رواية عشق مذبذب الفصل الثالث عشر 13 - بقلم دنيا ثروت

مالك مفرحتوش؟ ليحور بضحك: ابلعي اللقمة يا مرات عمي، كدا تشرقي لاسمح الله. عبير بتبصلها بغل وبتشرب مياه. سالم بكل برود: ولحقت عملت كل ده إمتى؟ إبراهيم: أي اللي لحقت دي مراتي من حقها تطلب اللي هي عايزاه، ولا انت شايف إن مايا مرات عاصم أولى بكل حاجة؟ مايا كانت هتتكلم، عاصم مسك إيدها. سالم: أنا أشوف اللي عايزاه، مش مالي أتحكم فيه زي ما أنا عايز. إبراهيم: ودي مراتي أجيب لها اللي أنا عايزه. عبير: عملتلك إيه بنت الـ...

دي عشان تقف قدام أبوك عيني عينك؟ حور بتقوم بعصبية: متجبش سيرة أبويا على لسانك. إبراهيم يمسك إيدها ويتكلم بصوت واطي: اطلعي على الأوضة. حور بتبص في عينه كأنها بتقوله سيبني آخد حقي. إبراهيم: اطلعي على أوضك يا حور. حور طلعت. إبراهيم وهو بيحط عينه قدام أبوه وأمه: بحذركم كلكم، لو جوري نزلت منها دمعة هتبقى دمار على الكل، فاهمين؟

عاصم بيقوم بعصبية: أنت فاكر إنها متجوزاك عشان بتحبك تبقى عبيط، تلاقيها متجوزاك عشان فلوسك وعشان منصبك، أوعي تنسى إنك طبيب جراح. إبراهيم: أنت اللي شايف كده، دماغك كده وتفكيرك كده، جوري مش زيك تتجوز عشان فلوس يا عاصم بيه. سليم بصوت عالي: كفاااية، مش عشان حرمة تتخانقوا. إبراهيم اكتفى بنظرة ليهم كلهم وطلع فوق، قفل الأوضة وراه. إبراهيم: حور، البسي. حور بصت بنظرة استغراب. إبراهيم: أي، هنروح عشان تشوفي أختك؟

حور: هنقولهم إيه؟ إبراهيم: سهلة، هتروحي تشوفي بيتك الجديد. لبسوا ونزلوا. مايا: واخدها تشتريلها هدوم ولا إيه؟ هههه. إبراهيم وهو ماسك إيد حور بشدة: لا، وانت الصادقة، رايحين نشتري عفش لبيتها الجديد. أخدها وركبوا وطلعوا المستشفى. كان يزن قاعد مع الممرضة بيلعب، أول ما شاف حور جرى عليها بحب وباسها من خدها. يزن: خالتي حبيبتي، وحشتيني. حور بحب: وانت يا عيوني. إبراهيم راح عشان يسأل الدكتور،

راح لحور: هي في جلسة الكيماوي، نقعد لحد بليل معاها ونقدر ناخد الكتكوت ده معانا. في المساء. مايا: وإيه الغلط نكشف بكرة؟ عاصم: وأنا قولتلك مش عايز أكشف. بينزل وهو متعصب. مايا بتجري عليه: يعني اللي قالوه أخوك صح؟ مبيهتمش ويكمل نزول، بتمسك دراعه وتشده ليها: حرام لما أخلف منك يعني ولا إيه؟ الكل بيجي على صوتها، بتقرب عليه: ما يمكن المشكلة من عندي. عاصم ببرود وابتسامة: حلو، اكشفي انتي بقا، أنا مش عايز.

مايا: لا نكشف، انت مش عايز تكشف لي ها ها. عاصم بصريخ وكسر الكوباية: عشان عقييييم. بيتفتح الباب، يجري عليه يزن: بابا، بابا.