رواية عشقت من رباني الفصل الثاني 2 - بقلم مريم احمد

تمارا بخوف: حاضر. عاصي: اركبي. تمارا: عربيتك. عاصي: أه يالا. ركبت تمارا جنبه وانطلق. بعد نص ساعة كان وصل عند فيلا، أو بالتحديد قصر ملئ بالحراسة. نزل من عربيته بكل كبرياء وغرور. عاصي بهدوء: يالا انزلي يا تمارا. تمارا نزلت بكل خوف. تمارا: انت هنا بيتك؟ عاصي: اممم. تمارا: ده كبير وحلو يا عمو. عاصي: متقوليش يا عمو، قوللي عاصي. تمارا: بس انت كبير قوي، عيب مش هتزعل. عاصي: معلش ولا مش هزعل، ويالا ندخل بقا.

تمارا: ماشي، يالا. مسك إيديها ودخل بيها القصر وطلع بيها السلم لحد الغرف. عاصي: انتي نامي في الغرفة دي، وأنا أهو في الغرفة اللي جنبك لو عاوزة حاجة، والصبح إنشاء الله هعرفك على ماما وأخويا عشان دلوقتي الوقت اتأخر وهما نايمين. تمارا بخوف: ماشي. ودخلت الغرفة وهو دخل غرفته. في صباح يوم جديد مليء بالأحداث. في الساعة السابعة صباحاً نزلت تمارا من غرفتها، مكنش في حد تحت، خرجت قعدت في الجنينة بره. بعصبية: انتي مين؟ تمارا

قامت من على كرسي بخوف: أنا تمارا. بعصبية: وانتي اللي دخلك هنا؟ تمارا وهي تبكي: عا عا عاصي، عاصي اللي دخلني، والله أنا جايه معاه. لسه هيقرب منها بس صوت ما أوقفه. عاصي: زيدان ابعد عن البنت. زيدان ببرود: مين دي؟ عاصي: هتعرف كل حاجة جوه لما ندخل، تكون ماما خلصت الفطار عشان أقعد أفهمكم. زيدان وهو ماشي داخل القصر: ياريت. دخلوا القصر على الفطار. حور، مامت عاصي: اسمك إيه بقا يا حبيبتي؟ تمارا بابتسامة: اسمي تمارا.

حور: عندك كام سنة يا تمارا؟ تمارا: 14. زيدان ببرود: وجبت الطفلة دي منين يا أستاذ عاصي؟ عاصي بنفس البرود: زي ما جبتها، بس أنا هقول جبتها إزاي عشان تفهموا الوضع. حور: قول يا حبيبي. عاصي: ......... بس كده. زيدان بعصبية: آه، وانت مصدق بنت شوفتها في الشارع؟ حور بطيبة: يا حبيبي باين عليها طفلة بريئة. زيدان بعصبية: انتي البريئة يا أمي، أنا عارف الأشكال دي كويس. تمارا بتبكي: والله أنا مش كدابة، مش كدابة.

وتصرخ بانهيار وهي بتتكلم لحد ما فقدت الوعي. عاصي جري عليها شالها وطلعها غرفتها، وطلع وراه زيدان وحور أمهم. عاصي بصوت عالي: جيب دكتور يا زيداااان، دكتور. زيدان حس أن قلبه هيتخلع وهو خايف عليها ومش عارف إزاي قلبه وجعه وحاسس إنه بيحب حد كده، بس قال في دماغه: أكيد عشان حاسس بالذنب. بعد شوية الدكتور وصل وخلص كشف. عاصي: ها يا دكتور. الدكتور: انهيار عصبي، البنت دي صغيرة على كدا، لازم تراعوها.

زيدان بقلق على تمارا: تمام يا دكتور، شكرا. ونزل وصلوا لحد الباب ورجع تاني عند غرفة تمارا. عاصي: أنا نازل دلوقتي رايح الشركة، ولو حصل أي حاجة اتصلي عليا يا ماما. حور: حاضر يا حبيبي. ومشي عاصي. حور: وانت يا زيدان مش رايح شغلك؟ زيدان بتعب: لا يا ماما، أنا داخل غرفتي أرتاح شوية.