رواية عشق الصقر الفصل الثالث 3 - بقلم شيماء كمال

جايه أشيل الأطباق مكان الأكل لقيت مصطفى شدني عليه وبيقولي: "اكيد بتقولي هو ليه المجنون ده قال عليها حلوة مع إنها مالهاش طعم؟ أنا اتلبكت جامد ووشديت نفسي وقولتله: "مصطفى متحاولش تقرب لي تاني بدل ما هنزعل وأنا زعلي وحش." مصطفى: "ههههه ماشي يا بنت خالتي حاضر." يسرا: "أها مقولتليش بقى يفيلسوف لي قولت على البيتزا حلوة مع إنها وحشة؟ مصطفى: "احم اه ما هي عشان حلوة فعلاً أنا مكذبتش." يسرا: "خلص قول يا صقر عشان متعصبش."

مصطفى: "صقر؟ هههه تصدقي إن الكلمة دي مسمعتهاش منك من زمان أوي." (أنا كنت على طول بنادي على مصطفى من وأنا صغيرة بالصقر عشان فيه صفات في مصطفى بتشبه الصقر جداً) يسرا: "مش هقولهالك تاني يا صقر قصدي يا مصطفى." (شيلت الأطباق ودخلت المطبخ أغسلهم وقعدت أفكر معقول مصطفى بيحبني؟ لا لا طب هو بقى كويس معايا كده ليه؟ ده كان قبل الجواز طريقته مختلفة خالص وكان مجبور عليا ربنا يهديه يا رب) ***

جه المساء وكنت قاعدة طول النهار لوحدي في الأوضة ومصطفى نفس الشيء وكان الجو ممل بطريقة فظيعة فدخلت أوضة الأطفال عند مصطفى وبقوله: "مصطفى." مصطفى: "خيررر عاوزه إيه؟ يسرا: "يبني أنت بحالات أنت عندك انفصام في الشخصية جاوبني مرة ألاقيك كويس معايا ومرة تانية ألاقيك متعصب عليا زي ما أكون عدوتك." مصطفى: "إنتي ناوية نكد ولا إيه على المسا كده خلصي قولي عاوزه إيه." يسرا: "أنا مش بحب أقعد لوحدي خصوصاً بالليل بخاف." مصطفى:

"اه عاوزه إيه يعني برضه مش فاهم." يسرا: "يارب صبرني أنت بجد مش فاهم أنا عاوزه إيه." مصطفى: "لا خالص." يسرا: "بص أنا هقعد معاك شوية ولما أعوز أنام هدخل أنام جوه عشان أنا خايفة والجو ملل أصلاً. بس أوعى تفهمني غلط." مصطفى: "ههههه قولي كده بقى يا بطة.. طيب اقعدي البيت بيتك يا أختي ههه." يسرا: "مش عارفة لي حاسة إنك بتتريق عليا بس ماشي أشطا هعدهالك."

(قعدت جمب مصطفى على السرير وفي مسافة بينا. لقيته مشغل التليفزيون وعلى فيلم رعب الله وأكبر يعني) يسرا: "يبني أنت ناوي تجيب لي جلطة ولا عاوز تموتني يعني ما تشغل فيلم عدل بدل الفيلم اللي هيموتنا ده." مصطفى: "لو مش عاجبك قومي نامي أنا بحب الأفلام دي." يسرا: "لا وعلى إيه أتفرج معاك وأمري لله." مصطفى: "أيوه كده جدعةهه." يسرا بصوت منخفض: "ربنا يهديك يا صقر قلبي يا رب ويشفيك على الهبل اللي أنت فيه." مصطفى:

"بتكلمي نفسك بتقولي إيه سمعيني." يسرا: "بقول لا إله إلا الله يا مصطفى." مصطفى: "محمد رسول الله." (واحنا بنتفرج على الفيلم جه مشهد كده يخوف أوي ف قمت مغمضة عيني على ما المشهد ده يخلص فضلت مغمضة عيني كتير لغاية ما نمت من غير ما أحس بنفسي خالص) مصطفى وهو بيكلم نفسه:

"ههههه نامت وأنا اللي مفركها هتسهر يخربيت البراءة اللي انتي فيها وانتي نايمة كده وأنا اللي كنت بقول هعتبرك أختي يالهوااي إيه اللي بيحصلي ده هو أنا واقع فيها من زمان وأنا مكنتش حاسس ولا إيه لااا يا صقر إنت بتقول إيه دي أختك." *** صحيت الصبح لقيت نفسي نايمة جمب المجنون ده. قمت صوت جامد: "إيه يا هبلة البيت ولع ولا إيه." يسرا: "أنا إيه اللي نيماني هناااااا يمامااا الحقيني." مصطفى:

"إنتي هبلة يبت ولا إيه بالظبط إنتي مراتي." يسرا: "نعم نعم؟ مراتك إيه أنت أخويا مش أكتر فاهم ولا لا." مصطفى: "ههههه طب أهدي بس كده وسيبني أنام حرام عليكي خضتيني." يسرا: "ألف سلامة عليك من الخضة يا أخويااا ألف سلامة." مصطفى: "ربنا يهديكي يبنتي." يسرا: "أما أقوم من هنا أحسن بدل ما أعمل جريمة." مصطفى: "خدي تعالي كملي نوم هههههه." *** صحيت واخدت شاور واتوضيت وصليت وبدأت أجهز الفطار. يسرا: "قووووووم أنت لسه نايم." مصطفى:

"يخربيتك يا شيخة في إيه براحة وانت بتصحيني." يسرا: "متجننيش أكتر ما أنا مجنونة لوحدي واتفضل قوم يلاا عشان تفطر." مصطفى: "كويس إنك عارفة نفسك إنك مجنونة 😂😂 حاضر قايم اهو." *** قعدنا فطرناا واحنا بنفطر صاحبتي رنت عليا تطمن. يسرا: "الوو.." ليلى: "صاحبتي اللي وحشاني خااالص." (قمت من على الفطار ودخلت الأوضة أكلمها عشان مصطفى يسألني كنتي بتكلمي مين ويمكن ميهتمش أصلاً) يسرا:

"حبيبتي إنتي وحشاني أكتر والله عاملة إيه طمنيني عليكي." ليلى: "الحمد لله.. ......... (قعدت أتكلم مع ليلى شوية وطلعت الصالة تاني لقيت مصطفى بيبص لي ووشه كله باين عليه الغضب معرفش لي مهو أنا برضه عاوزه أعرف أنا بهمه ولا لا) مصطفى: "كنتي بتكلمي مين." يسرا: "إنت مالك." مصطفى: "هو إيه اللي أنا مالي إنتي اتهبلتي أنا جوزك ومن حقي أعرف كنتي بتكلمي مين ودخلتي الأوضة بسرعة كده." يسرا: "جوزي؟

ههههه لا متحلمش كتير عشان إنت أخويا فقط." مصطفى: "بلا أخ بلا زفت كنتي بتكلمي مين يا يسرا بدل ما أفقد أعصابي." يسرا: "خلاص اهدى شوية على نفسك دي صاحبتي كانت بتطمن عليا." مصطفى: "صاحبتك مين اللي متعرفيش تكلميها قدامي يا يسرا." يسرا: "إنت شاكك فياا ولا إيه يا صقر." مصطفى بكل هدوء: "لا يا يسرا مش شاكك فيكي بس عاوز أعرف إنتي بتكلمي مين." يسرا: "اتفضل التليفون أهو وتأكد." (أديت الفون لمصطفى وتأكد إني كنت بكلم ليلى) مصطفى:

"خدي أنا آسف بس والله مكنتش شاكك فيكي أنا بثق فيكي ثقة عمياء." يسرا: "إيه يباشا الحنية دي كلها أنا أختك هااا." مصطفى: "ههههه مش لازم برضه أكون حنين على أختي حبيبتي." يسرا بغضب: "طيب اتفضل كمل فطار." (لقيته بيمسك إيدي وبيقولي تسلم إيدك أنا أكلت وبعدين قام من على الأكل) هو الواد ده عبيط ولا أنا اللي عبيطة يارب اشفيني واشفيه يا رب. *** بعد أسبوع: (ماما وخالتوا قالوا لمصطفى نسافر أسبوعين ولا حاجة ونيجي)

واخيراً سافرنا فعلاً شرم الشيخ. مصطفى: "مبسوطة يا أختي إنك سافرتي." يسرا: "ولا مبسوطة ولا حاجة عادي." (أكيد طبعاً كنت مبسوطة بس بقوله إني مش مبسوطة من ورا قلبي ههه) مصطفى: "تصدقي أنا غلطان إني وافقت على السفر ده." يسرا: "الفندق ده شكله حلو أوي والغرفة دي شيك جداً وحاجة فخمة." مصطفى: "إنتي جاية عشان تشوفي المكان حلو ولا وحش ولا عشان تنبسطي." يسرا: "خلاص فكك أنا تعبانة وداخلة أنام أرتاح وأنت كمان باين عليك تعبان أهو."

مصطفى: "طيب بس أنا كده هنام إزاي." يسرا: "قصدك إيه." مصطفى: "ده سرير واحد بس." يسرا: "اه فهمت قصدك خلاص يسيدي مضطرين ننام على سرير واحد بس لازم يكون في بينا فاصل إنت فاهم." مصطفى: "اه اه فاهم طبعاً." *** في صباح اليوم التالي. (نفس اللي حصل قبل كده صحيت لقيت نفسي لازقة فيه) يسرا: "يماماااا عاااااا أنت بتتحرش بيااا." مصطفى: "ااه يدماغي يبنتي حرام عليكي والله في إيه." يسرا:

"إنت كنت لازق فيا وأنا نايمة لي مش قولت لازم يكون فيه مسافة ما بينا." (وأنا بتكلم لقيت مصطفى مرة واحدة بيحضني وبيقولي: "يسرا بطلي جنان إنتي مراتي فاهمة إنتي مراتي.") يسرا: "................................. مصطفى: "إيه القط أكل لسانك مش بتردي ليه." يسرا: "هااااا ..... إيه ده ابعد عني." (بعدته عني وأنا مش فاهمة حاجة نبضات قلبي سريعة ودماغي لفت خالص هو أنا أه بحبه بس مش هنسى اللي قاله لي قبل ما نتجوز.)