رواية عشق الفهد الفصل السادس والعشرون 26 - بقلم شيماء ناصر

صباح اليوم في الشركه. وصل مراد على الشركه واتفاجأ إن سارة رجعت مكانها. سارة قامت وقفت. "فهد بيه عاوزك في مكتبه يافندم." مراد بسخرية: "اممم تمام، ياريت تركزي في شغلك بعد كده." من بعيد جه يوسف بعد ما مراد كلمها ومشي. يوسف: "كنتي بتتكلمي معاه في إيه؟! ساره بتوتر: "في إيه؟ وطي صوتك، وبعدين حضرتك بتغير ولا إيه؟ يوسف انتبه لتصرفه: "مش قصدي، أنا بس فكرته رجع يضايقك." ساره:

"لا، كنت بس بقوله إن فهد بيه عايزه مش أكتر، وهو متكلمش معايا، حضرتك بتراقبني ولا إيه؟ يوسف سابها ومشي راح مكتبه. ساره خدت نفس وهديت: "ماله ده؟ في القصر. جنة: "مبروك ياحبيبتي." منة: "الله يبارك فيكي." دخلت عشق المطبخ على صوتهم. عشق: "مبروك على إيه؟ جنة: "منة هتتخطب يوم الجمعة، عقبالي." عشق بفرحه: "بجد مبروك ياقلبي." جنة: "جبتي الفستان ولا لسه؟ منة: "لا لسه، أنا مبسوطة قوي."

عشق افتكرت لما أبوها جوزها من غير حتى ما ياخد رأيها وإنها مفرحتش زي أي بنت. سبتهم في المطبخ وراحت الجنينة. بحزن: "الله يسامحك يابابا، فيها إيه لو كنت فرحت زي البنات ولبست فستان وعملت فرح." بعد شويه جت منة. منة: "حضرنا الغداء، هحطه على السفره ويلا عشان تاكلي." عشق: "بشرط إنتي وجنة تاكلوا معايا. عم عادل، يا عم عااادل! عادل جه بسرعة: "نعم ياهانم." عشق: "انده لي عم محمد والناس اللي عندك عشان يتغدوا." منة بابتسامة:

"قلبك طيب قوي ياعشق." بليل. رجع فهد على القصر وملهوف يشوف عشق. "السلام عليكم يابابا." =وعليكم السلام. استنى عاوزك، تعال. راح فهد وقعد قدامه. فهد: "اتفضل يابابا." مروان: "رحت شفت حور؟ فهد باستغراب: "لا، حصل حاجة ولا إيه؟ مروان: "سيف جالي امبارح يتخانق معايا على اللي حصل وعايز يلوي دراعي بحفيدي، بيهددني لو مطلقتش عشق يبقي مش هتشوف ابنك." فهد بلا مبالاة: "اتجننوا دول ولا إيه؟

لو هو عايز كده يبقي نتقابل في المحاكم، طلاق أنا مش هطلقها." مروان: "مينفعش الأمور توصل للمحاكم عشان شغلنا ميأثرش، فكر في موضوع الطلاق ده تاني، أنت كده هتخسر مراتك وابنك اللي جاي." فهد قام وقف: "تمام، هفكر. عن إذنك." طلع لي عشق اللي كانت قاعدة بتتفرج على الشاشة، قامت وقفت لما شافته. =حمد الله على السلامة. فهد: "الله يسلمك." عشق: "مالك، حاسة إنك متضايق، في حاجة حصلت؟

فهد مردش عليها وراح ياخد شاور. بعد شويه خرج وشاف عشق جايبة العشاء. عشق بحب: "يلا عشان تاكل." فهد: "مليش نفس، كلي إنتي." عشق سابت الأكل وراحت عنده. عشق: "انت متضايق بسببي صح؟ فهد: "لا ياما." عشق: "سمعت عمو مروان وهو بيزعق في التليفون انهارده، آسفة إني سمعت، هو كان صوته عالي. وكان بيقول إنه هيخليك تطلقني عشان ترجع حور." فهد بتنهيدة خد عشق في حضنه: "وإنتي إيه رأيك، عاوزاني أطلقك؟ عشق هزت راسها بالرفض وحطت وشها في الأرض.

رفع وشها وشاف دموعها. فهد بحب: "طب وليه الدموع دي؟ عشق بشهقة بكاء: "عشان هتطلقني." فهد: "لا ياحبيبي مش هطلقك، أنا بحبك ياعشق، بحبك، مش عارف إزاي الحب يجمع ما بين طفلة بسنك ده بيا." عشق بخجل: "وأنا كمان بـ بحبك. بس إنت لازم ترجع حور عشان ابنك، متخلنيش أحس بالذنب." فهد قعد وقعدها على حجره. فهد: "مفيش الكلام ده. وبعدين إيه الحلاوة دي؟ عشق: "متغيرش الموضوع." فهد بتركيز على كل تفصيلة فيها: فهد: "مين اللي حطلك الميكب ده؟

عشق بتفرك في أيديها ورجعت خصلة من شعرها ورا ودنها. =خليت جنة تحطلي. فهد بخبث: "امم، وأي اللبس ده جايباه منين؟ مش قصير قوي." عشق بكسوف: "يعني أنا خدته من دولاب حور." فهد قرب وبيحضنها وهي على حجره وبيشم راحتها. =عملتي فيا إيه؟ حاسس إني بقيت متعلق بيكي و... قطع كلامه رنة تليفونه. مسك تليفونه وفتحه بضيق. =الو، حضرتك تعرف صاحبة التليفون ده. فهد بقلق: "أيوا، لي؟!

=صاحبة التليفون عملت حادثة واحنا دلوقتي واخدينها على المستشفى. عشق: "في إيه؟ فهد: "حور عملت حادثة."