رواية عشق الفهد الفصل السابع والعشرون 27 - بقلم شيماء ناصر

فهد بقلق: حور عملت حادثة. عشق: طب استنى هغير هدومي وأجي معاك. فهد: لا خليكي هنا. لبس بسرعة ونزل، ركب العربية وطلع على مكان المستشفى. في مكتب الاستقبال. فهد بلهفة: في واحدة جتلكوا عاملة حادثة من شوية، هي في أي أوضة؟ = آه يا فندم، الدور الثاني في آخر ممر. فهد طلع وقلبه بينبض من الخوف على ابنه. شاف الدكتور خارج من أوضة حور. = دكتور، هي كويسة صح؟ الدكتور: حضرتك تقربلها إيه؟ فهد: جوزها.

الدكتور: تمام، هي دلوقتي كويسة، كسر بسيط في دراعها وهي تقدر تخرج في أي وقت. فهد بخوف: ابني كويس صح؟ محصلش إجهاض؟ الدكتور باستغراب: ابنك؟؟؟ جت بسرعة وقطعت كلامه: متشكرين يا دكتور على. الدكتور: طيب عن إذنكوا. وعد: متقلقش، الجنين بخير ومحصلوش حاجة، أنا كشفت عليها لما جت. فهد دخل لي حور. فهد: انتي كويسة؟ حاسة بإيه؟ حور باستغراب: انت إيه اللي جابك؟ فهد: حور، أنا آسف. حور: آسف على إيه؟ روح وخليك مع الهانم بتاعتك.

فهد بإصرار: انتي هترجعي معايا، هروح أمضي خروج ليكي وهدفع الفلوس وأجيلك. خرج فهد ودخلت وعد بسرعة ليها. حور: مالك بتبصيلي كده لي؟ وعد بغيظ: أنا كدبت بسببك، جوزك كان بيسأل الدكتور على الجنين إذا حصله حاجة. حور اتعدلت في مكانها واتكلمت بلجلجة: هو عرف حاجة؟ وعد: لا معرفش، بس هيعرف، وأنا مش هقدر أساعدك أكتر من كده، لازم تقولي له الحقيقة.

حور: بطلي هبل بق، ولو مش عايزة تساعديني براحتك، بس دي الحاجة الوحيدة اللي هتخليني أتحكم فيه. وعد راحت عندها ومسكتها من دراعها: أظاهر إنك انتي اللي هبلة، مفهمة جوزك إنك حامل كل ده عشان يرجعك ويطلق التانية، المفروض إن مع الوقت بطنك هتكبر، قوليلي بق هتعمليها إزاي يا ذكية. حور سحبت دراعها منها ووقفت قدامها: انتي معايا ولا مع مين؟

وبعدين عادي، هتصرف، بيبقى فيه حاجة اسمها بطن سيليكون هركبها وهتبان إني حامل، الموضوع مش صعب يعني، وبعدين هنجيب إبن من الملجأ لسه مولود وهقول إن ده ابني وابنه، انتي مكبرة الموضوع لي. وعد سكتت واتسمرت مكانها وجسمها بيرتعش من الخوف وبقت تبص لي حور وتبص على الباب. حور بعدم اهتمام وكانت بتلم حاجتها: سكتي يعني ولا القطة أكلت لسانك. وعد بتلمحلها إنها تبص وراها، بس حور اتجاهلت اللي بتعمله وكملت بـ...

حور: سكتي عشان عارفة إني صح، وبعدين أنا مدياكي فلوس عشان تساعديني، ضميرك جاي يصحى دلوقتي. وعد باصة في الأرض: احم، طب عن إذنكوا. حور لفت وراء، ووعد مشيت بسرعة وبصدمة: ف فهد. فهد واقف وغضب الدنيا كلها اتجمع قصاد عيونه، وضغط على إيده، عروقه بانت، وكأنه هينفجر من الغضب المكتوم. فهد: انتي طالق، واحمدي ربنا إني ممدتش إيدي عليكي وقتلتك، ورقتك هتوصلك بكرة. حور بذهول من الصدمة: ف فهد، اسمعني، انت فاهم غلط، اسمعني بس. فهد.

قدام الشركة. يوسف فتح باب العربية لي سارة: اركبي يلا. سارة باعتراض: لا، مش عايزة حد يشوفني معاك. يوسف: اللي عايز يشوف يشوف، انتي مراتي وأنا مش هخليكي ترجعي البيت مواصلات. سارة: انت بتزعق لي؟ يوسف بنرفزة: أنا مش بزعق ولا حاجة، بس يلا اركبي. سارة ركبت معاه ومشيت، كل ده ومراد شاف بعينه اللي حصل. مراد: عشان معرفتش تجيبني سكة على مزاجها، بقت مع يوسف، بتروح وتيجي معاه؟! ده انتي صنف **** من الحريم. بعد شوية وصلوا البيت.

سارة فتحت باب العربية ونزلت من غير ما تتكلم معاه ودخلت البيت. أميرة بتنهيدة: برضو عملت اللي في دماغك وخلتها تشتغل، يابني ياحبيبي، انتوا عرسان جداد يعني خدها لشهر عسل، كدا اتلحلح، مش أنا اللي هقولك. يوسف: في الوقت ده أنا مش هعرف عشان شغلي، بعدين إن شاء الله هنبقى نروح شهر عسل. أميرة: تعالي ياحبيبتي. سارة راحت قعدت جنبها.

أميرة: عارفة إنك عروسة جديدة ولازم تدلعي وتتهني مع جوزك، وانتوا هتروحوا الغردقة تقضوا شهر العسل هناك. يوسف: ياما، مش هينفع. أميرة: بس ياواد، هينفع، وخد إجازة من الشغل، والشركة مش هتطير، ووريني مش هتسمع كلامي إزاي. يوسف بيمسح على شعره بخنقة: طيب، عن إذنكوا، هغير هدومي وأجي. أميرة: وانتي كمان ياحبيبتي، اطلعي غيري هدومك عشان نتعشى. سارة بحب: حاضر يا ماما. يوسف واقف قدام الدولاب بيطلع هدوم ليه، جت سارة وبنرفزة.

سارة: أنا مش عايزة أروح أي مكان معاك، يا ريت ترفض وتقولها خلاص مش هنروح. يوسف بلا مبالاة: وأنا مش مهتم أصلاً، شوفتني بقولك جهزي نفسك عشان نروح، وبعدين انتي متضايقة لي؟ وفيها إيه لما سي مراد بتاعك ده يعرف إني اتجوزتك؟ إيه خايفة على مشاعره قوي؟ سارة بصت في الأرض: ..... أنا مش عايزاه يعرف حاجة. يوسف: عشان بتحبيه؟ افهمي، هو لا بيحبك ولا طايق وجودك. وسابها ودخل الحمام. في القصر. منة: انتي صاحية لحد دلوقتي لي؟

عشق: حور عملت حادثة وفهد راح لها، وعشان كده أنا خايفة أتأخر قوي. منة: حادثة؟ إن شاء الله خير، أجيب لك مية. عشق: لا ياحبيبتي، روحي انتي نامي، الوقت اتأخر. منة: ماشي. بعد شوية وصل فهد على القصر. عشق راحت ليه: حور كويسة وابنك كويس صح؟ فهد بيكلمك، استنى. فهد طلع على جناحه وبيكسر في كل حاجة قدامه. عشق طلعت ليه ودخلت وهي خايفة، فتحت الباب وكل حاجة في الأوضة مقلوبة: حور حصلها حاجة صح؟ فهد قعد على السرير وحاطط إيده على راسه.

عشق جت وقعدت قدامه في الأرض. عشق: إيه اللي حصل؟ قولي والنبي متخوفنيش كده، ابنك حصله حاجة؟ فهد رفع عينه لي عشق وأكمل بنبرة حزن: هي خدعتني، مكنتش حامل، كانت بتضحك عليا. عشق: إيه؟؟؟ ط طب أهدى. وراحت جابت كوباية مية. عشق: امسك اشرب. فهد خد الكوباية وكسرها في التسريحة والمرايا اتكسرت ميت حتة. وبغضب جحيمي: هندمها هي وأبوها على اللي عملوه ده. عشق بتحاول تهديه: أهدى طيب.

فهد مسك دراعها وشد عليه: مستني بقالي سنين، مستني عيل، ولو واحد بس، نفسي أكون أب وأشيل ابني وأسمع منه كلمة بابا. وراح في حضنها. عشق بزعل على حالته وبتطبطب عليه: إن شاء الله ربنا هيرزقك وهتكون أب، كله بإيد ربنا. في بيت سيد. سيد: مالك زعلانة لي كده؟ نورهان: مش عايز يكتب الشقة باسمي. سيد: سهلة، اخطفه وأمضيه على الورق واتحلت أهي، افرضي وشك بق، خلي الليلة تعدي. نورهان: لا، ناصح ياواد. سيد بغمزة: طب إيه؟

الدنيا ملها ناشفة لي؟ قومي ارقصيلي. نورهان بضحكة مايعة: بس كده، عنيا. بعد شوية صحي سيد وهو دايخ من المنوم اللي نورهان بتدهوله. سيد بصوت متقطع: ن ن نور هان. قام من مكانه بالعافية وراح يدور عليها، سمع صوت جاي من أوضة سارة. نورهان. نورهان بدلع: ههههه، بس بق. سيد: إيه؟ لسه معملتش حاجة. فتح الباب مرة واحدة وشاف منظر نورهان مع راجل غريب على السرير، من المشهد اللي شافه كأنه اتصعق من الصدمة. سيد: بتخونيني يابنت ال****.

نورهان بتحاول تستر جسمها العاري وهو اتعدل يلبس هدومه بسرعة. سيد بغضب: مش هتخرجي من هنا غير وإنتي ميتة يابنت الكلب. وراح على المطبخ بسرعة يجيب سكينة، وقبل ما يلحق يعمل حاجة، ضربه على دماغه. سيد وقع على الأرض والدم سايل منه. نورهان بخوف وبتضرب على وشها: يالهوي، يالهوي، يالهوي، هنعمل إيه دلوقتي؟ سيد: اسكتي وخليني أفكر. حور بقلق ماسكة التليفون وبتتصل على سيف: رد يابابا. حور: الو بابا، الحقني. حور: فهد طلقني.