رواية عشق الصقر بقلم شيماء كمال | كاملة

بصي قبل ما نروح القاعه مش عاوز منك غير حاجه واحده بس تفضلي مبتسمه ومتبينيش إنك مجبوره على الجوازة الزفت دي. حاضر ي مصطفى حاضر. كده تعجبيني شطورة. روحنا القاعه وأنا كنت مبتسمة ابتسامة مصطنعة وكنت عاملة نفسي مبسوطة وفرحانة، بس من جوايا حرفياً كنت بموت. شوية ولقينا المأذون جاي، أخد موافقتي وموافقة مصطفى، وفي آخر كتب الكتاب قال الجملة اللي بتحدد مصيرنا: "بارك الله لكما وبارك عليكما وجمع بينكما في خير". سمعت الجملة دي عيطت غصب عني والكل لاحظ. "إيه يا حبيبتي دي دموع الفرح ولا إيه بس طمنيني؟" "دي دموع الفرح طبعاً يا ماما." "قلب أمك يا حبيبتي ربنا يسعدكم يا رب يا ولاد." "إيه يا خالتو انتوا هتفضلوا تعيطوا كده ولا إيه؟" بعد كتب الكتاب العيلة كلها هيصت وفرحت، واللي قاعد يرقص واللي قاعد يشدني أرقص معاه، وأنا جوايا حزن الدنيا كلها. ليه يحصل فيا كده؟ وأتجوز واحد بحبه بس هو مش بيحبني؟ ليه يا ربي؟ يكون...