رواية عشق الفهد الفصل الثاني والعشرون 22 - بقلم شيماء ناصر

سيد بزعيق: إيه اللي بتقوليه على بنتي ده؟ نورهان: والنبي يا حج أنا قولت اللي شوفته بعيني. المهم صلح غلطتهم عشان سيرتنا ما تبقاش على كل لسان. سارة كانت واقفة في الأوضة مصدومة من كلام مرات أبوها. سارة: بابا اسمعني، مفيش أي حاجة من الحاجات اللي قالتها دي. أنا عمري ما أكسر ضهرك. سيد قعد على الكنبة بيحاول يستوعب. نورهان بتصنع قعدت جنبه: متعملش في نفسك كده يا حج، إحنا ملناش غيرك. سارة لسه بتمسك التليفون، شدته منها بسرعة.

سيد: إيه؟ هتكلميه؟ هو إنتي ملكيش كبير ولا إيه؟ سارة بخوف منه بترجع لورا. سيد بصوت عالي: انطقي اسمه إيه... اخلصي! سارة بارتباك: هتعمل إيه يا بابا؟ سيد: هيكتب كتابه عليكي وياخدك معاه. إنتي ملكيش مكان في البيت ده. مسجلاه إيه على الفون؟ اخلصي! سارة بتقول اسم يوسف وسكتت: بابا افهمني، إنت مكبر الموضوع. مينفعش تعمل فيا كده. سيد: ما أنا دقة قديمة وإنتوا الجيل المهبب اللي كل حاجة عنده انفتاح وحرية.

قلب في الفون وشاف آخر مكالمة من رقم. سيد: يوسف صح؟ اجهزي عشان كتب كتابك النهارده وبعدها إنتي لا بنتي ولا أعرفك. وشد الباب قفله عليها. سارة بتخبط على الباب: لا يابابا والنبي ما تعمل حاجة. نهار أسود! هو ذنبه إيه يا بابا؟ خليني أشرحلك، إنت فاهم غلط. منك لله يا نورهان، منك لله! فهد نزل من الفندق وهو ماسك إيد عشق. فهد: أنا آسف عشان صدقت الكلام اللي اتقال عليكي. عشق براءة: يعني مبقتش تشك فيا؟ لقيت دليل صح؟ مش هتطلقني؟

فهد فتحلها باب العربية وركبها وركب جنبها: آه شوفت الدليل بعيني لما قربت منك فوق. عشق بخجل بصت على الشباك ومتكلمتش. فهد بابتسامة جانبية: كنتي بطل. عشق بتفرك في إيديها: إنت قليل الأدب على فكرة. فهد بغمزة ليها: عارف. وساق العربية على المطار. في القصر. مروان قاعد في الجنينة بيشرب قهوة. بينما حور كانت بتجهز نفسها. حنان: يلا إنت وهي جهزوا الغداء. منه باستفسار: جايبة اللبس ده مين؟ حنان: اشتريته. منه: شكله غالي.

حنان: ميغلاش عليا. يلا اخلصي وبطلي تبحلقي فيا. وسابتهم وخرجت. جنة بهمس: شوفتي بعينك عشان تصدقي؟ إحنا لازم نعرف البيه بكل حاجة. منه: معاكي حق، بس حنان مش سهلة وأنا خايفة منها. يوسف كان في مكتبه لما شاف مكالمة من سارة. يوسف: ألو ياسارة، إنتي كويسة؟ صوت آخر: معاك الحج سيد أبوها. يوسف: أهلاً يا حج. سيد: عاوزك تيجي بليل، وطبعاً عارف البيت مش محتاج أوصفهولك. سلام. يوسف: ألو، ألو. إيه اللي حصل؟ وعايزني ليه؟

بعد ساعة كان فهد وعشق في الطريق للقصر. فهد مسك إيد عشق وهو بيسوق: المدرسة قربت. عشق بفرحة: أنا مبسوطة عشان هروح. طب هنروح امتى نجيب لبس للمدرسة؟ فهد بمكر: أنا جبتلك اللبس. عشق بكسوف سحبت إيديها من إيده: شكراً. دخل فهد القصر وهو ماسك إيد عشق. مروان شافهم من بعيد: ربنا يفرحكوا يا ابني وأشوفك مبسوط على طول. فهد: إزيك يا بابا. مروان: مش أنا قايلك يلا تقعد شهر تتبسط إنت ومراتك؟

فهد: مكنش ينفع بعد ما عرفت إن حور تعبانة، عشان كده جيت. مروان: حور تعبانة؟ دي زي ال... قطعت كلامه حور وهي نازلة على السلم. حور: حمد الله على السلامة يا حبيبي. فهد راح لها: الله يسلمك يا قلبي. حور راحت في حضنه: تعبانة قوي ومش عارفة مالي. فهد: ما روحتيش لدكتور ليه؟ حور بغيظ وتصنع الزعل: أروح إزاي لوحدي وإنت مكنتش موجود ولا فاضي ليا؟ عشق: ألف سلامة عليكي. حور مردتش عليها واكتفت بأنها بتبصلها بحقد وبس.

مروان: أكيد جايين على لحم بطنكم، اقعدوا نتغدى يلا. كلهم قعدوا على السفرة. عشق كانت غيرانة من اهتمام فهد الزيادة لحور وبياكلها. مروان بهمس: الصغنن زعلان لي؟ عشق بصت لفهد وحور ورجعت بصت لمروان: مش زعلانة يا عمو. مروان: لا زعلانة، أنا عارف إن الواد ده مزعلك. عشق: لا مش مزعلني. حور: عطشانة يا حبيبي. فهد بص لعشق: هاتي الماية اللي عندك دي. عشق مدت إيديها بالماية لحور. حور رمتها وحطت إيديها على بوقها وقامت بسرعة.

فهد بخضة: حووور! مروان: هي راحت بسرعة ليه كده؟ عشق: شكلها هترجع. فهد قام وراح وراها واتصل بالدكتورة لما شاف حور فعلاً بترجع. الدكتورة: أهدي يا حبيبي. حور حطت إيديها على بطنها بتعب: مش قادرة، تعبانة. يوسف بليل راح على بيت سارة. استغرب لما شاف في أنوار متعلقة على العمارة وفي أغاني شغالة. نورهان: قومي اغسلي وشك وبلاها دموع التمسيح دي، والبس فستان عشان عريسك جاي دلوقتي. سارة راحت وقفت قدامها: إنتي طنطتي، إيه؟

متستحيل تكوني بني آدمة. الراجل مغلطش في حاجة معايا عشان يصلحها، وأنا مغلطتش في حاجة. كل ده عشان وصلني على البيت. قولي بقى إنك بتعملي كده عشان تخلصي مني. نورهان وقفت قدام المرايا بتعدل مكياجها: هو أنا لسه هقول؟ أنا عملت خلاص ودي آخر ليلة ليكي. أنا عاوزة البيت يفضالي وأخد راحتي. سارة: أبويا لو عرف بعمايلك دي هيطلقك. نورهان: حوشي حوشي، ومين اللي هيعرفه؟ إنتي؟

إنتي اللي نازلة من عربية راجل غريب قدام الجيران. الأحسن تحطي لسانك جوه بوقك. وبعدين المفروض تشكري. سارة بسخرية: أشكرك على إيه؟ نورهان: هتتجوزي وتستري نفسك بسببي. سارة: وأنا مطلبتش منك حاجة. يوسف دخل البيت وشاف الناس والأغاني. يوسف: مبروك يا عريس. يا نورهان العريس جه. يوسف: عريس مين؟ نورهان: أروح أنا بقى وإنتي الحقيني ومتطلعيش بمنظرك كده. وأنا قولت أهو عشان أبوكي ميحملش حاجة تزعلك يا عروسة. سيد: منور يا عريس. يوسف كل

ده وهو مش فاهم حاجة بتحصل: فيه إيه يا جماعة؟ عريس مين اللي كل شوية حد يشوفني يقولي يا عريس؟ سيد خده وراحوا بعيد شوية عن الزحمة وأكمل بنبرة غضب: هتصلح غلطتك وتتجوز بنتي. يوسف بصدمة: نعم؟ غلطت إيه اللي هصلحها وجواز مين اللي حضرتك بتتكلم عليه؟ أنا مش فاهم حاجة. سيد: آه ما أنا عارف إنك هتقول كده. إنت مش ماشي من هنا غير وانت كاتب الكتاب والبت في إيدك. يوسف: تمام. وأنا بقى عايز أكلم سارة، هي فين؟

سيد خده وقعده بره وبعت حد ينده لسارة. خرجت سارة من أوضتها وسط الأغاني والزغاريط من الجيران وقرايبها. أصوات: مبروك يا حبيبتي ربنا يتمملك على خير. يوسف قام وقف وشدها من دراعها وراحوا البلكونة. يوسف بحده وهو باصص ليها وهي لابسة فستان الفرح وحاطة الميكب: ده الموضوع جد بق؟ ممكن أفهم فيه إيه وجواز مين اللي أبوكي بيتكلم عليه؟

سارة بصت ليوسف بترجي واسف: آسفة على الموقف اللي حضرتك اتحطيت فيه. أبويا شاكك فيا وفي تربيته وأنا في نظره مش كويسة عشان الناس شافوني نازلة من عربيتك وسمعتي في الأرض بسببي. ومرات أبويا قالت إني أنا وإنت بنحب بعض، قالت كلام محصلش ليا، أبويا عشان كده هو جابك. وأكملت بعياط: إنت مش مجبور على حاجة. أنا آسفة على اللي حصل كله، سوء تفاهم وأنا هحاول أحله. إنت امشي من هنا.

يوسف مسح على وشه وبص لسيد وشافه قاعد مع المأذون وهو حاطط إيده على راسه. يوسف مسك إيد سارة خرجوا من البلكونة وراح قعد جنب سيد. يوسف وهو باصص للمأذون: اتفضل يا شيخنا، دي بطاقتي. سارة حركت راسها بالرفض: لا يا بابا، كل ده غلط وسوء تفاهم والله افهمني. يوسف بص لسيد ومد إيده في إيد سيد: وأنا موافق أتزوج بنتك. نورهان بزغاريط: اللولوللولولييي مبروك. في القصر. الدكتورة خرجت من جناح فهد وعلي وشها ابتسامة. فهد: هي كويسة؟

إيه سبب الترجيع ده؟ الدكتورة: مبروك لحضرتك، المدام حامل. يتبع.