رواية عشق الادم الفصل التاسع عشر 19 - بقلم دنيا محمد

ندي صحيت الصبح فطرت ولبست عشان تنزل، بس جرس الباب رن. ندي راحت فتحت. "نور! أهلاً، اتفضل ادخل." نور دخل وكان محروج لأنها لوحدها في البيت. نور قعد وابتسم لها. "عاملة إيه في حياتك؟ ندي بحزن: "أهو كويسة. وأنا هدور على شغل عشان أرد لك حق الشقة." نور باندفاع: "لأ لأ والله ما فيه حاجة من دي هتحصل." ندي ابتسمت له وقالت: "معلش لازم أرد لك حقك." نور بارتباك: "أنا.. أنا كنت عايز أقولك حاجة. شوفي هتوافقي ولا لأ؟

ندي باستغراب: "اتفضل قول." نور بهدوء: "تتجوزيني." ندي بصدمة: "إيه؟! عند آدم وعشق. عشق بحب: "دومي عايزة فلوس ي حبيبي." آدم بحب: "ماشي يقلبي بس ليه؟ عشق بفرحة: "عشان أجيب ليا فستان أحضر بيه فرح إسراء." آدم ضحك على طفولتها: "ماشي يقلبي بس هاتيلي بدلة معاكي، إنتي عارفة ذوقي طبعاً." عشق بحب: "ماشي يقلبي هجبهالك سودا لأن اللون ده بحبه." آدم بتحذير: "الفستان يبقى طويل ومحترم ي شوشو." عشق بحب: "أكيد ي حبيبي، كنت هعمل كده."

آدم باس خدها وراح مكتبه يشوف شغل. عشق اتصلت بإسراء. عشق بحب: "الوو... إسراء: "عاملة إيه ي حبيبتي؟ عشق: "كويسة. بس إيه رأيك تيجي معايا المول أشتري فستان لفرحك وبدلة لآدم؟ إسراء: "ماشي. أشطا. كده كده مجبتش فستان الفرح لسه، فهجيبه بالمرة." عشق: "تمام. هننزل الساعة 8." (نرجع لندي) ندي بحزن: "إزاي عايز تتجوزني ي نور؟ وأنت عرفت إن فيه حد قبلك لمسني ومن غير جواز."

نور بهدوء: "بصي ي ندي أنا أخدت وفكرت كتير في القرار ده. أنا عارف ومتاكد مية في المية إن اللي إنتي عملتيه ده غلط جداً. بس في نفس الوقت إنتي حبيته وسلمتيله نفسك. ودي حاجة غلط ي ندي، مكنش ينفع كده." ندي بدموع: "فوقت والله. أنا عارفة إني أستاهل الق*تل. بس والله أنا كنت عمية عن الحقيقة وعرفت في الآخر خالص إنه كان بيستغلني." نور: "عايزك تقوليلي عنوانه وهربهولك."

ندي بسخرية: "لأ ما هو راح للي خلقه. بس مش مسامحاه لأن فيه أسباب عملها معايا خلتني أبقى شرانية كده." نور باستغراب: "إيه؟ ندي بحزن: "هحكيلك." (Flash back) ندي كانت ماشية بتجيب طلبات عشان تروح بيتها. وفجأة طلعت عليها عربية سودا. نزل منها شابين ضخام خدروها بسرعة ودخلوها العربية. في أوضة نوم كانت أوضة رجولية وألوانها رجالي. صحت ندي بتعب: "آه مش قادرة." وجاسم طلع من الحمام لافف فوطة حوالين خصره.

ندي برعب: "أنت.. أنت مين وأنا هنا بعمل إيه؟ جاسم ساكت. ندي بصت على نفسها وعلى السرير وبصت لجاسم بصدمة وعياط. ندي بصراخ: "ليه ليه! عملت كده فيا حرام عليك! مين هيرضى بيا بعد اللي حصل ده؟ عملتلك إيه؟ جاسم بخبث: "بصي بقا ي حلوة. عملت كده ليه عشان هدف معين في دماغي. أما بقا إنتي ف هتفضلي هنا معايا حبتين ونتفق اتفاق." ندي كانت بتعيط بصمت. جاسم: "طبعاً بتشتغلي مع آدم الحديدي صح؟ ندي هزت راسها.

جاسم بمكر: "حلو. يبقى تفضلي هنا معايا وعايزك تجيبيلي كل المعلومات بتاعته وتقوليلي إياها وكل الصفقات بتاعته." ندي برفض: "لأ طبعاً. أنا عمري ما هخون ثقة آدم فيا. مستحيل." جاسم بخبث طلع تليفونه. "ولما أحط الفيديو الجميل ده بقا... ندي بصت في الفيديو اللي قدامها ودموعها نزلت وضربت جاسم بإيديها الضعيفة على صدره. ندي بصراخ وعياط: "ليه ليه! أنت بتعمل كده ليه؟ حرام عليك أنت حيوان مش بني آدم! جاسم مسكها من شعرها جامد.

جاسم بغضب أعمى: "بقى أنا حيوان ي بنت ال… أنا هوريكي الحيوان هيعمل إيه." وزقها على السرير وهي بتصرخ واعتدى عليها بكل وحشية. جاسم شوية وقام: "ها؟ بقى هتعملي اللي هقولك عليه ولا أفضحك بالفيديو؟ ندي بتعب وكسرة: "حاضر." جاسم ابتسم بشر: "أيوه كده شاطرة." وسابها وطلع. ندي اتنهدت: "ومن يومها بقى ياخد كل معلومات آدم مني ويقولي بحبك ورسمها علي. بس جه الوقت اللي فوقت فيه واتعلمت من غلطي."

نور اتكلم بحزن: "وعشان كل التعب اللي إنتي شوفتيه ده أنا جاي وبقولك تتجوزيني." ندي: "إيه اللي مخليك عايز كده؟ نور بتوتر: "آآآ عادي يعني عايز أبقى جوزك." عند عشق وإسراء كانو في المول. إسراء: "هدخل أقيس الفستان ده ي عشق." عشق: "طيب." دخلت إسراء تقيس الفستان بس اتفاجأت بحاجة تحتيها. مسكتها. إسراء بتبريقة: "كاميرا في البروفة؟!