

اشتريت كل نواقص الهه ولابني كلشي اخذت

وكت نزولي الهم كعدت انه وياهه نرتب الغرفه وغراض جوه حولت بغرفه امي

الي تحتاجهن بولادتهه

وكلشي جهزناه سوه ... حتى فلوس للولاده خليت جوه ايدهه خاف انه بالدوام وتصير ولادتهه ..

شهر التاسع /٢٠١٧ ... باقي اسبوع على محرم ... ريري عبرت  ١٥ يوم بشهرها الثامن ... وانه باقيلي ٣ ايام وارجع لدوامي ..

بيت سيد حسنين سوو زياره جماعيه لكربلاء

كوستر كامل حجزوها والتمو ولد عمنا ونسوانهم والجهال واهلي هم اخذو جهال

اخوتي و ملتمين من الصبح يريدون يطلعون

وخابروني  ...

انه بعدني نايم بغرفتي ويه ريري وهناك فضه راحت وياهم والجهال كلهه .. فضلينه بس احنه بالبيت .. وخابرني ابويه هنا ..

كالي ..

لازم اروح وياهم الجهال صارت هوسه عليهم وبعدهم واكفين راس شارع ينتظروني

ردت حجيت ويه ابويه ماقبل خبصني منتظرين و واكفين متعطلين ولازم هسه تجي

ويانه ...

كمت بساع بدلت وحجيت لريري وحتى ماسمعت منهه شي كبل وصيتهه تقفل الباب

وطلعت ...

لكيتهم راس الشارع واكفين كبل صعدت

وحركو الكوستر ... كعدت هنا افهم منهم

وحسنين كالي ..

- همزين صارت عركه الجهال وخلتك تجي ويانه

جا كلنه منجمعين وزياره ابو عبدالله ليش ماتجي!!

- سلام الله عليه جا غير البيت ضل فارغ

والله دكتكم  متتسولف

ضلت هسه المره وحدهه

- ماعليهه شي هسه تسد بابهه وتكعد

زياره بعد دكت بابك لازم تلبيهه خويه

عفته وفتحت نت راسلت ريري ..

- رور حبيبي اعذريني عفتج وحدج بس ابويه شده بالي والله

دزتلي ..

- ديلا عادي اووكي

روح زور وغير جو وادعيلي

- اكيد ادعيلج ياروحي

بس خاف يصير شي احد يجي يدك الباب لا تفتحين وكبل خابريني اي شي يصير وياج

-اووكييي

راح ارجع انام

سديت النت والتهيت ويه جهال عزيز مكافش صايرين ويه جهال عادل ... وامي خليه جهال عادل يمهه وهذوله خليتهم يمي كعدتهم

وعيني عليهم كل الطريق ..

صارت زياره حلوه بس الجهال شلاع كلب

رجعنه بالليل .. نزلونه كدام بيتنه ..

خابرت ريري حتى تفتحلي الباب ..

واجتي فتحته ...

كعدت وياهه اسألهه شسوت اليوم ..

كلتلي بس نمت واكلت وضليت ع التلفون

سألتهه على عادل اذا رجع وكلتلي لا من الصبح لهسه هو ماكو ...

وعزيز بغداد رايح يضبط امور السكن

كبل مايبدا دوام الجامعات ...

تعبان وكبل نمت وثاني يوم كعدت سبحت وتريكت وخابرني حسنين...

- اكلك خويه تعال لبيتي هسه اكو شغله اريد اسألك عليهه ..

-خير ؟؟

-تعال ونحجي مو مال تلفون

سديته ورحتله .. كعدت وياه جان يكلي..

- شوف خويه انه من احجي لمصلحتك

انته تعرف معزتك عندي وعشرتنا مو مال يومين هاي صارلنه سنين بالحلوه والمره سوه

تعرفني زين واعرفك

-اي ؟؟؟

- اي .. من احاجيك بسالفه دخيل جدك

لا تجذبني اسمع مني اول وانته بعد بكيفك

- احجي شعندك

- خابرتني اختي كبل نص ساعه وتكلي

من جاي يطلع عادل للشغل جايه مره ورايده ادك  عليكم الباب .. وعادل فاتحلهه وصايح لمرته حتى تشوف شبيهه  ..

تكول رايده تحجي ويه العلويه وهي مجاريتهه بالحجي بين ماتطلعلهه العلويه ..

فكايلتلهه ...

احنه نعرفج بنت بيت السيد ابو مؤمل

واخلاق وتعرفين بالاصول وعندي فرد حجايه صارت وانتي احكمي بيهه

- شني حجايتهه ؟؟؟

- كلتلهه .. ولدنه شباب وتعرفين الشباب

يكعدون بالباب يلتمون والبارحه شايفين

بيتكم  العصريه مره طالعه لا بوشيه لا عباه

بطرك الحجاب وثوبهه ملون وفاتحه الباب

لولد غريب من المنطقه وهو طابك بسياره اخر موديل ونازل منطيهه علاليك وراد صاعد سيارته وماشي

هي جاي تكللهه مو عيب نسوانكم تطلع والشارع متروس شباب و تفتحن باب لولد غريب ماعدكم هنا زلمه بالبيت يفتح الباب

وصارت حجايه كدام الولد ينتقدون نسوانكم

وانتن علويات وعليجن الحجايه تنخط بكتاب وحساب

فاختي رادتهه وكالتلهه احنه كلنه طالعين البارحه وهي رجعت تعيدلهه السالفه

وكايلتلهه اريد احاجي العلويه خلي تحط عينهه على البيت وتوصي النسوان بعد لا يفتحن الباب المنطقه كلهه ولد ومايفوتهم شي

وهي مامخليتهه .. مسكتتهه وكايلتلهه انه اوصل حجيج للعلويه وهي راجعه من زياره تعبانه وبعدهه نايمه

وتكول بالف ياعلي مطلعتهه من البيت

وضاله خايفه شتحجي شتكول !!!

لان ماكو احد بالبيت البارحه بس مرتك ضلت وهي الفتحت الباب واخذت غراض من الولد

كالت خفت عمتي تسمع وتصير مشاكل

وهي المره يجوز مو بقصدها وماتعرف اطباعنه زين ويجوز موصيه غراض من النت وجاي ابو التوصيل ينطيهه ومن تطلع السالفه ياخذوهه بغير قصد

فسكتت وضميتهه عليهم احسن

بس هي خابرتني تكلي صحيح السويته لو لا ؟؟

وانه كلتلهه اسكتي والستر واجب

وكلت احجيلك بعد انته لازم تعرف واحنه بيناتنه ميانه بهالحجي ومو غربه وافهمك وتفهم عليه

ضليت ساكت واحس نار صارت بعيوني

كلتله ..

- خلي اروح افتهم منهه

- لا خويه لاا وين تروح تحاجيهه هاي اختي خوافه كبل هسه تحط جاهلهه من الخوف والمشاكل ماتعرفهه انته

- ماااعليه باختك اروح اشوف مرتي

- ومرتك هم وكت ولادتهه شبيك نسيت

خويه دخيل جدك اكعد وناخذهه بالتفاهم

جا تروح تعلكهه صايح وعايط عليهه

شبيك خويه هذني حبلات ساعه الساعه يصيرلهن شي

- شيصييير شيصييير !! انه اريد افهم

هاي حجايتهه للمره صدك جذب !

مرتي ماكلتلي هي موصيه شي من بره

ولوو موصيه تكلي هي ماتضمهه عليه

تحجيلي تكلي بويه اريد فلان شغله اوصيهه ؟

اكللهه اي يلا تطلبهه

- يجوز نست تكلك ..لو شغلتهه سريه موصيتهه وماتريدك تعرفهه

لوووو يجوز مو توصيل بس غراض تهمها لو فلوس منشغلهه جابوهه الهه

كلشي يصير

- جاااان حجتلي هي ماتجذب عليه كلشي تحجيلي وانه سألتهه احد اجانه ! كلتلي لا

لو جاي احد جان كلتلي

- يعني هسه هاي المره تجذب ؟.

تجي بنص بيتكم تحجي زور !! متوازيه !

-استغفر الله استغفر الله

- وحتى اختي لو تريد مشاكل جان صاحت العلويه وخلتهه تسمع كل الحجي وتروح تواجه مرتك بعد وتصير مواجتهه كدام عينك وتكب العركه بينكم

بس هي سكتت وتلافت السالفه كلهه

وكول الحمد لله وكعت بايد اختي وسكتتهه وطلعتهه

ضليت اطك باصابعي واعصابي تفور

وهو كلي ...

- خويه انه انصحك لوجه الله وهاي انه كل مره احجيهه الك وانته متاخذ بحجيي

بس انه اشوف لو تسكت على السالفه وتحط عينك على بيتك احسن

انته فتح عينك عليهه وخليهه هي بكيفهه شتسوي تسوي هي مأمنه بيك ماتدور وراهه

وانته هالمره جرب وشوف

اذا لكيت شي عليهه بعد هاي الله يحبك وكشفها الك

واذا شفت نفسك ظلمتهه بالشك بعد الله والعاذرين

المهم انته تكطع الشك باليقين وكلشي بينك وبين نفسك ومحد يدري ولا تصير هوسه وتطلع حجايه مو زينه عليكم

انته الرجال وعينك على اهلك وانته شوف بنفسك شسالفتهه؟؟

- الله كريم

سد الموضوع بعد اخوك ماريده ينسمع بعد

- سديناه خويه ولايضل بالك

رجعت للبيت وصعدت للغرفه .. هي جوه وانه قفلت الباب وضليت ادور بكل شبر بيهه

دورت شكد ردت بس الكى الغراض او اي علاكه جديده مالكيت شي ..

ضليت كاعد وافكر هسه هاي وين ضمتهن ؟

وليش تضمهن عليه؟ خاف هذني فلوس صدك ؟ ويجوز دازيهن الهه بعلاكه ومغطيهن بشي ؟؟

كمت فتحت الكنتور مره ثانيه وطلعت جنطهه

ادور بيهن واندكت الباب ..

كبل ضميت الجنط وفتحتلهه الباب ..

باوعتلي ورافعه حاجبهه..

-شعندك قافل الباب؟

- هيج ردت ارتاح وحدي

تمددت وهي اخذت دواهه تشربه وبعدين كلتلي..

- تدري شكد داتعب من الصعده والنزله

لو مدبرلنه بيت هسه مو جان ارتاحيت بغرفه جوه

- هسه اكعدي بغرفه اهلي هنه ضلن شجم يوم

- بابه زحمه كل يوميه فوك راسهم ابتلو بيه  اهلك !!!

بعدين يعني ماريد اخذ راحتي وياك

ماريد البس براحتي احجي اتمدد

وجوه البيت كله كاعد بهالغرفه

دينكطع نفسي لحد ماصعد تلث طوابق

واشوفك

- خابريني وكليلي انزل اريدك شكو متعبه نفسج بالصعده

- شفتك مبين ممرتاح كلت احاجيك اشوف خاف تعبان من شي

- لا زين مابيه كلشي

امشي ننزل سوه يلا

اخذتهه ونزلنه .. تغدينه وضلينه جوه كاعدين

و انه اكلب بتلفونهه.. كلشي مالكيت غير المتعود عليهن ..

راحت نامت وانه ضليت كاعد اكلتني الافكار

ومراقبهه لليل بكل خطوه ..

ثاني يوم الصبح خابرني عادل كالي ..

اكو كعدة عشاير بيت واحد من عمامنه

وحده من بنات عمنه اللح  متعاركه ويه رجلهه و مأذيهه بالضرب ومسوين كعده اليوم ودازين على الكل و انه ماكدر اروح عندي شغل وعزيز راجع بالطريق بعده ..   انته روح بدالنه وياهم ..

لبست وتحضرت وطلعت متفق اروح ويه حسنين .. مريتله للبيت اخذته وطلعنه ..

اليوم كله هوسه بيتهم وحجي يسطر الراس

مارجعنه لحد الليل ... غدانه وعشانه صار يمهم ..

رجعت كبل سبحت واخذت دوا واجتني ريري ..

- حيداار بطني دتأذيني حيييل

- رور تعبان والله اخذي مسكن هسه تصير زينه غير تقلصات مثل كل مره

-اييي بس معدتي وياهه موتتني ناار بيهه ناار

العصريه كلهه الوب منهه وهاي لويات دتصيرلي بطني

- تمشي ضلي تمشي واخذي علج مي من امي

هذا زين للمعده وهسه تصيرين احسن ان شاء الله

راحت اخذت العلج من امي وعفتهه يم الدرج تتمشى وصعدت كبل تمددت ونمت ..

الصبح هم خابروني رايدين يذبحون واليوم عازمين شيوخ بقيه عشيرتنه ولازم نروح

هم بس تريكت بالتسعه طلعت من البيت ..

هناك وكت الغدا والناس هوسه صايره مكلوبه امه الثقلين هنا وريري تخابر وارفضهه

وضلت تدك تدك لحد ما جاوبتهه ...

- بعدين بويه بعدين اخابرج هوسه يمي ماكدر احجي

- لك حيداار بطني دتموتني عوفهم تعال اخذني للدكتوره دااتكطع من الوجع

- استغفر الله وين اجيج هسه بويه بس اصبريلي ساعتين بس تفض الهوسه شويه واجيج

-لك ياااهوسه دااااكولك بطننني شبيك

وكت ناااس وعزايم تعاالي داكولك مريضه من البارحه ماشفتني الوب منهه

- اجيج اجيج بس انطي صبر

يلا بعدين اخابرج

سديته والتهيت ويه الولد .. وبس خلص الغدا

اجيت اريد اطلع وحسنين صاحني وكفنه على جهه نحجي...

- وين رايح ؟

- المره بطنهه ماذيتهه خلي اروح اخذهه احير بيهه

- ياامعوود هاي هم وصلك السره

لك بويه هاي وكت ولادتهه كل مره راح تضل انته تودي وتجيب للدكتوره وتكلك بعد وخليهه تتمشى

-هااه !!

- والله شبيك جا انه حفظتهه من المرحومه

هي نغزت بطنهه شويه وصاحت راح اجيب اخذوني وناخذهه وتطلع تقلصات عاديه بس نرجع للبيت تروح

- جا هاي فد مره صايره ومعدتهه كالبه

- كلهن هيج يحسن موتهن كرب بس خابرهه كللهه خلي تطول خلك ووصي امك عليهه

وهاذ هوه عليمن شالع كلبك بالدكاتره وهنا بعد الكعده هسه راح يبدي الحجي الزين

وين رايح يااخويه صدك تحجي !! 

- زين يلا بس اخابرهم وارجعلكم

خابرتهه وكلتلهه..

- عيني شلون صرتي

- داااموووت منها حيداار تعرف شنو داااموت بطني تلوينييي كطعتني ومعدتي

حاركتني كلشي مااكلت بس اتقيء من بارحه لحد هسه

-حبيبي بس هدي روحج وخليج يم امي

و هسه أن شاء الله يخف الوجع عندج

ضلي ويه امي خلي تقرالج عليهه وشوف هي شتنطيج تشربين تهدين معدتج

وانه بس اكمل هالكعده اجيج اذا بعدج نفس الشي اخذج للمستشفى

- فدوه لاتتااخر

-لا ياعيني اجيج ماتاخر بس يكملون حجي اطلع كبل للبيت

يلا ديربالج على نفسج

سديت الخط ورجعت كعدت وياهم

وطولت الكعده لحد المغربيه واحد رايح واحد جاي .. وتعشينه وطلعنه ...

وصلت للبيت رحت عليهه شفتهه نايمه

كلت صارت زينه وسألت امي عليهه كالت شويه احسن ولاتخاف مابيهه شي كل حامل هيج ..

عفتهه وصعدت نمت .. والصبح حسيت عليهه يمي ..

تكعدني وهي تبجي وتكلي ...

- حيداار كووووم فدوه كووم شوفلي جاره

لك بطني موتتني شبيك لخاااطر الله كوووم اخذني خلي يخلصوني اي شي ينطوني بس اريد يسكن الوجع

كعدت وضليت امسح بوجهه واتلمس بطنهه

كلتلهه..

- شبيج حبيبي فهميني شجاج هيج

مو بارحه صوتي زينه ونمتي !

- اي اخذت حبوب مال معده وتعبانه نمت بس بطني بقت تلويني وظهري يوجعني

من التعب نمت بس هي نفس الشي

- دخيلك ياربي عديهه بسلامه

- حيداار خاف هاي مال ولاده

الوجع كله حره ديصير

- لاا وين بعد وكت للولاده

خابري دكتورتج اسأليهه

- خابرتهه وتكولي انتظري اذا نزل عندج مي او دم يلا تطلعين لمستشفى

- جا اصبري ياعيني اصبري هي شدتهه بس هالايام اصبري وكولي يالله

- دااااكوله مااااتحملهه داااتكطع

معدتي دتوجعني صايره حجاره وظهري ماذيني حييييل

بالكوه صعدت حتى صفحتي متقصله

- تعالي نامي هنا ارتاحي وهسه انزل اجيبلج شويه لبن يريح معدتج ونصبر على وجع بطنج بأذن الله ماكو شي و بلكت الله وبدايه طلوك عندج وتجيبين الولد بساع بساع

-عفيييه روح جيبلي اي شي اي شييي بس خلصني

نزلت وطلعت للمحل جبتلهه لبن اكتيفيا

ورجعتلهه .. انطيتهه هي شربته ورأساً كامت تتقيء .. ضليت يمهه اغسللهه واصبر بيهه

وشفتهه فدنوب صارت نزلت اشغل السياره

حتى اخذهه ..

جان يخابرني حسنين ...

كالي ...

- وينك بعد اخوك تعال هذوله جاي يخابرون عليه ..

- منو ؟؟

- جماعه البارحه الرجال الي اتفقو وياه باجر يجيب الجهال لامهم يكول ابوهم مايرضى ينطيهم وهسه هناك بين ابوهم وعالكه بينهم

-دخيييل الله شنسويلهم بعد خلي اخوتهه يرحون

- شتعرفهم يسكتون هم راح تصير بيهه فصول لو حجي ماصخ بينهم يصير لو يتضاربون ورجلهه كلب ابن كلب مايناخذزمنه حق ولا باطل

تعال نروحلهم دزو عليه حتى بلكت يستحون منا وينطوهم

بدون مايتدخل احد وتكب الهوسه من جديد

- بووويه ماكدر اجي المره مريضه خلي اخذهه للمستشفى والحكك روح انته

- لك وكت نسواان هسه امشي خويه راح اطلع انتظرك يلا انه مجهز روحي بس تعال خلي نمشي

سد الخط وانه ضليت حاير .. رحت صعدتلهه وكلتلهه ...

- عيني بس شغله ساعه ساعتين وارجعلج

ارتاحي بس اجي اخذج وعد والله ماعوفج بعد بس اخلص من هالشغله واجيج

- رووووح وين متريد روووح معليه بيك راح اخذ امك واطلع وحدي

- لااا بويه لاا كولي يالله هسهماتخر شغله ساعه وانه يمج

كبل نزلت وشغلت سيارتي وطلعت لاكاني حسنين براس الفرع صعد وطلعنه الهم ..

وهناك جرت لا ساعه ولا ساعتين وهي تخابرني واكللهه بس هالساعه ..

وتريد تطلع هي ماخليتهه ..

لحد ماصار الغروب فضينه كلشي ورجعنه لبيوتنه ...

اجيت احجي وياهه زعلانه وحرف واحد ماردت عليه .. ضاله بمكانهه نايمه ومغطيه راسهه ...

عفتهه ونزلت اسبح ومن طلعت راسلني حسنين ..

كعدت جوه بالهول واراسله ...

دزلي ..

-  لك شني هاي مصيبه هالناس سطرو راسي

- بلوه هذوله انه ادري عليمن انطوهم مره

- عمي الوكت مايتأمن الناس كلهه ثعالبه طلعت

-اييي

- اكلك هم بعد صار وياك شي بسالفتك

-لا كلشي زين

- ديربالك الوجوه خداعه وشفت بعينك الناس شلون كلهه بلاوي ومصايب

- ايي والله محد هالوكت يتأمن

- همزين بديت تسمع مني وتاخذ برايي

شايف هسه بعد الله اليستر شتعرف ماتعرف عليهه

- لااا مو لهالدرجه هي

-لا كلشي توقع لتنسى بنت شارع هاي لو شكد ماعدلت بنفسهه تضل بنت شارع

وتخوف

- حتى لو هي محسوبه عليه مره بعد وعوف الحجي هذا سد السالفه

- اكلك انه ماحجي من جيبي

وكل شويه اسكت واسكت

لتنسى انه وياك شاهد على زواجك وشلون ترتب

خاف انته امنت بيهه بعدين

انه ماامن بيهه على هذيج دكتهه بيك من خلتك تكتب وتوقعلهه

- ادري هي سالفتهه هذيج عوجه

بس لغيناهه بعد

- ماتلغيهه هاي شوف ساعه الساعه تكلك يلا تعال نفذ وانته على عمى عينك كبل رحت وكتبتلهه شتردين حاضر

خلي تكشول الفوكك والجواك وتعوفك وتمشي

وضل انته خلي يفيدك كلبك الفطير

- لاا متسويهه

-لااا تسويهه وتسوي الاضربين منهه

- اعرف بيهه  مو زينه وشايف كل حياتهه شلونهه بس هي متريد شي مني

لا فلوس لا مصالح ماعدهه شي وياي

- هسه ماعدهه مصلحه بس بعد شجم يوم يصير بايدهه الولد والله لتلعب بيك طوبه

بهالولد تستغلك بي وتشوف بوكتهه

- لاا بووويه كلشي ولا الولد انه كايللهه

اجرم بيهه بس تندك بابني

- جا روح شوفلك ضبه الهه لاتضل فطير وتخليهه تتحايل عليك بسالفه الولد

انه عود وصيتك ارجع لدكتورك بس أنته الله يسلمك ماتاخذ بحجيي

- ليش ارجع لدكتور !

- جا نسيت شحجينه

غير تمشي تشوف وضعك صدك رجع زين بهيج مده قليله لو خاف صاير شي من وراك ماتدري بي ومغافليك الجماعه

- حسنين شبيك

كل يوم ضل نتعارك بهالسالفه

ابني هذا ابني منين يجي من الغريب !!!

انه ادري بيهه متخوني انته معليك بيهه لتدخل

- هو انه من احجي الصدك الي تخاف منه يصير وياك

كبل تزعل وتضل تسد الموضوع

- لا اله الا الله

- ديربالك ولتنسى الكدرت تجذب على اهلك تجذب عليك

خلي عينك عليهه مثل ماعلمتك

- متجذب عليه تريد تصدك لو متصدك ميفك بس هي متجذب عليه

- ليش يعني لان تكلك احبك

-جا الحب هين !

- على جماعتهه شربه ماي عدهم

انته مااخذتهه بنيه ومن هاي وقيس بعد

- ادري اخذتهه مو خوش بس راضي بيهه

وصارت ام الولد بعد

-هي هاي حاكمتك

بالولد لو مو هو جان تدري بيك تطلكهه

بس خوش جلبتلك بسالفه

- اي الولد ربطني بيهه بعد شفايده الحجي

-هم صدك شفايدته

هي تجيبه وتحطه بحضنك وتخليك بالامر الواقع هذا ابنك وحير بينه ياحيدر

- الحمدلله على كل حال

- حرامات والله هيج تاليتك انته ويه هيج مره

ابد مو من ثوبك

- كلمن وقسمته بعد

- قسمتك عوجه من يومهه

شوكت ترجع لدوامك

- باجر ارجع

- زين توصل بالسلامه ولاتنسى جيك وضعك

حتى نستغفر ذنبهه

- الله كريم

فتحت اليوتيوب وهي خابرتني ..

رفضتهه .. وكمت اريد اصعدلهه ودزتلي رسايل بالواتساب ..

- نعلى على صفحه عشيرتك والخلفوك

تعاااال اصعد

.

.

.

يتبع💕

..♣️🩸 ماء مغلي 🩸♣️..

* adzzon *

فتحت اليوتيوب وهي خابرتني ..

رفضتهه .. وكمت اريد اصعدلهه ودزتلي رسايل بالواتساب ..

- نعلى على صفحه عشيرتك والخلفوك 

تعاااال اصعد

صعدت بساع وفتحت الباب كبل صيحت عليهه...

- وووولج هالغلط علييييه !!!

- علييييك وعلى عشيره الخلفت شكولكم الزفره

-انجببببيييييي انجبببييي

كمشت وجهه عصرته وهي دفعتني

وضلت تصيح ...

- اااانيييي تحجي عليه حيداار انييي !!!

- شحجيت ! شبيج انتي شبيج!!

- لااااتغشم نفسسسسك مو ثوله اني وغشيمه

مادري شتسوي متسوي من وراي

هسه اني طلعت المو زينه ! اني المو خوش !

متورط بيه !!! حيداااااار متووورط بيه !!!

ضليت صافن عليهه وهي وجهه احمر دم

وكامشه بطنهه وتحجي بكل اعصابهه ..

جرت تلفون من ايدي وردت اجره منهه

وهي تكلب بي وبعدين صيحت ...

- مسحتهاااااا للمحادثه تدري بنفسك مجفص

تدري بيه ماااسكتلك كبل  تمسح وعبالك اني المطفيه مادري بيك شتخيط وتخربط ويه هذا القندره

ضربت التلفون بحافه الميز وفلشت الشاشه

وضلت تصيح وتكسر بالتلفون ..

- ليييييش لييييييش

هااااي جزاااتي ويااك تطعن بظهري !!!

هاااااااي جزااااتييييي

شمرت التلفون بالكاع باقي بس هيكل

واجتي تضرب بصدري وتعيط..

- جذاااااااااب طلعت جذااااب بكل شي ويااااي تجذب ابو مصلحه مثل كواويد عشريتك

- كاااااافي كااااااافي اسكتتتتتي صوتج

- لك شسكت شسسسسسكت

اني هنا اتجرع الموت كل ساعه وانته كاعد جوه متختخ ع البروده وحاط رجل على رجل وتحجي عليه !!!!!

ليييييش ليييييييش شسسويتلك اني بيمن غلطت ويااااك !!!!

اني هسه صرت مو زينه ومتورط بيه !!!

تخاف مني !!! وتشك بيه !!!

- مااشك بيج ماقريتي انه ماشكيت بيج

لاتضلين تلوصين بالحجي

- شكيييييت شكييييييت بيه وغدرتني

متختخ لحجي ابن عمك وهو يجيب ويطعن بيه بحجيه وانته ماااهمك مااااهمك

ليييييش استكثرت بيه كلمه بس كلمه تحجيهه وتلصم حلكه !!!

هااااااي انطيتك عمري وعافيتي وكل شي بيه

وانته استكثرت بيه الكلمه ماحجيتها !!!

- مااشكيت بيج لخاطر الله شبيج انتي تسودنتي عليه بهالليل

- اجذذذذذب عيونننييييي

اني حرف حرف قريته وانته تكتبه

منو الجان يكتب ابوووووك !!!

- اي انه كتبت وراسلت بس ماشكيت بيج

- لعد لييييييش خليته يحجي علييييييه

شلووون كلبك انطاك يحجي عليه ويشوه سمعتي كدامك وانته تسكت وتاخذ وتنطي وياه بالحجي

هييييج اني رخيصه عندك !!! هيج تكيف باليحجي عليه !

يكولك بنت شارع وتكوله صارت بعد شسويلهه !!!

- استغفر الله

جرت ملابسي وضلت تعيط ...

- لييييييش غدرتنييييي لييييييش تحجي عليه

يمه ماتدري بييييي يكرهنييييي

يشكك بااااابنك وتسكت متحجي !! شكد

طاااايحين حظ ومسقطين ولابيكم ذره غيره

اسقط من كل كووااااد مهتلف انتو

دفعتهه وضربتهه على وجهه وهي تبجي

- ماااااجاب حجي جذب

كلنه ندري عشرتنه منين بدت وصارت

شبيهه هاي الحجايه وغثتج !

الرجال جاي يحجي خايف عليه هو مايعرفج مثل ماانه اعرفج وانه هيج جاي اسايره بالحجي

واريد اسد الموضوع مااشك بيج لو شاك بيج وحاس الولد مو ابني جان ماكعدتج يمي دقيقة وحده بس جااااااي اكلج مااااشك بيييييج افهممممي افهممممممي

- لاتبرر لنفسسسسسك انته طعنت بيه بحجيك وسكوتك اله

تجااازيني هيييييج !!!

تخليني حجايه بحلوككم لان اني بنت شارع

مرررتك  اني مررررتك وهذا عرضك الدينحجي بييي شبيييك انته هيج ماعندك غيره على عرضك !!!

- كاااافي لخاااطر الله

ضربت ايدهه على الميز قوي وصاحت ...

- لك لييييييش ياابشر مو تعبت بعشرتك

لييييش ترخصني هيج !

ضليت اباوعلهه وهي جسمهه يرجف ووجهه بس دموع وحمار ..

رحت عليهه كمشت راسهه اريد احضنهه

وهي دفعتني وضلت تضرب بيه

- كاافي الله يخليج كاافي حبيبي

- ووووولييييي منيييييي ولييييي

عسسسااااك  لاشفت راحه بعمرك بعد

ولاتهنيت

خلت جنطه السفر وضلت تلم غراضهه

وانه اجر من ايدهه وهي ادفع بيه .

- اكعددددي ويييين تردين بهالليل ريررري

كافي خبااال كاااافي

- معليييييك  انته معليييييييك

بعد حررررف واحد مالك حق علييييه

انته البعتني وبعت عشرتي

بعد لااااا توصلني  وخرررر مناااا

لتشوفني وجهك

- حبيبي بس اهدي لخاطر الله

رور ياروحي انتي بس اكعدي نتفاهم

وشتردين حاضر بس اكعدي وين تردين تلمين غراضج !!! ماخليج تطلعين منا والله

ضلت ساكته وتلم بغراضهه وانه اقنع بيهه

وهي قفلت بعد حتى متباوعلي ...

اخذت عباتهه ولبست الشال وفتحت الباب وطلعت يم الدرج ضلت تصيح على سيف

- ريرررررري كسري الشر واكعدددي

مالج طلعه مناااا كاااافي هوسه ارجعي لغرفتج واسكتي

- انته شنو واسمع كلامك واكعد !

معليك ولتضل تزن براسي مالي خلكك

بيك خير نزل الغراض و روح كابل ابن عمك اشكيله مني  خلي ينصحك شتسوي  ويه مرتك بنت الشوارع الموخوش المصخمه عيشتك وعيشه الخلفوك

ضلينه نتعارك انه اريدهه ترجع للغرفه وهي تصيح لسيف .. لحد ماصعد سيف وهي

نزلت ع الدرج وكالتله..

- سيف نزل الغراض وطلعهن بالشارع

وامشي جيبلي تكسي

ضل هو يباوعلي وانه نزلت وراهه

احاجيهه وهي بس تبجي وساكته

نزلنه جوه وابويه واكف يم الدرج كبل

تلكاهه واخذهه حضن راسهه وهي تبجي

بحضنه وتكله ...

- غدر بيه يااااابه غدر بيه وخان عشرتي

ضل ابويه يصيح عليه .

- شفينت ويااااهه ولك !

- ماسويت شي بويه هيج سوء تفاهم بينا

هي عصبيه وتسرعت كلبت الدنيا

- جذاااااااااب جذاااااب انته دكتك متتسولف

واكعد اسولفهه لاهلك

لاتضم غلطتك بعصبيتي اني اصيح واعيط من حركه كلبببببي

لو عندك كلب جااان حسيت بيه

بس حسااااافه بيك كل ساعه من عمري كضيتهه وياك

ضليت اباوع لابويه وهو مخنزر عليه

وبايده يمسح وجهه وامي واكفه تقنع بيهه تكعد ونتفاهم وسيف كالي ..

- عمي اروح اجيب تكسي لا ؟

- لااااا اكعد

كبل هي صاحت ..

- معليك بي رووووح جيب تكسي

مااااضل بعد هنا لووو تحرك روحك هسه بعد ماعيش وياك

- لخااااطر الله كاااااافي

ولج انتي حامل وين تردين ترحين !!!

- معليييييك معلييييك لتدخل

هسه اذكرت اني حامل ! وتخاف عليه !!

محد يتدخل بيه

بيتكم وعشيتكم الكم وعوفوني ارجع لعيشتي

راحت لغرفه اهلي  وهي كامشه بطنهه

ورحت وراهه احاجيهه واقنعهه بس تبقى للصبح واخذهه لبيتهه وهي مادارتلي بال

اخذت جنطه الولد وطلعت

بعدهه ماعبرت باب المطبخ و كعدت  بالكاع تعيط من بطنهه ...

امي ضلت تصيح ونخبصت عليهه

وانه كبل طلعت شغلت السياره وابويه وسيف

جابوهه صعدوهه و يين مااننتظر امي تلبس عباتهه ..رحت فوك اخذت الفلوس وقفلت الغرفه ونزلت ركض ...

اخذتهه كبل للمستشفى وهي الطريق كله تعيط

وتضرب بايدي ..

وصلنه واخذوهه كبل لصاله الولاده

وامي وياهه وانه وابويه ضالين بره واكفين

هو يرزل بيه وانه ادعي الله مايصيرلهه شي

على وكفة الوحده ضلينه واجتي امي وياهه دكتوره ..

امي تصيحلهه ..

-هذا رجلهه هذا

الدكتوره حجت بسرعه ...

- مرتك لازم نولدها قيصري  لان

اكو شك عدهه تسمم حمل

دزينه تحليل بين مايطلع خلي نحضرهه للعمليه

- سوي اي شي زين الهه سوي

وصتني ادفع فلوس واحولهه للخاص بين ما تروح تنطي خبر بالعمليه ..

وركض بركض اخذوهه وساعات مرت انه بس ادعي الله يطلعهم الي بسلامه ..

وتالي طلعوهه بعدهه بالبنج وخلوهه بغرفتهه

وانه طلعت اشوف الدكتوره و بعدني اريد اسألهه على ابني .. هي كلتلي...

- الله يعوضكم

الولد ميت

- شنو ميت !!! ليش مات ! ابني ليش مات كل صحته زينه متابعهه شهر شهر

- شهر الثامن شهر حرج واغلب الاحيان يصير تسمم حمل ويموت الطفل ببطن امه

الطفل ميت ونازل

انتو شعجب ممتابعين نبض الطفل ؟

- كلشي متابعين وكلشي زين عدهه ماصار يومين بدت عدهه تقلصات

- الله يعوضكم

الولد اخذوه يغسلوله تعال وياي حتى تستلمه

مشيت وياهه وانه اكول لا هسه يكعد

ابني زين كل صحته زينه ...

وكفت اباوعله صغيرون وابيض  وعايفيه بلا غطى .. الممرضه يمي تسألني على اسمه

تريد تسجله وانه اباوعلهه واريد انطق اسمه

بس دمعه تسابق الحجي ...

ضليت ساكت وانه اتلمس الولد وهي تلح عليه

كلتلهه..

-ادم حيدر خضير

سجلته وخلت اللاصق مال الاسم على رجله

وراحت ...

شلته وردت اطلع وماخلوني .. ضليت شايله وواكف ....

اتلمسه وابوسه وفتحت عيونه شفت لونهن

جوزي نفس لون عيون امه ... رموش شكر

وخشمه نفس خشمي .. حلكه رفيع وازرك صاير ...

خليت اصبعي بايده وكل جسمي رجف

بعد ماكدرت اضل واكف .. كبل كعدت وحاضنه وابجي ...

سمعت صوت ابويه .. رفعت عيني اباوعله

وهو دنك اخذ الولد من ايدي وضل يباوعله ويباوعلي كال..

- طير بالجنه يتلكاك بويه

جر ايدي كومني وانه امشي وياه وماشوف شكو بدربي ..

طبيت للغرفه وشفت ريري كاعده وتون من البنج .. ابويه حط الولد بحضن امي وهي لفته بالحضينه ..

وكفت يم ريري وكمشت ايدهه وهي تصيح

- يمممممممه يممممه وين عفتيني يممه

دنكت على راسهه ابوسهه وابجي وعاصر ايدهه بايدي وهي تون ..

وخرت منهه وكت اجتي الدكتوره شافتهه وضربوها مسكن وطلعو ..

كعدت اباوعلهم وافرك براسي ... شراح اكللهه بس تكعد وتريد ابنهه؟؟

انه شلون هملتهه !!! شسويت بروحي !!

بدت تصحى زين وتباوعلنه .. رحت يمهه

دفعتني برجلي ...

- لتجي يمي روح ماريد اشوفك

- حبيبي بس خلي اطمن عليج واروح والله

-مابيه شي روح يلا جيب ابني وبعد لتشوفني وجهك

ضلت تكح وكامشه بطنهه .. جبتلهه ماي

اريد اشربهه دفعتني .. عاد اخذه ابويه وهو شربهه ..

ماكو هيج دقيقتين وضلت تتقيء وابويه هو يمهه يمسح بحلكهه وغسل وجهه وعدل نومتهه ...

هي غمضت  وانه كعدت يم امي وخليت الولد بحضني ...

شويه وصاحت ..

- حيداار كوم جيب الولد

ضليت اباوع لاهلي وابويه شاورني ..

- انطيه الهه بويه  كافي هيج لازم الولد يندفن خلي تشوفه وناخذه اخوتك على جيه حتى ترحون سويه  تدفنوه

رحتلهه وانه شايله وهي تباوعلي ماكدرت اخلي عيني بعينهه بعد ..

ولا حجيت شي بس خليت الولد على صدرهه

وضليت واكف مدنك وابجي ..

امي جرتني ووكفت مكاني عدلت كعدتهه

وتحجي وياهه وهي كبل صاحت ...

- لااااااا لاااااا لااااا مو هيج لاااا

حيداااار تعااااال تعااااااال كولي

ابني شبي !

وكفت يمهه وامسح بوجهي وسكتت مارديتلهه شي ..

ضلت هي تحرك بالولد وخلت راسهه على صدره ورجعت باوعتلي ..

عينهه مدمعه وشفتهه بيضه ونظرتهه فارغه

وضلت ساكته ...

كعدت يم رجلهه وهي تباوعلي وساكته

ورجعت تباوع للولد وكشفته من الحضينه

كلتلي...

- ليش ادم !

خليت ايدي على وجهه ومسحت دموعهه كلتلهه..

-  ابني سند مايموت لازم يجيني سند

الله يعوضنه بولد ثاني ونسميه سند

-بس هذا ابننننيييييييي  ابني اني مات ليش ماات !!

تسمم مو تسمم كوووول

- الله ماقاسمه النه

-لاااااا الله قسمه النه قسسسمه بس انتو موتوه

انته انتتتته خليته يضيع من ايدي

انتتتته موووتتت ابننننننيييي

ليييييش حيداار لييييش كسرتني بكلشييي ليش شسويتلك اني شسوووويتلك !!!

عفتهه وطلعت كعدت بره يم الباب وضليت

اضرب على راسي.. انه السبب كلشي

صار بيهم انه السبب ..

اسمعهه تبجي بعلو حسهه وانه كاعد كلي ماكدر اسوي بعد خسرت ابني كسرت كلبهه

راحت فرحتي كلهه راااحت ..

اجوي اخوتي وضلو يصبرون بيه وكوموني

رادو اطب اجيب الولد .. وطبيت وشفتهه

حاضنته ومخليه راسهه عليه ..

رحتلهه حضنتهه وهي حاضنه الولد

كلتلهه..

- يعوضنا الله ياروووحي يعوضنا الله

- ليييش حيداار ليش يموت

ما شلته بطني ثمن شهور حتى اخليه  بحضني ميييييت

وين صوته ليش انحرمت منه وماسمعته

ليش حتى مافتح عيونه وشافني

جان اني متت ليش بقيت ليش مو تسممت وياه ليش بس هو مات !!

بجيت ويه بجيهه ومخليهم اثنينهم على صدري حاضنهم  ..

وابويه يصبرنا و راد ياخذ الولد منهه ماخلته

كلتلي..

- جيب جنطته

امي انطتنياهه وانه خليتهه يم ايدهه

وهي فتحتهه وطلعت منهه دشداشه بيضه

وفتحت الحضينه وصارت تلبسه وتبجي

عدلتهه عليه وشالته ضلت تشم بي

بعد ماكدرت اخذه منهه ولا حتى اهلي ادخلو

واخذوه منهه ...

عفناهه وهي اخر شي  بوست ايده ومسحت دموعهه ولفته بالحضينه ومدته الي

خليت ايدي عليه وهي كلتلي...

- وين ماتدفنه ادفن عشرتك وياك

وبعد لا تجي وتشوفني وجهك

على كسرة عمري هاي ياحيداار وروح ابني ماسامحك

اخذته وطلعت تلكاني عزيز وحضني

ضل يصبر بيه ويكلي يتعوض

بس انه ادري خسرت بعد مايعوضني شي ..

انتظرنا طلع الفجر ورحنه دفناه ورجعت فارغ الايد منه .. رمشه عين لكيته بحضني ورمشه عين ودعته ...

رجعنه للمستشفى الصبح وانه ضليت كاعد بره وصافن ... سألوني اخوتي شوكت يطلعوهه منا ..

ورحت اسأل على الدكتوره وانتظرت لما صاحوهه واجتي تفحصها وانه بره انتظرهه

طلعت وكلتلي ..

- لازملهه تحاليل ادفع حتى نسويهن

رحت دفعت فلوسهن يلا سوولهه التحاليل

وضليت ادك الباب طلع ابويه وسألته عليهه شلون صارت وهو يكلي ..

مو زينه كلش مندمره بالبجي والوجع

ضليت كاعد بره واناجي ربي هو اعلم بالحال

للظهر طلعت التحاليل وطلع عدهه تسمم فايروسي  ولازم تضل هنا يراقبون حالتهه

كلت لابويه يخلي امي تطلع ويرحون بعيد اريد اكعد يمهه احاجيهه وحدي ...

طلعو همه وطبيت سديت الباب قفلته وكعدت يم رجلهه وهي نايمه ...

تلمست عمليتهه وايدهه .. وهي كعدت باوعتلي وعيونهه صفره ومنفوحة..

- شعندك رجعت !!  رووووح اطلع ماريد اشوفك لتعل كلببببي كافي الي بيه رووووح لتشوفني خلقتك

- ارووح والله بس اجيت افتهم منج شغله واروح اعوفج براحتج

-شتريد

- شصار وياج وتمرضتي هيج ! بس خلي افهم شجاب التسمم عليج   !!

- روووح اسأل مرت اخوووك بنت عمك

الملعبه اسألهه خلي تجاوبك

- شسوتلج !!

- ليش شيفيدك بعد تعرف شسوت !

متنا احنه اووكي ابنك مات واني داموت

-لاااااا تشلعين كلبببييي ريررري كليلي شسوت بس احجي شسوت

- احجيلك بس ماريدك تروح تطلع سباعيتك ادري بيك بس توصل لعمامك انته تنعمي بعد

وماريد منك شي اني اذا عشت اخذ حقي بايدي

بس احجيلك حتى تشووووف منو الموزين ومعاشرك شووف منو الموزين منا !!

بيت عمك دزو مؤمل العصريه اول يوم رحت بي للعشاير

دزوه جايب جاي دارسين واخذته فضه

منه .. وره شويه جابت الصينيه وين ماكاعدين اني وامك ..

خلتهه وكعدت .. صينيه مرتبه بيها قوري فرفوري وشكردان وكوابه وكعدت تصب وتنطينه ..

تكولي هذا يسهل الولاده ومال مراد توزيع اهلي مسويه اخذيه وبجاه الحسسييين ومصابه

تجيبين وتكومين بالسلامه

وخلتني اشرب كوبين منه وامك هم شربت خاف اني اجذب ومتصدك بيه هذيج امك روح اسألهه

كوللهه شبيج ليش متزوهره من معدتج صار يومين روووح اسألهه تره هي هم كلبت معدتهه مو بس اني

بس امك اخذت دوا ومدري ششربت وخلصت من الوجع الااا اني الووووب

وتتكطع معدتي وبطني واحجيلك ومتهتم

وهذيج الكحبه تنطيني كهوه اشربهه تكولي

تهدي معدتج وتصفي راسج

وشوف تاليهه وين وصلتني

تحجي وترجف ايدهه وانه مركز بعيونهه مكلوبه صفره ووجهه كله قطره دم مابي

- ااااني امنت وشربت لان امك شربت وياي

وحتى امك ماسلمت منها

روح شوف شعدهه من شر وسموم دازهه ابن عمك المستشرف براسي

روح يلا روح واجههم بس تعرف تمشي وراهم اعمى !!

ويمي تسترجل وتستشرف

طلعت كبل من المستشفى للبيت .. لا حاجيت احد ولا باوعت لاحد من اهلي وسمعت شيحجي ..

طبيت البيت ودورت على فضه مالكيتهه جوه صعدتلها فوك ورحت لغرفتهه كبل فتحت الباب وشفتهه متمدده .. كبل غطت نفسهه

وانه صحت عليهه ...

- البسسسي وانزلي كدامي يلااااا

طلعت وكفتلهه بالباب وانه كل نار الله بيه

هي طلعت وانه جريت راسهه وركعتهه بالحايط .. وعلى عيطتهه طلع سيف

صحت عليه ...

-لتدددددخل انته

عصرت راسهه ع الحايط ...

- لييييييش سممتيهااااااا لييييش شترررردين منها 

- ماسويت شي خويه دخيل الله شعليه بيكم

- لااااااااا تجذبيييين لخاااااطر الاسلااااام شتررردن منننني

تكتلييين ابني ليييييش لييييييييش

احد دزج عليهه ؟؟؟ كليليييي احجييي احسن مااذيج والله ضيم كلبي كله اطلعه بيج

ضلت بس تعيط وتصيح لسيف يخابر ابوه

وانه جريتهه ونزلتهه جوه اخذتهه للمطبخ

وهي مخليه جدر ع النار دفعته وتطشر الاكل بالكاع وجريت ايدهه للنار ...

ضلت تعيط وانه كفختهه على راسهه ..

- بهااااي ايدج جيتي وشربتيهه وموتي ابني

ومرضتيهه وتشوفيهه متزوهره كدامج وتتشفين بيهه

بهااااااااي موووو بهااااي ايددددج احركهاااا الج احرررركهااااا

- لاااااا خويه عليك العباااس لااا

- ياهوووو وصاج وانطاج وكلج شربيهه !!!

انتتتي لووو غيرررج احجججججي وعلي احركج هسه

- والله اخوي والله انه ماريد اذيهه والله هو كالي انطيهه ومعليج

- جذاااااااااااببببه جذاااابه

تدددرييين بيهه اذيه الهه تدرررين تدررررين بيهه جاي تموت كبالج وسكتتتي

والله لاحركهااااا لايدج السميتي بيهه ابني والله فلااا ارحمج

هي تعيط وتدفر وانه خليت جف ايدهه على النار وحييل دستهه على الحديده وبعدين جريتهه ودفعتهه ..

وهي وكعت بالكاع وتلوب وتعيط وانه كعدت يم السنك واباوعلهه واعصر براسي ..

وره شويه طبو عادل وابويه ...

ابويه ضل واكف بمكانه وعادل دنك عليهه

جر اذانهه ...

-شمسويه ولج !! شمسوووووويه من كسره وجه

رفعتله ايدهه وتكله ..

-اخوووك حركني حررركنيييي

ضربهه على وجهه وصاح عليهه ...

- اخووويه حركلج ايد انه احرك وجهج وحك عليييي احركج هسه

شمسوووويتله  ولج احجيييييي

احجييييي احجييييي

شمسويه ومخليه حيدر يبجي هنا وحده !

ضلت هي ساكته وهو يكفخ بيهه  .. ابويه

صاح عليه ..

- شبيهااااا هااااي شبيهاااا شمسويه ولك احجي حيدر بويه احجي

صحت بعلو صوتي ...

- كتلته لابننننننني كتلته سممته بوووويه

هو وامه سمتهم

ضربهه عادل وهي تعيط وصاح عليهه..

- شجااااابج على مرررته شتردين منهاااا

ابويه وكف يمي وكالي ...

- مرتك شربت ويه امك هذيج العصريه !

-اييييي اييييي هااااي شربتهه وتدري بي سم الهه ولابنهه

بوووويه ماااات ابني مسموووووووم

ابويه صاح لعادل...

- اخذهه لاهلهه اشمرهه ويمين الطلاك هسه

ترميه عليهه

طلكهه عادل وجرهه شمر عليهه عباه

واخذهه وطلع ...

ضل ابويه كاعد يمي ويكلي...

- والله يابويه شكد نخيتلك يحفظلك هالولد ويفرح كلبك بي بس قسمة ربك

- حسبي الله ونعم الوكيل حسبييي الله ونعم الوكيل

بويه ليش ماخذتهه واخذت امي للمستشفى مو كاعد وياهن وتشوفهن متزوهرات هذيج الليله ليش عفتهن

- لا والله ماعفتهن وكلتلهن اخذجن بس امك

عاندت مارضت تمشي

كالت اكل علج مر و اخذ حبايه لعان نفس واصير زينه

وانطتهه لمرتك هم ونامن سويه للفجر حسيت عليهن اثنينهن يتهوعن

وهم امشن اخذجن هاي تصيح رجلي بايده مابيه حيل وهذيج تصيح بطني مغص مابيه امشي بعد

- ماااااكعدتتتتني ماكلتولي امييي مو زينه

ماكلتو هيييج بيهن ليش من اكللهه لامي تكلي مال طلوك وبعد وكت على جيابتهه

- ااانه ادري بامك شحجاهه هيج !

انه طلعت للسوك ورجعت لكيتها زينه

مادري شمفوره وشاربه

بس هاليتيمه ضلت تنتظر بيك

اكللهه اخذج تكلي مايقبل وهسه يجي

وتاليتك لااجيت ولا اخذتهه

وكفت اصيح بنص المطبخ واكسر شكو كدامي واضرب بنفسي وابويه يجر بيه

وانه لحد ما خلص حيلي يلا كعدت

ابجي وحدي على مصابي ..

كلت لابويه على حجي فضه على اخوهه

وكالي بس تطلع مرتك بسلامه نروح نكعد وناخذ الحك منه ..

غسلت وطلعت وحدي للمستشفى وابويه ضل بالبيت ..

كعدت هناك احجي لامي الصار وهي هم

اكدتلي شلون فضه كعدت تقنع بريري تشرب الدارسين يسهل ولادتهه

وبيومهه اثنينهن ماتعشن من وجع معدتهن

عرفت كلشي متاخر ... خسرت ابني وكسرت كلبهه و تهدمت عايلتي وصفيت اباوع لوجه الله واندعي يفرجهه عليه بسلامه ..

لثاني يوم ريري  يبدلولهه الدم وماترضى اوصل يمهه .. ضال واكف بره واسأل امي على حالهه ...

كضينه اسبوع هنا بالمستشفى

لان صار عدهه التهاب بالمعده وابو صفار

وهي بعدهه خيط العمليه ماشايلته ..

اسبوع انه ماشايفهه .. هي جوه بالغرفه وانه بره .. ادفع لعلاجهه واركض وره الدكاتره

واجيب بالادويه ومن اوصل يمهه الكل تطب عليهه تشوفهه وانه اضل بره ..

كطعت الاكل نهائي ماتاكل شي مايخلوهه

الدكاتره تاكل بس على كد تشرب الماي وعصير برتقال بس هذني ..

خلص الاسبوع وكالو نطلعهه ونضل نراقب علاجهه وحالتهه بالبيت ..

وانه ردت اخذهه غير مستشفى ووصيت امي

تحضرهه ونطلع اليوم ...

وهي دزت عليه تريد تشوفني ..

طبيت وشفتهه صفررره وعلى نومتهه

اشرتلي اكعد يمهه ..

كعدت وهي حجت صوتهه ناصي وبهدواه تحجي ..

- ماريد منك شي بعد لهنا وكافي

رجعني  لبيتي اليوم

-وييين ارجعج ويين !!! هذا البيت كله الج

هذا بيتج بعد

هذاك انسيه

- ماريد اشوفك ولا اسمع صوتك بعد

وهسه هاي اخر حجايتي وياك لو ما مريضه ماادز عليك واحاجيك

- اطلع من البيت والله واعوفه الج بس ضلي هنا اهلي يداروج وانه اطلع وعليي ماشوفج وجهي اروح اهج

- ولاااا حتى اهلك اريدهم

ولا امن بيكم بعد ولا اريد بشر منكم يكابلني

عوفني وحدي بعد ماحتاج هسه تصيرولي زينين

رجعني لبيتي ومالك دخل بيه بعد اني اعيش نفسي

- ماارجعج هناااك وحدج انتي شايفه نفسج شلون صايره ! مابيج تمشين وحدج وين اعوفج هناك منو يداريج !

- معلييييك بيه لتضل تماطل بالحجي مابيه حيلك

صدك اذا ماخذتني اليوم لبيتي الاا احجي كلشي لاهلك احجيلهم منين اني وشمصخمه بعيشتي وشلون عرفتك

واهدم شكو شي باقي بحياتك ويه اهلك

رجعني وبعد ماريد اشوفك كل عمرك لا تسال عليه بعد ولا تجي تدك بابي

- ماااخذج هناااك بوووويه سوي شتردين تسوين بيه سوي بس بيتج ماعوفج وحدج

اخذج مستشفى هناك اضل وياج وحدي اشوفج تصيرين زينه واعوفج وين ماتردين تروحين روحي

- بس تكابلني انته اضل مسمومه

عوفني بيتي وحدي واني كل الحيل يرجعلي

اخر مره اكولك اذا مااخذتني لبيتي افضحك هنا بين اهلك واكللهم هاي اني الكواده بنت الشوارع الي تزوجهه ابنكم وهسه شال خشمه عليهه

واحجيلهم شكو شيييي مصخم سويناه

ماخاف من شي تعرفني جنت اخاف بس عليك وانته ماتسوى حتى خوفي

عفتهه وطلعت بره ... افتر بالممر وافكر بحل

اخر شي كلت اخذهه هناك غصبا عليهه

ادخلهه مستشفى واضل وياهه حتى لو بره ميخالف ...

خابرت عزيز يجي ياخذ امي للبيت

وانتظرته لحد ماوصل وفهمت امي

هناك اخذهه دكتور وارجعلهم

واخذت ريري وطلعت لبغداد ...

مرجعلهه الكشن وهي نايمه الطريق كله

ولحد ماوصلنه كلت اخليهه ترتاح بالبيت بين ماشوفلي حجز بمستشفى اهلي واضبط ويه دكتور يلا اخذهه ..

طبكت كدام البيت ونزلت فتحتلهه الباب ونزلتهه ..

عندي المفتاح فتحت قفل الباب الخارجي

وطبيت وياهه وفتحت باب الهول وهي طبت كدامي واندارت عليه ضلت تباوعلي وكالت ..

- يلا شكرا يلا روح بعد لتدك بابي وتعبني بهوستك

- هاي شبيج رور بس اليوم اضل يمج احجزلج يم دكتور زين واخذج بالمستشفى واروح ضلي براحتج

- ماريد شي منك ولو تجيبلي العافيه بكلاص هسه مااشربه من ايدك

دفعتني وسدت الباب بوجهي ....

.

.

يتبع💕

..♣️🩸 ماء مغلي 🩸♣️..

* adzzon *

- ماريد شي منك ولو تجيبلي العافيه بكلاص هسه مااشربه من ايدك

دفعتني وسدت الباب بوجهي .. ضليت ادك بالباب واصيح عليهه .. وفتحته دفعته حسيتهه واكفه وره الباب .. عفته مفتوح شويه واحاجيهه ..

- رور غلطان والله ادري كل الغلط بيه

ازعلي عليه بس خلي اشوفج زينه واروح اخليج ترتاحين مني والله بعد مااشوفج وجهي لحد مايبرد كلبج عليه

- ماااااااريدك بعد حيداااار لتضل تلح

رووح اطلع من بيتي لترجع بعد عوفني

اني اداري نفسي

- مااااعوفج وحدج ماااعوفج والله ماكدر

-مااااريدك يمي رووووووح

ماعندك كرامه انته

داكولك ماريدك اطلع من بيتي اطلع من عيشتي كلهه روووح ولي لعشيرتك روووح شكو مجلب بيه

- ياااااالله ياااالله دخيلك ربي صبرك

ريرررري حبيبي بس دقيقة اجي يمج

اوصلج لغرفتج واطلع والله اطلع ماضل يمج

- اكووووله روووح روووح

ماعتازلك هسه تحن عليه

لاتعبني روح منا صوتك ديلعب نفسي

طبكت الباب وانه كعدت يم الباب واعصر براسي ..

اريد نفس صدري كلش ضاك ..

كمت طلعت بالشارع والتعب زاد عليه

فتحت باب السياره وكعدت .. رجعت الكشن

وضليت فاتح الباب ومتمدد وافرك بصدري كلش مخنوك ...

دك تلفوني النوكيا.. اخذته وجاوبت ابويه

حجيتله راح تضل بيت خالهه راجعين بيتهم وتريد تبقى يمهم ..

سديته ورحت لمستشفى العلوية..

طلبت ممرضه تكعد وياهه بالبيت ما قبلو

وصوني ادور بالاهلي لان هنا كلهه بوظيفه مرتبطه متكدر تعوف الدوام ..

رحت لمستشفى الراهبات هم ماقبلو

ضليت احاول وياهم تالي انطوني رقم

وحده تكدر تدبرلي ممرضه خاصة

خابرتهه و اتفقت وياهه بعد ساعه تجيني للمستشفى واخذهه للبيت وادفعلهه يوميه

٦٠الف ...

ضليت كاعد وصدري مخنوك .. احس ضلوعي واحد طبك بالثاني ..

خابرتني وصلت البنيه وكبل اخذتهه لبيتها

فهمتهه بالطريق على حالتهه وكلتلهه انه بالباب اي شي تحتاجي اطلعي كليلي لو تخابرين ..

وصلتهه لباب الهول فتحته الهه وهي طبت وانه ضليت بره كاعد بالسياره...

شويه وخابرتني ..

تريد من الصيدلية مغذي وابر وتحاميل وتريد مسواك ..

رحت اشتريت كلشي ورجعت خليتهن باب الهول وانتظرتهه اجتي تاخذهن وسألتهه عليهه ..

تكِلي ضغطهه هابط ونايمه بغرفتهه

ومتحجي وياي ..

رجعت للسياره وضليت كل ساعه اخابرها اسأل على ريري وهي كلتلي نامت

ورادت هي هم تنام ماخليتهه كل شويه اخابرهه واكللهه شوفيهه ..

للصبح انه متمدد بالسياره والتلفون بايدي كل شويه اخابرهه...

هذا الشارع الصبح اهدء من الليل

اخذتلي غفوه ساعتين وشويه

وبعدين طلعت ادور دكتور يشوف معدتهه والالتهاب العدهه ..

واحد جان بمستشفى أهلي وفهمته هي متكدر تطلع لان مسويه عمليه وكالي وكت مايخلص دوامي هنا واطلع للعياده اروح وياك ...

وضليت انتظر بي لنص الظهر يلا طلعنه

والطريق كله افهمه شلوون صارت حالتهه من البدايه لحد هسه الي بيهه .. واخذتله غدا

بس من طبينا المنطقه هو كبل ضل يباوعلي

ويعدل بنظارته .. ونكلبت ملامحه...

ماحجيت شي وفهمته .. هي شبهه ثابته على اهل المنطقه ..

طبيت وياه للبيت وصيت البنيه تغطيهه

يلا خليته يطب يشوفهه ..

هو يفحصهه ويقرا بالتحاليل وانه عيني عليهه

اشوفهه شلون صفره صايره وحتى عينهه متخليهه عليه ..

ضل يفهم البنيه على العلاج و طلعنه

انطيته فلوسه واخذته وصلته لعيادته

واخذت رقمه ورحت للصيدليه جبت العلاج

ورجعت للبيت انطيته للبنيه وطلعت ...

ثاني يوم رجعت لدوامي خلصت اجازه العشرة ايام بدون راتب ..

وصرت اطلع من الدوام اجي عليهه

اوكف احاجي البنيه واشوف شيحتاجون

وارجع للقسم انام شويه وارجعلهم بالتسعه بالليل اضل كاعد بالهول وهنه بالغرفه

مااشوفهه ولا اسمع صوتهه ..

و انام هنا .. اطلع الفجر للقسم ابدل واطلع للدوام ...

فتحت خيط عمليتهه وبنفس الليله اجيت انه لبيتهه وطبيت للهول شفتهه كاعده على القنفه

صارت عيني بعينهه ..

هي صاحت على البنيه واجتي مبدله وشايله غراضهه .. كلتلي ...

- ماحتاج لاحد بعد

رجعهه لاهلهه وتعال نتفاهم

- ومعدتج والعلاج بعده

- زييييينه مابيه شييي

اخذهه يلا وديهه وتعال

- الحمدلله صرتي زينه

ألف حمدلله

اخذت البنيه وصلتهه للمستشفى مثل مارادت

وانطيتهه فلوسهه ورجعت لريري..

كعدت يمهه وهي تباوعلي بعينهه الصفره

وهذا الوجه اصفر وذبلان ..

كلتلهه..

- ربي يشيل من عافيتي وينطيج وعليي جمره بكلبي عيونج هيج ضالات

- اخاف عافيتك هم سم تنصب بيه

انتو وراثه بدمكم السموم

- هاي انه صرت سم !

- لا انته مرض بحياتي مرررض

اني ليش حبيتك !!!

جديات يعني ششفت بيك وحبيتك !!!

ثوله جنت ثوله وغبيه شلون امنت بيك !

انته غير حالك من حال اهلك شبيه اني انثولت وكلت لا هذا زين ويختلف هذا

خوش رجال أمن بي وانطي روحي يستاهل حيدر مظلوم بين اهله خطيه اني اسنده اني اداريه وهو راح اكيد يداريني

- شفتيني قصرت وياج بيوم ! لا تنسين كل زيني وياج وتجلبين باخر حجايتين

-لاااااا انسى كلشي انسى

مثل مانته نسيت وكعدت طلعت الي بكلبك عليه انييي هم انسى كل زين منك واشوفك مثل ماتشوفني

- والله مادري شلون حجيت هيج والله انه مو هيج افكر بيج

ريري وعلييي احبج وكلبي ممرود عليج

انتي كلشي بحياتي

انه اخذتج وحبيتج بكل شي بيج لاتنسين شكد انه حبيتج ومتعلق بيج

انه هم ممروده روحي على ابني والله والله امشي تايه وكل عقل مابراسي وصدري مخنوووك وعلي كوه اجر النفس و واكف لخاطر بس اداريج

- باوع العتاب والزعل والحجي هذا كله

عوفه بعدين

اني مابيه حيل اعاتبك هسه

الحجي الي بكلبي يذبحك ويذبحني من احجيه

واني صحتي على كدي هسه ماريد اوكع وتضل حاير بيه

- انه وياج بكل شي ترديه بس ماالج طلعه من حياتي

انه املي بيج ريري لتنسين انتي شنو بحياتي

لتنسين انه شلون اصير بدونج

- عوف الحجي هذا هسه مو وكته

من يصير بيه حيل نكعد ونتفاهم

حيدااار الي مات ابني .. ابني ااانيي

اذا انته ماحسبته ابنك وشكيت بيه بس هو ابني ومات مسموم بطني

بعدهه عينه ماشفت الضوا واتسمم ومااات

وحق ابني اريده

اني كاعده بيتك بمسؤليتك .. اي شي يصير عليه انته المسؤول .. انته المفروض تحميني من اهلك ومن اتأذى منهم انته التوكف وتاخذ حقي من عيونهم لان اني مرتك وبذمتك

- والله كتلتهه وحركت ايدهه السمتج بيهه

وعادل طلكهه وشمرهه لاهلهه والله بنفس الساعه الحجيتي عليهه رحت عدمتهه العافيه

- هي ليش هيج سوت !! شتريد مني !! هيج الغيره عمتهاا!!!

- كالت اخويه موصيني انطيهه

- اياااا نغل شووووف من جهه يوز بيك عليه

ومن جهه يدفع باخته تجي تسممني وتوكع الطفل

وهذا الدارسين الدكتوره تكولي موزين تشربه الحامل هذني يشربنه الي يريدن اجهاض

بس كالت ميسوي تسمم يعنيييي

جماعتكم خابطين وياه شي

شلون لعد هسه اني عندي التهاب معده وكبد من التسمم غير خابطين السم ويه الدارسين

فتحت دكم قميصي وضليت اضغط على نص صدري وكمت رحت اشرب ماي واغسل

ورجعت اريد اوصل للقنفه بعد ماكدرت

كعدت بالكاع يم الحايط ..

تباوعلي وانه افرك بجهه صدري اليسره

والنص هاي كلهه متشنجه ..

اجتي يمي كمشت وجهي .. ضليت اباوعلهه واخذ نفس قوي ..

- شبيك ؟!

- مخنوك صدري متشنج

- انطيني ايدك .. بيك حيل تكوم ؟

كمشت ايدهه وكمت .. رحت وياهه للغرفه

ردت اتمدد وهي ماخلتني ..

- خلي اغير الفراش لتنسى عندي التهاب فايروسي خاف تنعدي مني

ضليت مرتجي على الكنتور وهي بدلت الفرشة والمخاد وشالت كلشي الهه من كلاصات وادويه هنا ..

تمددت وانطتني غطى جديد .. وراحت

هي من تمشي ايدهه على مكان عمليتهه

ويبين على ملامحهه الوجع بس ساكته

رجعت يمي وانطتني عصاره ..

- هاك اخذهه ودهن صدرك هاي مال تشنجات

اذا ماصرت زين روح للدكتور بعد وكت تلحك هسه تروح

اخذتهه ونزعت القميص والفانيله وصرت ادهن صدري وهي اجتي خلت مخدتهه من

يم رجلي وتمددت ..

كلتلهه..

- شتريدين اسويلهم وترجعيلي

- اريد حقي الواجب عليك تجيبه

ماريد تنطيني مقابل لعيشتنه سوه اوووكيي

- يعني قافله بعد ماترديني! هيج بحجايتين كرهتيني وراح كل شي بينا !

- لاااا اني ماكرهك ابد

اصلاً عيب عليه اكرهك

- جا بعدج تحبيني ! وماترديني !

- اي احبك بس عشرتك بعد متفيد

- ليش حبيبي! ليش تنسين عيشتنه ومحبتنه شلونهه!

- مانسيت شي بس كلبي ملجوم منك

كم مره كلتلك لتجيب طاري هالموضوع مابيه حيييييله

- هاذ هوه سدي الموضوع انه هم مخنوك مابيه احجي بعد

ضلينه ساكتين .. هي دايره وجهه ومغمضه

وانه متمدد واباوع عليهه ..

وره شويه كعدت هي وكامت تكمش بالكنتور وتمشي .. رحت وراهه وشفتهه تتقيء

بس خليت ايدي على ظهرهه دفعتني

غسلت ومشت شويه وكعدت بالكاع قريب المغسله ..

ضلت كامشه بطنهه وتكولي..

- ابن عمك اذا تهنى بعيشته اني اموت

- بعدين نتفرغلهم صحتج هسه اهم

- مااااكوووو بعديييين ماااكوووووو

هذاك السرسري كاعد بيته ومتعافي وشابع راحه واني بيتي مهجوم وعافيتي ندمرت من وراه و وره اخته الكحبه هذيج الحيه ام راسين عسااااهه بحركه كلببببي نفسهه كوون تضوكهه وتتلوع بيهه وماتلكى رااحه حتى بكبرهه

- كاااافي حبييي كافي

عوفيهم داري نفسج هسه صيري زينه واخليهه تجي تبوس رجلج والله

- مااااريييييد شكولهه الزفره اشوفهه

حيدااااار ولد عمك هذوووووله ماتسكتلهم

وهذاااااك المصخم عدوي ومااا عوفه

اذا ماينكسر خشمه وخشم الخلفوه

- واااالله مااسكتله بس هسه انه حاير بيج

مو بيه بس تصيرين زينه ارجع هناك واخذلج حقج

- شتسويله ؟

تضربه !

- كلشي اسوي بي

فراك الولد مو هين والله حاقد على امه محمد كلهه وره موته

- لا لاتضربه

لا مو هيج اريد

كمشت بالحايط وكامت طبت للغرفه وتمددت

بمكانهه .. وانه كعدت يمهه ..

كلتلي..

- هذا مشيطن وراح يأذيك

والي يأذيك مااسكتله

تتاذى مني اييي عاادي بس واحد غيري لو بحجايه

يمسك مااخليه يتهنى

وهذا اكيييد هسه مدبرله فد لعبه ويريد يوكعك بيهه

كافي حياتك الهجمهه لحد هسه

بعد سكته عليه مااااسكت

- لا ترجعينا للدم

-لااااا مايستاهل اتورط بي

هذا اوكعه بشر اعماله بس انته صحصح وفتح عقلك ويااااي

حيداار اني كلشي اعرف عليك كلشي تفهم شنو كلشي ..

هاي مكالمتك ويه ابو المولده اني اعرف شتحجي بيهه

لا عبالك بس انته عندك الشهاده وتعرف بالتلفونات والحاسبات

تره عقلي يوازن عقلك ويتعداه

- هاااا يعني مراقبه تلفوني وتنبشين وراي

وكدامي ساكته

- اي اراقب تلفونك

لان رجلي انته حقي اخاف عليك واصير نبهه على حياتنه

- ولج يعني تشكين بيه انتي !! وكاعده تدورين وراي!!

- لاااااااء لتلوف سالفتك علييييه اوووكييي

اني اراقب تلفونك حتى اتلاحكلك انته كلبك فطير بكلشي تصدك من يحجيلك هذاك النغل

وهاي وكعتي هي خلتك تصحى على زمانك

لو مامبحوشه وراك جان هسه ماخذك مجرجرك للحبوس وتضل انته تصفك ايد بايد

ضليت ساكت وافرك براسي وهي كالت..

- اشمرلي مخده من يمك

اخذت المخده جاي احطهه وراهه وهي جرتهه من ايدي ..

- لتضل تداريني اوووكيييي ممعتازتلك

حير بروحك احسن

روح شوفلك دكتور لتضل مكابلني وكاعد

تره مابيه حيل اداري

- كايلج داريني ! معليج بيه

- ديلاااا اووي شتسوي سوي

اسمع عيني تكعد ويه ابن عمك وتمشي على مايه .. لاتروح تحرك وتصلخ وتهجم الدنيا

هذولاك وحوش ياكلونك بليله كشره ومحد يدري بيك

تبقى وياه دهن ودبس واااانييي اعرف منين اصيده

- ريري لااروحله ولا اوصله هسه انه ماطايق ريحه بشر

ولعبانه روحي من النفاق

- لعد. انيييي شكول عيني ابو النفاااق

هو منو الكاعد حاط رجل على رجل وينافق

ابويه ذاك طلع من كبره ولزم تلفونه ويجكجك بي !!!

-استغفر الله

- تحجي الاخرس

دتشوفني جارعه السم بكلبي وساكته شكو تجي تنبش بي وتخليني العلع

سد سالفتك هاااااي سدهه خلي يجيني الحيل واني اطلعهن كلمه كلمه من عيونك

- ولج وعلييي تعباااان ريري كافي الصار بيه دخيل الله

- اييييي ديلااا. كافي كافي

اسمع

تلفوني اريده وغراضي هناك تجيبهن كلهن

كشايه ماريد تبقي بغرفتك

بطاقتي ماريدهه .. سياره ماريدهه

فلس واحد منك هسه مااريد

انطيني تلفوني وغراضي وروح بعد لتشوفني وجهك اني من أريدك اخابرك

- صدك تحجين!!!!

تعوفيني!

- اي اعوفك ماكعد ويه الطعن بيه

لك اني بمي عيني داريتك وانته ترستني ضيم وكابلتني شتريد مني يعني شسويلك !!!

- شبيج حبيبي جاي تفهمين حجيج شنو !

يعني بعد ماكو احنه عيشتنه سوه تنكطع !!

ابنه مانعوضه ! هذا حبنه والافكار لعيشتنه وتعبنه كله تكطعيه !!!!!

- يااابن حيداار ياااابن

ثوله اني وبعد ارجع احبل منك ! هالمره سممتوني وعفتوني اصيح الويل من عشرتكم مره الثانيه شتسون بيه !!!

تذبحوني ع القبله !!!

- لااااااااااا تجمعينننني وياااهك ريرري

مو انه سممتج مو اااانه كتلت الولد

لخااااااطر الله انه مكسسسور ظهري بيكم افهمييينييي

خسرت ابني خسررررته وانه من كبل اتزوجج احلم بولد اشيله بحضني

- مااااافهمك حيداااار ماالك عذر يمي

اني تعبت لحد ما حبلت

هذيج وينهه علاليك الادويه بعدهه بالغرفه تشهد

روح شوف شكد شبعت ادويه وابر لحد ماحصلت الولد

ولك ضلن اياااام ايااام وجان جبت بسلامه

وتوسلتك حيدااار دااموت من الوجع تعااال اخذني

حيدااار معدتي يكطعتني وبطني متقلصه

حيدااار خلي اروووح ويه امك خلي اهلك ياخذوني

حيدااار شوووووفلي جااره داااموت

وانته ولاااا يمك تكولي اصبري

شصبرررر شصبببر

هي الساعه تمششي بالوجع هذا تمششي !!!

انته هملتني وتهاونت بصحتي وهااااي النتيجه

جان من اول ساعه اخذتني و شفنه نبض الطفل جان سوينه تحليل وعرفنه هذا تسمم

وتلاحكنه

جااان مابقى بطني ميت ٣ ايااام واني لا كادره اطلك وانزله ولااا اتحمل وجعه

لوووو ميته اني وياه بالسم جان شصار بحالك هسه !! مااافكرت لو ميته اني بالعمليه جان عشت انته ! تعيش ورانه عادي وانته مهمل

عفتنه ولحكت لعمامك عبالك خلصت العشيره بس انته البيك فزعه !!!!

شبيييييك تسكت هسه تعرف تسكت بس يمي

ويم الغير لسانك شطوله يطلع عليه

- والله مادريت بيج هيج مسمومه وضاله

والله عبالي مغص عادي وهو حتى الولاده بعد وكتهه مافكرت هاي للطلوك والله ريري والله ماريد اذيج ولا ردت اخسر ابني

والله ندماااان ندمان وحك لا اله الا الله

ندمان مااجيت واخذتج اول ماخابرتي

- خلي يفيدك الندم

داشوف وين يصفى بينا ندمك هذا

سد السالفه رحمه لاهلك اني كلبي يشووووط بس احجي واعااااتبك

روح وين متريد روح دبر نفسك ولاتوصل بيتي بعد

جيبلي غراضي وبعد لتشوفني وجهك

والوصيتك عليه لتنساه

ديربالك من ولد عمك يغدروووك واني مو ذاك حيلي الاولي واجي افزعلك

كااافي الشفته منهم دخيييييل جدددك يالسيد اصحى عااااد على ناااسك اصحححى مو بس عليه مفتح عشر عيون

اني بنت شوارع وكواده ومسقطه وكل الموووزينات بيه وماااشرفك ولا اشرف اهلك

وعااار كعدت بينكم ووصخت عشيرتكم ونسلكم ردت احرفه وكل سوالف العربده بيه

ميخااااالف خلي اطلع اني المووووخوش واخسسرني بسسس لا تخليهم يضحكون عليييييييييك

حيدااار لاااا تسلمهم ركبتك هذوووله مايحبوك محددددد يحبك منهم كلهم يدورولك الزله

لخااااطر الله الحلفت بي

لااا تضل تمشي بحجيهم ااااني ماااريد شي منك ورووووح ابويه ورووح هذا الدفنته لحمه ماااريد شي منك ولاااا استغلك ولا اريدك بعد سلام تسلم عليه

اعوفك واخلصك مني ماخليك متورط بيه

بس عيش مرتاح عيش بامان لاتضل بين هذوله الثعالب يعدموك انته واهلك العااافيه

و الاسم الله ماتطلع منهم

رووح اخذ اهلك وشيلو مناك وعيشو باي ديره مصخمه غير الهمه بيهه

وااااني لاااوصلكم ولاااااريد شي منكم

خاف تكول هاي هم تدور مصلحه وتريد غايتهه وتستغلني واعادي عمامي علمودهه

كلششششي مااااااريد منكم انتو الساااده

ضلووو بجهه وااااني اضل ويه الكواويد بجهه

ضليت اباوعلهه وهي وجهه يرجف اعصاب

وانه ساكت ..

شويه وانداريت اخذت فانيلتي والقميص

وطلعت من الغرفه لبستهن وطلعت من البيت ..

خابرت عزيز وصيته من يجي للدوام يجيب الغراض وياه وضليت بعيد عنهه يومين

واجاني عزيز اخذتهن منه ورحت وديتهن لبيتهه ...

شفتهه وكلتلهه..

- رور حياتي بدونج عدم والله

- مشكلتلك هاي انته روح دبر حل لحياتك

معليه بيك بعد

- يابعدروحي لا تخسريني كل شي بحياتي

هو انه ماعشت الا وياج

وحك عينج ندمان على كل ساعه كضيتهه بعيد عنج

وعلى كل كلمه حجيتهه واااانه ماقاصدهه وعيوووونج وروووح اخوتي ماقصدت اذمج ولا اشكك بيج بس شلون حجيت هيج مادري والله تعبان .. ودايخ راسي وانتي تعرفين بحالي شلونه لا تهدمين حياتي بغلط ماقصدته

- بعدني تعبانه مابيه حيل عتاب

روح وعوفني

رحت يمهه وكمشت وجهه وهي جرت ايدي وخرتهه ورجعت كمشت وجهه حيل وحضنتهه وهي توخر بنفسهه .. كلتلهه..

- صيري زينه ارجعي لصحتج حتى لو نضل بزعل بس خلي اطمئن عليج والله عافيتج عندي بالدنيا كلهه

- ديلاااااااا فهمت فهمممت

روووح يلا عاد كافي حجينه هواي

رووح متعرف زياره المريض قصيره

احساس ماكوووو

- اي والله انعدم بيه الاحساس عايش بفراغ

مايعلم بي بس الله

وخرت منهه وهي دارت وجهه وراحت لغرفتهه ..

طلعت من البيت وحيد وخسران و الدنيا كلهه ظلمه بعيني ...

عندي بس امل واحد بقى ..

ترجع لصحتهه و الايام تبرد كلبهه وتسامحني

يمشي الوكت ثكيل والكآبه تملكتني

عايش على المهدئات والكهوه ولفه وحده اكلهه الظهر وانام من المغرب لثاني يوم الفجر يلا اكعد ..

اشتريت تلفون جديد وفتحت الفيس حتى اراسلهه ...

دزيتلهه الصبح اول ماكعدت بالخمسه ...

- مشتاقلج

شلون صرتي ؟

اصلي وادعيلج والله مانسيتج لحظه

تشوف الرسايل ومتجاوب ..

عفتهه ورحت غسلت واجيت ابدل واخذت تلفوني دزيتلهه رساله ...

- القميص الرصاصي ويه البنطرون النيلي مثل ميعجبج حبيبي يبقى ماغيره

لبست وطلعت كتبتلهه ..

- تلفون جديد وماكو اي حافظه اله

وصلت الدائره وكبل مااسلم تلفوني دزيتلهه

- راح ابدا بالدوام

وبالي يمج

الله يحفظج الي

سلمت التلفون وطبيت للقسم .. ومن طلعت

اخذته تمنيت رساله منهه .. ومالكيت بس اشارة صح للرساله ...

كتبتلهه ..

- ابقى تعبان من الدوام بدون صوتج

للمغرب كملت صلاه ودزيتلهه ..

- بعدني ملتزم بالصلاه على النبي لسبع ائمه

ونيتي عافيتج

نمت شويه وكعدت دزيتلهه ..

- راسي يوجعني ومخنوك والله

ادويتي خلصت

باجر ارجع للدكتور

شفت حسابهه نشط من زمان .. رحت فتحت الانشطة لحسابي وشفته مفتوح عدهه

ضحكت وعرفتهه فاتحته و تكابر متريد تجاوبني بس تشوف ..

دزيتلهه ..

- احبج والحسسسسين

رور وعلي احبج وبكلشي انتي وياي

صيري زينه حبيبي

كلبي وياج ودعائي مايفارك اسمج

طلعت شويه تمشيت بره ورجعت نمت

وثاني يوم هم الصبح دزيتلهه ...

- القميص الزيتوني ويه البنطرون الاسود

وماكو عطر ولا ساعه

ما يجن الا على ذوقج

طلعت للسياره ودزيتلهه ..

- الجو طيب اطلعي بره غيري جو وتشمسي

احبج اليوم وكل يوم

وصلت للدوام ودزيتلهه..

- راح يبدا دوامي

فرحيني بكلمه منج من اطلع

والله تشيلين كل تعبي بحجايه منج

داومت وطلعت اخذت تلفوني ومالكيت منهه رساله ولا فاتحه حسابهه بس فاتحه حسابي

دزيتلهه ..

- ليش تعذبيني هيج

رور وعلي تعبان

ماريد منج بس حجايه

خابرتهه على الرصيد ويدك ومتجاوب

رحت لبيتهه .. فتحت باب الشارع وطبيت ادك باب الهول متفتح ..

افتحه اني مقفول ...

وهي مشغله الضوا وساده البردات ..

ضليت ادك الباب واصيح عليهه تفتحلي وماسمعت حتى صوتهه ...

تعبت من الوكفه وطلعت ..

رحت للدكتور ...

حجيتله سالفتي الصارت كلهه وكالي

.. اصبر عليهه .. خليهه هسه ترتاح من تشوفك محتاجهه .. بعدين تكدرون تتفاهمون

اخذت ادويه جديده وصرت بس اخذهه انام

والصبح الولد وياي بالغرفه هو يكعدني وبالكوه اشلع نفسي من الفراش واطلع للدوام

خابرتهه ومتجاوب .. دزيتلهه رساله ع الرصيد ..

- حبيبي يحتاج تعيدين التحليل

اجي اخذج هسه بس يكمل التحليل وارجعج واروح

دزتلي ..

- مااضل انتظرك اني حللت ونفس الشي

خابرتهه ورفضتني .. دزتلي رساله ..

- لتضل تلح

اريد ارتاح وحدي عوفني

دزيتلهه..

- جاوبي خلي افهم شبيج

واعوفج

ضليت اخابرهه ومتجاوب ولحيت عليهه بالاتصال يلا جاوبت ..

- هااااااا شكووو

- شطلع بالتحليل فهميني شوكت رحتي

منو اخذج ؟

- رحت وحدي منو ياخذني يعني

هو منو عندي داطلع وياااه !!!

لو متبطل شكوك

-استغفر الله هسه سؤال سئلتج شبيج كبيتي

-اييي ديلا شتريد هسه

- شطلع عندج ! فهميني

- نفس الشي بعده الالتهاب وكل الصخام بعده

- وليش متخااابريني تكليلي تعاااال حالي موووزين

ليش ضااااله بعييييده وحدج

ااانه مااضرج لو كعدت وياج

رجلج انه مووو غريب وتطرديني مترديني يمج بمرضج

كااافي عنااااد كاااااافي كاااااافي هلكتيني وحك الحسسييييين هلكتيني وماخليتي بيه اعصاب

- اموووت وحدي وماريدك توصلني

واذا تضل تعيط هيج بعد لتخابر

سدت الخط وخلتني اشيط باعصابي

ضليت كاعد افكر بحل وياهه

وتالي كلت اخابر عمهه ...

خابرته وماحصلته ... ضليت باقي اليوم انه

انتظر اتصاله ... تالي نمت وكعدني الولد وياي على تلفوني يدك صارله هواي

اخذته وشفته هو يخابر ..

طلعت بره وحاجيته ...

حجيتله كلشي صار ويانه .. الغلطت بي وياهه والسوته هي ومرضهه وحالتهه هسه كلهه حجيتهه ..

اخر شي كلتله ..

- لخاطر الله حاجيهه كللهه بس خلي اخذهه

اعالجهه تضل هيج تموت والله التهابهه قوي

وهي وحدهه قطره حيل مابيهه

- شلون يعني تعالجها ؟

- اخذهه احجزلهه بمستشفى اهلي ابقيهه هناك دكاتره عينهم عليهه لحد ماتصير زينه وارجعهه لبيتهه واعوفهه والله كللهه يعوفج وحدج شكد ماتردين

بس خلي تصير زينه والله خسارتهه تهدم عمري كافي الوصلته وياهه لليوم والله

مكسور ظهري بفراكهم

- زين هسه اخابرهه واشوف

سديته وضليت انتظر رده وطول فوك الساعه يلا خابرني ...

- ها بعد اخوك بشر

- والله اني لو ما مشغول هسه جان

طيحت حظك وخوش رزايل ارزلك

واااني كلتلك وكت تأذيهه اصيرلك عدو

- صير عدوووي صيييير شتريد تسوي سوووي بس قنعهه خلي تمشي وياااي

- اكطع نفسك منهه

ماتقبل

-لييييش ماتقبل لييييش

شبيهه تريد تموووت نفسهه !!!

- تكول اني اتعالج وحدي مااعتازلكم

- عنااااد هذاااااا عناد لييييش هيييييج

تسووووي بنفسهه

شبييهه تريد تعاااقبني خلي تحاااجيني

خلي تكعد وياااي وبكيفهه تحجي

ليش تموووت نفسهه هيج وحدهه

وعلييييي جااااي اموووت بكعدتهه هيج

- اسمع يااااا حيدر

انته جديد عليهه

هاي اني ربيتهه واعرفهه وافهم عقلهه

ريري مريضة كبرياء

مااا تقتنع هسه لووو تضل تدك بابهه وتتوسل عشر سنين فلااا تفتحه وتكولك شتريد

عوفهه وهي راسمه شي بالهه بس هي مدتسوي لان بعدهه مريضه

وهي متحب احد يشوفهه ضعيفه ويكعد يداريهه تريد هي بنفسهه ترجع نفسهه

تكره واحد يفضل عليهه

- بسسسس انه رجلهه موووواي واااحد

اااانه مسؤول عليهه اداررريهه ليش تسد بابهه بوجهي

- متريدك بعد شتسويلهه

هاي هي وهذا عنادهه

- مااعوفهه هيج لا والله واروح اخذهه لو سحل من البيت هم اطلعهه

- روح بس خلي بالك تعاند وياهه تعاندك

واني اكبر مثال كدامك

- ليش ؟ هم متعارك وياهه !

- طبعا لعد ماسالت نفسك ليش اني عايفهه او هي ليش عايفتني وعايشين كل واحد بجهه !

تره خاف ماتدري اني ماعندي اهل ولت هي عندهه اهل

اثنينه ماعدنه غيرنا بس عنادهه وهذا الكبرياء

صارلي شكم سنه اصيح واعيط واجيب وادراي واتوسل وادلل وهي كلمه الوحده ماغيرتهه

- شسويتلهه !!

- بعدين خلي اكمل شغلي واخابرك

حجينا مطول

.

.

.

يتبع 💕

..♣️🩸   ماء مغلي  🩸♣️..

* adzzon *

- شسويتلهه !!

- بعدين خلي اكمل شغلي واخابرك

حجينا مطول

ضليت انتظره وصار نص الليل وهو ماكو

خابرت ريري متجاوب .. ضليت ادزلهه رسايل احاول اقنعهه تدخل مستشفى بس اسبوع شويه نسيطر على الالتهاب عدهه

وهي ما ردت شي ابد ..

خابرني عمهه .. واول مافتحت خط كالي ..

-  اذا اكو عار بهالدنيا غيري فهو انته

- ليش بويه ششايفني !! الزم حدك وحجيك ثمنه كبل ماتحجيه لا تجفص

- والله عااار مثلي واضربين مني

لك هو الرجال شوكت ينحسب رجال !

كول شوكت يسمونه هذاااا رجال اخو خيته

من ياخذ الناس فلاحه ملاجه لو من يصير رجاال يستر على نسوانه ويصير الهن العين والايد وحزام الظهر !!!

- صرتلهه كلشششي بيمن قصرت وياهه

موقف وصااار وانه تعبان اعصابي تلف

ليش هي ماتفهمني

- لااااا مااصرت شي

لو مو عار جان ماكعدت هاي الكعده وحدهه

وساده بابهه بوجهك

بس انته مجفص بكلبهه لما جزعت منك

- مااااااااسووووويت شيييي جا مو حجيتلك السالفه من اولهه

انته شبييييك تهتف بلايه فهم !

- اسمع اكولك

غيرهه بالدنيا مايهمني

وانته والخلفك لو بيدي ساعه زمان ماخلي بيكم نفس

واني من قبل ماااجرعتك ودريت راح ادك الناقصه بيهه

بس هي كااالت لااااا هذا حتى لو عافني ماعليه عتاب ولا حساب وياي

هنه النسوان هيج كلبهن من يقفل يطيح حظ حظهن

- استغفر الله هسه انته جاااي تفيدني

لو تزيدني هم

رحمه لاهلك تريد مشاكل وياي تعال بوجهي وسوي الي تريده

انه اعصابي تلفانه والحجي براسي ماتحمله

تريد تذبح تكتل تعاااال هذا انه هناا كاعد مااشرد

- لك لووو اريد جان من زمان خلصت عليك ومن بعيد هم ماتعب نفسي واسافر واجيك

بس اني اخسر اذا اذيتك

- ليش تخسر ! شعندك ؟

- اخسرهه هو شعندي غيرهه

هاي اخاف اوصلك باذيه انحرم منهه بعد

- هي هيج حاجيتلك !

- ايييي

اااخ لك والله ماتستاهل اظفرهه

لوو تدري هي شكد ضحت بشغلااات حتى تكعد وياك وتعيش على مرامك جان رحت

دنكت على ايدهه تبوسهه وتتوسل

بس العار هيج يضل اثول

- لااااا تضل انته كلساع عااار وعااار

انه ساكتلك لخاااطرهه 

- وشنووو تخوفني يعني لو ردت تحجي !

-استغفر الله

عمممي جفي الشر دخيييل ربك

ماااابيه حييييل مشاكل وحك لا اله الا الله

انه جاايك وين وانته وين رحت بحجيك

- هسه انته شتريد

- شاريد عمي شاريد

اقنعهه بس هيج اريدك تقنعهه خلي اخذهه للمستشفى عمي لا تحجي وياي خلي صوتهه ماااسمعه بس تمشي وياااي لخاااطر الله هسه رايد اخذ روحهه

- ما تمشي وياك والله تعب نفسك وحدك

هيج تحرك بروحك

هي قافله ع القضيه

جزتك من حياتهه

- لاااااااا يا ربي دخيلك

صدددك تحجييي!

- والله ماااا تقتنع بعد وياك لو تحط روحك بروحهه

هاي اني اكبر مثال كدامك

شوف اني وييين عايش وهي وييين

كل هذا من وره عنادهه

- شسويتلهه انته ماتحجي بيمن اذيتهه

- والله اني ماسويت مثل دكتك

والسويته هيج بلحظه عصبيه بس خسرتهه

مرض بيهه الكبرياء والعناد مرررض

والله موتتهه بيهن مو بالسم والفايروس

- ادري هسه بشر مامعصوم يغلط

غير الاهل والعشره هذول الهم باب المسامح مفتوح

غير تلين ويانه جا تريد تكضي عمرهه وحدهه!!!

- عيني باشا

عيشه الشارع تخلق قوانين جديده للبشر

انته شمعرفك شبيهه مابيهه وهسه تريدهه تسامحك وتكول اهل وعشره

الشارع يدوسك ويخليك تخضر جديد

تخضر بشي مايعرفوه البشر

- عمي حقهاا حقهاا هسه انه عاذرهه بكل شي

بس انه رجلهه يعني مردهه اليه شلون تضل هيج ! اخاف بالهه طلاك والحسيين مااطلكهه

لو الف عناد تعاند وياي مااطلكهه

- هاي شغله يمهه بعد

هي تريد تتطلك تبقى يمهه اني مادري بيهه

- جا زين هسه انته تعرفهه

انطيني حل

هسه انته مو هم متعارك وياهه جا ليش تحاجيك ومتحاجيني ؟

- اني غير صارلي سنين يلا رجعنه نحجي

عبالك هي عركتنه مال شهر شهرين !

- شوكت تعاركتو !

- من ٢٠١١ بالشته

بوكتها عايشين اني وياهه نفس البيت

وعدنه  خدامه تسوي الاكل و ريري مرات تنظف مرات هيج بالطخات

اني بهذاك اليوم تعبااان فد مره منتهيه اعصابي ومدمر هيج طريق الامشي بي مااشوفه

وكاعد بالبيت بغرفتي اشرب وهي اجتي

تحاجيني تريدني اطلع من غرفتي واتعشى وياهه وتقنعني اعوف كلشي وانسى واكوم وياهه ناكل

واني دفعتهه ورزلتهه وطلعت هي

وره شويه اني نزلت من وحدي وكعدت

بالهول وصيحت عليهه

كلتلهه وين العشى !! وهي صاحت للخادمه

تجيبلنه العشى

ليش ما البنيه تخلي الاكل بارد  واني مخنوك اريدلي بس شي واصب اعصابي كلهه بي

وكمت شمرت المواعين وصيحت عليهن

اثنينهن

وضربت الخادمه وطردتهه وهي ضلت واكفه تلاسني ومترضى على اذيتهه

تكولي انته اعصاب احنه شعلينه نتحمل

اذيتك مو احنه الكسرنه كلبك اصحى وشوف كدامك

عاد اني ضربتهه وطردتهه من البيت

اخذتهه جر  جر للشارع  شمرتهه هناك

ورجعت قفلت الباب

وعبالي اني وحدي ضليت بالبيت اشو للصبح اكعد واشوف الخادمه هنا تنظف وتسوي اكل وساكته .. جانت هاي خاتله جوه ماطلعت من البيت

سألتهه على ريري وكلتلي مارجعت

ولا دكت الباب

واني هم كابرت عليهه ماطلعت ودورتهه وين راحت ؟؟

عفتهه لثاني يوم يلا طلعت ادور عليهه

شكد ردت سألت ومالكيتهه ..

خمس ايام اني ادور عليهه ومالكيتهه

مادري وين تختفي هيج !!

هي من وحدهه جايه  للبيت واني طالع

هي لامه غراضهه وكاعده تنتظرني لحد ماجيت وشفتهه كلتلي ..

اجيت اسلم عليك واروح

شكد تعذرتلهه وتوسلت بيهه تبقى وياي

احضنهه ابوسهه اشكيلهه تعبي هي ابد قفلت ماتعيش وياي بعد لو ابوس رجليهه

وهو اني الوحيد الهه بالدنيا

اني ربيتهه واني قويت عودهه و اني وياهه

مثل اخوهه وابوهه وعلاقتنه جذب اكو مثلهه حتى بين اقرب الاهل

وعافتني وعافتني

- عافتك.  ! وين راحت

- راحت كعدت بيت البنات وعافت كل الدلال الي معيشهه بي

والله نكلت المحلات نكل الهه

علمتهه سياقه دخلتهه نادي تايكوندو

حتى سباحه عجبهه تدخل بنفس النادي

وهم خليتهه تجربهه وهي من وحدهه ضاجت

وعافته

شكد دللتهه وشكد وكفتلهه بايام وهي تدري اني ماعندي بالدنيا غيرهه وموقف واحد عافتني ورجعت غريبه وياي

- بس هاي انانيه منهه ماكو هيج بشر والله ماكو

هسه انته مثل ابوهه ومدللهه وعشرتكم وهي تحبك وتحترمك وتاليهه تكطع علاقتهه بيك !

جا انه شراح تسوي بيه !!!

- هي مو انانيه والله ولا تحقد علينه

بس تحب نفسهه هوااي تقدسهه

عدهه كبرياء ماشايلته مره

اسمع من جنت احاجيهه واحاول وياهه ترجع لبيتي .. تكولي

طردتني مره تطردني بالثانيه

خليني هسه اكعد وحدي واعتمد على نفسي

وابقى اعتز بيك هسه بس مره الثانيه من تصير راح اكرهك ومن اكرهك اكره نفسي

وصدك هي من تصالحنه رجعت تحجي وياي تعزمني على غدا وعشى بالمطاعم لو نطلع سفرات سوه

نضحك ونسولف وتشتريلي هدايا وملابس

على اليعجبهه بس خلي اكوللهه ارجعي وياي للبيت تنكلب صنم

لا حرف ولا نفس بعد اسمعلهه

تضل ساكته الى ان تبزع روحي واسد الموضوع

وصرت مضطر اسافر وتوسلت بيهه تمشي وياي نعيش بايران احسن عيشه وادخلهه مدرسه وكلتلهه شتطلبين انطيج هناك نأسس حياه جديده

ومااقبلت

كلتلي روح عيش حياتك واني اعيش حياتي

بعد ماكو نأسس حياتنه كلمن يعيش وحده

ورحت وكل شهر اخابرهه اقنعهه ومتقبل

وزعلت عليهه كم شهر لان متقدرني واني محتاجهه وياي

وهي والله والله حجايه حجتهه وياي وبعد مادارتلي بال

كلتلي ..

اني اقدرك واحترمك وافديك بروحي ومااوفي حقك بس اني الي كياني الخاص ترضى بي

وتحترمه مثل ماحترمت عشرتنه تلكاني باقيه وياك بكل شي

ماترضى بي وتريد تجبرني ارجع اعيش وياك

بعد لو تنبش عليه الكاع ماتلكاني ولا تسمع خبر عليه ليوم موتك

من هذيج حجايتهه بعد ضلت لا تسأل ولا تكول .. اني اقتنعت بعد هاي قسمتي وياهه

ورجعت خابرتهه وكلتلهه ضلي بعيشتج بس ماتطلعين من شوري

وقبلت وهاي احنه صار كم سنه هسه صارن

٦سنين كاطعين العيشه سوه

والسبب عنادهه وكبريائهه

شلون اني تطردني وتعوفني بالشارع يومين ماهتميتلي وتدري بيه ماعندي غيرك

بعد لو اموت مااعيش وياك

- هاااااي ليييش هيج طينتههه ياااالله

شبيهه !!!

- هي هيج تريد الي قريب الهه ابد ميأذيهه

والغلط منه ماتنساه

تكول لان انته قريب عليه كلشي عندي

لازم تقدر مو تستغل اني ماعندي غيرك وتاذيني وتعالي غصبا عليج سامحي لان ماعندج غيري

هي شوفتني شكد هي قويه ونفسهه عزيزه حتى على الي تحتاجهم بحياتهه تعوفهم وتكولي شوف اني اكدر لا عبالك ارجع وماكدر اعيش وحدي الا وياك

هاي اني افهمهه لان اني ربيتهه

هو الصوج بيه اني سويتهه هيج

سويتلهه عقل مال جبابره وتاليهه

مشته عليه

- بس انته غلطت من صدك غلطت من طردتهه وعفتهه بالشارع ماكلت وين تروح وحدهه بالليل!!

- جنت سكران واعصابي تلف

وهي داست على جروحي خلتني انعمي بعد مادري بروحي شسويت

بس والله شكد اعتذرتلهه واني اكبر منهه واني رجال وتوسلت بيهه وماوكف بعينهه شي جانت مصممه تعيش وحدهه وماتخلي وياهه بشر

لحد هسه تدري مرات اكوللهه تعالي سفره اسبوع عشره ايام يمي ابقي وارجعي براحتج

وتطلع الف حجه حتى ماتجي وتكعد وياي بيتي هااااي عدهه كاااارثه اذا كعدت بيتتتتي

تحس نفسهه مذلوله الي  حتى لو اجتي خطار

- عمي ماكووو هيج بشر

هاي مو طبيعيه والله

- كلتلك مريضه تفهم شنو انسان مريض بالكبرياء

تره مرض هذا بيهه مو حجايه هيج احجيهه

صدكني مرض عدهه الكبرياء مرض

من هاي وانته قيس بعد شكد راسهه يابس

- والله ماتوقعتهه هيج

انه تفاجأت بيهه وياي شلون تصرفت

وهي تحبني ومرتي وتعوفني وتكعد وحدهه !

وبنص عازتهه مريضه وماعدهه بيتهه احد يداريهه وانه رجلهه متريديني يمهه !!!!

والله مصدووووم منهه مصدووم

حاير شسوي وياهه مادري

- شتسوي ضل بعيد وانتظر مزاجهه شوكت يحن عليك

- استغفر الله

زين هسه شلون بيهه!!  لا وياك تكدر تقتنع ولا وياي تخليني اوكف وياهه واعالجهه

شلون بيهه!  تضل هيج مريضه وحدهه

والله ماصايرررره بامه محمد هاي ماصايره

- هسه هي تعالج نفسهه

لاتخاف عليهه هاي عدهه عشر ايدينات لنفسهه

-شتعالج عمي صدك تحجي !

هي اكل متاكل مابيهه قطره حيل

عايشه بالمي والعصير هذني شيسولهه !!

- تكدر تكدر بنتي واعرفهه تكدر

هي المشكلة مو هنا

المشكله هي شرااااح تصير من تتعالج وترجع لحيلهه هنا اني الخايف منه

- لااا عليك علييي

-  بس الله اليستر من تاليهه

- جا هي من هيج صعبه افكارهه ونفسيتهه

ماخذتهه دكتور نفسي

- متقبل هي من هذوله البشر الي يحب يستلذ بجروحه

تعيشهن قطره قطره لحد ماتكتل شي بداخلهه وترجع تعيش مثل قبل بس بيهه ميت

هذني سوالف متفهمهن انته ماعايش مثلنه

بس اني عقلي على عقلهه يفهم

نفس الشي عشناه

قسمنه المر بالنص وضكناه شلونه

انته تضل متعجب منهه وتستهزء بيهه بس اني عاذرهه والله لو يفيد جان تعذرتلهه نيابه عن الدنيا كلهه بس العذر شيفيد

هاي كلمه ال ( اسف )احقر كلمه نوجدت بالبشرية

ضلينه ساكتين .. وراهه شويه وكلتله..

- اسألك شي بس امانه الله عليك احجيلي الصدك

-اي شعندك

- هي مره كلتلي من سالتهه ليش ماراحت عاشت وياك بايران

تكول انته تريد تزوجهه لواحد جبير بالعمر علمود شغلات ضمان وتأمين مدري شنو مافهمتني بس هذا صح لو لا

- هههههههه جذاااابه لك هاي اكبر جذابه

-عليك علي ! بيمن تجذب

- بكلشي يطخ نفسهه تجذب

اني ازوجهه لواحد جبير ؟!

ههههههه نعلى على غيرتج ياريري نعلى على غيرتج

- جا يعني هي جذبت عليه حتى متكلي انتو متعاركين وهاي السالفه كلهه !!!

-ايييي

-بس هي مابيهه شي سالفتكم وتنضم !

- عايشه هي متأمن باحد وماعدهه شي اسمه انطيك تفاصيل حياتي ونكعد تحجيلي عليك واحجيلك عليه

هاي متسويهه ابد

تسمع منك بس متنطيك حجايه على نفسهه

- بس هي حجتلي على اهلهه

- خبطتهه عليك منا ومنا وسكتك

لتكول حجتلي كول قنعتني وسكتت

-لااااااا والله حجت كلشي لحد ماماتت امهه

-اي وبعدين ؟ حجتلك ؟

-لاا هيج كالت حياه شارع وخبصه سوتهه وسكتنا

-خلاص لعد لتسوي نفسك تعرفهه وقريب عليهه

كول هي قريبه عليك هي وياك بكل شي بس انته موكفتك حد بحد ويه نفسهه

- جا يعني عشرتنه هاي كاضيتهه جذب وياااي !

- لاا هي تجذب تضم حياتهه بس اني متاكد هي متجذب عليك بمشاعر او اهتمام

اسمع تره اني مادري بيكم حياتكم جانت شلونهه

أسالهه تكول زين وحباب ومدللني

اهله بيهم الزين وبيهم اليخوف

هذني التحجيهن ...

فشلون عيشتكم مادري بس على معرفتي بيها ماتجذب بمشاعرهه

- جا هاي الدنيا كِلهه تجذب ! مابيهم واحد يحجي صدك !!!

جا انته شبيك تحجيلي كلشي عدل ؟

عندك وياي مصلحه لو شسالفتك !!

-  اني اكرهك والله 

ولو اسمع عليك خبر فديوم حاطينك مكطعيك تكطع ودمك تارس طولك

يصيرلي يوم عييييد تعرف شنو عيييد اذا اشوفك متاذي

بس اني جار خلك وياك حتى بلكت يطلع براسك خير اكثر مني وتروح تغير عيشتهه

بلكت لو فهمتها مني وعرفت لبه عقلهه شلون تفكر تكدر تلكالك طريقه وياهه وتقنعهه

تعيش ويه واحد من عدنه

خليهه لو تعيش وياك لو ترجعلي

هيج احصرهه بالزوايه هاي خلي تختار

عيشتهه وين تكملهه

- جا يعني هيج مأيس منهه ماتقتنع وياك

ومتأمل بيه انه التكرهني !

- اني اشوف اليحب يضحي بلكت هي تضحي مره بكبريائهه شويه وتقتنع وياك

- اقنعهه ان شاء الله

بس الله يهديها عليه واكدر احاجيهه هسه هي غير تفتح تلفونهه وتخلي البشر يحاجيهه

ويعدل راسهه !!!

- بعد انته يمك بقت

روح شوفلهه حل اني الكدرت عليه سويته

بعد اطلع من خطيتكم

- مشكور مشكور

سد الخط وانه سديت الفيس ورحت جوه

تمددت بفراشي وضل الحجي بالي يدك

وافكر بيمن اكدر اقنعهه ؟؟

رحتلهه ثاني يوم وهي مقفله باب الهول

شكد ضليت واكف واادك الباب واحجي وياهه من بره وهي لا وصلت ولا حاجتني ..

لليل ضليت كاعد يم الباب وادزلهه رسايل بالفيس ..

- رور  والله ماكدر بدونج لا تكملين قهر عيشتي بفراكج

اطلعي حاجيني خلي اشوفج

كلبي جمره عليج صاير

مشتاقلج يابعد اهلي انتي

حبيبي لاتعذبينا هيج خلي نتفاهم

احنه متزوجين حياتنه متنكطع هيج بزعله

لازم نتفاهم ونحل مشاكلنه

والله شتريدين حاضر و عيشه بالنجف بعد ماكو نضل هنا وعيونج اغيرلج كلشي ونعيش من جديد احسن عيشه

انطيني فرصه لخاطر حبنا

حاجيني بس حاجيني

اذا تعبانه ومتكدرين تحجين بس خلي اشوفج

خلي اخذج للمستشفى ياروحي مااريد اخسرج

والله خايف من المرض لاياخذج مني

خلي اداويج يابعد عيني انتي

رور ماريد شي لنفسي والله بس خلي اضل وياج لماتصيرين زينه

واروح والله اعوفج على راحتج مااجبرج تضلين وياي

فله حبيبه كلبي

تعبان بمرضج هذا والله تعبان

افتحي الباب واحجي عاتبيني

وينج ليش سكتي وختلتي هالمره

ارجعي عاركيني واسطري راسي

مشتاق لهوستج بعد مااريد هدوء بحياتي

تغيرت والله بس طبعج اريده

تعبت وذبيت التلفون وضليت ادك بالباب

ونفس البرود منهه ...

تالي طلعت من بيتهه ..

ومرت ايام بنفس الحال

ارجع العصر من الدوام اخذلهه مسواك

وصناديك ماي واخلي باب الهول واروح

باقي عشر ايام على الاربعينيه ...

اول ما طلعت من الدوام واستلمت تلفوني

وفتحت نت وصلتني رساله من حسنين ..

( انتظرك يعني بس كلي شوكت بالضبط  )

صعدت سيارتي وفتحت المحادثه وضليت ارجع بيهه من البدايه ..

واشوف هاي المحادثه من الظهر

عرفتها هي مراسلته من حسابي ..

وضليت اقرا حجيهم ..

هو يكول عندي عتاب وياك وهي دازتله

اعذرني وتعبان جنت وراح ارجعلكم هالايام ونكعد ونتفاهم

وانتو اعزاز عليه وماكدر اخسركم

و الراحو مايعوضوكم ..

وهو كاتب خاف ماتلحك علينه برجعتك نريد نطلع مشي للزياره

وهي دازتله .. لا اللحك ويمكن اطلع وياكم

واخر رساله هاي الي استلمتهه وبعدهي ما ردت عليه ..

كبل خابرتهه وهالمره جاوبتني ..

اخذت نفس قوي من سمعت صوتهه

وكلتلهه...

- يااا بعد حيلي انتي بويه ليش كطعتي بيه

- بكيفيييي

- شلون صرتي احجيلي وضعج شلونه

-زينه ما بيه شي

- ادري بيج مو زينه شكو تجذبين !!!

رحتي حللتي بعد ؟ شجاي تاخذين علاج

- اييي رحت

وشويه اكو تحسن مو كولش

- بعده الالتهاب !!!!

- راح مال المعده بس مال الكبد بعده

- ياعيني امشي وياي بس اسبوع اخليج بأحسن مستشفى يشدون على حالج ويخلصوج من المرض ليش ضاله هيج بالتعب

- تره اني بالمستشفى اووكيي! 

- عليج علي!! وييييين رحتي وحدج

يامستشفى انتي !!

- شعليك مااريدك تجي

- نعللللى عليج ريرررري

كاااافي لخاااطر الاسلااام

كاااافي انتي مو مطلكه وتمشين بكيفج

بعدج بذمتي ومتطلعين وتعيشين بكيفج

وسكتتلج لان اريدج تبردين كلبج وتهداين

بس مااال تضلين تطلعين وتسوين قرارت بكيفج واااااالله اجرم بيج كااااافي هلكتيني باعصابي

انتييييي وييييين !!!!

ضلت ساكته وانه بالطريق فاتح السبيكر واصيح عليهه و دكيت هورن قوي ورجعت صيحت عليهه..

- لااااا تضليييين ساكته احجيييي وينننج 

ويييييين انتتتتيييي ويييييين

- مستشفى الاندلس

سديت الخط و اخذت حبايه مهدىء

ورحت للمستشفى..

بغرفه خاصه جانت ...

طبيت وشفتهه معلكيلهه بطل دم وهي فد نوب ضعفانه ووجهه اصفر ..

شكد جنت عصبي واباوعلهه وانه بودي اخنكهه واكسر راسهه اليابس هذا واخلص من عنادهه بس كعدت يمهه وضلت تباوعلي

نسيت كلشي وخليت راسي على صدرهه

واخذت ايدهه خليتهه على شعري ..

- لاتعذبيني هيج والله خلص صبري عليج

رفعت راسي واباوعلهه وهي دارت وجهه

ضليت ابوس عيونهه وراسهه واعتذر منهه

واخذت ايدهه بوستهه وهي ساكته...

- شبيج رور لخاطر الله حاجيني

كافي جرعتيني المر

كافي هسه انتي ترتاحين من تشوفيني هيج مشلوع الكلب كدامج !

- تعبانه حيداار مابيه حيل سوالف

- يابعد روحي شنو المتعبج احجيلي

شكالج الدكتور ؟ صاير عندج فقر دم ؟ مو مبين الدم ناشف بوجهج فد نوب

- ايي

- بعدج متاكلين ؟

- بس فواكه وقليل اكل هيج التفاحه لليل يلا اخلصهه

- تاكلين نتفه نتفه !!! شبيج يااابويه ليش هيج

- ماكدر مو اتعاير بس ماكدر

حضنتهه على هاي نومتهه وضليت اتلمس بوجهه ... وكل شويه ابوس عيونهه

دفعتني شويه وتكلي..

- تره مريضه اووكي لاتضل تبوس لا اعديك

وخر اكعد بعيد عني

- هسه مرضج يعدي باللمس شبيج انتي مخوفه نفسج هيج

-ميخالف كلشي يصير روح تره هذا مرض يموت مو فلاونزا اووكييي

- لا شكو يموت اسم الله عليج بويه

- يموت مثل ما موت هذولاك يموتني

بس شوف حظي شلون ماكو مثله بالدنيا

- شكو !!

- طلع المرض هذا وراثي من ابويه

واني اصلا موجود عندي نسبه احتماليه اصابه بالالتهاب الكبد فايروسي نوع C

والتسمم الصار نشطه بجسمي

دتشوف حظي منين بدايته مصخم !!

طلع اصلا ابويه مريض بي وراثي لان بمصر عدهم هواي منتشر وهو حامل المرض وراثي وبين عليه بالكبر

واني العمر كوله اسأل نفسي ليش ماانعديت بهذاك الوكت ومتت وخلصت وياهم طلع باقي مضموملي هم ينتظرني يختم عمري بي

فمن اكولك روووح مني يعني روووح لتنعدي

لا تخليني اذبح روحي واخلص

لاتتدنى يمي ضل بعيد

ضليت صافن بوجهه .. وهي تحجي وتبجي

مديت ايدي مسحت دموعهه وهي جرتهه وخرتهه ..

- ياروحيي نلكى علاج الطب اتطور هسه

وذاك الزمن مو مثل هذا الزمن هسه كلشي متوفر واعالجج والله مااعوفج لتخافين

- ماااااريد منك شيييي

روح ارجع لصخيم هذاك وعوفني

-شبييييج انتي وكتهم هسه!!!

انتي اهم من كلشي عوووفيهم لخاطر الله

- مااعوفهم

ولا عبالك اني حنيت الك وكلتلك تعال

تره ردتك تجي داحاجيك عليه اووكيي

ولا اني مااعتازلك تجي تداريني

-ريرررري وتاااالي وياااج وتااااالي

- بعددددين سالفتي نتفاهم بيهه بعددين حيداار كلشي اله وكته

هسه وكت ابن عمك ترووح يمه

وتحجي عليه كدامه

وتضل وياااه الى ان اخابرك مره ثانيه

وشأكوووولك تروووح تكوله

- انتي وين تريدين توصلين بالضبط

-اريد اكرهه عيشته

اني اذا باقي بيه حيل لحد هسه

بس علمود اضوكه اللوعه شلونهه

- حبيبي مو وكتهم والله صحتج هسه اهم شي

- شبيهه صحتي ! هي تصخمت بعد

شيرجعهه !! هاي ضلت هالضله بعد

شلووون اضل اجل بسالفته واعوفه مرتاح !!

- على كيفج ويه نفسج

- حيداار قريت المحادثة وفهمتني شأريد اسوي ترووووح تكعد وياه وتسوي الي بااالي كوله

هااااي اخر مره اطلب منك شي بعمري

اذا تحبني لو شووويه هيج شويه

ترووح تبرد كلبي  بي 

- صار حبيبي صار

والله شتريدين يصيرلج

-اوووكييي لعد يلا روح

- وييين اروح واعوفج انتظري خلي اشوفج شلون تصيرين يلا اروحله

- اطول اني هنا حجزي اسبوعين

- حبيبي اصلا ماكدر اروح دوام عندي

نزولي بعد اربع ايام

- ديلااااااا فهمت من تخلص دوامك روحله

كوم منا لتضل كاعد يمي روح هذنيج كراسي واكعد

رحت للحمام غسلت ورجعت كعدت بعيد عنهه اباوعلهه وشويه وطلعت اشتريت فواكه ورحت اخذتلهه من محل عصاير طبيعي

وصيته يسويلي بطاله ورجعتلهه

انطيتهه تشرب عصير ومن احاجيهه تسكت ماتردلي ..

عفتهه بعد ماحجيت بس انطيهه عصير اكعد انطيهه عنب تاكل واكشرلهه تفاح

ونمت هنا وثاني يوم طلعت للدوام الصبح

ورجعتلهه .. حجيت ويه دكتورهه

وفهمني على شلون يضل اكو نوع فايروس خامل بالدم وراثي ينشط بأي مسببات لضعف المناعه ...

وهي جانت طالعه من عمليه قيصري

مناعتهه تضعف و التسمم لعب دوره هنا

ونشط المرض عدهه ...

مبقيهه هنا حتى يراقبون الكبد كبل مايوصل لمرحله تليف ...

ردت ادفع اجور الاقامه هنا وهي دافعتهه كلهه مقدم .. مخليه تأمين عدهم ٢٥ مليون

للعلاج والاقامه ...

صار وكت نزولي ورحت للبيت

شفت اهلي صار شهرين ماشايفهم

وهي كل شويه تدزلي رساله حتى اروح لحسنين ...

ورحتله وعلى الاتفاق اخذتله غدا وكعدنه وتعذرت منه على ضرب اخته وشلون اشك بيهم وكلتله افهمني خسران ابني وساعه عصبيه وهي حجتلي غير سالفه عليهه

وهو تماشى وياي وجان بالبدايه شايل بخاطره بعدين ضليت وياه يومين الى ان

رجعنه زينين ....

ثالث يوم طلعو للزياره وانه ما رحت وياهم

بقيت انتظرهم يرجعون .. لحد ما رجعو

وصباح ثاني يوم من رجعتهم خابرتني ريري ..

تريدني اروح لبيته واسلم عليهم واضل هناك كاعد ...

ورحتلهم وكعدنه سوه نسولف وجان تندك الباب ..

شويه وطب مؤمل يكول لابوه ...

- مره بالباب تريدك

هو طلع بساع وانه طلعت وراه . .

واشوف المره واكفه لابسه البنطرون والبدي ضيك وخليه العبايه بس على جتفاهه وكل جسمهه هالكبره مبين وشعرهه اسود

فاتحته وذابه الشال عليه وتتمعلج وبايدهه جنطتهه ...

ضلت تباوعلي وترجع تباوعله وبعدين دفعت الباب وطبت ..

- هااااي شبيهه بيوتكم مغبره ومظلمه

عيننني يالساده

هو كبل جرهه من ايدهه وضل يباوع لابنه ويباوعلهه بعصبيه ..

وهي جرت ايدهه منه وكالت ...

- اوووووي د وخر شبيك مستعجل

ههههههيييي وين هاي منين افوت بيتكم

شو مسدسدين كلشي ادري شبيكم تخافون من الشمس لاباب ولا شباك فاتحين

.

.

.

يتبع 💕

..♣️🩸 ماء مغلي 🩸♣️..

* adzzon *

ضلت تباوعلي وترجع تباوعله وبعدين دفعت الباب وطبت ..

- هااااي شبيهه بيوتكم مغبره ومظلمه

عيننني يالساده

هو كبل جرهه من ايدهه وضل يباوع لابنه ويباوعلهه بعصبيه ..

وهي جرت ايدهه منه وكالت ...

- اوووووي د وخر شبيك مستعجل

ههههههيييي وين هاي منين افوت بيتكم

شو مسدسدين كلشي ادري شبيكم تخافون من الشمس لاباب ولا شباك فاتحين

صاح على ابنه ..

- روووح طب جوه امشششي منااا

الولد راح جوه وهي لامه عبايتهه بايدهه

وتفرفر بذيالهه وتتمعلج ..

كلتله..

-هااي منو ؟؟؟

ضل ساكت وينفخ نفس بعصبيه ويباوعلهه

وهي صاحت بي...

- اوووووي شكد روووحك طويله

شاتلني بالباب شبيييك

د وخر خلي افوت اكعد جيبلي كلاص مي

جايتك من عرعر  وانته تسمطني بالشمس !!

هي اندارت تريد تطب للهول وهو جر ايدهه

وانه صحت عليه...

-حسنيييييين هااااي منوووو !! منييين هاي

شجابهه بيتك !!!!

ضحكت هي وخلت ايدهه على لحيته

وهو جر ايدهه عصر اصابعهه وهي تضحك وتكول....

- يعني منوو غير مرررته

شبيك انته شو مطايقني !

تريد ارجع وتجيني للبيت ؟؟ شسوي كولي

ابقى ارووح !

ضليت رافع حواجبي وفاك عيني بوسعهه

واباوع لحسنين وهو يباوعلي ويدنك

تالي كاللهه ...

- لفي عباتج زين استري روحج وطبي كعدي جوه

جرت عباتهه ولفتهه على جسمهه وهي تجر نفس قوي وبعدين طبت للهول

وانه كبل جريته من ياخته وهو مجلب بايدي

- ماخذلك كحبه ! وتستشرف براسي ولك

چااااا ويييين الشرف والعلويات وعشرة اخيتي وييينهننننن هاااااااا وييييييين كل الزنيت براسي بي

- هددددنييي وماالك حجايه عليه

انته مسوي الاضرب من سوايتي

- ااااانه تزوجت بعلم اهلي والدنيا كلهه

مااجتي مرتي تسرسح لبيتي بكوة  عينهه

- مااااااااعليك بيه

انه رجال وعندي احتياجاتي وتزوجت

بشرع الله ما زنيت وياهه

مثل ماانته اخذتهه بشرع الله انه هم نفسك

واثنينه شباب والنه عيشتنه

متعة حلال هاي ماكفرنا

ضربته بنص وجهه وادفع دفع اخذته للحايط

وضليت اضرب بي بوجهه ماانطيته مفكه

يطلعله حس ..

امه اجتي وتعيط علينه وجرتني منه وهو كعد بالكاع وكامش راسه ..

ضليت اخذ نفس وكلتله ..

- نتحااااااسب بكل شي نتحاسب

طلعت من بيتهم واحس النفس حار بصدري

وتشنج رجعلي .. امشي وصدري مقبوض

وتلفون بايدي خابرت ريري وهي كبل جاوبتني ...

- منيييين عرفتيهاااا هاي منييين عرفتيهاا

- كحاب ليش ماعرفهن يعني !

- جنتي تدرين بيهه كلشي مخططه وتدرين بي متزوج ومتكليلي !!!

- لااا مو شغله ادري ومااكول

بس نبشت وراه بالجديد ولكيتهه

- وليش ماكلتيلي

- حتى داشوفك شتسوي رده فعلك من صدك تصير مو تمثل مصدوم

دتشوف بعينك صاحبك المنزه نفسه

من الناااس شيسوي ميسوي

- يااااااااالله ياااااااااالله

ليييش ريري لييييش هيج كل نااااسي دغش عشرتهم

ليييييش !!! وعلليييييي كرهت جنس البشر

ليش كلهه تطلع طايحه حظ ومابيهم الخير

هاااي انه عمري كله ماطلع بوجهي ابن اوادم  كلهه ولد شيطاااان

- تررره  ادم من مات اخذ وياه ولده اووكيي

هذوله البقو هيج مثل شطرنج على خشبه

ضليت اكح وطبيت بيتنه .. صعدت الدرج وماكدرت اكمله واصعد لغرفتي ..

كعدت على البايات واحجي وياهه..

- شلووون لكطتيه هالكواد ! جاي لهناك !

- انيي اعرف شكول الكواويد شلونهه

وهذا طابعه بكصته طينته

هيج شكول اعرف شيدورون يانوع نسوان

ورحت لميتهن كلهن بكروب ودزيتلهن صورته وكلتلهن الي تعرفه وطالعه وياه

تخابرني

بس ولا وحده منهن طلعت صاحبته

خليتهن يدزن بصورته بين كل البنات

ولحد ما لكطته هاي وخابرتني

كلتلي شتريدين منه ؟ كلتلهه احسبلج الحجايه

بمية الف

كلتلي شتريدين توصلين. ؟

كلتلهه.. متفقين بالفلوس حتى نحجي

طك بطك

افيدج وتفيديني وبالحالتين انتي الربحانه

كلتلي اووكيي

وسألتهه متزوجج لو هيج علاقتكم

كلتلي متزوجين متعه

وين عرفج ؟ كالت بالفيس تراسلنه ومكالمات بعدين تواعدنا وصار عشر شهور متزوجين

ويروحلهه لبيتهه

وتكول مدللـهه وساحبه منه فلوووس يابو فلووس

كل فتره تسويلهه زعله وتريده يطلكهه

وهو يمدد بالزواج وينطيهه فلوس يراضيهه بيهن وترجع ادك ناعم وياه

- الله يطييييييح حظك ياكواااد

جااان هوو هناك وياهه فختيه صايرلهه

ويمي يجي شرع الله وملايكه الرحمن كلهه يحطهه كدامي ويكرهني روحي !

- ايييي هذاا العار ابو صماخ بعد

تدري تكول موصيهه من تريد تسبح تخابره

ويضل وياهه كاميرا بالحمام

- دخييييييييييييل ربببببببببج

كاااااافي كاااااااااافييييييي

-اوووي ديلا هسه شحجيت

غير ابو صماخ مدود على الن...ج مفول صماخه عليه

ضليت اخذ نفس قوي وازفره وكملت الدرج

وكعدت بغرفتي ...

فتحت السبيكر وضليت اشرب ماي

وهي تكلي..

- تره اني دليتهه على بيته وكلتلهه تروحين تشهرينه شهيره بين اهله

كون تخليه مايعرف يفتح حلكه بالبيت

وانتي اخذي كلشي كشولي العنده والماعنده

كلتلهه .. هو بيته بس امه واخته وحده قندره

روحي اسحليهه تصيرلج خدامه وامه فاهيه معليج بيهه شمريهه على صفحه

وجهاله لا صوت ولا نفس وهو حبل كرونه بايدج .. فرصه عمرج هاي روحي لزمي من خناكه احسن مايعوفج ويشمر عليج فلسين

انتي روحي حصلي البيت والرجال والفلوس وصيري انتي الااامر والناهي بالبيت

وخوش دفعتهه دفعه عليه هسه تسمط ابو ابوه

-  زين سويتي

خلي ينكسر وجهه الشايخ ع الناس بي

- حيداار بعد هواي عندي شغل عليه

بس اريد منك تسوي شغلتين هسه

- شتردين!

- اول شي تلم غراضك اليوووووم اووكييي

هسه تكعد تحضرلك جنطه من كل شي

تحتاجه

وتعوف جوازك وجنسيتك بالميز

وجنطتك تخليهه بسيارتك بس اخابرك واكولك اطلع كببببل تشغل سيارتك وتطلع

-يوااااشج بويه هسه انه شفتهمت!

- لتفتهم هسه بعدين افهمك اوووكييي

-لاااااا هسه تفهمينيييي انه مابيه حيل بعد اضل حاط ايدي على كلبي من المصايب

احجي شعندج

- لك شبيك حيداار هسه داريد اسويلك مصيبه !!!

خايفه عليك انييي اوووكييي

دا اريد احميك منه هذا نغل يوكعك بكارثه يوكعك

اريد اخليك بعيد منا

- وييييين اروووح ريري وييين اروح

جا اطلع منا مايندلوني بغداد وين كاعد !

- ماابقيك بغداد

وصيتلك على جواز بغير اسم تاخذه وتسافر

- صدددددك تحجييييين !!!!

-لعد اعوفهم يموتوك !! لو اخليهم يكربسون براسك مصيبه !!!

شعبالك راح يسكت هو علينه ! هو بدون شي كارهنه كره العمى النوب راح نفضحه ونكسر حاله شيسوووي يسسكت ويحبس روحه بغرفه !

وعلى دكتك بااخته عبالك يعديهه !

عيونننييي هذا مايتقشمر هذا يسكت ويجازيك بس حتى يسممك ويشل حالك على راحته من جوووه لجوووه يشتغل هذا النغل لااا عبالك كلبه فطير مثلك

- ادرررررري بي ادررري ما يسكت

بس مااكدر اسافر ريري

وين اروح ! انه ملتزم بدوام

اجازه ماكدر اخذ اذا مانطي عريضه شكبرهه شكدهه

وين عاد اشرد واسافر سكتاوي !!! واخسر دوامي !

- لك ابوووووويه انته لشوكت تضل تخاف هنا وهنااااا واني عقلي مشتغل وياك

شبيه اني ثوووووله وانسى عندك دوام !

مو جبتهه للوظيفه بالشدات الك هيج اضيعهه من ايدك !!!

-جاااااا شسوين !!

- شسوي يعني نفس الوظفك ياخذلك اجازه

غصبا على راسه وراس الخلفه

منطيته سياره مو راس بصل يحطه بحلكه ويسكت

غصبببببا علييييه شتحتاااج انته بدوامك هو يسهله الك

- حبيبي نعوف السفر اخذج ونكعد بيت نأجر بفد منطقه ومحد يعرف بينه ومنحتاج لمانيه احد علينه

- يلكطووووووك ابويه يلكطووك

حتى انييي هسه يخلون عينهم عليه

بس اني مو مهم اعرف اتصرف

اهم شي انته تصير بعيد منا وتخلي عقلي مركز اكثر

- ماااااكدر اعووووفج وامشي لاااا تضلين تعااانديييين لخااااطر الحسيييين

- مااعاند هسه مدااعاند

داكولك انته هنا تتاذى هذااا يضل يحومي فوك راسك

روح اطلع سافر و وظيفتك شوكت ماترجع هي الك تبقى

ومصرفك كوله ادزه الك ماخليك تحتاج شي بره

- ياااامصرف انتيييي عوفي الفلووس عوفيهاااا كرهتها وحك لا اله الا الله

اريدج وياااااااااي ريري مااعوفج واطلع منا والله وحك اسم الله مااروح اذا مو انتي وياي

- لتتخببببل انتتته افهم حجييي افهمه

اني بيه حيل واجي ويااااك !!!

لك اني روحي بالكوه شايلتهه وين بيه حيل سفر

- جاااا ترديني اعوفج هيج وانتي بالمستشفى واطلع اسافر ! اخاف على روحي وماخاف عليج !!!

- حيداار انيييي مخططه لكل شييي لاتخرب تخطيطي

مدبره عيشه زينه الك معليك بيه اني مااطول واموت تبقى يمي تعوفني اني ميته ميته

كعدتك وياي متغير شي اوووكيييي

- اموت وياج والله جا انه حياتي عدم بلياج

على شنو ضال عايش ! وبعيشه زينه !! شسوي بيهه وانتي مو وياي !!!

رور كلشي مااريد .. ادري تحبيني وتخافين عليه وترديلي الامان بس انه اذا مو وياج

اضل تايه وماحس روحي عايش

ضلي انتي وياي وكلشي مااريد بعد

والقاسمه الله النه يصير

- اووووووووووف حيدااااااار

صوووجي وحجيتلك هسسسه صوووجي انيييي ثوووله وحجيت

لو عايفتك اخر ساعه واكولك اطلع للمطار بوجهك جان خلصت من شلاع الكلب هذا

هو اني عايزني تعب وصياح واعصاب

وتجي انته تزيدهه عليه تخليني افووور

باعصابي ...

- حجايه وماعليهه نقاش بعد

تردين اسافر تجين وياي

تعاندين اعاند واضل هنا حتى بغداد ماروح

-اهووووووووووو رجعناااا رجعنااا ..

ضل خلي يكتلوك بمصايبهم

فلااااا اديرلك بال بعد

عسى ماناركم تاكل حطبكم اني شكو حاركه اعصابي عليكم

ابقى وبعد لاتخابر

باااي

سدت الخط وانه تمددت واخذتني الافكار

متعجب من كل حياتي .. مابيهه شي منطقي كلهه فوك العقل تجي صدماتهه ..

لليل خابرتني ريري ..

طلعت بالحديقه جاوبتهه ..

- هلا يابعد رووحي

هلا براحتي هلا بكل عافيتي

- هلووو هلووو

- شلون صرتي ياعيني

اكلتي شربتي ؟ شلونه علاجج اليوم !

- كلشي زين لتضل تسأل اووكييي

تره مخابرتك اطك سوالف وياك وشبيه مابيه وشبيكم وشسويتو وشلونك ما لونك

اووكييي تره جايتك بشغله مهمه احجيهه واولي

- اعصابج يااابعد عيني اعصاابج

انتي كلشي الج مسموح احجي بكيفج

ليش بس حجايتين وترحين !

-اييي بكيييفييي مابيه حيل سوالف

- يلا هم ميخالف هاي سمعت صوتج كافي

احجي أمري حبيبي شتردين

- تروح على ابو صماخ وتخابرني اريد احجي وياه

- شنوووووووه !!!

- ايييي يلااااا انتظرك باي

سدت الخط وانه رجعت خابرتهه ومتجاوب

وضليت اخابر واخابر لحد ماجاوبت ....

- شبييك شكو

-انتتييي الشبيج !! شتحجين وياااه

انه الصبح مزورك وجهه هسه اروحله تعال خابر ! شبيييج انتي بويه بالج وين جاي يفكر احجي فهميني وين تردين توصلين

- اريد اتشمت شويه ابرد كلبي

روح بداعة العزاز

خلي اشوفه مطكع وجهه وشايط اعصابه

وادوس بكلبه بلكت كلبي يبرد واعوفكم ماسوي الكارثه بيكم

- لااا وعلييي شاخطه

- ترووووح لوووو شلوون

داكولك اريد ابرد كلبييي بي

شك كلبي نصييين ولوعه الضنى لوووعني

تريد اسكت واكعد ما حجي شيييي !!

امشي روحله عندي حجي يفت كلبي اذا ضل ماحجيته

- استغفر الله

راح اروحله بس علكيفج اعصابج

-ايي ديلااا ادري

طلعت وانه بعدني فاتح الخط واتمشى بالشارع .. كلتلهه..

- احبج يافله

- اي ادري

- شايخه علييييه فد نوووب

يلاا هو الزمن كله دار عليه ضلت عليج انتي هم اخذيلج حصه بي

- كلمن يجي من ايددده الله يزييييده

- وعلييي تعبان بدونج

جاي اختنك كل شويه صدري ينقبض

يمكن محتاج حضن حتى يفك شويه ويتنفس

- باااحلااامك يا ماما

- ايييييه اييه

ربج بكل شي عليم وهو يدبرهه

-ديلاا داشوف بله شلون تدبر لجناب الساده

- والله مايشفعلنه جدنا على سوايتنه هاي بيج

يا رايه

بس نكول الله يعلم بحال بني ادم شلونه وهو يدبر احواله

يلا انه وصلت

- خابرني فيس وافتح كاميرا اووكيي

- جاا البسي حجابج و شويه اعصابج

انه اوصيج لان اخاف عليج انتي تعبانه ماريد تهلكين نفسج بالصياح

- ادررري يلاا اووكي اوووكيييي

سديت الخط و طبيت لبيتهم .. وكفت دكيت باب الهول وفتحلي مؤمل ..

كلتله..

-ابوك وين ؟

- بغرفته نايم

- امشي صيحه خلي يجيني بساع

كعدت بالهول وانتظرته .. اجاني ملزك وجهه

و كبل صاح ...

-شعندك جاي !

- اكععععععد واسكت يلااا اكععععد

فتحت الفيس وخابرتهه كاميرا ..

هو كاعد يمي وكبل صاح ..

- شترررردوون منييي

سده هااي شبييك احاجي مرتك انه شبيك انته تسودنت !

- انججججججب والشرف سد بابه بعد

فشله تحجي بي

هجم عليه خنكني وانه دفرته بنص بطنه

وصيحت عليه ..

- اكععععد واسكت حسنييين حجايتين اسمعهن و اطلع بعد لااريد شوفه وجهك ولا اريد خوتك

ونعلى على صفحه الخلفوه الي يضل مكابلكم

بعد

-يطبببببك مرض اطلع بعد اااانه مااااشرف بيك اخو

شتريد مرتك مابزعت من هجمان البيوت

دارت عليه النوب !!

- انجبب انججججب

سد حلكك واسمعهه واسكت

اول مره هي ماجاوبت بالثانيه يلا فتحت الكاميرا ..

جريت المخده وخليتهه كدامنه ووكفت التلفون عليهه وضلينا نباوعلهه ....

هي بايدهه الجكاره وشامره الشال على راسهه لافته شلون ماجان وتاخذ نفس من الجكاره وتنفخ الدخان وتضحك .....

- هاااااا يالسااااده ولد الساده

شلونهن الكحاب زيناااات وياكم مووو زيناااات !!

مبين من وجوهكم ممرتاحين كوولش وياهن

شو عبالك مسحولييين متصخمه وجوهكم

اباوعله ويباوعلي واثنينه ساكتين ..

جان هي تطفي جكارتهه وتشعل ثانيه

كالت....

- حسنيييين كحابك الي بالفيس كوووولهن

ادزهن لبيتك وحددده وحدده

وخلي المكافش يصير ماله والي

وخلي امك تحني ايدهه بنسواااان ابنهه

الكحبجي

-سكتتتتهههه لمررتك سكتهههه

- انته اسممممع واسكت

احجي يابعد بيتي

اخذت نفس من الجكاره وكالت ...

- حسنيييين كرعتك هاااي الاااا انبت بيهه

الشيب

- انتي شعندج ويااااي يا طلابه طالبتني

شتررردين انه يمج كرباااج

مشاكلج ويه رجلج امشي تصافي ويااه انه

لا عليه بيج ولاااا واصلج

- قنااااادر احسسسن

ولك مووو علييييه اللعب ياابو جرخ الاسوود

موووعليييييه

كلمممممه كلممممه اطلعهه من عيووونك

اندكيت بيه وبااابني وااااني لاا واصلتك ولا جايبه سيرتك بس دودتك تكرررص بيييك الاا هجمت بيتتتي يلااا ارتاحيت

اسمعو ولكم اثنينكم مطلوبين اليي اثنينكم

يالسااااده مديونييين الي

دنيييا واااخره

مفضله عليكم بكبر طوووولكم وهسسه

اريد دييينيييي كوووووله والي يجر ويعر ويااااااي

اعدددددمهه لعيشته و اني ماعندي شي اخسره

الخساااره عدكم بسس عدددكم انتو خافو

على نفسكم وجرووو عدل وياااااي وخلي نسد باب هالعشره الجايفه

- شتردين انتتتتي شترررردين

روحي اتحاسبي ويه رجلج شتردين مني ! !!

- انتتتتته حاااالك من حاله

استفاااديت مثله

مو هم بنتك تعبت عليهه !!

انيييي معليه بيكم بعد

فلوووووسي واريدهه  منك لو منه فلوووسي

تجي لرجليه

كلتلهه ..

- شكد تردين احنه ماتفقنه بالحساب ؟

ضحكت وشعلت جكارتهه الثالثه وكالت..

- شكد سعر الورقه اليوم ؟

اني اخر شي صرفتهه ب ١٢٤

بس يلا الكم احسبهه ب ١٢٠

اريد ١٠٠ مليون محولات ورق

يعني ٨٣٠ورقه يصيرن ٩٩ مليون و ٦٠٠ الف

تبقى ٤٠٠ الف تخلوهن عشرات وياهن

هاي ٨٣٠ورقه اريدهن كل مية ورقه سوه

وتبقى ٣٠ ورقه تخلون وياهه ال ٤٠٠ الف

اريدهن مرتبات مثل ما وصيتكم

كل ميه ورقه سوه يعني ٨ ضبات مال ورق والتاسعه بيهه ٣٠ورقه واربعميه الف

بالضبط هذني هيج حسابهن اريدهن خلال

شهر تجيبوووهن الي

اوووكييي

ضل هو يباوعلي وانه اباوعله ...

كلتلهه...

- مية مليون !!!! منين اجيبهن هالكد بويه

ماتفقنه هيج

- مشكلتك

انته اجلت الحساب وكلت شكد ماتردين انطيج اذاااا عيشتنه رجعت زينه

بعد اني شغلي كملته وهذا شغلكم

يوم ١٠بشهر ١٢ انتظرك حيداار

فلوسي يوم عشره اريدهن جاهزات

واذا لعبتولكم لعبه منا لو منا اسفركم انتو واهلكم لجدادكم الساده خلي يتلكونكم

شوف بعد وين تتلاكون باب الجنه باب جهنم باب البرزخ

اني عليه ادزكم واجدادكم يضيفوكم خوش يندلون المكان همه يعني اووكي مستسغربون وحدكم

اووووكييي يلااااا چاوووو

سدت الخطت وانه سديت التلفون وكلتله..

- كله مننننننك وييييين وصلتنه وييييين

جانت بكلشي قابله وقانعه وياااااي

اجيت انته خربت الاول والتالي

- يطبببببكم مرررض

روح حير بيهه مادفعلهه فلس احمر

لووو تزرع نخل براسهه

- وااااالله تددددفع وغصبا ماااعليك

انه وياك تشاركنه بكل شي مااااتدير ظهرك وكت الصدك وتعوفني حاير بزماني

ااااانه مو وحدي اهلي تعبو من السحوره

انته جنت بكلشي ويااااي وغصبا عليك تتتحمل كلشي وكع على راسي

- ماااعندي لا فلس ولا مليون وادفعلهه

- ااانه هم ماعندي

- روح قشمرهه بحجايتين مو رجلهه انته

روووحلهه سكتهه قنعهه منين نجيبلهه مية مليون ورق !

- خاااااب ماتسسسكت انته الشعلتهه وكلبتهه علينه

- والله مااادخل بيكم بعد وفلس واحد ماانطي

وخلي تروح شتسوي سوي

- اسسسمع ولك

خاااف هي تسكتلك اااانه مااسكت والله وقسم بالله اروح اشهرك بين اهلنه كلهم ومعارفنه كلهه واحجيلهم على كحبتك هاي وشمسوي ممسوي وياهه وكل الحجي اروح اسحبه من ريري وهي كلشي عدهه كل سوااالفك الخايسه وكعت بايدهه بعد

واكسرلك وجهك بين ناسك

وبيك زووود جذب حجيي وكتهه

هجم عليه وضل يصيح بوجهي وانه افك ايده مني ..

- لااااتشرف نفسسك وتخزيني

انته حالك من حااالي كحاااب هنه ثنينهن كحاب

- انه احجي كلششي ماااخاف بعد انه خسرت كلشي

واهلي يعرفونهه وعاشروهه مو مثل هاااي جايه كسره وجه عليك راح تلعب بيكم صول جعاب

وعليييي احجي كلشي واخليك الباب ماتطلعه

انه كارهكم وكاره المله كلهه شيحجون عليه خلي يحجون مايهمني شي اعووووفكم وامشي و كوااد اليعاشركم بعد

دفعته وكمت .. عدلت ملابسي وكلتله ...

- عدنا قطعه كاع نبيعهه ونجمل فوكهه وننطيهه ونخلص

وخلينه مستورين

- يا كاااع حيدر يااا كاع

- كاعنه انه وخواتي مو عندك حصه امل

تنازل عنهه وخلي ابيعهه وحصه اختي الثانيه انه بعدين انطيهه بس افك من هالمشكله اجمعلهه وانطيهه

- ماااااتنااازل هاي الكاع للجهال ضلت

مااتنازل وانطي فلوسهه للكحاب

- تنطيهاااا وغصبا ماعلى رااسك

تنطيهه وانته الممنون

واللله اخلي حتى جهالك يتبرون منك

والله وحك هو الله مااسكتلك بعد وهي عرفتهه شكد كدرت عليك وتكرهك واخذ منهه كلشي عليك وافضحك انته واهلك وضل خاتل مثل النسوان وكتهه

- استغفر الله حيدر جووووز عنننني رحمه لجدك جووووز عني ابتلييييت بيكم صرتو اهلي تعااال الا تدفع ماااادفع ماعندي فلس وانطيهه انته الورطتنه بيهه

- انه ورطتك ! مو خلصتك وخلصت بنتك

واهلنه كلهم خلصتهم من ذاك المر العلكم روحنا بي

لووو ماانه مجازف بيهه جان ضلينه ناكل مر ونتفل مر

حسنييييين اخررر حجايتي وياك

الكاااع تتنازلهه الي وانه باجر احاجي اختي واخليهه تتنازل وابيعهه شوف شكد تجيب

نجمل فوكاهه

طلعت من بيته ورجعت لبيتي .. صعدت لغرفتي وخابرتهه ... جاوبتني ..

- هااااا

- هاا شبيج !

- شتريد. مخابر ! شعندك !!

- رجعت للبيت حبيبي شبيج جاي احاجيج هسه الا اريد شي

-مابيه حيلك اريد انام

- بس اوكفي خلي احجيلج

على الفلوس

-لااا تحجيلي ولا احجيلك

مية مليون شلون ماتدبرهه دبرهه

تبوك تذبح تصلخ تهجم بيت اهلك وتهجولهم

عسى ماتبيع روحك وروحه

ماااعليييه بيكم

فلوووسي تجيني حاضره

٨٣٠ورقه واربعميه الف اريدهن يوم

١٠ -١٢

-ادري ترديهن ادددري بس اسمعيني

ريري ماكدر ادبرهن بشهر والله اكدر لنصهن

انطيج خمسين وخمسين الثانيه اصبري عليه

بيهن

- مييييية مليوووون كااامله

ماعندي جمعيه وابيعلك اقساااط

- شبيج انتتتتي شبيييج هسه فوك الزمن كله عليه انتي هم تجمليهه!!!

افهميني والله متعوب ودايخ بزماني

لا تحصريني هيج

- هذا الينكر العشره بعد مايشفعله شي عندي

اسمع حيداار هسه اني لا مرتك ولا حبيبتك

اني داتعامل وياك على اساس شغلنه العرفتك بي

وهنا ماكو عيني واغاتي .. شروط وتتنفذ

اوووكييييي

لان هذااا حساب وحد وحساااابي وياك على العشره والحب هذاك وحد بعد مابدينا بي

تجيب فلوسي هذني حق تعبي اني اجيت اموت بيتكم وتعبت بكل شي جازفت

للموت مشيت كدامك وحميتك من كل شي انته واهلك تعبت عليكم وهذني اقل شي تجازوني بي

فلوووسي اريدهن كاملات مثل ماشرحتلك شلون ترتبهن هييييج اريدهن شهر الجاي يمي

وغير هالحجي بعد ماعندي وياك لحد ما تجيب فلوسي يلااااا نحجي

سدت الخط ورجعت انه اخابرهه قفلت تلفونهه ...

ضليت كاعد حاير وراسي مسطوور

احس جبال شايل على ظهري ..

خابرت اختي حجيتلهه على الكاع وكلتلهه محتاج الفلوس كلش مضطر عليهن

وهي انطتني رجلهه هم حاجيته فهمته

ارجعهن الهم الفلوس بس افك ديني وقبلو

رحت ثاني يوم عرضت الكاع للبيع

هاي كاع ٤٠٠م ابويه مسجلهه باسمي واسم خواتي .. انه الي بيهه ٢٠٠ وهنه كل وحده ١٠٠ ...

حاجيت ابويه على سالفه الكاع وما قبل ابيعهه

كال ماتحصل هيج كاع بعد .. بس انه لحيت على بيعهه وحسنين تنازل عن حصه امل

وضليت انتظر شراي الهه ....

بهالوكت انه رجعت لبغداد .. مريت عليهه للمستشفى اريد اشوفهه اول مافتحت الباب وطبيت غرفتهه كلتلي ...

-شعندك جاي ! شتريد !!

- اشوفج ياروحي شبيج مو مرتي انتي شلون اعوفج مااسال عليج !

- مااريدك روح ارجع منين مااجيت

- ريري لااا تضلين بعنادج هذا دخيل الله

- اكولك انته شنو تدور وياي رجعه !!

تره اني بعدني عتاب ما عاتبتك تريدني اصالحك ونرجع هسه ! !!

- عاتبيني بووويه عاتبيني وازعلي بس خلي اضل يمج وعلي كلبي جمره على فراكج

وانتي مريضه كل بالي يمج وحك لا اله الا الله

- زينه هسه اني زينه بعدني عايشه انتظر فلوسي من تجيبهن يلا اموت

اووكييي يلا روح اطلع ماريدك يمي

اني مرتاحه وحدي

مشيت خطوتين وصلت ليم السديه

وهي رفعت ايدهه وكلتلي..

- اووووكف وييين جااي وييين

- شبيج بوووويه شبييييج لخاطر الله

خلي نكعد ونتفاهم واخذي حكج من هالعيون بس انطيني مجال احاجيج

- ولااا اريد احجي وياك  ولا اسمع منك

ومكانك هذا بعد ديربالك تدنى يمي

هاي مسافه بعد بيني وبينك

ديربالك تتعداهه وتكعد يمي وتحاجيني

عندك شي ضروري تحجي اكو تلفون ودز رساله واحجي سالفتك كبل لتضل تجي وتكابلني وتخليني احرجك بتعاملي وياك

اني ماتجاوز عليك لان احبك ماريد اجرحك بحجيي بس انته لتوازيني على التجفيص وياك

روح واكطع جيتك لهنا بعد مااريدك تجيني

اني دزيت عليك اول مره حتى نحجي بسالفه ابن عمك وغيرهه بعد ماعندي حجي وياك هسه

تعبانه ومريضه واريد راحه بالي واني من اشوفك كلبي يحترك وروحي تنمرد

خليك بعيد لتشوفني وجهك .. روح دبر الفلوس احسن ماتكابلني وتكعد

جيبلي فلوسي روح طلعهن من بطن هذاك المصخم

انطيني فلوسي ونكعد نحجي ونتفاهم بعدين

غير هالحجي ماتلكى عندي

ضليت واكف واباوعلهه وهي تباوعلي بعصبيه ...

غصه بكلبي صار حجيهه وكل يوم جاي اشوفهه تصعب عليه اكثر من الراح

كلتلهه..

- املي بيج اقوى من عنادج وياي

راح اطلع منا حتى اجيبلج فلوسج ونسد

باب الشغل ونكعد نتفاهم بعلاقتنه وين تصفى

بس ديربالج على نفسج والتدخين عوفيه

صحتج تندمر بي وانتي مريضه شويه

انتبهي على روحج

- ديلاااا اوووكييي ادري

ضليت اباوعلهه وهي اندارت وغطت وجهه

عفتهه وطلعت .. امشي مهموم ..

ماردتلهه الاذيه وبعيني خليتهه مادري شلون وبيا ساعه خسرتهه ....

صارت كل الايام وره هذا اليوم حساب عليه

وصراع ويه الوكت عندي حتى ادبر الفلوس

اداينت من اخوتي ومن امي وكل فلس عندي ضامه هم خليته وياهن والعذر كدام اهلي جان

اني مشغل فلوس وجماعه مشتركين وياي وخسرنه واريد اوفيهم ...

تحملت اشكال الحجي واهلي وصلوني

٣٠ مليون والكاع بالف ياعلي يلا بعتهه ب ٤٥ صار عندي ٧٥ مليون .. بقى عندي ٢٥ معتازهن

خابرت حسنين وكلتله ...

- باقي ٢٥ مليون دبرلي نصهن

- منين ادبرلك ماعندي فلسين ماعندي

- جاااا انه العندي

هذا كل الاكدرله جمعته بعد مااضل عندي ولا عند اهلي غير المصرف

انته كلشي ما دفعت والكاع هي من اصلهه لاختي يعني مرجعهه النه ماتعبت بيهه

- هااااي العندي حيدر هاي العندي بس الكاع واخذتهه

بعد منين اجيبلك

- هاذ اخر كلام عندك !

- اي ماعندي غيره

- خوش جا نتحاجى بعدين

سديته ودزيت رساله لريري ...

' وصلت ٧٥ جمعتهن الباقي حسنين مايرضى يدفعهن

تصرفي ويه مرته '

لثاني يوم خابرني حسنين من الصبح  ..

- اكلك هسه بس عشرين بقن لو خمسه وعشرين ونخلص من شرها

- خمسه وعشرين

- انطيك السياره بيعهه

-شكد تجيب سيارتك ! ماتجيبلهه ١٧ مليون

- اي دبر الباقي هاي سيارتي وانطيتهه بعد شنطيك !! انطيتك الكاع والسياره شسوي بعد كليي شسوووي !!!

-ماادري دبرهه هذني عليك اني شلت فوك النص من المبلغ بعد الباقي عليك

انته حير ودبرهن تره هي ماتسكت وحياتنه اثنينه باقيلهه شجم يوم ولو تنعدل لوو

تتصخم بعد لو يحضر المهدي  ما يعدلهه

- ااااانه شبلاااني بيكم

ماااعندي هاي السياره تعال اخذهه بيعهه

-انته بيعهه وجيبلي الفلوس

ماعندي مجال انه مشغول مالحك

- شوكت ترجع ؟

- يوم ٨ انزل للبيت

دبرلي الباقي لو من جوه الكاااع دبرهن

- زييين زييين بس كللهه خلي تكف عنا رحمه لاهلك

المره حتى تلفون سحبته منهه وهاي مدري منين توصلهه كللهه ننطيهه فلوووسهه

بس خلي تكف شرهاا

- ضب مرتك هي التندك بيهه

يلااا انتظر الفلوس

سديت الخط و دزيتلهه رساله ..

' عشتي مااضل شي واكمل الفلوس '

مثل كل مره ماترد على رسايلي

بس انه ادري بيهه تشوفهن ...

صدري كلش خانكني هالفتره ودايماً دايخ

رحت لدكتور وسويت فحوصات وانطاني

حبوب مرخيه للعضلات .. اخذهه كل مااحس بتشنج لان تخطيط الكلب زين مابي شي

صار وكت نزولي ورحت للبيت ...

جانت ملوكه هنا يمنه ... وكل شويه تسألني على ريري ... تريد تشوفهه شهادتهه

ناجحه وتريدهه تقريهه للامتحانات

وانه اكللهه بيت اهلهه بعدين شجم يوم وترجع ..

تعشيت وهي يمي كاعده تخلي غراضهه

بجنطتهه وتغني بصوت ناصي ..

- يااابيتي الصغيييير انتَ سراجي المُنير

كل ساع تعيد هالجمله لحد ما حوراء رزلتهه

وكلتلهه كافي دوختينه بيهه .. وضلن يتعاركن

وسكتتهن ....

هي كلتلي ..

- خالو هاي مو حلوه الاغنية كول حلوه لو لاااا كول

ضحكت وانه اطابق نبره حجيهه بنبره حجي ريري ... وكلتلهه..

-مادري ما سامعهه

- شلون ماسامعهه خاله كل يوم كل يوم تغنيهه واحنه نكعد نغنيها من الصبح كبل مانطلع للمدرسه

- ماسامعهه والله

- هاي  مال إيروكاا

اغنيهه الك خالو تسمعهه ! هاا اغنيهه؟

- يلا خلي اسمعهه منج

حوراء كبل ضاجت وطلعت متحب تسمعهه

وهي كمشت جف ايدي وضلت تغني وتحسب على اصابعي ...

- رسمتُ بيتًا صغيرًا اسميتهُ الاحلام

في قلبي ينااام وازورهُ في كل منام

خبأت فيه لعبي وصور الاحباب

مع بعض الزهور .. فتحت كل الابواب  

رسمتُ فيه الزمان تنقصه بعض الالوان

اراه يبتسمُ في آن وحزينًُ في بعض الاحيان

يـا احلااامي قولي للايام

سألون الدرب سألون كل الساعات باحلى الوان الحـيـاه

يا بيتي الصغير ..انتَ سراجي المُنير

يا بيتي الصغير ..انتَ سراجي المُنير

ضحكت وحضنتهه ومسحت دمعتي من عيني

حسيت انه هدمت كل هذا البيت وانه الجنت باني الهه ...

عفتهه وصعدت فتحت باب السطح وكعدت على الدرج ...

وصدري مخنوك .. اريد احجي واصيح

واشكي كل عمري اشكيه بس مدري المن !

الجان يسمعني راح .. والجان يشيل همي راح

بقى كلمن حاير بهمه والجان باحضانه مطيب خاطري هسه مفاركني ..

دعيت ربي وتوسلته كافي من عذاب الفراك

راح انطيهه كلشي بس كون ترضى وتكعد تتفاهم وياي وارجع اخليهه بعيوني ..

الليل كله كضيته هنا ... على الهوا البارد

وتالي تعبت وطبيت نمت ...

ثاني يوم خابرت حسنين على الفلوس

واجاني العصر انطاني ٢٥ مليون كاملات

كلتله ...

- الخوف يعدل الشوف

منين طلع عندك فلوس !

- كلشي بعت السياره و حتى البيت بعته

اخذت مقدم فلوس وبس اشيل منا استلم الباقي اخذهن واسافر بعد ماكعد هنا لو يدرلي العراق ذهب

- هااا وين تروح لايران ؟

-اي هناك اعيش احسن

- خووش خووش روح بعد احسن نتكاطع ونخلص

عوف ملوكه هنا لتاخذهه

- عايفهه الكم ارتب اموري وارجع اخذهه على السنه الجديده

- اي زين

- بس اختي ترجع لعادل

- لييييش ترجع !!! طلكهه بعد ماكو رجعه

- المره عدهه ولد ترضون اخذ ابنكم اربيه

هناك بايران وتنحرمون منه ؟!

اذا ترضون اخذهم واروح كيفكم بعد

دار وجهه وراح وخلاني بناري اشيط وماانطفي ...

خابرت عادل وحجيتله السالفه ضل ساكت تالي كالي ...

-شوف الاهل شيكولون ونتصرف

حجيت لابويه وضل يفكر لليل جمعتهم وكلتلهم هسه تنطوني خبر ترجعوهه لو لا

ابويه كال ...

- هي ما تنراد بس هذا ابنه وين نخلي يتربى بالغربه !

وامي كالت ..

- اذا عادل يريدهه خلي ياخذهه ويطلع بيت وحده ما تعبش ويانه جنه بعد ابد

- اي هذا خوش حجي

مال ارجع واطب البيت واشوفهه كدامي

ماتصير الااا من اموت

يريدهه ياخذهه ويطلع وانتو هم منا تطلعون نبيع البيت ونكعد بغير منطقه

باوعنه لعادل وهو كال ...

- هاذ هوه شسوي بعد مجبور ارجعهه لخاطر الولد و هي اول وتالي بنت عمي زينهه وشينهه عليه

انخصمت سالفتهم يأجر بيت ويكعد بي

واحنه بين مانبيع البيت ننطي حصته ويدبرله كاع ويبنيهه ويستقر ....

ثاني يوم طلعت لبغداد .. يوم ١٠-١٢

حولت الفلوس ورق

ورتبتهن مثل مارادت وخابرتهه ...

سمعت صوتهه ناصي كلش ... كلتلهه..

- رور نايمه حبيبي ؟

- اي هسه كعدت شتريد

- موعدنا اليوم نسيتي !

وين انتي بالبيت حتى اجيج هسه ؟

- اي تعال بالبيت انتظرك

سديته ورحتلهه ...

طبيت وشفتهه كاعده وبايدهه الجكاره

وهي كلش ضعفاااانه الوجه اصفر والعيون جواهه سواد جبير ..

مخليه كانيور يم رجلهه وكاعده تدخن ..

خليت الجنطه مال الفلوس على الطبله

وهي كلتلي..

- هذا الكرسي اشتريته الك

اكعد عليه مكانك هناك بعد

باوعت للكرسي صاير يم التلفزيون

وهي كاعده على القنفه مسافه عنه ..

كعدت هناك وكلتلهه ...

- فلوسج كاملات مثل ما ردتي ترتيبهن

فتحت الجنطه وكلبتهن بايدهه بسرعه

وكالت ..

- عفيييييه هسه فاد اللعب ببيت ابو صماخ

رجعت ارتجت واخذت نفس من الجكاره وباوعتلي ..

- شلونك ؟

- تعبان

- اووكي

سمعت هذاك راح يسافر لايران

- اي وفضه راح ترجع لعادل

بهتت ملامحهه وهزت راسهه واخذت نفس من الجكاره ... كلتلهه..

- راح يطلعون بيت وحدهم واهلي واح يبيعون البيت نشيل بغير منطقه

رجعوهه علمود ابن عادل مايريده يتربى بالغربه

- اووكي هسه شسويلهم شكووو دتحجيلي عليهم يطبهم مرض عاشو ولا تصخمو شعليه اني

كامت راحت غسلت وجابت كلاصين ماي

من الثلاجه انطتني واحد وانه كمشت ايدهه

ضلت تباوعلي..

- ماكتفيتي بفراكي هاذ  كله !

- بعدنه ما بدينا اووكييي

جرت ايدهه وراحت كعدت بمكانهه

وكلتلي ...

- يلا خلص موعدنا فلوسي واخذتهه

بعد ماعندي شي وياك

- جا انتي ترديني بس ع الفلوس !!!

وعلاقتنه شنو مانحجي بيهه!!!

- ما بيه حيل بعدني تعبانه

- ريررري جزعت روحي وعليي

كلبي شيب كااافي رحمه لاهلج

لا تضلين تماطلين كليلي شسوي وترجعيلي كليلي شلون بينا شلووون نعيش

عاتبيني احججي شي لاتضلين ساكته وساده السالفه هيج

- ماااابيه حيل عتاب هسه

اني من اصير زينه ادز عليك واعاتبك ونحجي براحتنه لتستعجل لاحك على وجع الكلب

- جااا ماصرتي زينه لهسه شمكعدج هنا !

ماتمشين للمستشفى

- ضجت هناك مليت والعلاج حفظته كوله

واعرف اعالج نفسي هنا بعد شعندي رايحه

- جا شلون تضلين هيج وحدج !!!

خلي اضل وياج اداريج باكلج بعلاجج لما تصيرين زينه واحجي عاتبيني براحتج

- مااااا اريدك يمي

اني بيه حيل وامشي على رجليه واداري نفسي

اكلي وشربي وعلاجي عندي ايد واسويهن

انته بيك خير داري روحك

- وتااااااالي هاااالحاااال وتاااااالي وياااج

- اني اعتبر مريضه ولازم الناس تخفف زيارتهه على المريض حتى يرتاح

اوووكييي

خلت كانيور بحضنهه وضلت تمسدله

وانه طلعت واعصابي خانكتني ..

شويه ورجعتلهه ..

طلعت البطاقة مالتهه خليتهه ع الطبله

والسويج هم خليته وكلتلهه..

- كلشي انطيتيني رجعلج

هاذ انه حيدر الماعنده بس كلبه

وهم مخلي بايدج

راح امشي هالمره وانتظر بس على كلبي تحاجيني

لا تعوفيني ميت انه الحجايه وياج تحييني

قدري لو مره قدري لوعه كلبي عليج

قدري شويه حسي انه رجال محتاجج

كلبي مو وياي عايش بلايه كلب وشعور

غلطت اي غلطت وياج بس الدنيا ماتوكف على غلط واحد

انطيني فرصه و ماتندمين والله

كافي التعب العشناه

ضلت دايره عينهه عني وانه اخر شي كلتلهه..

- اريد الله يحفظج ويشافيج بجاه محمد وال بيت محمد

طلعت اتمشى لراس الشارع اخذت تكسي ورحت للقسم .. ارتاحيت هناك واخذت دوايه ونمت ...

ضليت كل يوم اروح عبريه للدائره

انزل مسافه واتمشى ..

مرات اراسلهه من اكعد الصبح ادزلهه ..

' مااكدر ماااحبج كل يوم اكثر من الراح '

العصر من اطلع ادزلهه ..

' الجوهذا يحتاج حضنج '

' مشتاق اشتم ريحتج الدافيه

هذا عطرج الشتوي مشتاقله '

من اختنك واضل محتار شسوي واخلص من وجع صدري اطلع بره امشي واسوي شهيق وزفير قوي .. وبعدين ادزلهه ...

' صدري مخنوك متدمر والله جاي اتعذب منه

محتاجج وياي '

' رور تعبان بدونج حبيبي ليش هيج هنت عليج '

ما تردلي ولا حرف ... ولليل انام واكعد بنص الليل مرات مخنوك مرات افز مادري شبيه

ادزلهه..

' شعجب كلبج ما يحن انه كلبي عليج ممرود '

مشت الايام وانه صرت من حركه كلبي

ادخن جكاير وكل ليله ادزلهه صوره

الجكاير والنفاضه و وجهي المتعوب

واكتبلهه ...

' هسه صرت افهمج ليش تدخنين وعاذرج

عليه '

' محروك الكلب ما يطفي الا الجكاره

والله حتى على ذاك الشرب عاذرج

الله على وجع كلبج شكبره جان '

دخلنه سنه ٢٠١٨ ... شهر الواحد ..

نايم يوم الجمعه بالقسم من العصر نمت وتالي كعدت ب ٣ بالليل ...

باوعت لتلفوني ولكيت منهه رساله على الفيس ...

فتحتهه ولكيتهه دازتلي ..

- لـيش يـا اول و تـــالي الـحـبايـب

.

.

.

يتبع 💕

..♣️🩸   ماء مغلي  🩸♣️..

* adzzon *

دخلنه سنه ٢٠١٨ ... شهر الواحد ..

نايم يوم الجمعه بالقسم من العصر نمت وتالي كعدت ب ٣ بالليل ...

باوعت لتلفوني ولكيت منهه رساله على الفيس ...

فتحتهه ولكيتهه دازتلي ..

- لـيش يـا اول و تـــالي الـحـبايـب

حزت الرساله بكلبي لجمته ...

صارت بعيني هذيج وكفتنه بيوم المطر

وهذيج همستهه باذني

وكت صرت انه اول وتالي الحبايب ..

اليوم العتاب ثكيل من اول حجايه نخر كلبي

لبست ملابسي وطلعت للشارع امشي وادور تكسي لحد ما حصلت تكسي وطلعت لبيتهه

نزلني براس الشارع وكملت مشي لحد بيتهه ..

ساعه راح تصير اربعه الفجر والجو ضباب

وبارد الهوا يجرح الوجه ..

مديت ايدي لجهه الباب من جوه وفتحته

وطبيت دكيت باب الهول ...

خابرتهه ومتجاوب .. دزيتلهه رساله ..

' انه بالباب افتحي بساع '

ضليت ادك بالباب لحد ما فتحتلي

شفتهه متلفلفه بالجاكيت الفرو وتباوعلي ورافعه الحاجب ..

خليت ايدي على وجهه وهي دارت وجهه وراحت جوه ...

جانت مخليه صوبه يم القنفه ورحت كعدت هناك وادفي ايدي عليهه وهي ضلت بغرفتهه

شويه واجتي ..

كعدت على الكرسي الي يم التلفزيون

كلتلهه..

- تعالي هنا ادفي يمي ليش كاعده بعيد

- معليك بيه

شعندك اجيت !

- كعدت وشفت رسالتج

فز كلبي ماكدرت اضل انتظر بعد

ضلت متجتفه وتهز برجلهه وانه عدلت كعدتي وكلتلهه..

- باقي ٣٣ يوم  على تاريخ رسالتج بدون ليش

- اتمنى ما اعيش ليومهه

- ليش تندمتي عليه !

- مو بس ندمااانه اني فشلانه من نفسي على ذاك اليوم

ضلت دايره وجهه وعاضه شفتهه وشويه ونزلت دموعهه .. باوعتلي و تحجيلي ويه دموعهه وهذيج الغصه مبينه بكل حرف منهه ..

- فشلانه من نفسي شكد رخصتهه

شكد صرت غبيه وطرت بالحب وياك طير

وصدكت نفسي وتالي طلعت ورطه بحياتك

- لاا لااااا انتي روووحي والله احبج رور تشكين بمعزتج عندي ! ماتعرفيني شكد احبج

- متحبني انتتتته متحبني

لو تحبني جان حجيت الحجايه الي تبرد كلبييي .. جان رحت وكسرت وجهه ساعه الي يحجي عليه

بس انته عجبك الحجي كلششششي من سوالفه عجبتك

- مااااعجبني شييي ريري انه يايوم سمعتج حجايه تغثج !

- لو باقي بعد كم يوم جان سمعتني اشكال الحجي

مو زينيه منك انته ماسمعتني حجايه بس لان مالحكت تحجيهااا

كلشي بكلبك موجود من هالحجي عليه

لو ما عندك تفكير بي جان مانصاعيت لحجيه

بس انته باقي وياي بين وبين

ساعه تريدني وساعه تستنكف مني

- ولج انه اجيت وكلتلج نتزوج ااانه الكلتلج انسى كلشي وضلي وياي انه ردتج بكلشي بيج ليش استنكف منج هسه !

شبيج انتي !!! لاتفكرين بيه هيج وعلي تظلمين نفسج هيج وياي

- لعد ليش قبلت لحجيه ! ليييييش وانته مو تكول ردتج بكل شي بيج

ليش تكوله هاي صارت بعد !

وتكوله اي هي مو زينه بس محسوبه عليه مره !!!! 

لييييييش تحجيييييهن وانته تكول موووهيج تفكر بيه

- صدكي جنت بس اريد اسد الموضوع

هذا ياكل راسي بالحجي وانه اريد اخلص منه

-جذاااااااااااب انته ترتاحله بهالسوالف

- ريري والله جنت تعبان

وافكاري مادري بيهه تروح وتجي ماسيطر على تفكيري والله ياخذني الروج ويرجعني وانه مالي حيل على روحي

مااجنتي تدرين بيه شلون تعبان ! مو كدامج اجيج منهار وساعه لخ اصحى

ليش ماتحسبيها هاي !!

- غلطك تكوم واحد فوك الثاني

انته تشك بيه وهو يحجي عليه كدامك

ومارديته رد يشفي الكلب

هاي لو اني و واحد يجيب طاريك

جان مرعدته بسنوني واخلي يخاف بعد يجيب اسمك حتى ويه نفسه

بس انته خليته يتشمت بيه ويأذيني بكل شي

اذاني بيك وكسر كلبي واذاني بصحتي وبابني

وكلهههن منه هوو الي جنت تعوفني وتكضي الليل وياه ماعدكم سالفه غيري

- والله هو استغل تعبي هالفتره وضل يراوغ بالحجي وانه ماركز تفكيري طلع من ايدي بعد

- مووو عذر هذااا انته لا مره ولا مرتين

عدت نفس السالفه

- والقرااااان كل ذاك الحجي ماقصده بس اخذني بالحجي ومانتبهت والله

رور انتي لو صدك غلطه وورطه بحياتي جان عفتج

شجم مره انتي كلتيلي عوفني ودستي بكلبي

وعفتيني ماهتميتيلي وانه اجي اتوسل بيج على حجايه تردين بيهه عليه

اتوسل بيج على كعده دقايق وياج وماتقبلين

هاي انه لو صدك متورط بيج جان ماستغليتهه فرصه واعوفج واخلص من صدك ! !!

ليش ماتحسبينهه هيج !! ليش ضاله بس تشوفين غلطي هذاك !

ماتشوفين شكد صار على فراكنه وانه متمسك بيج !! لو ماريدج وشايفج مو زينه اجيج هسه بنص البرد اطلع والدنيا ظلمه وضباب بس حتى اشوفج حسيت بحجايتج شكبرهه وتجرح الكلب كلت اضل يمهه ماعوفهه هيج يوجعهه كلبهه مني

ضاله تفكرين بس تعاقبيني على حجايتي

وانه كايلج عمري كله بين ايدج وجاي اموت بلياج والله ماعايش ماكفاج هذا كله ماااكفاج !

شتردين تشوفيني ميت كدامج ويبرد كلبج مني

هيج ساعتهه يلا تكتفين بالزعل والعناد !

كليلي خلي افهم وين تردين توصلين

احجي ليش تبجين ! لاتبجين انه يمج شتردين حاضر بس لتضلين شالعه كلبي هيج

ضلت تمسح حيل بعيونهه وتحجي ...

- ماريد ابجي ماااا اريد

شكد كلت لنفسي ماابجي من تجي يمي ماابجي من نحجي هيج بس

كلبي يووووجعني مااااكدر

رحت يمهه حضنت راسهه وهي تضرب بيه

لحد ما وخرت ..

ضلت تحجي بصوت عالي..

- شسوووي بيك هسه صحيت وشفت الزين من الموزين

شسوووووي بييييك

لك اني فتحتلك كلبي بس انته بحياتي خليتك توصل كلبي

لك ابويه وهو ابويه مالحكت افتحله كلبي

بس انته خليتك بكلب خاام ريحه بشر ما واصله .. كلتلك ضل هنا الكلب بس الك

عيش مرتاح بس ضل مرتاح واجيبلك الدنيا كلهه اخليهه بايدك بس ضل كاعد هنا بكلبي مرتاح ماحبيت غيرك ولا قتنعت بشر مثلك

وانته بنص كلبي كاعد وعصرت لحم كلبي

لليوم مانفك من ايدك

ليش حيداار شردت منك اني ! كلتلك بس لا تغدرني وانته غدرتني من حجيييييت عليه غدرتني

ليييش تجي تنام يمي وبالك حجي عليه

واني الغبيه الكاعده اداريك ومن تطلع انتظر بيك واتلكاك بكل فرحه وانته هنااااك تكعد تحجي عليه

ليييش ماخجلت من عشرتي ! ماكلت شلون اكعد وياهه وانام بحضنهه واني هناك حاجي عليهه !!!!

هذني هينااات عندك ومافكرت بيهن !

لك هذني حرمني عيشتتتتتي

نومتك يمي وحجيك علييييه هيج انته بسجين عميه تحزززز وتكص بلحم كلببببي

جااان كلتلي ماريدج بعد

جان كلت اطلعي من حياتي كول روحي اني تورطت بيج وهسه صحيت على نفسي انتي متناسبيني

ليش عفتي هيج تضحك عليه انته وابن عمك

ليش حيداار ليشش ماخليتني اروح ويضل بينا كلشي بصراحه ليش تنافق وتكعد وياي بوجهين !!!

رفعت ايدهه وبنص بجيهه كالت ...

- والله والله لو كايلي ندمان على زواجنه

والله ما يصبح عليك صبح بعد وتشوفني يمك

والله ماعاتبك ولا احجيلك حرف واحد

جان رحت وبقيت بكلبي اعيش حبك وحدي واني مرتاحه

والله جان حتى الولد لو ردته  وما ردتني جان ولدته هنا وادزه الك انته تربيه ومااحرمك منه

والله حتى لو حاجيتني وجه بوجه وتكولي هذا مو ابني واني اشك بيج تخونيني وماريدج بعد

والله جان ما عاتبتك واروح واكول حقه

اني شما اسوي زين اضل مو زينه

تمنيتك كلهن هذني تحجيهن بوجهي

كون هاي حجايه حجااايه تنطيهه بوجهي

والله جان عذرتك وحتى لو بعد فتره حسيت نفسك وحيد وتريدني جان رجعتلك

جان اجيتك بنفسي واني الي ارجع كل حياتنه للاحسن

والله جان وكفت على حيلي واعوضلك الولد

جان ماحرمتك من شي

بس انته غدرتني ومالك عذر بغدري

لان اني منطيتك صلاحيه الحجي بوجهي

ومن شروط عيشتنه سوه كلتلك من تشوف نفسك بعد ماتطيقني ومتريد عيشتنه سوه تجي تحجيلي واعوفك

هذني انته الغلطت بيهن ونهيت كلبي كوله نهيته مابقيت بيه كلب

من الوجع الي بي عدمته بعد ما يحن عليك

كعدت يم رجليهه ومدنك وهي كلتلي ..

- اني صح حجيت عليك وصيحت بالبدايه من جنت بالمستشفى بس جنت منهاره من خسرت ابني وخسرتك

بس هسه لا  رجعت اركز وماريد اظلمك

واخلي كل الذنب عليك

الولد الراح فدوه الك انته هم ضحيه صرت مثلنه .. الصوج مو منك

همه الي عرفو يلعبوهه عدل ويكطعون الي بينا يهدمون حياتنه لان هي مرتبطه بهالولد

فدوه الك يروح ابني وكل حركه كلبي عليه

بس ذنبك انته هذيج الحجايه الحجيتهه عليه

ومحد ضغط عليك انته بايدك كتبتهه

اني هنا مااسامحك على حجيك وذمك الي

وانته تدري بيه عفت كلشي وبديت وياك خام

على كلمتك امشي

ليش ذميتني وانته بيدك بقيتني وسويتني

من جديد خليت الي عيشه ثانيه وبعدين نبذتني !!!

ليش جان عفتني بعمى عيوني من البدايه

ليش فتحت عيني لدنيا حلوه وحياه واهل وبيت ورجال وحب وبعدين تكسر بيه !

كمشت ايدهه وهي جرتهه .. كلتلهه..

- سامحيني ياروحي انتي

وجلال الله ما ردت اكسر كلبج

احبج وحك لا اله الا الله

بس انتي حبيتج وامنت بيج بس ساعه شيطان وانه متدمر والله جنت تعبان من نفسي تعبان

- مااسامحك اني حلفت مااسامحك

لان غدرتني وعفتني الوم بروحي

واني مااذيتك بشي ولا سويت الي مترضاه

كل شي اسويه جنت احجيلك عليه وانته

نبذتني

خليتني اضل كل يووووم كل يوووم اسأل نفسي بيمن تعبتك وثكلت عليك حتى تغيرت عليه !

اني شسويت وهيج بزعت مني !

شبيه هملتك ! ما دللتك ! قصرت وياك بشنو ! هم تخليت عنك فد يوم وكمت تشوفني مانفعك وعندي مصلحه وياك !!

هاي الشهور كلهه اني اغمض عيني وافتحهه واسأل روحي شسويتلك وهيج تغيرت عليه !

جاوبني هسه انته احجي ريح كلبي كولي شسويتلك اني ! ليش رجعت تشوفني بنت الشارع ليش مو انته سويتني بايدك مو خليتني رايتك ليش برمشه عين رجعتني لا شيء كدامك ! !

ضليت افرك براسي والدمعه بعيني

وماكو حجي احجيه ويبررلي شسويت

انه نفسي مادري ليش هيج سويت !!!

كلتلي..

- تتخيل شلون فشله اني احس بيهه

من اني مريضه واتوسل بيك ٣ ايام تاخذني دكتور وانته تطلع اشكال الاعذار واني بوجع ذابحني وما موتني

باقيه انتظر بيك ومن تجيني بالليل تلكاني زعلانه منك تعوفني وتنزل واني انتظر بيك هسه ترجعلي وتاخذني للمستشفى بدون مابعد ارجع اذكرك واتوسل بيك

وانته مترجع ...

تكعد جوه تكلب بتلفونك واني فوك انازع من الوجع وحدي

وافتح تلفون واشوفك تراسل ابن عمك

وتحجي عليه بكل بروده كلب

تتخيل فشلتي من نفسي شكبرهه !!!!

اني انتظر بيك واجي اشوفك تحجي عليه

شيضل بيه شعور بعد!

اني فوووك جرح هذيج الحجايه عندي فشلتي من نفسي فلشتي من كلبي شكد سكط وشكد حنين كاعد ينتظر بيك وقابل باعذارك بس كون تجي

هاي الفشله خلتني اكره روحي واحير شسوي بنفسي واطم فشلتي من نفسي

غمضت عيوني وعصرتهن والوجع بكلبي يدك من حجيهه والدمع حار ينزل بسكته ..

- هاا وشايف بعد شلون غصه كلب تصير

من يخابرني عمي ويكولي

' هاا كسر كلبج ! هااا رجعج لاصلج ما رادج ! '

هنا لا اكدر اكول .. اي .. اي كسر كلبي هذا العاندتك عليه

ولا اكدر اجذب واكول .. لا.. ما سواهه

لان كلشي بيه ذااااك وينه يصيح سواهه حيدر وكسر كلبج

حتى النفس الي يسمعه بالتلفون مبين عليه مكسوره كلب منك وراجعه خسرانه

واني الراهنت عليك وخليتك الرجااال الي جان عمي يحلم اكو رجال يكدر ياخذ كلبي

ويرضيني

هاي الشماته تيزاب بروحي صارت

من هذاك ابن عمك واهله ومن عمي

ومن كل واحد وراي يكول عافهه لو

خانهه لو غدرهه

حتى امك وابوك من بيناتهم يكولون اذاهه

هااااي هم تحرك بروحي

ليش ينحجي علينه ليش ! مو هاي علاقتنه

خليت الناس تتحسر عليهه .. تعبت بعشرتك اني ماجبتهه وياك بالهين

وتالي متالي ينحجي عليهه !!!

ماااتحمل احد يحجي عليك ويكول حيداار سوه بمرته هيج

ويكولون حراااامات تفاركو وحرامات كسر كلبهه

لو يكولون شوفو شصاير بحاله

مااااكدر اتحمل الحجايه علييييك والله

حتى هاي حجايتهم الي ع اساس تواسيني وهمه عود واكفين وياي

ماااريدهه ولا ارضى على اليحجيهه عليك

لان اني ما ردتك هيج .. مخليتك كدام ناسك ملك محد يوصل مستواك ولحد مااموت وانته تموت مااخلي اليوصل مستواك ويقلل من قيمتك

هالكلمه من اسمعهه عليك تحرك روووحي

لان اني جنت قبل احلم تصير عندي صديقه تحبني مو تحتاجني هيج بس صديقه جنت احلم تصير عندي وماصارت

ومن صرت انته حبيبي وكلشي بحياتي

انطيتك حب ما تعرفوه انتو الحياتكم مليانه ناس واحباب

اني جنت بنيه عندي كلب ويحب بس مااكدر احب بشر لان كل الي وياي تريد اذيتي

اريد احب بس ماااكدر الااا اعيش واني اكره

بس انته امنت بيك وحبيتك

انطيتك حتى حب الاصدقاء الي ماعشته

وحتى حب الآهل الخسرتهم

كلششي حتى حب الدنيا الجنت اكرهه

لو شكد مااحجيلك شلون حبيتك متكدر تفهمني

لان انته ماعشت وحيد ولا تفهم شنو معنى انسان يعيش وحيد

يمكن انته من تسمع هذا وحيد كبل تحس

بالشفقه عليه لو تشوفه ضعيف و وحده

بس هي مو هيج

اني عشت وحيده لان شابعه خذلان من الناس

ومن اعيش وحدي اني مجبوره

الوحده ماتنراد

هذا البرود والهدوء بكل ركن بالبيت وانته وحدك كاعد تره يشك الكلب

من يمر العيد وانته ماكو بتلفونك رقم واحد من اهلك تعايده ولا عندك احد يدك بابك ويكعد وياك ويسلم عليك

هاي الوحده هيييج افهمها مو بس شفقه

ناس تروح لبيت جدهه بيت عمهه وخالهه

بنات عدهم خالات وعمات وبنات خاله

ويرحون عزايم بيناتهم وسوالف وضحك

واني ما فد يوووم شفت احد من اهلي

هاي الكعدات من كلمن يلم ناسه ويسد بابه

اني اموت بحسرتي عليهه

وحصلتهه بيك شووووف شكد انته اثرت بيه

وشكد اني طرت من عقلي وياك

و ويييييين شمرتني بيا نار عفتني الوم بروووحي واكووول حييييل استاهل وبعد ازيد كووون انحرك واتعذب بعد ازيد

استاهل اني الحطيت نفسي بنص ناس

مو من ثوبي .. اجيت وورطت الرجال وياي

وما حكمت عقلي هذاااا صوج اليمشي وره كلبه عمررره مايعيش مرتاح يضل ياكله الندم

لحد مايعوفه عظااام يمشي عليهن الدود جوه الكاع

سكتت  وشويه خلت ايدهه على وجهي ودارته عليهه .. 

- شبيك تبجي على شنو !!!

- ندمان وحك عينج

- ديلا كافي تره ماتحمل اشوفك تبجي

اووكييي كافي يلا عوف الحجي روح غسل

خليت راسي على رجليها وبجيت من كل كلبي ... وهي ضلت تصيح ..

- هسه شبيييك هو كلبي الممرود لو كلبك

ماتسكت عاد

يطبني مرض هسه على شنو حارك نفسك عليه

خلي اولي وروح انته عيش حياتك شبيك موتت نفسك هيج

- مااعيش بلياج والله احبج وندمااان وعيونج ندمان

شيحملهه كسره كلبج بعمري ! والله ماعندي حيل بعد اتحمل قهر وعلييي تعبت

كلشي جان يهون من انتي وياي هسه

بعد انتهيت والله انتهيييييييت

- ديلااااا هسه كافي

كوووم غسل وروح ماعندك دوام ! صار الصبح تره

رفعت راسي ومسحت وجهي وكلتلهه..

- دوامي مسائي اليوم سبت

- زين ديلا لعد روح نام تره الحجي ميخلص

وانته مابيك حيله

عوفه احسن

رادت تكوم وكمشت ايدهه ...

- تسامحيني ؟ ونرجع نعيش سوه وين مايعجبج

ضلت تباوعلي وجرت ايدهه بهدوء من ايدي

وكالت...

- ما نرهم سوه والغلط بعد مااعيده

هو ثوب الما رهم مو شرط يتخصر

راحت وعافتني بحركه اعصابي ..

سمعت صوت الخلاط شغلته وانداريت اباوعلهه ..

مطبخهه مفتوح على الهول ..

صبت العصير بكلاصين بلاستك

واجتي خلت يم رجلي واحد وراحت كعدت

على القنفه ...

باوعت على الكلاص وشفته عصير اخضر

كلتلهه...

- هذا ماليش ؟

- معدنوس وكرفس ونعناع

ينشرب على الريك ينظف الكبد ويزيد الدم

ويفتح الشرايين ويروي الجسم بالمي

اشربه مبين عليك الجفاف والتعب

شربته وكلتلهه..

- ريري انطيج وكت تضلين بي براحتج

بس انطيني كلمه نرجع سوه

- ماكو رجعه النه سوه

احنه غلط رهمنا من البدايه سوه

حيداار انته تبقى ابن ساده واني ابقى بنت شوارع وليل وكواده

كلمن طمخته براسه ما يغطيهه بس الجفن

- بس احنه عشنه مرتاحين

كدرنا نرهم سوه والصار غلطه

نكدر نتجاوزهه ونعيش

ريري اليحب يضحي وانه بكلشي ضحيتلج من عيشتي

ليش انتي ضاله تشوفين الفرق بينا !!!

ماتشوفين روحي شكد تريدج !

- اشوف وادري

بس غلط واول مره مشيت بحجيك وتاليتي خسرت كلشي

بعد ماارجع اعيد الغلط نفسه

كافي فشلتي من الصار بعد ماكدر ارجع مرتك وارجع هذيج الحنينه وياك لان كل مااذكرهه اكره روحي

شلون جنت هيج اسوي !!!

عقلي هسه صحى وفووك ما كلبي ممرود

هو يدوس عليه

ابد ماااايخليني امشي وياك بعلاقه بعد

- لااااااااااا تعاااانديييين ويااااي

ريررررري جااااي اموت هيييج لاتعوفيني اكضي العمر ندمان وبحسرتي عليج اعيش

ارجعيلي وااانه انسيج كلشي مااااتندمين وياي بعد والله ماااتندمين

لا تضيعين عمرنا هيج لخااااطر الله

اااااانه اريدج اريييييدج

لا تخسريني كلشي دخيل ربج لا تعاديني هيج

- انساني وعيش

صدك احسن شي هيج

لان اني منك شبعت قهر بعد لو تشبعني غزل وضحك من الصبح لليل ما ينسيني شي

وروح ما اريد بعد لا اعاتبك ولا اذيك بحجيي

ضل انته بعيشتك واني بعيشتي

-  لجججج لاااااتكطعين عمررري هيج

كلتلج انطيييج وكت ضلي ارتاحي ويبرد كلبج يلاا اجيج

شتردين اسويلج بس لا تحرميني عيشتي

ريري ماعندي غيرج يفهمني بالدنيا

هاي كلمن رجع لحياته وانه وحدي ضليت خسران

لا تعوفيني هيج .. انه حبيبج لج بس انه الي بحياتج انه اهلج وناسج ليييش تعوفيني !!!

جاا انه الاحبج وتطلعيني من حياتج !

ليييش بويه لييش !! المن تعوفيني !

منو يضل وياي !! انه ويامن عايش غير وياج ! اهلي ما عشت وياهم مثلج

وعلي من فاركتج لليوووم عايش غريب بين اهلي

اذا رحت للبيت ادورج بي

مااحسه بيتي والله من انتي مو هناك وتتلكيني

اريد بس ارجع لبغداد حتى اصيرقريب عليج

وترديني بعد انساج واعوفج !

زين ويامن اعيش !!!

ترديني اعيش وحيد وانتي موجوده واضل ميت بعيشتي وحدي !

ضلت مدنكه وتباوع للكلاص واخر شي رفعت راسهه وكلتلي ...

- اسامحك وعوف الندم وروح عيش حياتك

- ارييييييييدج ويااااااااي

انتي مرتي ماااعوفج اريييدج يمي

- اني هنا من تشتاقلي تعال شوفني

اووكي عادي

- ياااااااعناااادج

دخييييييل ربج انتتتتتي شنو من بشششر

جاااااي اكلج تضيعيني هييييج

لااااتحركين عمري كدامي كاااافي الصار بيه لخاااااطر الله كاااافي

- روح حيداار انته تعبان هسه

روح ارجع ارتاح وبعدين نحجي

رحت عليهه عصرت وجهه بايدي

وصيحت عليهه ..

- تخسسسررريني والله اذا تضلين بعنادج

جرت ايدي ودارت وجهه ..

- ريرررري  تعبت بالحسيييين تعبت

عنادج يهلكني

- عوفني حيداار وفر لنفسك الراحه

احسن

لان على فشلتي هاي بعد مااعرف ارجع احن

- نعللىىىىى على يووووم العشت بي

ضلييييي اخذي وكتج ضلي شكد ماتردين

وارجعلج اخذج ويااااي وتعيشين ويااااي

غصبا علييييييج تعيشين وياااي

انه مااادمر حياتي وحياتج من وره العناااد والكبرياء هذاااا

ااااانه رجلج  عيشتج تضل ويااااي غصبا عليج تضلين وياااااي

وطلاك ماااطلك لووووو تذبحين روحج

مااطلكج

ترجعيلي يعني ترجعيلي

-  ماااااااا ارجع لو تموووووت

- ارجعج  وعااااااندي ضلييييي عاااندي

بس تاليتج وياي

- حيدااااااار مااااتجبرني على شي

انييييي حره هاااي حياتي عايشتهه قبلك وحدي واريد اكملهه وحدددددي

جزعت من عشرتك ماجبتلي بس الضيم

رووووح مااااعاشرك بعد لووو اموووت

- تعااااشريني ومرجعج الي

مو اخوج الصغير انه وتعاندين وياي وتحطين راسج براسي

رجلج اااانه رجلج

ماااادام اااانه عاااايش واريددددج

يعني تبقيييين ويااي

تردين تزعلين ازعلي عسى ما سنين تضلين

بس يجي يووووووم وارجعج وحلكج متفكيه

وتطلعيلي بعنااد جديد

وحك السواج ياريري

اذا تضلين بعنادج هذا وياي اجي اخذج منا شحط واعيشج وياي غصباااا عليج

- لك حيداااااار

انته هييييج تكرهني بيييييك عوووفني اني بدون شي مجمر كلبي مننننك

عوفنييي وحدي ماريد اعيش ويه احد بعد

ماااااريد اكابل بشششر

عوفنننني وحدي اعييييش

- ماااااااا اعوفج وحددددج

انتي تردين تعيشين وحدج يطبج مرض بس انه مااانهي حياتي علمود والله انتي ضجتي

بعد ماتردين تعيشين ويه بشر

هاااااي انه جبت حيااااتي بالضيم وطلعااان الروح يلااا لكيت بشر اعاشره ويفهمني

وما اضيعج من ايدي لووووو مو تعاندين

لو تضلين مكابلتني وتلعلعين بصوتج

وتبومين الوجه

هم ارييييدج وياي

- شكووووو كاتل نفسك هيج على عشرتي

هو اني بيه نفس نفسين واموت شكوو بعد

ذابح روحك عليييييه

روووح عيش خلصت النسوااان

ضلت بس عليه !

- ااااانه اريدج انتيييييي

مرتي واررريدج

طز بالنسوان شايفهن انه !! هم شايف نسوان !! وادور وراج !!!

انتي اختاريتج بعقلي وكلبي وغلطه غلطتهه وجاريت صخيمان بالحجي

بس انه مااااااضيع عمري الباقي علمود غلطه

واانه اكدر اصلحهه بس راسي الكووووي

يلين ويااااي وتبطلين خبال

- اهووووووووووو

حيددااااااااار

مااااارجعلللللك والله

- ويطببببج مررررض لاترجعين بكيفج

ارجعج غصباااااا عليج

و علييييي اسويهه كسرررة  خشم الج

جزعت روحي من عنادج و التواسيل وياج

وجاي اكلج انه عمري معلك عليج

ارجعيلي ونعيش احسن عيشه

- يااااعيشه هاااي الزينه الي نعيشهاااا

شبيك انته متشوف حاااالي !!!!

وين تكدر تعيش ويه وحده ماتكدر توصلهه تنعدي وتتمرض وتموت !!!!

- تتعالجييييين ما بيج جرب انتي ومايصير اوصلج

هاي الدكاتره مكومين اخذج اعالجج

وارجعج لحضني

شبيهه صعب !!!!!!!

- ماااااريد ارجع لحضنننننك

مااااريد

اريد ابقى وحدددددي

احتتتترم رغبتي احترررمهاااا

اريد اعيش وحدي ماااريد احد ويااااي

- عفتج واحترمت رغبتج صااار شجم شهر عااايفج براحتج !!!

وهم اعوفج بعد براحتج

بس انتتتتي فكرررري وليني لراسج

بعد الصبر خلص وياااج

انه غلطت واجيت اعتذرتلج الف مره

وتوسلتج تسامحين ونعيش سوه من جديد

وماااتقبلين بااااقيه بعنادج

وانه عمرررري مااضيعه بالعناد

ماااااخسرج ريرررري ماااخسرج

كافي خسرت ابني وخسرتج لحد هسه

شبعت ضيييييم وحركان الاعصاب والتعب مااايدري بي بس ربج

انه سلمتج العمر بايدج بس ماااضل اتفرج عليج وانتي تحرررررركين عمرررري كدااامي

- هااااي حياااتي اني اريد اضل وحدي معليه بييييك انته اخذ عمرك واخذ كلبك واخذ كلشي الك ورووح دبر عيشتك معليييه بيك

- استغفر الله استغفر الله

كامت تريد تروح لغرفتهه وانه كمشت ايدهه عصرتهه وكلتلهه...

- راح اعوفج واخر مره اكلج

ارتاحي وارجعيلي بقناعتج

انه مااجوز عنج وماخليج تهدمين حياتنه

- واني قناعتي اعيش وحدي

مرتاحه هيج انته الممرتاح مشكلتك هاي مو مشكلتي

- اسويهه وياج شغله عناد والله

واخلي عشرتنا ترجع بالعناد وكسرة الخشم

- هو ضل بس خشمي ماكسرته

يلا انتظرك اوووكيي

طبت لغرفتهه وسدت الباب

وانه حجيت بصوت عالي ....

- ترجعييليييي لو يضل بعمري يوووم

ارجعج ارجعج

طلعت من البيت ... ومن بعد هاليوم عفتهه

لا راسلت ولا وصلتهه بس اخابر عمهه

اسأل عليهه يمه وهو يحجيلي على علاجهه

وحالتهه ...

يوم ٢/١٠ ... كلبي حن عليهه كلش

وخلص صبره خابرتهه مغلق رقمهه ..

المغرب طلعت من الدوام عذا يوم سبت اداوم مسائي ..

اشتريتلهه ورد واخذتلهه سوار فضه

ورحت لبيتهه...

هاليوم كلش ذكراه جبيره بحياتي

اليوم اول فرحتي وياهه ما ردت اضيعه ..

نزلت من التكسي وتمشيت بالفرع

وصلت بيتهه ... متعود امد ايدي وافتح باب الشارع واطب ادك باب الهول ...

هالمره فتحت باب الشارع وصار بوجهي رجال مكرش ولابس برموده وبايده الصونده يرش المنور ...

صيحت عليه وكلتله...

- منوووو انته شعندك هنااااا !!!

ذب الصونده واجاني كال ..

-انته المنو شعندك فايت لبيتي ! ماتعرف اتدك الباب !

-بيتمن ولك !!! بيتمممىن !!!

- بيتتتتي هذا بيتيييي

- المره الهنا وينهه!!

- اكولك اطلع منااااا اطلع عليه 

البيت اشتريته جديد وكعدت بي

لا اعرف مره ولا رجال هنا روووح

وجفينا شرك رووووح اطلع من بيتي يلاا اطلع

ضل يدفع بيه لما طلعت من البيت ..

وضليت وأكف اباوع للبيت وبايدي الورد

طلعت تلفوني واخابر عليهه مغلق بعده

والفيس هم غالقه الحساب وحتى حسابي ما فاتحته من زمان ...

شمرت الورد بالكاع ومشيت مهزوزه رووووحي مخنوووك

كل وجع الدنيا بيه صار ...

ضليت اليوم كله انه احترك بنار كلبي

وساكت كاتم القهر والصياح والوجع كله بكلبي

لثاني يوم بالدوام انه كاعد وعلى نفس القهر ياكل بروحي ..

طلعت العصر خلص دوامي ورحت استلم تلفوني و واكف يم البصمه والكاع افترت بيه

بعد ماحسيت الا على صوت الولد باذني وهوستهم ...

صحيت ولكيت نفسي بالمستشفى ويمي اخويه عزيز ...

عرفت هنا كلبي مصفر النبض ومسويلي

شحنات ...

الولد بالدوام رتبولي اجازه مرضيه

ورحت للبيت .. بس وضعي مو زين

كل يوم لازم ادوخ واوكع  فجاه

راجعت اكثر من دكتور وتالي طلع

عندي .. تهطل بعضله القلب

صار بيهه ضعف والاغماء كله بسببهه ..

شهر تكميل انه بالبيت ما طالع اقل حركه تضيق نفسي وادوخ و اوكع ...

ضال بس نايم ..

اذا اسبح وبخار يصير بالحمام من اطلع بعد مابيه امشي واوصل الغرفه ..

اجازتي خلصت ولازم ارجع للدوام ..

ورجعت ويه عزيز وهو بالطريق فاتحني بموضوعه ...

يريد يخطب الصيدلانية ومستحي مني

بس هي ضغطت عليه لان علاقتهم طولت وماوفى بكلمته وخطبهه ..

كلتله توكل واخطبهه ..

رجعت هنا بغداد اراجع دكتور وملتزم بعلاج

وهم اداوم ..

بس نفسيتي وصلت حد الصفر ...

اخابر عمهه يكلي ما يعرف هي وين ما وين

حتى رقمهه الجديد ماعنده وياهو اليسأله يكله مادري ما شايفهه ...

كالي راح يرجع هالايام وندورهه سوه ..

وضليت انتظره ..

لشهر الرابع يلا رجع هو لبغداد ...

وانه متواعد وياه بالمطار انتظرته ..

.

.

.

يتبع 💕