رواية عشق التميم الفصل الثاني 2 - بقلم يارا عبدالعزيز

تنفس بعمق وهو يخرج غضبه كله فيه وتكلم ببرود: = تتجوزيني! همست بصدمة وهي لا تزال غير مستوعبة كلامه: = اتجوزك! كملت بحدة وغضب: = هو أنا بسيب بيت أهلي وبجيلك عشان تنقذني منهم، تقوم تقولي اتجوزك! الظاهر إني فعلاً جيت للعنوان الغلط. يديه في جيبه وتكلم ببرود: = شايفه العساكر اللي هنا دول؟ كلهم تبع عمك، ومية في المية واحد فيهم هيسأل دلوقتي على اللي بيحصل ويروح يبلغهم، ومش هيطلع عليكي نهار، حتى مش هتلحقي تطلعي برا البلد.

بصتله رحيل وبلعت ما في جوفها بخوف شديد. كمل تميم بنفس النبرة الباردة: = اممم، بس لو وافقتي على جوازك مني محدش هيقدر يقربلك، وهجوم أهل البلد علينا مش هيحصل. عارفة ليه؟ عشان عمك مش هيلاقي أي حاجة يقوم بيها أهل البلد. هيقولهم إيه بقى؟ مشيت مع جوزها! هااا؟

ما تردي، اختاري دلوقتي يا تتجوزيني ودلوقتي قبل ما حد في بيت أهلك يعرف إنك خرجتي برا البيت، يا ترجعي عندهم بقى وتتجوزي ابن عمك دا لو مد.فونكيش حية بعد ما يعرفوا بخرجتك في وقت زي دا، وإنك روحتي بيت شاب، وكمان يا عالم الشوية اللي قعدتيهم عندي في الشقة إيه اللي حصل فيهم، وإنتي عارفة بقى أهلك والبلد، وأدرى بيه. أنا كدا كدا مش هتأ.ذي، أنا تميم النصراوي، أنا بتكلم بس عشانك، خدي قرار ويا ريت بسرعة لمصلحتك.

رحيل بصتله بتفكير وخوف شديد من عمها واللي ممكن يحصلها لو رجعت ليهم. تكلمت بدموع وهي بتبص لتميم: = وبعد ما اتجوزك إيه اللي هيحصل؟ تميم بهدوء: = اللي إنتي عايزاه. عمك واخد الوصايا على أملاكك صح؟

أول أما تكملي واحد وعشرين، اطلقي وخذي فلوسك واعملي اللي إنتي عايزاه، ومتخافيش، إنتي مش هتعيشي هنا، هتعيشي في قصر النصراوي، هيكون أمان ليكي أكتر، ومش هقربلك كمان، إنتي أصلاً مش ذوقي. بسرعة، مفيش وقت، نطلع على المأذون ولا أرجعك بيت أهلك؟ رحيل بصتله بخوف وتكلمت بدموع وهي بتهز رأسها بالنفي: = لا، متودنيش عندهم. أنا موافقة على جوازي منك، بس تفضل عند كل كلامك. تنهد بضيق وتكلم بحدة:

= الظاهر إنك متعرفيش تميم النصراوي كويس، هفوتلك اللي إنتي قولتي دلوقتي عشان إنتي متعرفنيش، بس. رحيل باستغراب وتساؤل: = هو إنت هتستفيد إيه يعني؟ هتتجوز واحدة إنت متعرفهاش! تميم بهدوء: = أهلي علّموني إن لو في إيدي أي حاجة أساعد بيها أي حد مترددش لحظة وأعملها، دا غير إن وظيفتي هنا أحميكي إنتي وكل أهل بلدك. رحيل بهدوء: = على كدا إنت ممكن تتجوز كل بنات البلد بقى!

بصلها تميم باللامبالاة ومشي، وهي مشيت وراه بسرعة. ركبت معاه العربية، منطلقين للمأذون. المأذون كتب الكتاب، وتميم خد رحيل على فيلا تانية غير شقته في مكان شبه مقطوع. دخل الڤيلا وخلع قميصه ورماه على الكنبة ببرود. بصتله بخجل وحطيت إيديها على عينيها وتكلمت بتوتر: = يا عم، فيه ناس معاك هنا؟ راح عندها وشال إيديها من على عينيها، وفرد إيديها على جانبي جسدها وشبكها في إيديه وتكلم بصوت رجولي هادي: = افتحي عينيكي.

حس برعشة إيديها في إيديه، ابتسم بمرح: = كل دا عشان مسكت إيديكِ، أومال لو حضنتك هتعملي إيه؟ توترت بشدة ورجعت لورا، كانت هتقع لولا إيديه اللي مسكت خصرها بسرعة لترتطم بصدره العريض، وتكلم بسخرية: = اسم الله عليكي، لا اجمدي كدا، دا إحنا قاعدين مع بعض سنتين كمان. فتحت عينيها بخجل من قربه. بصت لإيديها اللي على صدره بخجل وبعدتها بسرعة. تكلمت بحدة: = إنت اللي بتخلف كلمتك من أول ساعة جواز.

أتأوه في رصاص عينيها اللي أول مرة ياخد باله منها، حس بضربات قلبه بدأت تزيد. مسك إيديها وحاطها على قلبه، لقى ضرباته بتزيد أكتر. همس بإعجاب واضح: = إنتي إزاي جميلة كدا! هي دي عينيكي صح؟ حاولت تبعد إيديها من إيديه بس معرفتش. تكلمت بحدة وغضب:

= بقولك إيه، لو هتتصرف كدا من أولها يبقى العيشة عند أهلي أحسن، مش عشان أنا محتاجك تحميني تقوم تستغل دا، أنا عمري ما كنت ولا هكون بالر.خص دا، ولو سمحت سيب إيدي والبس هدومك، ميصحش كدا. تميم بحدة: = رخص!

بصي، أنا محدش يجرأ يعلي صوته حتى لو من غير ما يقصد في وشي، وأنا لو سيبك فـ أنا سيبك بمزاجي، وقولتلك مش تميم النصراوي اللي يخلف بكلمته، حتى لو كل خلية فيا عايزك، فـ اهدي كدا، ولما تتكلمي معايا تتكلمي باحترام وصوتك يبقى واطي، ومتتكلميش بصيغة الأمر دي تاني، دا لو حابة تعيشي مرتاحة ومتشوفيش الوش التاني مني. سابها لتقع على الأرض، وإيديها خبطت في الترابيزة. أتأوهت بألم شديد وهي بتمسك إيديها وبصتله بغضب وهو طالع على السلم.

تكلمت بهدوء وخوف: = هو إحنا هنفضل هنا لحد إمتى؟ المكان هنا يخوف أوي. تميم ببرود وهو لا يزال مكمل طلوع السلم ومن غير ما يبصلها: = لحد ما قسيمة الجواز تطلع، وهاخدك ونروح لأهلك. قامت وقفت وطلعت بسرعة وراه. وقفت قدامه قبل ما يدخل الأوضة وتكلمت بخوف شديد: = بس أنا مش عايزة أروح هناك. تميم بهدوء: = متخافيش، أنا معاكي، وإنتي دلوقتي على ذمتي، يعني مبقاش أي حد فيهم ليه فيكي أي حاجة، حتى لو كانوا أهلك.

هزت رأسها وهي حاسة بأمان في وجوده. لاحظها وهي ماسكة إيديها، تكلم باستغراب: = اتخبطتي في إيديكِ؟ هزت رأسها بألم. رفع كُم البلوزة اللي لابسها، حاولت تبعده بس بصلها بحدة، باصتها أخرستها. كشف إيديها وتكلم بغضب من نفسه: = بتوجعك أوي؟ تعالي. مسك إيديها ومشاها وراه برفق، ودخل أوضته وقعدها على السرير. اتجه ناحية درج الكومود وطلع منه مرهم، وراح قعد جنبها وتكلم بحنان: = وريني كدا. تكلمت بخجل مفرط: = أنا هحطه، متتعبش نفسك.

أتجاهلها ومسك إيديها بحنان وبدأ يدهن المرهم في مكان الكدمة أسفل كوع إيديها، تحت نظرات الخجل المفرط منها، وهي حاسة بتوتر وضربات قلبها زيادة بسبب قربه الشديد منها. أما هو فكان عاجبه الوضع. حاوط كتفها بإيديه التانية. همست بخجل مفرط: = أستاذ تميم! أنا خلاص بقيت أحسن، كفاية كدا. حس بخجلها وتوترها، محبش يضغط عليها أكتر وساب إيديها. تكلمت بخجل وهي بتشد كُم البلوزة:

= هو إنت لو روحت الشغل، هم أكيد هيسألوك عليا عشان العساكر اللي في القسم، هيقولوا لعمي إني كنت معاك. تميم بحنان: = بسيطة، كنت جايبها أرجعها وهربت مني ومعرفش راحت فين، متخافيش، أنا عامل حساب لكل حاجة. كام يوم بس، قسيمة الجواز تطلع وهاخدك لبيت أهلي، هتقعدي معاهم، بس بعد ما نعرف أهل البلد كلها إننا متجوزين عشان محدش فيهم يتكلم عليكي. ماشية؟ هزت رأسها بهدوء وتكلمت برقة:

= شكراً لكل حاجة بتعملها معايا. أنا هخرج دلوقتي أروح أنام في أوضة تانية، وإنت خليك هنا، شكلها أوضتك، وهحاول معملش ليك أي إزعاج. عن إذنك. كان لسه هيتكلم بس قاطعه رنين هاتفه. مسك الفون وطلع البلكونة يرد تحت نظراتها. تكلم بحب وابتسامة: = أيوا يا حبيبتي، لا وصلت من بدري، دا أنا نمت وصحيت. اللي واخد عقلك يا حياة هانم، أكلت وشربت وعملت كل حاجة، متخافيش عليا، نامي إنتي بقى وارتاحي، أنا عارف إنك مش هتنامي إلا لما تطمني عليا.

وقفت وراه وهي تتابعه بغضب. حسيت بمشاعر غيرة جواه. دخلت وقفت جانبه وهي تتابع الابتسامة اللي مفرقتش وشه من لحظة ما فتح المكالمة. بصلها تميم باستغراب من نظراتها اللي كانت مليانة بالحدة والغضب. تكلم بابتسامة وحنان: = ماشي يا حبيبتي، تصبحي على خير. قفل المكالمة وبص لرحيل وتكلم باستغراب: = مش قولتي هتخرجي؟ إيه اللي مقعدك الدور دا كله مليان أوض للنوم، اختاري الأوضة اللي تعجبك ونامي فيها. رحيل بدموع وحدة: = هو إنت متجوز!

دي مراتك اللي كنت بتكلمها صح؟ طب وأنا هروح أعيش مع أهلك على أساس إيه بقى؟ الزوجة التانية لتميم النصراوي! بصلها بجمود ودخل الأوضة. طلع منشفة من الدولاب ودخل الحمام. دخلت وراه وهي مش مستوعبة أي حاجة بتعملها. فكرة إنها الزوجة التانية دي جننتها وخلاتها تعمل كل حاجة من غير تفكير. قفل الباب وراها وسند بإيديه على الباب، وأصبحت محاصرة ما بينه هو والباب. بصت بصدمة لما لاقت نفسها دخلت وراه الحمام. ميل تميم

على وشها وهمس جنب أذنها: = هتساعديني! عادي، معنديش مشكلة. توترت بشدة من قربه. خدت نفس عميق بتخرج فيه توترها وغضبها، وتكلمت بهدوء: = أستاذ تميم، المفروض كنت تعرفني حاجة زي كدا قبل ما تتجوزني. أنا مش عايزة أتحط في خانة الزوجة التانية دي و… قاطع كلامها لما لاقته بيبصلها وبيبتسم:

= تصدقي تنفعي تألفي، بيجي في دماغك شوية سيناريوهات ملهاش أي علاقة بالواقع. دي أمي اللي كنت بكلمها، دي أمي حياة الهواري، وأنا مش متجوز، تمام كدا؟ ابتسمت بفرحة: = تمام أوي. ابعد بقى عشان أخرج. شال إيديه من على الباب. فتحت الباب وخرجت بسرعة البرق وهي في قمة خجلها من قربها منه بالشكل دا.

سمع صوت الباب عرف إنها خرجت من الأوضة. تنهد بابتسامة وكمل اللي بيعمله، وتفكيره كله في اللي طلعتله مرة واحدة من غير إذن، ودلوقتي بقت مراته. حياة كانت في حضن ريان اللي كان بيتنفس ريحتها وتايه فيها: = واحد عنده تسعة وعشرين سنة أمه بترن عليه تسأله وصلت وكلت ولا لأ. حياة بحب:

= وهعمل كدا برضه مع اللي عنده ستة وعشرين والسبعتاشر دول ولادي يا ريان، يعني حتة مني. ومهما كبروا هيفضلوا صغيرين عندي ومحتاجين اهتمامي طول عمرهم. عارفة نفسي في إيه يا ريان؟ ريان بحب وهو بيقبـ.ل راسها برقة: = في إيه يا حبيبتي؟ حياة بحب وهي بتبصله: = نفسي فريدة تلاقي شخص يحبها نفس حبك ليا، وفارس يتجوز مليكة وتحبه زي ما هو بيحبها، وتميم يلاقي البنت اللي تستاهله بجد ويعيشوا التلاتة مبسوطين وأشوف ولادهم. ريان بهدوء:

= هيحصل، وبكرة تشوفي. مسمعتش اسمي أنا وإنتي في قايمة الأمنيات دي يعني. حياة بحب: = ما هو إحنا هنبقى أسعد اتنين في العالم لو شوفنا ولادنا مرتاحين. كملت وهي بتحضن خده بكف إيديها وبتتكلم بحزن: = هتعمل إيه مع فارس؟ مش عايزة أشوفه حزين كدا. ريان بهدوء: = هحلها يا حياة، هحلها. متخافيش يا حبيبتي. هو إنتي مفكرة إن حزنه هيعدي عليا؟ أنا زعلان عليه أضعافك، وباذن الله مش هيدوم كتير. في الصباح، وبالتحديد في منزل محمود.

على تربيزة السفر: محمود بحدة: = عدي فين! مليكة بصت لرندا بخوف شديد. تكلمت رندا بخوف وتوتر: = بايت عند واحد صاحبهم. محمود بغضب: = بقيتي بتكذبي كتير يا رندا عشان تداري على ابنك. رندا كانت لسه هتتكلم بس قاطعها دخول عدي. بصتله رندا بخوف. كان لسه هيطلع أوضته بس وقفه صوت محمود الغاضب: = كنت فين يا دكتور؟ وقف عدي باحترام. محمود راح عنده ووقف قدامه. حط أنامله على رقبته وبص لأنامله بغضب مفرط لما لاقى فيها آثار روج:

= ولا ليه دكتور؟ ما الدكتور بقى زير نساء وبقى كل يوم بايت عند واحدة شكل. عدي باحترام: = يا بابا… قاطعه محمود وهو بيضـ.ربه بقوة بالقلم على وشه. شهق الجميع بصدمة، وعدي بصله باحترام وهدوء. رندا بخوف شديد: = خلاص يا محمود، حقك عليا، مش هيكررها تاني. محمود بغضب مفرط وهو بيبص لعدي: = عارف إنت بقالك قد إيه على الحال دا؟ سنتين، سنتين وأخلاقك بقت بايظة وبقيت بتدور على الحرام وتجري وراه، وكل دا عشان إيه؟ ما تفوق بقى، فووق!

بضيع نفسك وإنت مش حاسس، هتفضل كدا لحد إمتى؟ عدي بدموع وألم: = ياريت أعرف أنا كمان، مش عاجبني حالي، بس اللي بعمله بيريحني، بيطفي من الـ.نار اللي جوايا. محمود بحنان: = ما الحرام على طول سهل وبيريح، وعشان كدا البعد عنه جزاءه الجنة. أنا صعبان عليا الدكتور عدي، أشهر جـ.راح في مصر كلها، القدوه لشباب كتير غيره، يكون دا الجزء الخفي منه. ارجع عدي ابني اللي أعرفه، وكفاية وجع قلبي أنا وأمك عليك بقى، كفاية لحد كدا.

عدي كان لسه هيتكلم بس قاطعه دخول ريان. بص لرندا اللي كانت واقفة بتعيط بغضب وتكلم بهدوء: = عدي، اطلع دلوقتي. عدي باحترام: = خالي، أنا والله… ريان بمقاطعة وحدة: = بقولك اطلع دلوقتي، مسمعتنيش! طلع عدي على فوق ودموعه مليانة عينيه. خلع التيشيرت بتاعه وفرد جسمه على السرير وهو بيبص للسقف بألم شديد. تكلم وهو بيد.فن رأسه في إيديه:

= ياريت قلبي يرجع زي الأول، ياريتني ما عرفتك ولا حبيتك. سنتين وأنا عايش في ألم بسببك وبسبب اللي عملتيه فيا. في الأسفل: ريان كان قاعد واخد رندا في حضنه وبيحرك إيديه على شعرها بحنان. بصله محمود وتكلم بغضب وغيره: = بقيتي بتستخبي مني جوا حضن أخوكي؟ والله عال. رندا كانت لسه هتتكلم بس قاطعها ريان وهو بيتكلم بهدوء: = أديك قلت أخوها، واهدي كدا عشان أعرف أكلمك في الموضوع اللي أنا جاي عشانه. محمود بصله بانتباه.

كمل ريان وهو بيبص لمليكة: = أنا طالب إيد مليكة لواحد من ولادي. مليكة بصتله بفرحة كبيرة، معتقدة أنه قصده على تميم، بس اتلاشت فرحتها وتحولت لصدمة وحزن لما ريان بصلها وتكلم بهدوء: = فارس لابني، فارس. ها؟ قولت إيه؟ محمود بابتسامة: = إنت عارف أنا رأيي إيه في فارس كويس أوي، بس مش أنا اللي هتجوز، اللي هتتجوز تقول رأيه. مليكة بتلقائية ودموع: = هو تميم عارف باللي حضرتك بتعمله دا؟ ريان بثقة:

= وهو أنا المفروض أستأذنه يعني ولا إيه؟ المفروض السؤال يكون فارس عارف ولا لأ. بصي يا مليكة، أنا جاي هنا مش باعتباري أبو فارس، أنا هنا باعتباري خالك، وعشان كدا جيت لوحدي. فـ إنتي قوليلي رأيك، ولو موافقة هجيب فارس ونيجي نتقدم رسمي ونعمل الفرح على طول. مليكة بدموع: = تميم عارف يا خالي؟ ريان بحدة وبعض الغضب: = أيوا يا مليكة، تحبي أكلمه يقولك بنفسه إنه عارف ومبسوط جداً لما قولتله كمان. حسيت بغصة في قلبها وتكلمت بدموع

وهي بتهز رأسها بالنفي: = مستحيل! أنا مش عايزة أتجوز فارس، مبحبوش ومش بطيقه. فارس دا واحد قاسي وبيعملني وحش جداً، سواء في البيت أو في الجامعة، إزاي هعيش معاه وأنا بخاف منه؟ رندا بعدت عن ريان وتكلمت بغضب: = مليكة، الزمي حدودك واتكلمي عِدل، مش عايزاه، قولي لأ من غير ما تتكلمي عليه وحش كدا، أنا ربيتك على كدا. مليكة بدموع واحترام:

= أنا آسفة يا خالو، أنا بس قلت اللي في قلبي ناحيته، ومش هقدر أوافق عليه ولا هعرف أعيش معاه، عن إذنكم. طلعت بسرعة أوضتها، ومفيش في دماغها غير إن تميم موافق. حسيت بألم شديد في قلبها وفضلت تعيط بقوة: = ليه يا تميم؟ ليه؟ رندا طلعتلها وراحت عندها بخوف شديد لما شافت حالتها كدا. تكلمت بحنان وهي بتاخدها في حضنها: = خلاص يا حبيبتي، إيه اللي حصل لكل دا بس؟

محدش فينا هيغصبك على حاجة. مش عايزة تتجوزيه خلاص، متعمليش نفسك كدا يا حبيبتي، حقك عليا. مليكة بشهقات: = أنا مش عايزة أتجوز خالص يا ماما، أنا تعبانة أوي وحاسة إن فيه كتلة على قلبي. رندا نزلت دموعها بحزن كبير ومش فاهمة إيه السبب في حالتها بالشكل دا. فضلت تربت على ضهرها بحنان لحد ما نامت من فرط بكائها. في الأسفل: ريان بهدوء وهو بيقوم يقف وبيظبط جاكيت بدلته:

= هسيبها تفكر كام يوم، ومش هعتبر دا القرار النهائي ليها، يمكن تعقل وتعرف مصلحتها. محمود: = ريان، إنت تعرف حاجة أنا معرفهاش؟ مستحيل يكون تصرف مليكة دا طبيعي، هو فيه إيه؟ ريان بهدوء: = لو عايز مصلحة مليكة وبيهمك سعادتها بجد يا محمود، يبقى لازم تتجوز فارس، وفي أسرع وقت. عن إذنك. قال كلامه وخرج من البيت تحت نظرات الاستغراب من محمود وحزنه الشديد على مليكة. رجع ريان البيت، وكان فارس نازل من أوضته رايح الشركة.

تكلم ريان بهدوء: = أنا طلبت إيد مليكة ليك النهاردة. فارس بصله بصدمة، تكلم بحدة وصوت عالي، ولاول مرة يرفع صوته على ريان: = ليه يا بابا؟ ليه؟ هو أنا قولت عايز أتجوزها؟ إنتوا بتاخدوا قرارات لحياتي من دماغكم. أستوعب اللي عامله، تنهد بغضب وتكلم باحترام: = أنا آسف يا بابا، بس أنا مش عايز أتجوز مليكة، أنا مش عايز أتجوز خالص. ريان ببرود: = والسبب؟ فارس باحترام: = عادي، مش عايز أي حاجة تشغلني عن… ريان بحدة ومقاطعة:

= هششش، لو هتكدب يبقى بلاش أحسن. أقول أنا السبب؟ أقول الحقيقة؟ فارس بألم ودموع: = مليكة بتحب تميم. عايزني أتوزج واحدة بتحب أخويا؟ دا سبب مش كافي يخليني أرفض أتوزجها. ريان بحدة: = وتميم بيحبها؟ ما ترد. سكت ليه؟ إنت عارف كويس أوي إن تميم مبيحبهاش، وهي عنده زي فريدة أختكوا بالظبط. والله العظيم يا فارس، مليكة ما بتحب تميم، وإلا أصح للكل إنك تتجوزها. فارس كان لسه هيتكلم بس قاطعه ريان وهو بيتكلم بحدة: = بتحبها ولا لأ؟ فارس

بعشق وحب بان في عينيه: = بعشقها، بس جوازي منها مش هيعمل أي حاجة غير إنه هيسبب لي أنا وهي الوجع وبس. ريان قرب منه وحط إيديه على كتفه وتكلم بحنان: = جوازها منك مش هيكون سبب غير في سعادتكم انتوا الاتنين. سيب قلبك هو اللي يفكر، والغي عقلك دا خالص مع الحب عشان تعيش مرتاح ومبسوط. مليكة لازم تقرب منك وتعرف فارس اللي بيحبها بجد عشان مشاعرها تبدأ تتحرك من ناحيتك، ودا مش هيحصل غير وهي مراتك. فارس بهدوء:

= ماشي، أنا لو وافقت هي إيه؟ أكيد رفضت صح؟ ريان بثقة: = سيب مليكة عليا، ومبقاش أنا ريان النصراوي لو مكنتش مليكة مراتك، وفي أقل من شهر. روح شوف إنت كنت رايح فين. فارس بصله واستغرب، ومشي بس كان من جواه مبسوط من فكرة إنها تبقى مراته فعلاً ومعاه. التفت وتكلم باحترام: = بابا، أنا مستحيل أجبرها عليا. ريان بابتسامة: = شكلك نسيت إن مليكة بنت أختي، وزي فريدة. هز فارس رأسه بابتسامة وخرج متوجه ناحية الشركة. في قصر الجابري:

دخلت أشجان مرات عاصم وأم أسر غرفة رحيل عشان توصيها الوصايا العشر قبل الفرح، بس انصدمت بشدة لما ملاقتهاش في أوضتها، والدولاب بتاعها مفتوح وهدومها مش فيه. ضربت على قلبها وتكلمت بغضب: = يا مرك يا أشجان. نزلت على تحت بسرعة وتكلمت بصوت عالي: = الحق يا عاصم، البت رحيل مش في أوضتها وهدومها مش في الدولاب. روان نزلت على الصوت وبصتلهم بخوف شديد. تكلم أسر بغضب مفرط: = يعني إيه هربت يا أبويا؟ هربت يوم فرحي عليها.

عاصم بص لروان اللي كانت واقفة تتابع اللي بيحصل بخوف، وراح عندها وتكلم بفحيح: = رحيل فين يا روان؟ بنتك راحت فين؟ روان بتمثيل والدموع في عينيها: = معرفش بنتي فين، هاتولي بنتي، يا ترى روحتي فين يا رحيل. أشجان بغضب: = إنتي هتضحكيهم علينا؟ بتك مستحيل تطلع من هنا من غير ما تقولك البت راحت فين. هربتي بتك فين؟ روان بحزن مصطنع: = قولتلكوا معرفش هي فين، أنا خايفة عليها أوي. أشجان بغضب وهي بتبص لعاصم: = هنعمل إيه يا عاصم؟

دا الفرح النهارده. أسر بغضب وفحيح: = هجيبها، هجيبها حتى لو فين. ماشي يا بت عمي، إنتي اللي جبتيه لنفسك. قال كلامه وخد الغفر كلهم يدوروا عليها.

مر أسبوع والحال على ما هو عليه، رحيل وتميم كل واحد فيهم بينام في أوضة لوحده، وتميم بيروح شغله ومبيرجعش غير بالليل، بتكون هي نامت، يعني تقريباً مش بيشوفوا بعض غير بالصدفة. وعاصم بلغ أهل البلد إن رحيل تعبت والفرح هيتأجل، وبقى يتوعدلها هو وأسر، وكانوا قالبين البلد كلها وبيدوروا عليها. رحيل كانت قاعدة في أوضتها. خبط تميم على الأوضة. حطيت الطرحة على شعرها بعشوائية وتكلمت بصوت عالي نسبياً: = ادخل. دخل تميم وقعد قدامها

على السرير وتكلم ببرود: = قسيمة الجواز أهي، البسي يلا عشان هنروح لأهلك دلوقتي، وبعدين هاخدك ونروح القاهرة. رحيل بصتله بخوف وجسدها كله بقى بيترعش، ومخدتش بالها من الطرحة اللي نزلت من على شعرها وبان قدام تميم. تكلمت بخوف شديد: = لازم يعني؟ إحنا ممكن نمشي من غير ما نروح هنا. مكنش مركز مع أي كلمة معاها، كان مركز مع شعرها الطويل الناعم اللي زود جمالها أكتر، وكتفها ورقبتها اللي بانوا أول ما الطرحة نزلت من على شعرها.

قرب عليها أكتر، لاحظت نظراته ليها. حطيت إيديها على شعرها بصدمة، وكانت لسه بتمد إيديها تاخد الطرحة، لكن إيديه كانت أسرع منها. خد الطرحة ورمها على الأرض وقعدها على رجله وثبت عنقها بإيديه. حطيت إيديها على صدره بضعف وتكلمت بتوتر: = أستاذ تميم! تميم بهمس وهو بيقبـ.ل خدها برقة: = أنا مش أستاذ تميم، أنا جوزك، فاهمة يعني إيه؟ بعدت عنه بخجل وتكلمت بدموع:

= لو سمحت ابعد، دا مكنش اتفاقنا. إنت ممكن تروح تشوفلك واحدة تانية غيري وتتجوزها، لكن أنا لأ. حطها على السرير وسند بكف إيديه جانبها، وإيديه التانية كانت بتتحرك على شعرها بحنان. همست بضعف: = هلبس دلوقتي عشان نخرج، لو سمحت ابعد. أتجاهلها تماماً وحضنها بقوة. لاحظ دموعها على كتفه. بعد عنها وبصلها باستغراب وتكلم بحدة وهو بيقوم: = عشر دقايق وألاقيكي. قال كلامه ورزع الباب وراه بغضب مفرط.

تنفضت بخوف وعدلت هدومها بخجل وقامت تغير. بعد نصف ساعة، وصلوا قدام الثرايا. تكلمت رحيل بخوف شديد: = أنا بقول نمشي أحسن. مسك إيديها وتكلم بهدوء: = متخافيش، أنا معاكي، يلا. هزت رأسها بخوف ومشيت معاه. دخلوا الثرايا وكان الكل متجمع. دخل واحد من الغفر وتكلم بلهفة: = الست رحيل هانم برا يا عاصم بيه، ومعاها تميم باشا رئيس المباحث. قاموا كلهم بسرعة، وتكلم أسر وهو بيطلع مسد.سه تحت نظرات الخوف الشديد من روان:

= جت لقضها، خليهم يدخلوا. أدخل تميم وهو محاوطها، وهو ماسك إيد رحيل بقوة وهو بيطمنها إنه جانبها، وهي مكنتش مركزة مع أي حاجة بسبب خوفها. بصلهم أسر بغضب مفرط، وروان أتنهدت براحة وهي شايفاها داخلة مع تميم. كانت بتبص لتميم بصدمة وهي شايفه شبه كبير ما بينه هو وريان. أسر راح عندهم وتكلم بغضب مفرط:

= والله كنت شاكك إنها معاك، وموضوع هربت منك اللي قولته دا مدخلش دماغي، بس أعمل إيه في أبويا بقى اللي قالي سيبه في حاله، شكله ميعرفش عنها حاجة، شكلها عجبتك فقولت تقضي معاها كام يوم وترجعها لأهلك، بس لا لا، إنت ولا أبوك اللي إنت دخلت شرطة على حسابه هتمنعوني دلوقتي من إني أغسل عا.ر**ي بإيديكم. كمل وهو بيطلع مسد.سه وبيحطه في راس تميم، وبيتكلم بفحيح: = تحب أبدأ بمين فيكم؟

أنا بقول إنت يا ابن البندر ياللي عامل فيها الشريف واللي بتحمي البلد، وإنت أصلاً طلعت و.سخ وبتضحك على عقول البنات الصغيرين. ولاد ريان النصراوي، شكلهم هيعانوا زي أبوهم في حبهم، أما نشوف بقى هترسي على إيه، وموضوع عدي الغامض دا كمان.

جماعة، رندا وريان قدام ولادهم إخوات في الرضاعة عن طريق كريم اللي رضع مع ريان عن طريق نادية، إذا جميع أخوات كريم هم أخوات ريان، واللي هي رندا وكريم. ما.ت قضاء وقدر، هو دا كل المعروف بالنسبالهم، ومحدش فيهم عارف أي حاجة. حبيت بس أوضح النقطة دي عشان كلكم هتسألوا عنها، أنا عارفة 😂