رواية عشق المالك الفصل الحادي والعشرون 21 - بقلم مروة موسى

جت الدكتورة وفحصت عشق. الدكتورة: أنا لازم أكلم البوليس حالاً. الكل باستغراب: ليه؟ الدكتورة: عشان هي حالتها صعبة واللي عمل كدا لازم يتعاقب. ورد بدموع على أختها: هو حصل ليها إيه؟ الدكتورة: رجليها مكسورة والضرب دا كان ضرب موت مش ضرب حد بيتخانق مع حد. معتز: يعني حالتها صعبة؟ الدكتورة: للأسف هي زي ما تكون كانت خايفة من حاجة عشان كدا نبض قلبها مش مستقر. معتز بجمود: لازم نتصل فعلاً بالبوليس واللي عمل كدا يتعاقب.

رشا: يالهوي هتحبس ابنك؟ زين: بابا انت هتعمل إيه؟ معتز: زي ما انتوا خايفين على ابنكوا المكسينة دي كانت بتموت تحت رجليه. الدكتورة كتبت ليها علاج وقالت متتحركش لمدة شهر من على السرير ومشيت. معتز واقف قدام مالك. معتز: ليه عملت كدا؟ نيرة جت في الوقت دا. نيرة بفرحة وهي شايفة منظر عشق وهي نايمة مش حاسة بحاجة. مالك بيرد على كلام أبوه: مراتي ولازم أأدبها عشان تحترم نفسها.

نيرة بحقد: جدع لازم الواحدة متقيمش عينيها في عين جوزها. محمد لنيرة: اخرسي متتكلميش وعمك بيتكلم. نيرة: حاضر. مالك: هي شوية وهتفوق. معتز: لما تفوق أنا هخيرها بين إنها تسامحك وبين إنها تطلب لك حقها. مالك بغضب: يعني إيه؟ معتز: يعني لازم انت اللي تتأدب الأول مش هي وإيدك دي لو اتمدت عليها تاني هكسرها ليك فاااهم. مالك: فاهم. ورد بدموع: أنا عايزة آخد أختي وأمشي من هنا. كفاية كدا هي اتأذت هنا كتير أوي.

زين بيكلمها: أهدي ي ورد هتروحي فين بس حالاً وأختك كدا. ورد لزين: اسكت مش عايزة أسمع صوتك ولا تكلمني. زين عارف إنها مضايقة بسبب أختها والسبب مالك خاف تكره بسبب اللي مالك بيعمله في عشق. الكل خرج من غرفتها وفضل مالك وورد في الأوضة بس. ورد وهي مميلة

على أختها وبتكلمها بدموع: عشق قومي انتي قولتيلي إنك مش هتسبيني. انتي قولتيلي إنك هتفضلي جمبي وخاصة الأيام الجاية عشان مفضلش كتير على امتحاني. انتي تعبتي كتير ولازم نمشي من البيت دا مفيش لينا هنا مكان. قامت وقفت مرة واحدة ومالك كان سامعها ومتحركش أي حاجة جواه.

ورد لمالك بجمود: انت كدا مبسوط كدا انت كويس بإهانتك ليها كدا. كدا لما تضربها مفكر إنها هتتكسر بالعكس عشق أختي يبان إنها قوية وبتتحمل أي حاجة بس من جواها ضعيفة مفيش حد يقويها عاشت طول عمرها مهانة من أبوها جيت انت وكملت الإهانة ليها. وخرجت بعدها وسابته كان زي ما يكون مالك من جواه زعل عشانها. زين لورد: ورد افتحي. ورد بعياط: لأ. زين: طب أنا ذنبي إيه ليه بتعملي كدا فيا؟ ورد: عشان انت أخوه. زين: طب إيه ذنبي بردوا؟

ورد بدموع: معرفش. زين: ورد افتحي عشان مكسرش الباب. ورد: لأ وامشي. زين: بلاش دموعك دي غالية متخليهاش تنزل. ورد بعند: لأ ملكش دعوة بيا ي زين. زين انتهز الفرصة لما شاف البلكونة بتاعتها مفتوحة ونط من البلكونة بتاعته لبلكونة ورد. ورد وهي بتعيط وحاطة وشها على السرير. زين من وراها: بتعيطي ليه؟ ورد مفكرة إنه لسه واقف برا على الباب: امشي ي زين. زين: ولو ممشيتش. ورد مفيش رد على كلامه وبتعيط. زين قعد جمبها وهمس ليها: كفاية بقي.

ورد اتفزعت: انت دخلت هنا إزاي؟ زين بضحك: البيت دا زي بيتنا كدا فحافظ كل حتة فيه. ورد وعيونها مليانة دموع: امشي من هنا. زين شدها في حضنه وهي زي ما تكون لقت الأمان ليها بقربه. زين: خلاص بقي وحياتي عندك. ورد بدموع: هو ضربها وكمان رجليها مكسورة. زين: هي هتبقى كويسة بس أهم حاجة مذاكرتك عشان مفضلش وقت كبير على امتحانك. ورد بطلت عياط وسكتت وزين قعد معاها شوية وخرج. الوقت دا صاحب البار اتصل بنيرة.

نيرة بخبث: احنا نلغي خطتنا ونعمل واحدة أحلى. صاحب البار فرحان عشان هياخد منها فلوس وعشان عاوز يشفي غليله من عشق بعد ما نيرة شحنته بكلامها إنها مع زبون غني جدا وقالت مش هتعرفه عشان ميكسبش منها فلوس. صاحب البار: الخطة إيه؟ نيرة بخبث كبير: الخطة إنك تبعت واحد هنا البيت يمثل إنه عارف عشق وجاي يشوفها عشان بقالها كتير مش موجودة في البار وهو بيحبها وبيحب يقضي معاها وقت. صاحب البار: وبعد كدا؟

نيرة: بعد كدا بقي ملكش دعوة دي تصرفات ناس تانية (قصدها على رد فعل مالك) صاحب البار: امتى أبعته؟ نيرة: بعد يومين. صاحب البار: طيب تمام. وقفلوا السكة ونيرة فرحانة بحالة عشق واللي هيحصل فيها بعد كدا. عند عشق بدأت تفوق ومالك كان قصادها. عشق أول لما لمحت صورة مالك اتفزعت. عشق بوجع وهي ماسكة رجليها: بلاش الضلمة والنبي أنا بخاف جدا. مالك كان قلبه وجعه عليها بس يبان عليه الجمود. مالك وهو بيقرب منها: أهدي متخافيش.

عشق وهي ماسكة رجليها: رجلي وجعاني مش قادرة أقوم أجري من قدامك. مالك: رجلك مكسورة. عشق بدموع: حرام عليك ليه كدا. مالك بجمود: انتي السبب مكنش لازم تعملي فيها المظلومة. عشق بعياط ودموع: أنا بكرهك ي مالك بكرهك. مالك بوجع: على أساس إني بموت فييكي. عشق: صدقني هتندم. مالك: ولا عشرة زيك يخلوني أندم. ودخلت رشا ومعتز على عشق. رشا جريت عليها وحضنتها: انتي كويسة. معتز: متتحركيش عشان رجلك مكسورة ي بنتي حقك عليا أنا.

عشق والدموع في عيونها هزت راسها. معتز بجمود: أنا هبلغ البوليس على اللي مالك عمله دا حقك منه ولازم تاخديه. معتز: تحبي أبلغ البوليس؟ عشق بجمود: ...