رواية عشق السيف الفصل الرابع 4 - بقلم نورا فريد

قولتي إيه؟ ليلة بحدة وعصبية: زي ما سمعت، طلقني. أنا مش عايزك، أنا لا بحبك ولا عمري هحبك. أنت عايز مني إيه؟ ها، إيه؟ أنا اتجوزتني ليه؟ ومتتقوليش بحبك، لأني مش هصدقك، لأنك ببساطة كده كداب. كلكم كدابين. أنا بكرهك، بكرهكككك. بكرهكم كلكم. انتوا متعرفوش حاجة عن الحب. انتوا مش بتعرفوا بس غير الغدر والخيانة. وأنا مستحيل أكمل مع واحد زيك. فخليك راجل و لم كرامتك وطلقني. سيف اقترب منها. ليلة

بترجع لورا ومسكت سكينة: خطوة كمان وها أقتل نفسي وأرتاح منكم كلكم. سيف قرب منها بحذر وخد السكينة. ليلة بتنظر لي سيف بمعنى هي حافظة اللي هيحصل. ضرب وإهانة، لكن اتصدمت لما سيف حضنها. سيف بهدوء وحنية: هشششش. اهدى. متخفيش. متخفيش. أنتِ مش لوحدك.

ليلة بتبكي: نفسي أموت وأرتاح. عايزة أروح لها. مش عايزة الدنيا اللي مليانة غدر وأذى. مش عايزة أعيش. اتخنقت من الكدب والبشر. ساكتة وأقول ها تعدي، ها تعدي. مفيش حاجة بتعدي. خير عمري اللي بتقهر فيه على حياتي. أنا تعبت، تعبت من كل حاجة. سيف قعدها على السرير وعطاها مياة. ليلة شربت.

قعد جنبها ومسك إيديها: بعترف، اللي عملتوا معاكي كان غلط من الأول. مش هقول حبيتك، عشان الكلمة دي بتعصبك. لكن الحقيقة أنا انشدت ليكي من أول مرة شوفتك فيها. من ساعتها وأنتي في بالي وعقلي. ليلة على نفس الوضع: فكرت كتير إني أهرب، بس معرفتش. لأن زي ما قولت، أنا أجبن من إني أقتل نملة. معرفش ليه مهربتش. اتجوزتك واستسلمت لغدرك. لأن أنت زيك زي غيرك. سيف حضنها

وبيمسح على شعرها بحنية: ربنا يسامحك يا ستي. وبعدين يا حبيبتي، صوابعك مش زي بعضها. وبعدين، فكرك لما تهربي أنا مش هعرف أجيبك؟ أنتِ قدري وأنا قدرك. مش يمكن تحبيني؟ مش يمكن حياتنا مع بعض تكون أفضل؟ أنا مختارتكيش يا ليلة، ولا حتى أنتِ. ليلة بحزن: قالها نفس الكلام. ومن رغم كده سابها. سابها تحارب في الدنيا لوحدها. أكيد قدري ها يبقى زيها. ماتت وسابتني لوحدي. سيف: أومال أنا بعمل إيه؟

طول ما أنا عايش، أنتِ مش لوحدك. أوعدك إني عمري ما هسيبك. أنتِ قوتي من دلوقتي. أنا مش جوزك، أنا صاحبك وأخوكي وأبوكي وابنك كمان. أوعدك إني مش هغصبك على أي حاجة. مش عارف ها تصدقني ولا لأ، بس أنا حقيقي حبيتك. ليلة بهمس وصوت مخنوق: أنا آسفة. سيف: مبدئياً، مفيش أسف بينا. بس اوعديني إنكِ مش ها تخبي حاجة عني، حتى لو كانت تافهة. ليلة: أوعدك. سيف، كنت عايزة أقولك على حاجة. سيف: قولي اللي أنتِ عايزاه.

ليلة: لما كلمتني الصبح واتعصبت عليك، فكان بسبب إن فستاني اتحرق. حنان حرقته، زي ما بتحرق ليا أي حاجة. أنا صحيح مش عايزة الجوازة دي، بس مش لدرجة إني أعمل كده. سيف: أنا مصدقك. واثق إنكِ معملتيش كده. ومش مهم، فداكي مليون فستان. المهم عندي إنكِ بخير. في قصر الأكابر، في غرفة مهجورة. فواد بحزن: عمري ما اتخليت عنك. ليه يا بشر؟ ليه سبتني؟

حياتي باظت من غيرك. بعت الدنيا عشانك. في الآخر دمرتني. كان نفسي أكمل حياتي معاكي. أنتِ. كان نفسي نربي ولادنا مع بعض. هههه. قتلتي بنتي عشان اكتشفت إنكِ شيطانية. صحيح اتجوزت غيرك، بس عمري ما فرقت. قلبي. كان نفسي يكون ليا بنت منك. كان نفسي منوصلش لكده. وفي الفندق عند سيف وليلة. سيف نايم، وليلة في حضنه. ليلة: ممكن أسألك سؤال؟ ويا ريت تجاوب عليا بصراحة. سيف بحب: اسألي يا ستي. ليلة: هي مين البنت اللي حضنتك في الفرح دي؟

سيف بهدوء: راندا. بنت عمي. ليلة بسخرية: عارفة. بس مش كبيرة على إنها تحضنك بالطريقة دي؟ ولا دي عادي عندكم؟ وبعدين، هو عمك مجاش الفرح ليه؟ إيه مش راضي عن الجوازة؟ سيف بهدوء: عمي فواد ده أطيب حد ممكن تشوفيه. بس ربنا مبتليه بشيطانية. ليلة: اللي هي راندا؟ سيف: راندا وبسملة طيبين أوي. بس مشكلتهم في أمهم. كفاية كلام ونامي عشان نرجع. لو عايزة نقعد، معنديش مانع. ليلة: لا، أنا مش عايزة أقعد هنا أكتر من كده. مش بحب الفنادق.

ليلة نامت. سيف نظر ليها، وقبل راسها ونام. وفي اليوم التالي، في قصر الأكابر. كانوا بيستعدوا لاستقبال سيف وليلة. وبعد ساعة، أخيراً وصل سيف وليلة. سيف نزل من العربية وفتح الباب لليلة. سيف وقف قصدها ورفع راسها بإيديه: ارفعي راسك. وأوعي تخلي أي حد يحس بالخوف اللي جواكي، أو يلمحه في عينيكي. لازم تكوني قوية عشان تعرفي تعيشي وسط الناس. دلوقتي، هاتي إيدك. ليلة: هو أنا ها أعيش في البيت المريب ده؟

سيف: متخفيش. طول ما أنا معاكي. يلا بقا عشان اتأخرنا عليهم. يلا يا حبيبتي. ليلة هزت راسها ودخلوا على القصر. فواد: مبروك يا حبيبي. سيف: الله يبارك فيك يا عمي. ليلة حكتلك عنها قبل كده. ليلة نظرت لفواد و...