رواية عشق الفهد الفصل الحادي والخمسون 51 - بقلم شيماء ناصر

ابوكي هيكتب كتابي بكرا عشق: بجد!! علي مين وعد: العريس الي حكتلك عليه هما لسه موافقين عليا بعد ما عرفو بالي في بطني عشق: طب ما ده كويس كده هيسترو عليكي وعد: انا مش عارفه اودي وشي فين وطيت راسي وراس اهلي بعد ما كنت رافعاها عشق: انتي غلطتي والي حصل حصل ابوكي معاه حق سبيه يعمل الي عايزه ويكتب الكتاب وعد بحزن: حاضر انا هقفل دلوقتي عشق: خلي بالك على نفسك هتخرجي من المستشفي الساعة كام عشان اجي اخدك وعد: الساعة ٣

عشق: تمام ومتخفيش انا وفهد جنبك انتي مش لوحدك وان شاء الله المصيبة دي هتعدي على خير وعد: ان شاء الله… سلام عشق: سلام قفلت السكة وهي مش مطمنة للي هيحصل بكرة. زين داخل يجري وفهد وراه. زين ببراءة: انا فزت وصلت الأول فهد بعد فهم: هو احنا كنا بنلعب اصلا؟ زين بتكشر: هو لييي محدش عايز يلعب معايا انا ماشي عشق مسكت ايده: بابا بيهزر معاك هو بيقول كده عشان خسر وانت الي كسبت ياروحي متكشرشي بق فين الضحكة الحلوة

زين: انا بحبك قووووي يامي هاتي بوسة فهد بغيره: حيلك حيلك بوسة أي مش لما ابوس انا الأول عشق بضحك وخدت زين في حضنها وباسته: يلا عشان تنام. حطته على السرير وقعدت جنبه شوية لحد ما نام وفهد راح قعد في البلكونة وبيشرب سيجارة. جت عشق وقعدت على حجره وحطت راسها في حضنه واكملت. عشق: بكرة كتب كتاب وعد فهد: كويس مين العريس

عشق: مش عارفه اسمه بس الي اعرفه انهم ناس مبسوطين جدا وعشتهم مرتاحة وان ابنهم كانت حصلتله حادثة وبقى ملازم لكرسي متحرك بس والي عرفته انه بيتعالج وكلها فترة وهيرجع أحسن من الأول فهد نفخ بضيق: سيبك من الكلام ده الاهم دلوقتي الطريقة الي هيتعاملوا بيها مع اختك أكيد هيقللوا منها وهي عاملوها وحش خصوصا بعد الي حصل

عشق خرجت من حضنه: دي مشكلة فعلا انا مفكرتش في الكلام ده ولا فكرت هل هتبقى مبسوطة ولا لا كل تفكيري اننا نداري على الفضيحة الي حصلت ونجوزها قبل ما بطنها تكبر قدام الناس. محمود: متأكد إن معندكش مشكلة تتجوز واحدة غلطت مع حد وحامل منه لف الكرسي ليه واكمل: صدقني معنديش مشكلة والاحسن انهم استعجلوا الجوازة دي

محمود: طيب هرجع وهقولك تاني انا وافقت علشانك كنت مفكرها بنت بنوت بس بعد الكارثة دي ياريت متطولش معاها في الجوازة وتطلقها.