رواية عشق الفهد الفصل الحادي والعشرون 21 - بقلم شيماء ناصر

بص لحور وفجأة عينه ابيضت. حور من خوفها اغمي عليها. حنان بخضة: يالهوي يالهوي. قعدت في الأرض جنبها بتفوقها. اصحي والنبي أنا مش ناقصة رعب، انتي كويسة. أنت غبي! إيه اللي عملته ده؟ محمود شال الدقن من وشه: بقولك إيه، متوجعيش دماغي. أنا عملت زي ما قولتيلي، هاتي الفلوس يلا. حنان فتحت شنطتها وطلعت مبلغ منها. امسك، ومين اللي جبته معاك ده؟ خوفنا وإحنا داخلين، أنا مش قولتلك تعال لوحدك؟

محمود باستغراب: بس أنا مجبتش معايا حد، يمكن بتتهيالك. حنان بدهشة ملامحها اتغيرت: لا هناك أهو. وشاورت مكانه. محمود بص مكان ما شورت: ياستي مفيش حد، انتي عاوزة تخوفيني وخلاص، يلا سلام. حنان بصت مكان ما شورت وفضلت تبص حواليها بخوف: إيه ده؟ أصله إيه ده، اومال ده يبقى مين؟ استرها علينا يارب. قومي. عشق غيرت هدومها وكانت واقفة قدام السرير. فهد كان نام واللابتوب على حجره مفتوح.

عشق راحت شالت اللابتوب وفرشت جسم فهد وغطيته وراحت تنام جنبه. عشق قربت من فهد ونامت في حضنه ولفت الغطا حواليها وحطت إيديها على صدر فهد. وبتفكير... بقيت بحس بالأمان جنبك. مش عارفة لما تطلقني هعمل إيه. ونامت. سارة كل شوية بتتقلب وبتلوم: أنا غلطانة، إيه اللي خلاني اتسحب من لساني وأقوله بحبك؟ ياترى هو بيفكر فيا إزاي؟ معقول يكون فاكر إني قولت كده عشان فلوسه؟ طب هحط عيني في عينه بعد كده إزاي؟

في أوضة يوسف: ليه حسيت بغيره كده؟ سارة مش بتهمني، بس أنا ليه متضايق عشانها؟ عند مراد بتأنيب ضمير: بفكر فيها ليه؟ كويس إني طردتها. صحت حور لقيت نفسها في أوضتها. شفتي اللي هو عمله؟ حنان: اهدي يا هانم. حور بخوف: هو عمل العمل صح؟ حنان بتبلع ريقها: آه عمله ودفنه، واداني ورقة ملفوفة وقالي حطيها في أوضتها، وأنا عملت كده. حور: امشي، اطلعي بره. مش عاوزة أشوفك. وخلي بالك لو محصلش ليها حاجة، اعتبري نفسك مطرودة. صباح اليوم.

داخل الشركة بهيبته كالعادة وغروره وبصوت كله غضب. سارة حضري لاجتماع النهاردة. يافندم، بس سارة مشيت. مراد لف بغضب وبص على مكتب سارة لما افتكر إنه طردها. فتح باب مكتبه ودخل. عند عشق: بتعمل إيه؟ فهد بيحضر شنطة السفر: راجعين، قومي يلا جهزي نفسك. عشق باستغراب: بس إحنا لسه جاين، ملحقناش يومين على بعض. فهد: حور تعبانة ولازم نرجع. عشق قامت ومسحت عيونها بنعاس. فكرت إننا هنتبسط هنا.

فهد شدها من وسطها ولفها ليه وبتركيز على شفايفها. بس أنا اتبسطت. عشق وشها أحمر: لو سمحت سبني. فهد بغمزة: تؤتؤ، هتتكسفي من دلوقتي؟ أنا لسه معملتش حاجة. تحبي أوريكي؟ عشق رفعت وشها وتاهت في عيونه الخضرا. فهد قرب وباس شفايفها وهي استجابت معاه. عند سارة. سيد: انتي هنا؟ مرحتيش الشغل ليه؟ سارة بتوهان: أصل أصل خدت إجازة. نورهان: يرضيك يا حبيبي اللي حصل امبارح؟ سيد: حصل إيه؟ وبص لسارة.

نورهان: خلاص مفيش، خليني ساكتة لأحسن يتقال إني بوقع ما بين الأب وبنته. سيد بزعيق: في إيه؟ ما تنطقي؟ نورهان بصت لسارة بتحدي ورجعت بصت لسيد بزعل. أنا مش عارفة الناس بتقول علينا إيه دلوقتي وهما شايفين بنتك نازلة من عربية راجل غريب. سارة بصت لسيد اللي ملامح الغضب بقت على وشه. بابا، مفيش الكلام ده، هو بس كان بيوصلني.

نورهان: النبي يا أخويا ماتمد إيدك عليها، دي مش أول مرة يوصلها. ممكن يكون حبيبها واحنا ما نعرفش. ده وصلها متأخر يا أخويا وأنا خوفت أقول. سارة بضيق: حرام عليكي، أنا عملتلك إيه عشان تقولي كده؟ ده بيكون مديري وكان بيوصلني وكتر خيره. سيد قام وقف قدام سارة والشر بان في عينيه. أنا عمري ما مديت إيدي عليكي، بس أظاهر إنك محتاجة قلم يفوقك. وضربها قلم على وشها. وأكمل.

الغلطة غلطتي، كل ده عشان سبتك تروحي تشتغلي. ملكيش خروج تاني من البيت. سارة بتكتم دموعها: في إيه يا بابا؟ أنا مش صغيرة عشان تمنعني أخرج، أنا بقى عندي 24 سنة. سيد مسكها من شعرها وشدها وراه على أوضتها. دي آخرة تربيتي ليكي. عاوزة تجيبيلي مصيبة؟ ملكيش خروج. وإياكي يا نورهان تفتحلها الباب. نورهان: حاضر ياخويا، بس والنبي متحسسنيش إني السبب عشان قولتلك متقساش على البت دي مهما كانت بنتك ومن لحمك. خلينا نصلح غلطتها.

سيد بغضب: غلطة إيه اللي بتتكلمي عليها؟ نورهان: قصدي يعني، أنا شفتهم مع بعض في جو رومانسي. يعني يا حج، وانت كله مفهومية بقى. خليه يصلح غلطته مع البت ويتجوزها. يتبع.