رواية عشق صعيدي الفصل الحادي عشر 11 - بقلم سيليا البحيري

أسد واقف مندهش من ابنه اللي تقبل زينه دون عن أي مربية جابها له. مسك فونه وكلم حد. أسد: يزيد عايزك تعرفلي مكان دكتوره صوفيا اللي كانت إيمان اللي يرحمها بتابع معها، وحاجة كمان عايز اعرف كل حاجة عن زينه الزهراوي وجبل العزايزي. يزيد صاحبه: ماشي يا أبو نسب. أسد يرفعه حاجب: إيه أبو نسب دي؟ يزيد: بص هو مينفعش في التليفون، بس أنا عايز أطلب إيد أختك طيف. أسد: وانت شوفت طيف فين؟

يزيد: بقولك إيه، جو الصعيدي اللي جواك دا مش عليا، اختك المستشفى كلها عارفه. أسد: على العموم هي هترجع ألمانيا كمان كم ساعة من المؤتمر الطبي بتاعها. يزيد: بقولك إيه، هاروح أجيبها من المطار أصلها وحشتني أوي. أسد: واد انت احترم نفسك دي أختي. يزيد: بحبها يا ناس بقالي أربع سنين بقولك بحبها. أسد: على فكرة أنا مش موافق عشان أنا أكتر واحد عارف بلاويك. يزيد: توبت على إيد اختك، جوزني بقي. أسد: نفذ اللي قولتلك عليه. *** في مصر.

جبل بصدمة وغضب مكتوم: مراد صاحبي ونهى اللي كنت بعشقها! رعد باسف: أقولك الصراحة يا جبل ومتزعلش، وانت عارف أنا بعتبرك أخويا مش صاحبي ولا إني دراعك اليمين، بس. جبل دموعه نزلت من عينيه باسف على أنه ضايع من إيديه زينه وعايش مع خاينة. جبل: قول يا رعد.

رعد: انت اللي سبت الحبل لنهى على الآخر، خروجات فسح، لبس ميلقش بمرات جبل العزايزي، وربنا يعلم إني عمري ما بصتلها بصه كدا ولا كدا. شوف مدام زينه أدب وأخلاق وتدين، لازم تلحق زينه وترجعها. هي في الأول مش هتسمحك، بس اللي زي مدام زينه قلبها أبيض. جبل: عندك حق، أنا اللي سبت لنهى الحبل، بس أنا كنت بحبها، مكنتش أعرف إن حبي ليها هيوصلها للخيانة. بس و"رح"مة أبويا لدفعها تمن غالي أوي. اسمع اللي هقولك عليه وتنفذه.

رعد بصدمة: متأكدة؟ جبل: دا اللي نهى تستاهله، ودا عقاب خيانة جبل العزايزي. *** عندما رأيتها بات قلبي يستخبرني. كيف لشخص بهذا النقاء أن يكون إنسانًا؟ كيف لها إلا تتحول إلى لحن موسيقى أو قطعة حلوة من حلوى الجنة يتهاتف إليها جميع البشر. *** في ألمانيا. زينه نيمت أسر (ابن أسد) ، وبذات تتمشى في القصر وهي مش فاهمة إزاي هي ممكن تكون مخطوفة وتتعامل بالطريقة اللطيفة دي. واتأكدت أن أسد دا شخص متفهم مش زي جبل. في المطبخ.

زينه: لو سمحتي، هو أستاذ أسد هيوصل إمتى؟ الخدمة باحترام: لا أعرف سيدتي، هو كان هنا منذ قليل ولكنه رحل. زينه: هو إيه الأكل الغريب دا؟ قالتها زينه وهي تشير على الأطباق بنوع من الاستغراب مع الرغبة في التق"يؤ. الخادمة: إنها أصناف نصنعها هنا في ألمانيا. زينه: مبتعملوش أكل غير دا، قصدي يعني أصناف عربية؟ الخادمة: أنا من كندا وأصدقائي هنا من ألمانيا، لا نعرف كيف نصنع الأكل العربي.

زينه: تاب خدي الأكل دا ابعديه خالص، أقولك اديه للحرس بتوع الفيلا. الخادمة: ولكنه طعام سيد أسد. زينه: متقلقيش، أنا هجهز الأكل. راحت ناحية التلاجة وخرجت فراخ وبدأت تجهز الأكل. بعد ساعتين، أسد وصل الفيلا وشم ريحة أكل جميلة، فكرته بأكل إيمان اللي كانت دايما تجهزه له. استغرب ودخل المطبخ. زينه واقفه بظهرها، لابسه بلوزة زرقاء وبنطلون أسود واسع طويل، مديلها منظر جذاب، وطبعًا لابسه حجابها. أسد بشيء من الحدة: بتعملي إيه هنا؟

زينه بتلف بصدمة، الطبق وقع من إيديها انكس"ر. زينه بخوف: آسفة. أسد مسك إيديها بقوة، خليها تبكي. زينه: آسفة، مكانش قصد. ساب إيديها وهي طلعت تجري من قصاده. أسد غمض عينه وهو مش فاهم هو عايز إيه، وباصص على الأرض لقى دم. مشي ورا الأثر لحد ما وصل لأوضة زينه، كانت بتعيط بقوة وهي حاطة رجليها على الكرسي وتحاول تنضف الج"رح. أسد دخل وحس إنها صعبانة عليه. زينه نزلت رجليها بسرعة وخوف: والله هقوم أنضف مكان الدم بس. أسد

باستغراب من طريقة تفكيرها: تنضفي إيه؟ ارفعي رجلك. زينه هزت رأسها بمعنى لا. أسد: بقولك ارفعي رجلك. زينه: ليه؟ أسد بغ"ضب من نفسه: هنضفلك الزفت. زينه: مالكش حق تلم"سني. أسد مسك كتفها بقوة: واديني لمس"تك، ارفعي رجلك بدل ما أخلي جسمك كله ين"زف. زينه بدموع و"وجع: كنت تقبل أن حد يلم"س مراتك كدا غيرك؟ أسد سابها وخرج من الأوضة وهو متضايق، هو فعلا لو حد قرب من إيمان كان بيكس"رها.

زينه قعدت نضفت جر"حها وربطته، وراحت على السرير وقعدت تعيط بخوف و"وجع وإحساس إنها نفسها تشوف جبل، نفسها تحضنه وتض"ربه وتقوله كل اللي بيحصل دا بسببك، يارتنا مشوفنا بعض. أسد نزل لقى الخادمات جهزوا السفره، قعد ياكل، وأول ما بدأ ياكل افتكر إيمان، وفعلا طبخ زينه جميل جدًا، فيه ريحة مصر وريحة الأحبة. أسد للخادمة: زينه أكلت حاجة؟ الخادمة باحترام: لا سيدي، فهي كانت مشغولة بتجهيز الطعام. أسد: تاب جهزي ليه الأكل وأنا هطلعهالها.

ثم تابع لنفسه: بس و"رح"مة أمي لو كان ليها يد في مو"ت إيمان، لاخليها تند"م على كل لحظة عاشتها. في أوضة زينه. أسد خبط ودخل. زينه كانت في الحمام، خرجت كانت بتلم شعرها ديل حصان واصل لآخر خصرها بمنظر طفولي مع وشها الأبيض، وبتسند على أي حاجة عشان مش عارفة تتحرك. أول ما شافت أسد، وافق بيبص للشك"له، وفي شبح ابتسامة على وشه. اتخضت وبقت ترجع لورا، ولسه هتقع. أسد حاوط خصرها بإيديه.

زينه بصت له بمعنى: أنا ماليش ذنب في مو"ت إيمان. وهو بقى يبصلها وكأنه بيقول: انتي بتفكريني بيها، بالرغم إن شكلكم مختلف، روحكم فيها حاجة واحدة. زينه باحراج: لو سمحت. أسد واقفها وسأل إيديه من على خصرها، وهي بسرعة جابت الحجاب حطيته على شعرها. أسد: احم، العشا بتاعك، وشكراً لأنك تعبتي نفسـ. زينه: هو انت إزاي كدا؟ أسد بعدم فهم: إزاي إيه؟ زينه: يعني بتعاملني كويس ساعات، وساعات بتبقى مختلف تمام، وعايز تنت"قم مني.

أسد: ولو عرفت إنك ليك يد في مو"تها، هند"مك يا بنت الزهراوي. *** في الطابق الأول. تدخل فتاة وسط ترحيب الكل لها. طيف الرشيدي. ٢٥ سنة. دكتورة. شعرها بني قصير. عيونها بنية غامقة. طيف بصوت عالي: أسددددد! أسسسسسدددد! زينه وأسد سمعوا صوتها من تحت، جرى عليها. طيف طلعت تجري عليه أول ما شافته وحضنته جامد. وزينه واقفه وراه مبتسمة. أسد: وحشتيني يا مجنونة.

طيف بغيظ: متقولش بس مجنونة. وبعدين بعتلي المتخلف اللي اسمه يزيد المطار ليها. أسد: الواد طلب إيديك يا أختي. طيف ابتسمت بداخلها، ولكنها تنوي أن تعلمه الأدب. طيف: وأنا مش موافقة. أسد: على فكرة الواد بيحبك واتغير عشانك. طيف: وأنا إيش ضمني إنه ميرجعش للصرمحة تاني؟ لا يا خويا فوكك منها. وبا مين القمر دي؟ أسد بص لزينه: دي ضيفة هتقعد يومين لحد ما نشوف هنعمل إيه معاها. طيف بعدم فهم ولا مبالاة بكلم أخيها: ازيك يا قمر؟ أنا طيف.

زينه: أهلاً، اسمي زينه. طيف: وانتي بتدرسي إيه بقى يا زينه؟ زينه: في تالتة طب. طيف: أنا لسه متخرجة من كلية الطب الحمد لله، سبع سنين من رحلة العذ"اب. زينه: أنا دفعة الخمس سنين، وما أدراك بعذ"اب دفعة الخمس سنين. الدراسة هتبدأ كمان أسبوعين. ثم تابعت لنفسها: ياترى هرجع الكلية ولا إيه اللي هيحصل؟ يارب أنا تعبت. أسد سابهم وراح أوضته. طيف: تعالي بقى نتكلم بدل القعدة مع هولاكو دا. احكيلي بقى إيه حكايتك مع أسد.

راحوا الأوضة وطيف وزينه اتكلموا عن حاجات كتير جدا، وزينه حكتلها عن جبل وعن حكايته مع إيمان. طيف: بقي استحملتي كل دا؟ زينه: قدري ومكتوب عليا. احكيلي بقى عن نفسك، انتي بتحبي ولا لأ؟ طيف: بصي، أنا معجبه بيه، بس هو بتاع بنات، هو يبقى يزيد صاحب أسد، مهندس شغال معاه. زينه: طب هو ممكن يكون اتغير؟ طيف: معرفش، بس خايفة يا زينه، خايفة أثق فيه وأديله قلبي، يرجع للصرمحة تاني. زينه: بس اللي بيحب بيكتفي بواحدة بس.

وهنا افتكرت جبل وقالت: جايز عشان كدا محبنيش وفضل يحب نهى. طيف: أنا عايزة أتأكد إنه بيحبني. زينه بابتسامة خبيثة: لو غار يبقى بيحب. طيف بصتلها وبدلتها الابتسامة وقعدوا يخططوا ليزيد. *** في صعيد مصر. جبل بخبث: أيوه يا نهى يا حبيبتي، عايزك تجهزي، هنتعشى بره. نهى بفرحة إنه نسي زينه ورجع جبل القديم: بجد يا جبل؟ ثواني وأجهز. وراحت لبست فستان أسود واصل للركبة. جبل طلع الجناح بتاعهم لقى نهى مستنياه.

جبل بمكر: إيه الجمال دا كله؟ نهى: يعني عاجبك؟ جبل: طبعًا. واخدها ونزل وخرجوا من الثرايا. تحت أنظار نور الغا"ضبة من تصرف أخيه، ولكنها لا تعلم شيئًا. في أوضة نور. نور بحب: الوا إيه يا مالك؟ مالك بابتسامة: إزيك يا آنسة نور؟ نور: الحمد لله. عرفت حاجة عن زينه؟ فات أسبوع على اختفائها. مالك: للأسف مفيش أي أثر ليها جوه مصر. نور: تقصد إيه؟ مالك: مش عارف يا نور، بس حاسس إنها بعيدة جدًا عننا. نور: أكيد هي بخير.

مالك: هو جبل عرف حاجة؟ نور بغيظ: معرفش. المهم يعرف الحقيقة. اللي بيسأل فين سامر بقوله اللي جاي تقيل، متستعجلوش يا قلبي. لا تتألم، سيأتيك باكيا، وقتها اتركه يند"م قليلا، ثم فكر أن كنت ستقبل أن تعود أم لا. *** في صعيد مصر. جبل بخبث: تعرفي إنك وحشاني أوي يا نهى. نهى بمياعة: عشان كدا كنت بتبات في أوضة زينه. جبل بغ"ضب

مصطنع: متجيبيش سيرتها، دي واحدة خا"ينة، وأنا هعرف أعلمها الأدب وأعلمها مين هو جبل العزايزي. أصل خيانة جبل العزايزي مش بسهولة. قالها بنبرة قوية جعلتها تبلع ريقها بصعوبة. نهى: كنت خايفة تحبها وتنساني، أنا اللي عايشة عشانك. جبل: انتي بتقولي إيه يا قلبي؟ هو أنا أنسى إنك عايشة معايا؟ وانتي عارفة إني مبخلفش، ولا أنا بخلف وانتي... نهى كانت بتشرب ش"ر"قت. نهى: انت بتقول إيه يا جبل؟ انت إزاي تفكر كدا؟

إحنا عملنا تحليل والمشكلة منك انت. جبل: طبعًا يا حبيبتي، وعشان كدا محضرلك مفاجأة. ثم تابع لنفسه: معقول كنت غبي كدا يا نهى؟ حتى الخلفه كمان حرماني منه وانتي السبب، ومعيشاني خمس سنين حاسس بالذ"نب ناحيتك. تاب ليه: يابنت عمي، ليه بس؟ و"رح"مة أبويا، هعلمك الأدب، هخليكي تعرفي إنك لعبتي بالن"ار. نهى: سرحت في إيه يا حبيبي؟ جبل بتو"عد: فيكي. نهى: طيعانة. إيه بقى المفاجأة وسر الخروجة دي؟ جبل: استنى بس، المحامي جاي دلوقتي.

نهى: محامي! ليه؟ جبل: المصنع اللي في الناحية الشرقية هكتبه باسمك. نهى بصدمة وطم"ع: انت تقصد المصنع الكبير؟ جبل: أيوه، أنا ليا غيرك، انتي اللي مخلصة ليا ومقدرة حبي. بعد شوية المحامي وصل. نهى مضت على طول من غير ما تفكر. وهنا ابتسم جبل بش"ر وتو"عد. جبل بحدة: كدا تمام يا متر، اعمل اللازم. المحامي: تمام يا جبل بيه. المحامي مشي وسابهم. فجأة جايه لنهى رسالة من مراد، خليتها تخاف جدًا وتتوتر. مراد: إزيك يا قطة؟

فرحانة بالمصنع اللي كتبهولك؟ متفرحيش أوي كدا، لآني هبعت لجوزك المحترم فيديوهات وانتي في حضني وفي سريري. أه نسيت أقولك، أنا كنت بصورك، والا تكتبيلي المصنع باسمي وأنا أسيبك في حالك. نتقابل بكرة في مكاننا المعتاد. هتسألي عرفت منين حكاية المصنع؟ هقولك من المحامي. باي يا مزة. جبل بخ"بث: في حاجة يا حبيبتي؟ نهى بتوتر واضح جدًا: لا ابدا يا حبيبي. جبل جاله اتصال وخرج. رعد: تم هك"رت تليفونه وبعت الرسالة.

جبل: تسلم. وبعدين من غير ما تتصل، واضح عليها، هكلمك تاني، بس راجع كل حاجة زي ما هي، عشان دلوقتي جه دوري. رجع الترابيزة. ونهى قاعدة خايفة ومتوترة جدا. جبل: انتي كويسة يا روحى؟ نهى: اه اه، هاروح التواليت. جبل: طبعًا اتفضلي. مسك موبايلها وبعت رسالة من عليه لمراد: إزيك يا بيبي؟

صحيح أنا مش هاجيلك تاني، وهقول لجبل على الفلوس اللي انت اختل"ستها من الشغل معاه، وانت عارف المبالغ دي قد إيه، تخليه يسج"نك. وأنا أبقى الملاك البريء، ولو قالي عرفتي إزاي هقوله: في فاعل خير كلمني، وقالي، وانت عارف تأثيري على جبل العزايزي. ومسحها وحطه مكانه. *** عند مراد. في الكافتيريا. امسك فونه واتع"صب جدًا. مراد: بقي كدا يا بنت العزايزي؟ صدقيني هخل"ص عليكي قبل ما تفكري، بس د"مريلي كل اللي عملته، بس بهدوء.

بعت رسالة لنهى: تمام يا حبي، نتقابل بكرة في مكاننا المعتاد ونخلص كل الحسابات اللي بينا. *** لينتهي اليوم بكل أحداثه ويبدأ يوم جديد بأحداث جديدة وبداية مختلفة. *** في ألمانيا. في مستشفى خاص. يدخل يزيد وهو يحمل بوكيه ورد لطيف من الورد الأبيض والأحمر، ويبحث بعينه عن تلك المجنونة اللي أحبها. طيف شافته من بعيد ابتسمت وقلبها بيدق جامد، بس مع ذلك خايفة. بدأت تفتكر كلام زينه اللي بيحب بيغير. راحت وقفت مع دكتور زميلها مصري.

طيف: ازيك يا دكتور شريف؟ شريف: الحمد لله، أهلاً طيف. طيف: الحمد لله، إيه رأيك ناخد قهوتنا في الكافتيريا؟ شريف استغرب لأنه طلب منها كتير وهي عاملة زي اللط"خ بترفض. مشت معه وراحت الكافتيريا وهي بتبص على يزيد اللي بيدور عليها. وأول ما لمحها ديرت وشها وبدأت تتكلم مع شريف. طيف: بس انت لطيف جدًا يا شريف. شريف استغرب ولسه هيحط إيديه على راسها يشوفها سخنة ولا إيه. يزيد بغ"ضب: بوكس في وشه! إزاي تتجرأ تلم"سها؟

طيف بتحدي: وانت مالك؟ كنت أبويا؟ أخويا؟ خطيبي؟ جوزي؟ وراحت ناحية شريف وهي هتطير من الفرحة جواها. طيف بابتسامة جعلت من يزيد شخص آخر غا"ضب: انت كويس يا شريف؟ يزيد راح بسرعة ومسك طيف من دراعها بقوة وسط نظرات كل اللي في الكافتيريا من زمايل طيف ومرضا. يزيد: عايزة تعرفي أنا أقربلك إيه؟ جوازك وكتب كتبنا آخر الأسبوع. طيف: إن... اه... نزلني يا مجنون، نزلني. يزيد شابها على كتفه وخرج بيها من المستشفى وسط همس كل اللي شافوهم.

طيف: نازلني يا مجنون، نازلني. يزيد بغيره: اخرسي خلاص. *** عند أسد. جيله رسالة من يزيد بمكان الدكتورة صوفيا، قام خرج بسرعة. زينه صحيت، صلت فرضها وقرأت وردها من القرأن. وأول حاجة جت في بالها هو أسر، راحتله أوضته. زينه: يخرابي على الجمال يا قمر. ثم تابعت بحزن: إيمان ضح"يت بحياتها عشانك، يارب تكون الأفضل والأحسن على الإطلاق. بعد فترة. في عيادة صوفيا. صوفيا باحترام: أهلاً أسد بيه.

أسد: دكتورة صوفيا، أنا عايز أسألك على حاجة بخصوص إيمان، الله يرحمها، وتجوبيني بصراحة. صوفيا: اتفضل. أسد: إيمان حالتها كانت تسمحلها بالخلفة والولادة؟ صوفيا راحت قعدت على كرسيها باسف وتنهدت بحزن. صوفيا: للأسف لا. حالة قلبها لم تكن تتحمل ذلك، وكان هناك احتمال كبير أن تم"وت أثناء الولادة، وكذلك الطفل. يبدو أنه دكتور ذكي جدًا من قام بتلك العملية لها. أسد: انتي بتقولي إيه؟ وإزاي مبلغتنيش إن إيمان كانت تعبانة؟

صوفيا: إنها رغبة إيمان، كانت تحبك وتحب ذلك الطفل. أرادت ألا تخبرك، وأيضًا أتذكر أنها قالت إنها ستسافر لمصر وتنجبه هناك. أنا آسفة سيد أسد. أسد ا"نه"ار ونزل بسرعة، ركب عربية بصدمة وحزن و"وجع. ***

يالي فرقت الدنيا كان بدري الوداع. وطلعت فوق بعيد عن الز"يف والخد"اع. وحشني يا طيب يا أرق من الملاك. فاكرك وفاكر قد إيه اتهنيت معاك. وكنت أتمنى يكون عمري فداك. ودلوقتي بحلم بس أعيش لحظة معاك. أههههه اهههه. يلي مشيت من غير ما حتى نقول سلام. هفضل على عهدك كأني معاك تمام. مين اللي قال البعد بينسي الحبايب؟ تعالي شوف حبي وشوف قلبي اللي دايب. *** في مكان ما على ضفاف نهر الأودر يقف أسد وقد أطلق العنان لدموعه.

أسد بصوت عالي ودموع: ليييييه؟ ليييييه يا إيمان؟ جالك قلب تعملي فيا كدا؟ لييييييييييييههههههه؟ أنا حبيتك، ليه أنانية كدا؟ مكنتش عايز أطفال، كنت عايزك انتي، حبيتك انتي. تفتكر هحب الطفل وأنا عارف إنه سبب مو"تك؟ ليه؟ سقط أرضًا وكأن كل حصونه قد انهارت. أسد: أنا مكنتش عايز غيرك، قلبي مش عارف يتقبل حد غيرك.

تاب ليه: مش قادر أنساكي، ارجعلي لحظة واحدة أقولك فيها أنا بحبك قد إيه، أحضنك لآخر مرة، أوعدك. انتي كمان أخدتي مني الحق دا، أخدتي مني حق إني أعيش معاكي آخر أيامك. سافرتي بكل أنانية وسبتيني لوحدي. بحبك يا إيمان، وحبك مش مجرد حب، دا عشق خارج حدود السيطرة. عشق انتي حفرتيه في قلبي. مسح دموعه وقام. *** عند طيف ويزيد. في عربية يزيد. طيف: ابعد عني يا يزيد عشان أنا بك"رهك، بك"رهك، افهم بقى يا أخي. يزيد بيقرب

منها وهي بتبصله بنبرة: و"رب"نا بحبك، بس انت ملكش أمان. يزيد: عينك بتقول إنك بتحبيني. طيف: لا، يبقى لازم نرجع المستشفى تاني، في دكتور عيون كويس هناك. أه صحيح، شريف دكتور عيون، تعالى نرجعله. يزيد بغيره عامية مسك ذراعها بقوة: شريف، و"رب" الكعبة يا طيف، اسم راجل تاني يجي على لسانك هقط"عهولك. طيف تتحدى: متقدرش. وبعدين انت محموق ليه؟ واحدة بتحب واحد، انت مالك يا أخي؟ أنا بك"رهك، ابعد عني.

يزيد: يعني دا آخر كلام عندك يا طيف؟ طيف: أيوه. يزيد بحدة: انزلي. طيف: افندم. يزيد بز"عيق: بقولك انزلي. مل"عون قلبي اللي حبك. من هنا ورايح مش هتشوفي خل"قتي. طيف: يزيد أنا... يزيد: انززززلي. طيف نزلت وهي بتلوم نفسها على الطريقة دي، بس هي بتحبه. أيوه، يقسم قلبي أنني أعشقك، ولم أعرف العشق سوا معك. أحب اهتمامك بي، ولكن يبدو أن السحر انقلب على الساحر. *** أسد رجع القصر.

لقى زينه قاعدة في الجنينة وماسكة ورقة وقلم وبتترسم ملامح شخص بدقة. أسد بصوت مد"بوح: دا حبيبك؟ زينه دمعة نزلت من عينيها: دا ماضي لا يمكن يرجع. أسد اغ"مي عليه. زينه بخضة جريت عليه: أسد فوق، انت كويس؟ جريت على البوابة نادت الحرس. ساعدوا أسد يطلع أوضته. زينه لقيت حرارته مرتفعة، بدأت تعمله كمادات. أسد بهلو"سة: العشق دا أسوأ شي. زينه: عندك حق، العشق هو ك"سر"ة قلب. *** في صعيد مصر...

لا لسه متقلقوش، اللعبة لسه في أولها. زينه، زينه وجبل وأسد في متاهات كتيرة لسه هتقابلهم. طيف ويزيد: العند هيوصلهم لسكة مسدودة. نهى ومراد: هيع"اقبوا نفسهم بنفسهم. نور ومالك: بداية عشق صعيدي. سامر لسه عايش مع جنون العشق. متاهات كتير لسه.