رواية عشقت جميلة الصعيد الفصل الخامس 5 - بقلم هاجر محمود

كانوا يجلسون في مطعم. دهب بضيق: "بعد إذنك، خلص عشان عايزة أمشي." عمر بمكر: "طب مدّي إيدك وكُلي." دهب بكبرياء: "قلت لك شكرًا، مش عايزة." وأصدر بطنها صوت العصافير، لتنظر له بإحراج. عمر: "بطنك لها رأي تاني. كُلي متتكسفيش، أنا زي جوزك يعني." دهب بتأفف: "ملكش فيه، مش عايزة أطفح." عمر بلا مبالاة: "براحتك." ثم تابع بأسف: "آسف إني وصلّت لك إحساس إنك سلعة، بس ما كانش قصدي ده."

دهب بسخرية: "عيلتي محسساني إني كده، مش هتيجي من الغريب." عمر: "بس أنا مش شايفك كده." دهب: "يمكن مش شايفني كده، بس اللي عملته حسسني بده يا بشمهندس." كاد أن يرد عليها، جاءت فتاة إليه. الفتاة: "والله يا عمر بقى، هي دي اللي مش بترد على تليفوناتي بسببها؟ ونظرت لدهب بقرف. "هايدي." عمر ببرود: "ما كنتش فاضي يعني يا هايدي." هايدي بزعل: "أنت زعلان مني صح؟ عمر ببرود: "لأ مش زعلان، هزعل ليه؟

وآه، أقدّم لك يا هايدي المدام دهب مراتي هاااا." هايدي بصدمة: "مراتك؟ إزاي؟ أنت إمتى اتجوزت؟ عمر: "إمبارح والله، نسيت أعزمك معلش بقى. هنمشي أنا وحبيبتي." أمسك بكف يدها وخرجا وسط أنظار هايدي المشتعلة. دهب باشمئزاز: "أنت إزاي تمسك إيدي كده؟ سيبهاا! عمر: "سبتها أهو يا أختي، ليكونش ماسك إيد الكونتيسة وأنا معرفش." دهب: "لأ يا بابا، أحلى من الكونتيسة وحياتك." عمر بغمزة: "في دي أنت معاكِ كل الحق يا جميل."

دهب تداري خجلها: "واضح إنك شخصية هوائية." عمر: "يعني كله بيقول كده. تعالي يلا نروح للصايغ." دهب: "ما كانش له لازمة على فكرة، كده كده هنتطلق." عمر: "ده حقك، وبعدين متضمَنيش الظروف، مش يمكن نحب بعض." دهب باستهزاء: "أنت والحب! وأحبك أنت! ابقي غطيها وأنت نايم يا عسل." عمر: "على فكرة، ممكن أخليكِ تحبيني في ظرف يومين." دهب: "خليك واقعي، أنا مش زي البنات اللي تضحك عليها بكلمتين يا بشمهندس."

عمر: "أممم، طب اركبي يلا الأتوبيس ده، يلا يا ماما." *** عند هايدي كانت ترن على أسر بضيق. هايدي: "ألو أسر، أنت ما قلتليش ليه إنه اتجوز؟ أسر ببرود: "بقولك إيه يا هايدي، اقفلي متعصبينيش." هايدي: "أسر، أنت عارف إني بحبه، معرفتنيش ليه إنه بيتجوز؟ أسر بعصبية مكتومة: "هايدي، مش فايق لك أنا تعبان وكنت بنام." هايدي: "ابن خالتي بالاسم يلا بس! أسر: "ماشي سلام." وقفل الخط. هايدي بغيظ: "حتى ده كمان! هو ما حدش طايقني ليه؟ ***

بعد وقت طويل، كانوا يجلسون في منزل عبد الحميد. فرح: "شكرًا يا أخوي على اللي عملته مع بنتي." عبد الحميد بابتسامة: "أنا بس نفذت أمر أمي يا مرات أخوي." سيلين بضحك: "لحد دلوقتي مش مصدقة إنها اللي قالت لك تعمل كده." علي بدهشة: "ولا أنا والله. أمي أنا روحت لها قلت لها تكمل، قالت لي روح نام." سيلين: "بجد يا بابا، أنت كنت فعلًا عايزني أكمل؟

علي بحنان: "أكيد، أنا ما زعلتش إنك كملتي تعليمك، زعلت بس إنك خبيتي وروحتي مكان لوحدك. لو كنتي عرفتيني كنت جيت عشت هنا معاكِ لحد ما تخلصي." سيلين احتضنته بدموع واعتذرت منه. عبد الحميد: "أهو عمر جه هو ودهب." عمر: "السلااااام عليكم يا أهل البيت." رددوا جميعًا السلام. سيلين: "بت يا دودا، الخاتم تحفة أوي." فرح بانبهار: "أيوه والله جميل أوي." دهب بخجل: "شكرًا." عبد الحميد: "الواد ده ضايقك في حاجة وأنتِ جاية؟

بصّي، هعلّقهولك هنا على المروحة." ضحكوا جميعًا عليه بينما تذمر عمر. عمر: "إيه يا حميدو، ما تخليك محضر خير بقى! عبد الحميد: "بطمن على بنتي ياااض." عمر: "اطمن يا خويا، أنا داخل أغير هدومي." دهب بهمس: "خالتي فرح، هو إحنا هنمشي إمتى؟ الوقت اتأخر." عبد الحميد سمع همسها: "لأ يا حبيبتي، ما حدش هيتحرك من هنا النهاردة. وبعدين بكرة عمر هيفسحك وتشتروا فستان لخطوبة سيلين." دهب بحرج: "يا عمو عشان بابا وما ينفعش حضرتك."

عبد الحميد: "طب ينفع تزعلي عمو منك؟ أشرف أنا كلمته ووافق أصلًا." سيلين: "يا واطية، خليكِ بكرة هنخرج ونشتري فساتين." وافقت بخجل واستحياء. فرح: "يلا تعالوا يا بنات نعمل عشااا." عبد الحميد يضحك: "اقتحموا المطبخ يلا. يا جماعة تعال أنت يا علي نقعد في البلكونة." *** كان ينظر لها بحنين غريب عليه ويسأل نفسه ما المانع إذا أحبها. عمر: "دهب، تعالي بعد إذنك، عايزك في حاجة." عمر: "إيه رأيك ندي بعض فرصة؟

دهب باستغراب: "أنت شخصية متناقضة، ما كانش ده كلامك من يومين! ولا أنت مشفق عليا؟ عمر بملل: "يااااربي بقى! بنت، هندي بعض فرصة ارتحنا، هنكمل. ما ارتحناش أنا عند كلمتي." دهب: "لأ مش موافقة، عن إذنك بقى، بساعد خالتي فرح." عمر: "لأ يا قلبي، أنا باقول مش باخد رأيك." وقبّلها من وجنتيها. دهب بصدمة وخجل: "إيه اللي عملته ده؟ عمر ببرود: "ببتدي صفحة جديدة يعني وكده." دهب بغيظ: "أنت إنسان قليل أدب أصلًا، أنا غلطانة إني جيت."

وتركته وذهبت.