رواية عشقتها بلا اختيار الفصل الخامس 5 - بقلم نجلاء عبد الظاهر

ريم بصدمة: شوفت ابنك ي عمي بيعمل إيه؟ صبري بقرف: إنتي اللي عملتي كده من الأول، كان في إيدك يفضل معاكي وبيحبك أكتر. ريم بصتله بغيظ وطلعت أوضتها. عند فيروز وأدهم. فيروز قاعدة على سرير وأدهم راسه على رجليها وجسمه على السرير. أدهم بتعب: أنا خلاص ي فيروز تعبت، مبقتش فعلاً محتاجها ولا عايزها، أنا عايز أأمنلها مستقبلها وننفصل عشان أعيش حياتي وهي تعيش حياتها. فيروز بحنان: بلاش الأمور تتخد كده ي أدهم.

أدهم بتعب: صدقيني لو عملت كده هرتاح أكتر. فيروز: فكر تاني ي أدهم، متعملش حاجة تندم عليها. أدهم بحب: أنا فكرت، ولو عملت كده هرتاح ي فيروزي. فضلوا كده شوية لحد ما ناموا على نفس الوضع. وجه بليل وصحيت فيروز بتعب هي وأدهم. فيروز بتعب: آه، إحنا نمنا كتير شكلنا. أدهم بضحك: شكلنا إيه ده، أكيد نمنا كتير. قاموا غسلوا وشهم ونزلوا. صبري بضحك: مساء الخير، إيه النوم ده كله؟ أدهم بتعب: السفر ي بابا تعبني ساعات كتير.

صبري بحب: طب اقعدوا اتعشوا. وفيروز جاية تقعد راحت ريم شَدّة الكرسي، وقعت فيروز على الأرض. أدهم بعصبية: إنتي غبية، إيه اللي عملتيه ده؟ ريم بتصنع البراءة: عملت إيه؟ أدهم بصوت عالي: لو فضلتِ تعملي شوية الحركات دي، ف هخليكي في أوضتك، والمرادي مش هخرجك غير بعد شهرين. ريم سكتت، وأدهم قام فيروز من على الأرض لأنها كانت هتعيط من الإحراج. فيروز قعدت جنب أدهم وكلت في صمت، وخلصوا. بس لقوا جرس الباب بيرن.

الخدامة جت وفتحت، بس أدهم ضم حواجبه بضيق لما لآئه مجدي أخو ريم. ريم بفرحة: حبيبي، حمد الله على سلامتك، وحشتني أوي. مجدي بخبثه: وإنتي كمان ي روحي.. إزيك ي أدهم؟ أدهم ببرود: كويس. مجدي وهو عيونه على فيروز: أومال مين القمر؟ أدهم بعصبية: دي مراتي، وأحسن لك تبعد كده وتخاف على نفسك. مجدي باستفزاز: منورة ي ضرة أختي. أدهم اتعصب وضرب*ه بوكس في وشه. ريم بشهقة: أدهم! إنت اتجننت؟ كل ده عشان حتة عيلة يدوبك تبقى خدامة!

أدهم وكان خلاص وصل لآخر ذرة. صبري مسك ريم من شعرها وهزها بقوة: احترمي نفسك ي ريم عشان مأوركيش الوش التاني، وشوفي أخوكي ال... ده جاي في إيه؟ مجدي: خلاص، أنا بس جاي آيات يومين هنا عشان بقالي كتير مشوفتش أختي. أدهم بشك: آه، وافتكرتها دلوقتي يعني؟ مجدي بتوتر باين عليه: أصل، أصل هي وحشتني جداً، ف كلمتها أطمن عليها، بس ي حرام لقيتها بتعيط بسبب إنك بتعاملها وحش.

أدهم: أنا حر، وإنت ملكش دخل أتعامل معاها إزاي، ويارب تبقى فاهمني كويس. سحب فيروز وطلع. فيروز بتهدئة: حبيبي، أهدى، وباذن الله خير. أدهم بعصبية: المحبة بتاعته دي وراها حاجة. إنتي خلي بالك على نفسك، ومتنزليش تحت غير معايا، ومتختلطيش بيه ي فيروز. فيروز بحب: حاضر ي حبيبي. أدهم دخل ياخد شور، وفيروز قاعدة على سرير، بس فجأة حست بحركة من البلكونة. بصت عليها بسرعة، لقت مجدي دخل الأوضة. فيروز بخوف: إنت إزاي تخش عليا كده؟

إنت مجنون؟ وفجأة مجدي مسك إيديها، راحت فيروز صرخت صرخة عالية خلت أدهم يسمعها. مجدي حط إيده على بوقها. طلع أدهم من الحمام بسرعة واتصدم من وجود مجدي في الأوضة. فيروز بخوف: ابعد عني. وفجأة أدهم راح لمجدي بسرعة وضرب*ه جامد. فيروز اغمى عليها. أدهم بخوف: فيروز؟!