رواية عروس مصاص الدماء الفصل السادس 6 - بقلم نور زيزو

ليلف ليخرج ليشعر بيديها الصغيرة تمسك قميصه من الخلف بطفولة. يلف لينظر لها. فارس: سارة كنتي فين. سارة: جوا. فارس وهو يمتلك وجهها بيديه بحنان: انتي بردانة كده ليه. سارة: انا كويسة. ليحضر لها جاكيت من الأرض ويضعه حول أكتافها بحنان على ذراعيها العاريين. سارة: هو مينفعش استخبى فالقلعة. فارس: هيحسوا بيكي. سارة بهدوء: ماشي. فارس: كليتي. سارة بحزن: الأكل خلص. ليذهب ويشعل النار في الخشب ويطهي لها الطعام.

سارة: انا لقيت السكين ده في الهدوم. فارس وهو يضع الخضار في الحلة: ده مصنوع من الرصاص الفضي. سارة: ليه. فارس: ده مخصوص لقتل مصاصين الدماء. سارة: وجبتهولي ليه. فارس: عشان اللي حصل ميحصلش تاني تحمي نفسك لو انا مش هنا. سارة: مش خايفة أقتلك بيه. فارس: لو قتلتيني هتعيشي إزاي. سارة: امممم طيب. فارس وهو يعطيها الطبق: اتفضلي كلي. سارة وهي تأخذه: شكراً. وتأكل بصمت وهو يتأملها. سارة: انت حلمت بأيه. لينظر لها بصدمة.

فارس: ليه بتقولي كده. سارة: انا عارفة انك حلمت بحاجة وحشة عشان كده بتيجي كل شوية. فارس: انا ماشية. يذهب لتركض خلفه بسرعة وتمسك معصمه. سارة: استني هنا. فارس: عايزة إيه. سارة بحنان: هو حلم وحش أوي كده. فارس: انا عايز منك وعد واحد. سارة باستغراب: وعد إيه. فارس: لما يحصلك حاجة لازم تقوليلي ده الوقت والمكان. سارة: ليه. فارس: اسمعي الكلام. ليخلع ساعته ويضعها حول معصمها. سارة: ماشي.

ليضع قبلة على جبينتها بحنان لتصدم حين ترى دمعة هاربة من عيونه لتصمت حتى لا تحرجه. سارة بهدوء: هو انا هموت. فارس: لا ليه بتقولي كده. سارة: شكلك بيقول كده. فارس: لا مش هتموتي. سارة: ماشي. وتذهب لتجلس على الصخرة وتلف جسدها باللحاف من البرد ليجلس بجانبها. سارة: انت مش سقعان. فارس: انا مبحسش بالبرد والحر وكل ما يشبه. سارة: ليه. فارس: عشان مش بني آدم. سارة: امممم يابختك انا هموت من البرد وخصوصاً بليل.

فارس: هجبلك لحاف تاني. سارة: ماشي. _تجلس لارا في الجنينة بهدوء لتأتي لها الخادمة لتخبرها بشيء لتقف بغضب وتذهب. _سارة: هو ينفع نخرج. فارس: نروح فين. سارة: أي حتة انا زهقت نتمشى شوية. فارس: بالليل. سارة: ماشي. فارس وهو ينظر عليها: انتي مخطوبة. سارة وهي تنظف المكان: لا. فارس: طب بتحبي. سارة برضو: لا. فارس: وانت أكيد متجوز بما انك عايش بقالك كتير. فارس: ههههههه لا مش متجوز. سارة بدهشة وهي تنظر له: إيه ده بجد إزاي.

فارس: عادي. سارة: انت مش قولت عمرك ٦٨٠ إزاي مش متجوز. فارس: عادي مبحبش واحدة عشان اتجوزها. سارة: لازم تحبيها. فارس: آه امال هتجوز واحدة مبحبهاش. سارة: ما أنا كنت هتجوز معاذ ومبحبوش. ليقف بغضب شديد وهو يقترب منها بغضب: انتي قولتي إيه. سارة بخوف: كنت هتجوز معاذ ومبحبوش. فارس: انتي مش هتجوزي حد ومش هتخرجي من هنا لحد ما تموتي. سارة بخوف وهي تبلع ريقها بصعوبة: حاضر. ليتركها بقوة ويذهب لداخل بغضب. سارة: أنا زعلتك.

فارس ببرود: لا. سارة: طب مش هنخرج. فارس: لا. سارة بحزن: ليه. فارس: كده. لتغضب منه وتخرج تركض للخارج ليسرع خلفها. تركض بسرعة لتصدم حين تجده أمامها بغضب. سارة: اااااه ابعد عني. فارس: أنا قولت إيه. سارة: أنا زهقت أنا عايزة أخرج. فارس: وتموتي. سارة: أموت أحسن أتعفن هنا بسببك. فارس: انتي شايفة كده. سارة: آه أنا تعبت. لتتقدم للأمام وهى تعود للخلف بخوف منه. فارس بحدة: أنا بس اللي أقول تموتي ولا لأ انتي مالكيش حق في موتك.

سارة بخوف: ليه. لتصطدم بالحائط ليضع يديه على الحائط ليحاصرها. فارس: عشان انتي ملكي عشان أنا عرضت حياتي للخطر بسببك. سارة بغضب: أنا بكرهك. لتصدم حين يقطعها بقبلة على شفتيها بغضب وقوة وهي تحاول تبعده وتضربه على صدره وتدفعه بدون جدوى لتشعر بيديه على خصرها لتبكي أكثر وهو يجذبها له بقوة وكأنه يعصر خصرها بين يديه. ليبتعد عنها بصمت وهي تبكي. فارس بتحذير: الكلمة دي متنطقيهاش تاني في حياتك انتي فاهمة. لتشير له بنعم بخوف.

_تجلس لارا مع الملكة لتخبرها ما رأته لتغضب الملكة بقوة وتطلب مقابلة فارس.