رواية عهد الغرام الفصل السابع والعشرون 27 - بقلم سيليا البحيري

في المستشفى كانوا جميعهم يقفون أمام غرفة العمليات والخوف يملأ قلوبهم، لينظر زين إلى أخيه سليم ليرى أن الصدمة والوهن يزينان ملامح وجهه، ليتذكر عندما هاتفه وأخبره أن حور تموت. *Flash back* ركض زين إلى فيلا أخيه بعد اتصاله، ليصل لمنزله في وقت قياسي ليدخل ويرى أخيه ملقى على الأرض بجانب زوجته التي تنزف، والدموع على وجنته وهو يحدثها بألم وصدمة. سليم: حبيبتي أنتي كويسة؟ فوقي بقى عشان خاطري.

زين بصدمة مما يراه: إيه اللي حصل يا سليم؟ سليم بانهيار تام وهو يراها تنزف: حور بتموت يا زين، هتموت وتسيبني. ليفيق زين من صدمته سريعًا ويحمل حور ويتجه نحو سيارته، ليرى عائلته وهم قادمون. الأم بخوف: إيه اللي حصل؟ حور مالها بتنزف كدا ليه؟ زين سريعًا: مش وقته يا ماما، إياد ادخل جيب سليم وحصلوني على المستشفى بسرعة. إياد بلهفة: حاضر حاضر.

ليركب زين سيارته ليقودها ويصل إلى المستشفى بأقصى سرعة ممكنة، ليكشف عليها الأطباء ويقرروا دخولها العمليات ليوقفوا نزيفها، ليوافق زين، وتدخل حور العمليات في وقت وصول العائلة. سليم بخوف شديد وعيناه تبحثان عن حبيبته: فين حور يا زين؟ زين بحزن على زوجة أخيه الرقيقة: دخلت العمليات عشان يوقفوا النزيف، هو إيه اللي حصل يا سليم؟ سليم بصدمة وهو يتخيل أنه سوف يفقد حبيبته: عمليات، أنا السبب أنا السبب. زين بخوف وهو يرى

أخاه على حافة الانهيار: سليم اهدى، مش وقت انهيارك حور محتاجاك جنبها دلوقتي. ليؤمي سليم بصدمة وهو يعلم أن معه حق في كلماته. *back* بعد مرور ساعتين أو أكثر بقليل يخرج الطبيب المسؤول عن العملية وعلى وجهه إمارات الغضب والانفعال، ليسألوا عن وضع حور الصحي وهل هي بخير أم لا. الطبيب بغضب: أنا مش عارف إيه الإهمال دا، أنتوا مش عارفين إنها حامل وإنها بتحتاج رعاية خاصة، ولا إيه يا دكتور زين؟ سليم بلهفة وهو

يريد الاطمئنان عليها بشدة: هي كويسة؟ الطبيب بضيق: الحمد لله قدرنا نوقف النزيف ونسيطر عليه، بس لازم تاخد الأدوية اللي هكتبها بانتظام شديد وحقن الفيتامينات، وترعوا حالتها مش بس الصحية كمان الحالة النفسية مهمة جدًا في الفترة دي. سليم بتردد وخوف شديد على ابنه الذي لم يرَ النور بعد: طب والجنين؟

الطبيب بعملية: حاليًا احنا قدرنا ننقذه، بس لو حصلها نزيف تاني للأسف الحمل مش هيكتمل، وياريت يا دكتور زين تهتم بحقن التثبيت عشان وضع الجنين. زين وقد عاد لهدوئه بعد أن اطمأن عليها: تمام يا دكتور. سليم بلهفة: ممكن أدخل أشوفها؟ الطبيب: أكيد بس خمس دقائق بس، عن إذنكم دلوقتي.

ليغادر الطبيب ليتنفس سليم الصعداء وهو يشعر أن الله أعطاه فرصة ثانية ليصلح كل شيء، ليسرع ويدخل الغرفة ليرى حور بين الأجهزة وما زالت تحت تأثير المهدئ، لتنزل دموعه وهو يرى مالكة قلبه في هذه الحالة بسببه، ليقترب منها ويمسح على شعرها بحب بالغ. سليم وهو يقبل

جبينها وينظر لها بحزن: أنا آسف يا حبيبتي على كل الكلام اللي قلته، صدقني أنا ما كانش قصدي أجرحك بس أعمل إيه اتصرفت بغباء، عشان خاطري سامحيني أوعدك أنها آخر مرة هجرحك فيها، وإنك لما تقومي بالسلامة إن شاء الله هنرجع زي الأول وأحسن يا بنوتي، يلا بقى قومي بسرعة وحشتني أوي. ليمسك يديها ويقبلها ويخرج وهو يترك قلبه معها، ليراه زين ويقترب منه. زين باستفهام وفضول شديد يلمع في عينيه: أنت برضه مش هتقولي إيه اللي حصل يا سليم؟

سليم بجدية وإصرار: مش وقته يا زين دلوقتي، أنا عايزك تكلم الدكتور وتحدد معاد العملية. زين: أنت وافقت إنك تعمل العملية؟ سليم بتصميم: أيوه، وياريت في أسرع وقت. ************* في القاهرة وأمام النيل

كان مازن يقف أمام النيل وهو يفكر فيما فعله بملك، ليتذكر عيناها اللامعة بالعشق له بعد أن أصبحت زوجة له وارتبط اسمه باسمها، ليشعر بالندم قليلًا لكنه يطرد ذلك الشعور سريعًا حتى لا يتراجع عما فعله، وفي وسط شروده يسمع صوت أخيه وصديق طفولته. هشام بانفعال وهو يمسك ذراع مازن بشدة: إيه اللي أنت عملته دا يا مازن؟ مازن ببرود: وإيه اللي أنا عملته؟

هشام بسخرية وغضب من بروده: ولا أي حاجة دمرت حياة إنسانة بس، وكل دا ليه عشان حبيتك ووثقت فيك وفي الآخر دا جزاتها. ثم ينفعل قائلًا: أنا عايز أعرف بس هي ذنبها إيه، هي عملت لك إيه عشان تعمل فيها كدا، دي بنت عمك يا أخي. مازن بغضب أعمى وهو يتذكر أخته وتوأم روحه: ذنبها إن زياد أخوها، ذنبها إن أخوها دمر حياة أختي، وبمنتهى البرود بيعيش حياته عادي جدًا بعد ما خلى نيار تبعد عني، ذنبها إن هو أخوهااااا فهمت؟

هشام بحزن على حالته: بس هي كانت بتحبك يا مازن. مازن بلامبالاة وعيناه تنظر في الفراغ: ما بقتش تفرق تحبني ما تحبنيش، مازن حاجة تهمني. هشام محاولًا تهدئته: اهدى يا مازن، أقولك روح كلمها وخليها تسامحك، ما تبقاش غبي يا مازن وتضيعها من إيدك وبعدين تندم، صحيح إن زياد أخوها بس للمرة المليون دا مش ذنبها. مازن بحزن: ومش ذنب نيار كمان، أختي اللي ما أعرفش هي دلوقتي عايشة ولا...

لينفجر بالبكاء وهو يتخيل أن من الممكن أن أخته لم تعد موجودة بذلك العالم، لينظر له هشام بحزن بالغ ويعانقه وهو يحاول إيقاف بكائه. هشام: ما تخفش هي إن شاء الله هتكون كويسة. اهدي يا مازن. ليحاول مازن أن يسيطر قليلًا على بكائه، وبعد برهة قد هدأ قليلًا وأخذ يتنفس ببطء. هشام وهو يسند مازن بذراعيه: يلا عشان نروح البيت نطمن على ملك. مازن ويومئ بالرفض: مينفعش يا هشام...

أنا حجزت كام يوم في الأوتيل، مش هينفع إني أروح البيت دلوقتي خالص. هشام باعتراض: بس... مازن بحزن محاولًا البقاء وحده قليلًا: عشان خاطري يا هشام، سيبني على راحتي... سلام. ليغادر أمام عين هشام التي ترمقه بحزن على وضعه. ************** *في فيلا زياد البحيري*

بعد أن أفاقت أخته قليلًا، أخذها إلى المنزل وطلب الطبيب لها ليشخصها، وأخبره أن أعصابها منهاره وطلب منه أن يراعوا حالتها النفسية. ليدخل زياد لغرفة أخته ليجدها نائمة من آثار المهدئ والدموع على وجنتها، ليتألم قلبه على حالها ويقبل جبينها بحنان ويغادر بعد أن ألقى عليها نظرة أخيرة. لينزل إلى الحديقة ويجلس قليلًا في الهواء ويغمض عينه لعله يرتاح قليلًا... ليسمع. هايدي ببكاء وهي تتألم عليه: أنا آسفة. زياد بهدوء وهو

ينظر في عينيها الدامعتين: على إيه؟ هايدي بحزن وهي تخفض رأسها بخزي منه بسبب ما وصل إليه بسببها: أنا السبب في اللي حصل النهاردة لملك... مازن معاه حق لما قال إني واحدة حقيرة... أنا دمرت حياتكوا. زياد وهو يأخذ نفسًا عميقًا: مش لوحدك السبب... أنتِ عارفة إن أساس أي علاقة هي الثقة، وأنا موثقتش في نيار عشان كدا كل دا حصل. أنا مش هلومك على أي حاجة عشان اللي أنا عملته فيكِ في الأشهر اللي فاتت شفى غليلي من ناحيتك. هايدي بدموع

وهي تنظر له برجاء بالغ: يعني أنتَ مش هتسيبني؟ زياد وهو يغمض عينيه: لا مش هسيبك، عشان إحنا نستحق بعض. أنا ظلمت الإنسانة الوحيدة اللي حبيتها، إنما أنتِ كنتِ بتظلمي نفسك قبل أي حد. لتقترب منه وتضمه وهي تمتم بالأسف الشديد على كل تخطئاتها وتطلب منه أن يسامحها. ليمسح على شعرها بشرود وهو يفكر في أخته وحبيبته نيار. ************ *في الفندق*

كانت دارين تجلس على الفراش وهي تفكر بهادي وتبتسم بشرود، فهو لا يكف عن الاعتناء بها، بل ويحدثها عدة مرات باليوم كي يطمئن عليها ويحكي معها بالساعات حتى تنام على صوته أحيانًا... لتسمع بعد قليل صوت الهاتف لتبتسم وتعتقد أنه هادي، لتحمل الهاتف وتختفي ابتسامتها بخيبة أمل لترى أن والدتها هي من تتصل عليها. دارين بهدوء: إزيك يا مامي، عاملة إيه؟ زينب بلهفة لما تريد الوصول إليه: أنا كويسة... المهم عرفتي توصلي لحاجة بخصوص حور؟

دارين بلا مبالاة وتأفف: لا معرفتش حاجة ومبقتش يهمني أعرف. زينب بغضب: يعني إيه؟ عايزة تضيعي سليم و فلوسه من تحت إيدك؟ دارين ببرود: بالضبط. زينب بقسوة وهي ترى مخططاتها تفشل: ماشي يا دارين براحتك، بس مترجعيش تندمي لما متلاقيش عريس زي سليم كدا. دارين وهي تفكر بهادي وتبتسم بحب خفي: متخافيش يا مامي، مش هندم. زينب بيأس من عناد ابنتها: طيب يا أختي... يلا لمي هدومك وارجعي إسكندرية بسرعة. دارين بصدمة: إيه؟ أرجع؟ زينب بسخرية:

أومال هتقعدي هناك تعملي إيه؟ ... بقولك إيه، أنتِ ترجعي بسرعة عشان أبوكِ عمال يتخانق معايا كل شوية على الموضوع دا. يلا سلام. لتغلق هاتفها وهي تنظر أمامها بحزن شديد، أهذا يعني أنها لن ترى هادي بعد الآن؟ دارين بشرود وحزن جلي: بس أنا مش عايزة أرجع وأسيبه. لتنزل دموعها بدون أن تشعر.