رواية عشق المالك الفصل السادس والعشرون 26 - بقلم مروة موسى

معتز لعشق: أي رأيك نطلب ورد لزين؟ عشق سابت الملعقة من إيديها وبصت عليهم، ولكن بصت بعدها على مالك وقالت: لاء. زين بزعل: ليه؟ عشق قدام الكل، لأن الكل عارف الحقيقة: عشان كلها أيام ونطلع من البيت ده. رشا: متدخليش اللي بينك وبين مالك بين دول ياعشق. عشق بجمود، خوفاً على مصلحة أختها: وأنا مش هبقى مرتاحة وهي هنا بينكم. معتز بزعل: شكراً ياعشق. عشق: مش قصدي ياعمي، بس اللي أنا شوفته كتير هنا. مالك كان بينظر ليها ومتابع كلامها.

زين: صدقيني هحافظ عليها، أنا مش زي مالك. مالك: هو أي اللي مش زي مالك يازين؟ زين بجمود: أنت عمرك ما هتحب، عمرك ما هتعرف تحافظ على اللي بين إيدك، ولا هتعرف قيمة قلبك غير لما تتوجع. عشق وهي واقفة وبتطلع لفوق: عندك حق يازين. زين طلع ورا عشق: عشق، عشق. عشق: أنا قولت لاء يازين. زين وهو باين في عيونه الصدق: صدقيني والله عمري ما هجرحها أو أزعلها، بلاش تخديني أنا وهي في الرجلين.

عشق بجمود: إحنا من الأول ملناش مكان هنا، ثم هي ممكن تكون مبتحبكش. زين بغباء وبسرعة: بالعكس، هي بتحبني وأنا طالبها منك عشان أثبت حبي ليها. عشق برفع حاجب: الله الله، الهانم قاعدة تحب وسايبة حالها. زين بتوسل: عشق، لو سمحتي وافقي، والله أنتِ لو عايزة أشتري بيت لينا وأبعد من هنا موافق. لو عايزة اتنازل عن كل حقوقي مقابل حق قلبي للورد موافق. أنا مستعد أعمل أي حاجة. معتز من وراهم: وافقي ياعشق، وساعتها أنا اللي هكون في الوش.

رشا: حبهم باين في عيونهم، بلاش تقفي في طريقهم. عشق: أنا عمري ما وقفت في طريق أختي، بالعكس، أنا اللي بحاول أوفر ليها كل الطرق المتاحة. أنا هنا ومذلولة بسبب غلطة هي عملتها. وبصت لمالك. مالك: عشق، لو كان اللي بينا كره بس، اللي بينهم حب، واللي ميقدرش يتحكم في القلب ده مش ملكه. عشق بوجع لأنها اتعودت على وجوده معاها: عندك حق، القلب ده محدش يقدر يتحكم فيه. مالك بوجع أكبر: أنتِ في يوم هتتحبي وتحبي، وساعتها هتعرفي.

ورد كانت واقفة. عشق لورد: رأيك إيه؟ ورد بثقة في أختها: اللي هتقولي عليه هيمشي. عشق: بتحبيه؟ ورد: ...... عشق عرفت الرد من سكوت أختها. عشق اتنهدت: بصي يورد، أنا هسيبك أنتِ تقرري حياتك، أنا أظن أنا لحد كدا واتشكر على اللي عملته، وأنا مستحيل أقف في طريقك عشان أقف قدام قلبك. وعشان متجيش يوم تلوميني فيه، أنا هسيبك تجربي حظك وتحددي قرارك من تجربتك دي. زين بفرح: يعني أنتِ موافقة؟

عشق، عشان عارفة إن زين بيحبها من مساعدته مع لورد، وعارفة إنه مختلف تماماً عن مالك، بس كل خوفها وجودها في البيت. عشق بارتياح وخبث: أنا موافقة عشان عمي يعتبر والدها وهو اللي قدامي. معتز: متقلقيش ياعشق، هتكون في عيونا. رشا: ربنا يخليكم لبعض ياعيال. زين بفرح وهو رايح يحضنها: شوفتي يوردتي، هتبقي ليا. عشق: استني، رايح فين؟ أنت هتحضنها واحنا واقفين ومن غير كتب كتاب كمان. زين بضحك: على أساس إنها أول مرة.

عشق برفع حاجب لأختها. ورد بتوتر: هو هو اللي أقصد يعني. عشق حاولت تداري توتر أختها. عشق: طيب، ربنا يصلح حالكم. والكل خرج وهو سعيد بسبب المناسبة دي. مالك لعشق: ليه كنتي خايفة؟ عشق: وأي اللي ميخلينيش أخاف من وجودك في حياتنا؟ مالك: للدرجة دي أنا ياعشق جانب وحش في حياتك؟ عشق: وأنا شوفت منك أي الحلو يامالك؟ مالك: كفاية إنك حاجة حلوة في حياتي. ازدادت ضربات قلبها بسرعة، وكذلك مالك. عشق بتوتر: تسلم.

مالك بيحاول يتجرأ شوية لأنه فعلاً خلاها تعيش أيام صعبة معاه وبيحاول يرضي قلبه قبل ما يرضيها: ممكن تفضلي في حياتي شوية. عشق باستغراب: ليه؟ مالك بيحاول يتصنع موضوع: عشان لو نيرة رجعت. عشق بغيظ: عشان نيرة لو رجعت بس. مالك فهم قصد عشق: أيوا، هو أنتِ عايزة حاجة تانية؟ عشق بتوتر: لاء. مالك ضحك ضحكة لأنه اتأكد من ارتياحها له. مالك: هو ممكن تسامحي حد ضايقك وزعلك كتير ياعشق؟ عشق بتلقائية: أيوا.

مالك حس بارتياح وحس إن ممكن تكون الدنيا بيهم حلوة. عدت الأيام وعشق بتتحسن ومالك جنبها. ونتيجة ورد خلاص ممكن تطلع في أي وقت. في يوم كانوا قاعدين كلهم. زين لورد: النتيجة شكلها طلعت. ورد بخوف: ربنا يستر. عشق بطمنها: أنا فخورة بيكي أياً كان يكون. زين بصوت عالي: مبروووك، بقيتي أشطر معيدة. ورد سجدت لربها وحمدته. عشق كانت عيونها كلها دموع بسبب نجاح أختها. عشق بحنان: عشت وشوفتك أحسن الناس، أنا بجد فخورة بيكي أوي. ورد

بعياط وهي تقبل يد أختها: لو مكنتيش في حياتي وقدمتي ليا كل اللي بتعمليه ده، مكنش هيبقى ليا أي لزمة. عشق: نجاحك هو نجاحي. ورد: بحبك والله أوي ياعشق. عشق: أنا أكتر ياحبيبتي. معتز: بمناسبة الفرحة دي، كتب كتاب زين وورد الخميس الجاي. زين هيطير من الفرح: بجد! عشق: مفيش خطوبة؟ مالك بيغمز ليهم: لاء، هما اتخطبوا من ساعة ما عرفوا بعض. رشا: خير البر عاجله. عشق: على بركة الله. فوق عند زين وورد. زين بفرح: أنا مش مصدق يورد.

ورد بخجل: ربنا يفرح قلبك. زين: كفاية إنك في قلبي. عند رشا ومعتز. رشا: مبسوطة إن زين وورد هيبقوا لبعض. معتز: العلاقة هتتحسن بينا، ويمكن مالك يحب عشق. رشا: يارب، على الأقل هتطمن على مالك من اللي طمعان فيه. معتز اتنهد: أنا فاهم قصدك، بس لازم أعزم محمد على كتب الكتاب. رشا: أيوا، ده أخوك ولازم. معتز بالفعل اتصل على أخوه وعزمه. عند مالك وعشق. مالك: مبروك لورد. عشق بعتاب: يمكن هي لقت اللي يحبها.

مالك بعتاب أكبر: مش يمكن لو مكناش اتقابلنا مكنوش هيبقوا لبعض؟ عشق: تقصد إن إحنا السبب؟ مالك: أيوا. عشق: المهم إنهم عاوزين بعض. مالك: عقبالك. عشق لاحظت اهتمام مالك بيها: متأكد من كلامك؟ مالك: أيوا. عشق: ماشي. بعد مرور يومين. تحت الكل كان قاعد. زين لورد: يلا عشان أروح أختار لكِ فستان. مالك: هاجي معاك. زين بضحك وغمز: فضي ليا الجو، مسير يومك يجي. عشق بضحك عليهم: أنا هاجي أنا كمان. زين: مش عايز أنت كمان تيجي ياحج.

الكل ضحك وفجأة وجدوااااا أمامهم.