رواية عشق السيف الفصل الثاني 2 - بقلم نورا فريد

مامت حنان زقت حنان بعيد عن ليلة. الأم بقسوة: اتجننتي يا حنان؟ اتجننتي يا بنتي؟ ها؟ عايزة تضيعي عمرك على واحدة زي دي؟ محسوبة علينا؟ أمي موصيني عليكي، كنت رميتك لكلاب السكك. نعمل إيه؟ قلوبنا مش مطاوعانا نغورك من هنا بعد ما أكلناكي وكبرناكي، تعملي في بنتي كده؟ تفو… قومي يا حنان قومي يا قلب أمك قومي. بكرة ربنا يرزقك بواحد سيد. سيد بصّامين بينظر لـ ليلة بغضب: يلا يا حبيبتي على أوضتك. خديها يا سماح من هنا. يلا بينا.

وخرجوا من الغرفة. ليلة ده كله مش قادرة تستوعب اللي حصل. ليلة فجأة بقت بتضرب حالها: يا نهار أسود! يا نهار أسود! معقول أعمل كده في أختي؟ في حنان؟ لا لا مستحيل. أتجوز الشيء ده مستحيل. منك لله يا سها، انتي السبب. يا ريت ما روحتش معاكي على الزفت. أما في قصر الأكابر، في غرفة سيف. الأم: يا ابني، انت كده بتوقع بين الأخوات؟ إزاي؟ رايحة مخصوص لـ واحدة؟ فجأة تشوف اختها تطلبها؟ افهم بس.

سيف: ومين بقا قال لـ حضرتك إني رايح لـ مش عارف إيه؟ أنا محدد مواقفي من الأول إني أتجوز ليلة. تمام. الأم قربت منه وقالت: ممم بس ياريت متنساش انت هتتجوز البنت دي ليه؟ ممم هي جايز تجيب ولي العهد، بس اللي ها يربيه بنت عمك اللي مستنياكوا. وخرجت الأم. سيف رمى المنشفة على السرير بغضب: ها نشوف يا عيلتي الأكابر. ها نشوف.

سيف بابتسامة: كلها كام يوم وها تكوني ملكي يا ليلة. كان يوم وتبقى قدامي. انتي اللي تستحقي تكوني أم ابني، وانتِ اللي تستحقي كلمة ماما، وتستحقي تكوني من عيلة الأكابر. انتي وبس. فلاش باك. سيف كان متخنق مع أبوه بسبب موضوع جوازه. فساب الشركة وراح يتمشى بعربيته. بعد شوية وصل لـ شاطئ. سيف باستغراب: إيه الصوت ده؟ كأن في حد بيصرخ. سيف فضل ماشي تجاه الصوت لحد ما وصل. ليلة بتصرخ. فجأة التفتت لـ ورا. سيف اتصدم من جمالها.

سيف: انتي كويسة؟ ليلة بتحاول تداري على إحراجها: آه كويسة. ذات و انت مالك؟ أصرخ أول..ع في نفسي. انت مالك ها مالك؟ سيف بابتسامة سخرية: واضح إنك بخير. ياريت توطي صوتك لأن بيزعج الآخرين. منهم أنا. عن إذنك. سيف لبس نضارته بغرور ومشي. بعد مرور يومين، كان خطوبة سيف وليلة. كان عائلي. ليلة بهدوء عكس اللي جوها: ممكن أتكلم مع حضرتك على انفراد؟ سيف نظر لـ أمين وباباه. ليلة نظرت لـ أبوها: ده بعد إذنكم طبعاً. أمين: اتفضل.

سيف قام اتجه لـ البلكونة. سيف: قولي الكلام المهم اللي عايزة تقوليه. ليلة: مممم طبعاً انت شخصية مهمة جداً، بس مش كل الناس بتحبك وأنا منهم طبعاً. ده طبيعي. سيف بهدوء عكس الغضب من كلامها: بمعنى؟ ليلة ربعت إيديها: يعني عيب أوي لما تتجوز واحدة قلبها مع حد تاني. ده أولاً. ثانياً أنا ميرضيني أتجوز واحد كان جاي يتجوز اختي وبعدين طلبني بدالها. دي مش أصول يا باشا. سيف بابتسامة مخيفة: مش فاهم قصدك إيه.

ليلة: يعني خد أهلك وكرامتك وامشي بهدوء. يعني اسحب طلبك. أنا مش عايزك. لأن زي ما قولتلك قلبي مع واحد تاني. أعتقد مفيش راجل يقبل على نفسه يتجوز واحدة هي مش عايزاه، مش طايقاه. سيف: مممم. سيف مسك ليلة من شعرها. ليلة بصدمة: انت اتجننت يا حي..وان؟ سيب شعري. سيف ضغط على شعرها وقال جنب أذنها بهمس: بتحبي؟ بتقولي؟

طب اسمعي بقا. اللي تدخل دماغي وحياتي مستحيل تطلع منهم إلا لم أنا أؤمر. غير كده فـ انتي ملكي وها تفضلي ملكي لحد ما تموتي. ولو عايزة حبيب القلب يفضل عايش وبخير، يبقا تكملي معايا من سكات. لأن زعلي وحش. وأنا عشان بحبك ومقدرك فـ مش عايز أوريكي الوش التاني.

سيف حاوط خصرها: انتي ملكي. مرات سيف الأكابر. طالما دخلت حياته عينيها وقلبها ميكونوش لحد غيره. تملك غرور سميها زي ما انتي عايزة. وموضوع الكرامة ها نتكلم فيه بعدين. عن إذنك بقا يا حبيبتي عشان اتأخرنا عليهم ودي مش أصول. ليلة: ها قتلك يا سيف صدقني. سيف: انتي أجبن من إنك تـ..تلي نملة مش بناد. سيف سابها وخرج. ليلة فضلت تنظر عليه لحد ما خرج. ليلة ساندت راسها على الحيط ونزلت على الأرض ببطء وقعدت تبكي.