رواية عشق ولد من كبرياء الفصل التاسع 9 - بقلم ملك الكفراوي

فتحت مريم الباب لتتفاجئ بشخص يقف أمام الباب. مريم: انت بتعمل إيه هنا؟ عمر بانتباه: .. مفيش.. أصل.... جالي تليفون مش أكتر. مريم بهدوء: تمام. هبت بالمغادرة ولكنها توقفت على صوته. عمر بشرود: هو إنتي كدا إزاي؟ مريم بانزعاج: نعم! كدا إزاي يعني؟ عمر: طريقة كلامك حلوة أوي وصوتك وشكلك وحنيتك على البنت اللي كانت جوه دي. مريم بعصبية: متحترم نفسك يا أستاذ في أي إنت عارف إنت فين؟

ثم تابعت ببرود: وبعدين إنت كنت متابع بقا من بدري ولا إيه؟ عمر بعصبية: أنا محترم غصب عنك وأنا عارف أنا فين كويس. ثم تابع: آه كنت متابع من بدري عندك اعتراض؟ مريم بهدوء: أيوا عندي اعتراض لإن مش من حقك تقف عند غرفة مريض وتسمع الحوار كمان. لم ينتبه عمر إلى كلماتها هذه ولكنه تاه في خضرة عيناها. مريم: يا أستاذ ممكن أعرف حضرتك مين؟ قاطعهما دخول مالك الذي أردف: في إيه يا مريم بتزعقي ليه؟

مريم بعصبية: الأستاذ مش محترم المكان اللي هو فيه وبيقول كلام غبي وكمان كان واقف ورا الأوضة دي. نظر لها عمر بهيام شديد فأردف بابتسامة رائعة: اسمك حلو أوي بجد. مالك بعصبية: إيه يا أستاذ في إيه حضرتك إنت عارف إنت فين وبعدين إنت إزاي تتكلم معاها بالطريقة دي ومين حضرتك؟ عمر ببرود: أولًا الكلام مش ليك... ثانيًا أنا عارف أنا فين... ثالثًا أنا أتكلم براحتي... رابعًا أنا عمر الأدهم. مريم باشمئزاز: يعني إيه عمر الأدهم؟

عمر بعصبية: عمر اللي يقدر يرفضك من شغلك ده وحالِك. مريم بهدوء: أنا قدامك أهو... عايزة أعرف هتقدر ترفضني إزاي. عمر ببرود: لا حابب أشوفك كمان شوية. مالك بعصبية شديدة: إيه يا أستاذ متحترم نفسك شوية إنت شايفها إيه؟ عمر ببرود: أنا هحاسبك بعدين على الطريقة دي. فأما بالنسبة لـ أنا شايفها إيه فأنا شايفها ملاك ومفيش زيها. سدد له مالك ضربة في وجهه جعلت أنفه ينزف الدماء. عمر بعصبية: أنا هعرفك إزاي تعمل كدا ي ******

قام عمر بضربه حتى كاد أن يفقد الوعي. مريم صراخ: سيبه بقااا. لم ينتبه لها وظل عمر يضربه بشدة حتى منعته يد مريم وهي تمسك بيده. مريم: لو سمحت اتفضل اطلع برااا وإلا هطلبلك الأمن. عمر بعصبية: هربيهم. مريم: متقدرش تعملي حاجة. عمر: ليه بقااا يا جميل؟ كانت مريم ستصفعه على وجهه لكنه أمسك بيدها بشدة. مريم بألم: س.. سيب إيدي. عمر: مش أنا اللي بنت تمد إيدها عليااا. ثم نظر لمالك: وانت حسابك معايا بعدين. مريم بألم: ااااه.

ترك عمر يدها حتى كادت أن تقع على الأرض. تركها وذهب وهو في قمة غضبه حتى أنه نسي أمر محمد أخوه. مريم بلهفة: إنت كويس؟ مالك: أه. مريم: طب قوم تعالي أعقم لك وشك ده. مالك بتعب: تمام. قام مالك وحاول أن يذهب معها ولكنه لم يستطع من الدوار الذي يشعر به. مريم: حااول امشي بس. مالك بابتسامة: خايفة عليا؟ مريم: أكيد لأ... لتسكت فجأة. مالك: هااا كمل. مريم بهدوء مخادع: لا بس إنت حصلك كدا بسببي. مالك: تمام. **************************

أما أمام غرفة ملك. محمد: هااا سجل الكاميرات فين؟ وليد: أنا طلبت من الأمن يبعته. محمد: تمام. ثم تابع محمد بحذر: هي مفيش ليها أي أعداء أو حتى حضرتك ليك مشكلة مع حد ممكن يخلصها فيها هي؟ وليد: معتقدش إن دا يحصل. ملك مش بتأذي حد. التفت وليد ليتفاجأ بوجود رانيا خلفه. وليد: إنت هنا من إمتى؟ رانيا بصدمة: ملك فين يا وليد؟ وليد بقلق: هااا.. ملك موجودة.. موجودة يا رانيا. رانيا ببكاء: بنتي فين يا وليد؟

محمد: اهدي يا مدام حضرتك متوترة ليه؟ ملك موجو..... ليقاطعهم صوت الممرضة. الممرضة بخوف شديد: دكتور وليد أنا لمار الممرضة اللي نقلت الدكتورة ملك أوضة ٣١٥. رانيا بصدمة: إيه؟ وليد بهدوء: هنااا..... ملك كويسة. محمد للممرضة: روحي إنتي الوقت. رانيا ببكاء: ملك فين؟ وليد: هقولك بس اوعديني تهدي علشان صحتك وعلشان ملك. رانيا بخوف: اوعدك.. اوعدك. وليد: في الأوضة دي.

اتجهت رانيا إلى الغرفة مسرعة لتتفاجئ بها. دلفت الأم إلى الغرفة بخوف كبير وبمجرد أن رأت ملك تعتلي الفراش حتى بدأت في البكاء لتردف بخوف: مالها.... حصلها إيه؟ وليد: اهدي هي كويسة. رانيا ببكاء: مالها يا وليد أنا أصلًا مكنتش مطمنة لما إنت كلمتني. اتجه إليها وليد ليردف: كويسة والله ضعف غذائي مش أكتر. رانيا ببكاء: طيب هي نايمة إيه وإيه كل الأجهزة دي؟

نظر محمد إلى وليد الذي كان في حيرة من أخبارها بأمر أنها كانت هدف لتقتل من شخص ما. جاهد وفي النهاية أردف: خلاص يا رانيا هي كويسة ولازم ترتاح الوقتي... وهي نايمة علشان المجهار. رانيا: إنت بتقول الحقيقة صح.... يعني ملك كويسة؟ وليد بهدوء: كويسة والله... تعالي برا عشان ترتاحي بقاا. رانيا بخوف: طيب أطمن عليها بس. وليد: اطمني مش هسيبها.. دلوقتي يلا عشان ترتاحي بقا. رانيا بخوف: ماشى.. بس خلي بالك منها. وليد: أكيد يا رانيا.

خرجت معه بالخارج لتردف بحزن: ليه خبيت عليا يا وليد؟ وليد بهدوء: عايزاني أقولك إيه وإنت دايما بتمنعيني بسبب اللي بتعمليه.. المستشفى كلها سمعت صوتك يا رانيا. رانيا: يعني مستكتر عليا صوتي يعلي لما أشوف بنتي وهي في الحالة دي. وليد: خلاص يا رانيا يلا عشان تروحي. رانيا: مش همشي يا وليد.. هفضل لحد ما هي تقوم. وليد بحدة: يلا يا رانيا. رانيا: أطمن عليها بس والله. وليد: هترجع النهارده بإذن الله... يلا.

ومات له رانيا بعد إلحاح كبير منه. وبالفعل أمر أحدهم بأن يوصلها. ظلت تدعو الله كثيرًا أن يحفظ ابنتها.