رواية عوده الفهد الفصل الثالث 3 - بقلم جوري محمد

مامت علياء: شد حيلك يا بنتي. علياء: الشدة على الله. أمها: يلا خير، أبوك كان رجل طيب. علياء: فعلاً. أمها: انتي هتيجي تقعدي معانا ولا إحنا اللي هنيجي نقعد معاكي؟ علياء: أنا... مهره: تقعدي معاكي فين؟ أم علياء: في بيتي أنا وجوزي، عندنا. مهره: مرات ابني مش هتقعد في بيت غير بيت جوزها. أم علياء: إزاي يعني تروح تقعد في بيت حد تاني؟ مهره: بقول مرات ابني. أم علياء: نعم؟ وده حصل إمتى؟ مهره: قسيمة الجواز أهي.

أم علياء: طيب وما تكلمتيش ليه يا ستي علياء من الأول؟ ليه حصل إمتى الكلام ده ومن غير ما نعرف كمان؟ أبوك قبض فيكي كام؟ جاسر: لو حد اتكلم تاني ومحترمش المكان اللي هو فيه، أنا هنسى إني في بيت أبو مراتي وعزاء وهتصرف تصرف هيزعل ناس كتير مني. جوز أمها: يلا خلينا نمشي يا أختي ونشوف بقى هنتصرف في الفلوس اللي واخدينها على حس المحروسة. أمها: ماشي يا مهره، إن ما وريتك.

مهره: بتكلم علياء، كويس إنك سكتي وإنهم ما خدوش بالهم إنك لسه ما مضيتي على الورقة العرفي. علياء: أنا مش فاهمة حاجة. مهره: هفهمك، يلا بس لمي هدومك علشان نمشي على الفيلا. علياء: طيب. مهره: هنمشي وهنستناكي تلمي هدومك علشان تروحي بيت جوزك وهفهمك على كل حاجة واحنا ماشيين. علياء: حاضر. *** فهد: انت بتقول إيه يا بابا؟ معقول هتجوز جاسر الصغير؟

جاسر الكبير: هو عايز يتجوز وإحنا إمكانياتنا تسمح بكده، غير كده هي ما تنفعش تقعد معانا ضيفة. هو كان عايز يخطبها بس والدها لما توفى قررنا إنه يبقى كتب كتاب. كريم: خلاص يا بابا. آدم: انت شايف كده يبقى خلاص، وماما أكيد عارفة أخلاق البنت لأنها كانت شغالة معاه. جوري: طيب إحنا هنعمل فرح وزيطة وزمبليطة كده. عائشة: انت مش واخده بالك؟ مش هنعمل فرح علشان باباها لسه ميت.

جاسر: فعلاً، هيبقى شكلنا وحش خالص. غير كده إحنا هنعمل كتب كتاب بس علشان تقعد معانا بشكل رسمي، وبعد كده نعمل الفرح. على فكرة لازم كلنا نراعي وضعها ومنعملش حاجة تزعلها لأن زعلها من زعل جاسر. مهره: انتوا عارفين إن بعتبرها بنت أخويا. جوري وعائشة: إحنا كده هيبقى لنا أخت تالتة. فهد وكريم: واحنا زيهم بالظبط. فهد: أهلاً بيكي يا علياء الجاسر. جاسر: والله انتوا عيلة مجانين، طالعين زي أمكم.

فهد: طيب الحمد لله إنك ما جبتش سيرة عمو فهد في الموضوع ده كمان. جاسر: اسكت انت يا جحش. فهد: الصغير إحنا لازم نتفق على اتفاق، لو سمعت كلمة جحش في البيت تاني مش عارف ساعتها هتصرف إزاي. جاسر: يا راجل. فهد: في حاجة يا بابا؟ *** مهره: بصي يا بنتي. علياء: بابا طلب كده؟ أنا آسفة قوي يا أستاذ جاسر.

مهره: يا حبيبتي، حتى لو باباك ما طلبش كده، أنا كنت هعمل كده والله. لو ينفع تقعدي معانا من غير جواز، بس وصية المرحوم وعشان الناس ما حدش يضايقك بكلمة. غير كده مامتك ممكن تيجي تاخدك في أي وقت، إنما وانتي متجوزة جاسر ما حدش يقدر يتكلم، انتي مراته. جاسر: وأنا ربنا يشهد علي إني هعتبرك أمانة لحد ما تختاري انتي بنفسك شريك حياتك. علياء: ده أنا متأكدة منه، بس أنا اللي مزعلني إن حضرتك هتعمل شيء ممكن يكون غصب عنك.

جاسر: على فكرة مش غصب عني، أنا اللي قلت له، أنا اللي هقوم بالمهمة دي، ها حافظ على الأمانة. ودي فرصة ربنا يديني عليها خير إني أحافظ على أمانة وأنَفذ وصية إنسان توفى. وأنا ما كذبتش عليه، أنا قلت له اعتبرها أمانة لحد ما ييجي شريك حياتها ياخدها.

مهره: على فكرة يا علياء يا بنتي، ما حدش هيعرف بالاتفاق ده والوصية غير أنا وجاسر، وجاسر جوزك بس. إنما إخوات جاسر فاكرين إنكم بتحبوا بعض وإن الجواز بتاعكم رسمي لحد ما نعمل فرح بعد فترة. جاسر: يا ماما، كانوا عرفوا خلاص. مهره: افهم يا أستاذ، ممكن حد من إخواتك يحبها؟ البنت زي القمر وتتحب، ولا انت عينيك وجعاك ولا إيه؟ جاسر: يا ماما، إحنا في إيه وانتِ بتهرجي؟ مهره: والله ما بهرج، هي دي الحقيقة.

علياء: أنا شكلي لخبطت لكم حياتكم. مهره: ولا لخبطة ولا حاجة، كل حاجة هتمشي طبيعي خالص لحد ما ربنا يأذن. *** جاسر: أعرفك على أفراد العائلة بتاعتنا. فهد: بابا لو سمحت سيب لي أنا المهمة دي. جاسر: اسكت شوية، اللي واقف قدام ده فهد وده كريم ودي جوري ودي عائشة. كفاية كده النهارده، وبكرة تعرفيهم لوحدك بقى. جاسر: خدي أختك يا جوري انتِ وعائشة وطلعوها فوق عند أوضتها. جوري: حاضر يا بابا. يلا بينا. علياء: حاضر. *** عائشة: يخربيتك!

الساعة تسعة ونص، أنا اتأخرت على الدخول في المسابقة. بصوا أنا هسيبكم وأروح أذاكر. جوري: بذمتك هتذاكري؟ عائشة: لا يا أختي، مش هذاكر. هدخل على المسابقة. جوري: ما تاخديش في بالك، هي على طول مجنونة. علياء: لا بد، دي شكلها روحها حلوة. جوري: مع الوقت هتعرفيها أكتر وهتعرفي كل واحد فينا. جوري: إيه رأيك في الأوضة دي؟ ولا نشوف أوضة تانية؟ علياء: لا، دي جميلة جداً. جوري: إحنا اخترنا لك الأوضة اللي جنب أوضة جاسر.

علياء: شكراً، تعبتك معايا. جوري: ما فيش بين الأخوات شكراً. انتي من دلوقتي بقيتي واحدة منهم. شكراً، اعملي اللي تعمليه براحتك، اللي يعجبك. إحنا كلنا إخواتك وفرحانين إنك بقيتي في وسطنا. علياء: أنا مش عارفة من غيركم كنت هعمل إيه. *** عائشة: جميلة الجميلات، مهره الجاسر. مهره: عايزة إيه؟ عائشة: عايزة تليفونك يا جميل، عايزة أدخل عليه 10 دقايق بس علشان تليفوني بيهنج. مهره: لا ما ينفعش، انتي معاكي تليفونك.

عائشة: 10 دقايق بس والنبي. مهره: خلاص 10 دقايق بس. مهره: هتفضل مجنونة على طول؟ استني يا جاسر، عايزاك في موضوع. جاسر: أيوه يا ماما، انتي النهارده فكرتيني بمهره بتاعت زمان. جاسر: بجد؟ ده شيء يسعدني وافتخر بيه. مهره: أيوه، افتكرت لما كنت بدخل في أي حاجة من غير تفكير لمجرد إني أحس إنها تساعد ناس تانية محتاجة مساعدتي.

جاسر: على فكرة يا ماما، دي بتبقى حاجة بتخليك سعيدة لما تقدري تساعدي حد محتاجك. وأنا من النهارده هبقى مسؤول عليها، اللي هي عايزاه أنا هعمله وهحافظ عليها لحد ما ييجي الإنسان اللي يستاهلها. مهره: وأنا متأكدة إنك قدها وقدود. *** فهد: في الأوضة بتاعته بيكلم نفسه، إيه البنت دي؟ إيه اللي جابها في دماغي دلوقتي؟ وافتكر ماجدة وهي بتضرب قوية وبتعرف تلعب. بس عايزة تتربى، وأنا اللي هربيها إن شاء الله في التدريب الصيفي.

ماجدة: سلام عليكم. فهد: عليكم السلام. ماجدة: هو انت؟ فهد: أيوه أنا، يعني انت في حد بيعبرك أصلاً؟ ماجدة: على فكرة هزارك بقى رخيم جداً. فهد: طيب ما أنا عارف، بس أنا كنت عايز أسألك التدريب هيبدأ إمتى؟ ماجدة: ما هو لو انت مركز في الدراسة كنت عرفت إنه هيبدأ الأسبوع الجاي. فهد: خلاص سلام يا أختي. ماجدة: سلام يا أرخم بني آدم. فهد: إيه ده؟ ده هي اللي قفلت الأول؟ لا بجد أنا جبت آخري مع البنت دي، هربيها.