رواية عشق للأبد الفصل السابع 7 - بقلم سولييه نصار

الجزء السابع عيناها وسعت وهي تقول: -يعني إيه مش فاهمة؟! ضحكت وأنا أقرب منها وأقول: -إيه يا بيبي، معقول مش فاهمة؟ أنا خلاص هعمل اللي انتي عايزاه. قربت أكثر وشددتها لي وأنا أشيل الفوطة من على شعرها عشان شعرها الجميل يتفرد قدامي. كانت ترتعش بتوتر وهي مخضوضة، أقدر أقول إني صدمتها. أخيرًا شفت تعبير تاني غير القوة والخبث. كنت مستمتع بالحالة اللي هي فيها، الذهول والصدمة.

حاولت تفك نفسها وتبعد عني بس أنا شددتها أكثر وأنا ألمس شعرها بلطف. -ابعد لو سمحت. قالتها بأدب فرفعت حاجبي اليمين وقلت: -الله، مش ده اللي كان نفسك فيه؟ إني أكون ملكك وألمسك؟ مش ده اللي كنتي هتموتي عليه؟ أنا أهو بقولك أنا هستسلم. عايزة إيه تاني؟!!! حسستها اتهزت بس بسرعة رجعت ملامح الخبث وهي تحط إيديها حوالين رقبتي وقالت: -أكيد يا روحي ده اللي كنت بحلم بيه من زمان. بس... رجعت لورا وهي تبعدني وتكمل:

-أنت كسرت قلبي بصراحة بسبب معاملتك وإنك بتجري ورا مرام، لازم أتأكد الأول إنك شيلتها من دماغك وبعدين هكون كلي ليك. رمشت وأنا أقول: -يعني إيه مش فاهم؟ أنتي بترفضيني؟ -يوه، هو أنا أقدر أعمل كده يا بيبي؟ قالتها وهي تضحك وبعدين قربت وهي تلمس خدي وتكمل: -أنا عايزة بس أضمن إني أنا اللي في قلبك. شاورت على قلبي وكملت: -وفي عقلك كمان وهي تشاور على عقلي. ده حقي يا كريم مش كده؟

اتنفست بضيق، طلعت أصعب مما أتصور، افتكرت إنها لما أقولها كده هتركع تحت رجلي. حاوطت رقبتي مرة تانية وقالت: -وعشان تثبت حسن نيتك معايا هتعزمني على دريم بارك دلوقتي وأنا موافقة مبدئيًا. -دريم بارك؟! قلتها بصدمة فهزت رأسها وابتسمت. ... بعد وقت طويل نوعًا ما. وقفت أنا وهي جنب بعض قدام دريم بارك، كانت تتنطط جنبي زي الأطفال الأشقياء وقالت: -يالا نركب قطر الموت. يالا. قالتها بحماس فبصيت لها بصدمة:

-عفوًا، أنا الجماعة دي تعود عليا أنا وأنتي. هزت رأسها بحماس فقلت وأنا أضحك بصدمة: -لا أنا النوع ده من الجنان لسه موصلتلهوش. روحي أنتي بالتوفيق يمكن تموتي ونخلص. ضحكت وهي تشدني وتقول: -يالا متبقاش جبان. ... بعد شوية. كانت تضحك وهي ماسكاني وأنا دايخ وقالت: -أنت طلعت جبان أوي. لا أنت عمرك ما هتكون زيي بتحب المغامرات. أنت واحد بتخاف على حياتك جدًا. -عشان عندي أهل تخاف عليا مش زيك؟ بهتت فجأة بس بسرعة رجعت لطبيعتها وهي

تمسك إيدي تاني وبتقولي: -مقبولة منك يا روحي. ... تاني يوم. -لا لا يا جدي. أنا سمعت كلامك لحد دلوقتي بس أكثر من كده أنا مش هعمل. حفيدك ده بيحلم لو فاكر إنه هيحط إيده عليا!! قالتها زهرة لهاشم اللي كان قاعد وحاطط إيديه على خده.