رواية عشقي انت الفصل الخامس 5 - بقلم سولييه نصار

أنت بتعمل إيه؟ إنت اتجننت ولا إيه؟ قالتها مُهرا بصدمة وهي شايفة نفسها قاعدة على الكرسي مربوطة. كنت أنا واقف قدامها وأنا ببتسم بسماجة. فضلت تحرك نفسها عشان تقدر تفك نفسها، لكن مقدرتش. بصتلي بقهـر والدموع بدأت تتكون في عينيها، وصرخت: إنت بتعمل إيه؟ فكني! دموعها وجعت قلبي. أنا مكنتش عايزها تعيط تاني. كفاية إني جرحتها. قربت منها وقعدت على الأرض قدامها وأنا بمسك إيديها، وبعدين بإيدي التانية بدأت أمسح دموعها.

فضلت تبكي بصوت عالي. قربت عشان أحضنها، بس هي وقفتني وقالت: لا ابعد. لو ليا عندك خاطر ابعد. ابعد أنا مش قادرة. مش قادرة. مُهرا. قولتها وأنا حاسس بوجع. عيطت هي وقالت: روحني البيت وبطل جنان يا آسر. أبوكي قالي إنك خطبتي! قولتها بحرقة. كانت الغيرة باينة في عيوني. سكتت شوية. كان باين عليها الصراع. وهي فعلاً كانت في صراع ما بين إنها تأكد كلام أبوها عشان تحرق قلبه زي ما حرق قلبها، أو تقوله الحقيقة وترتاح وتريحه.

مكانتش من النوع اللي بيكذب أو يحاول يخلي الطرف التاني يغير. هي كانت أنضج من كده. ردي عليا يا مُهرا. صحيح اتخطبتي؟ قولتها بحرقة. إنت شايف في إيدي دبلة؟ انطق شايف! قالتها بضيق ليا. فضلت باصص على إيديها وفعلاً إزاي ماخدتش بالي. مكانتش لابسة دبلة خالص. يعني إيه الكلام ده؟ قولتها بلهفة وأنا بقرب منها. بعدت وشها وهي بتقول بإرتباك: آسر إنت بتعمل إيه؟ ابعد لو سمحت. ليه متخطبتيش؟

قولتها بابتسامة وقلبي بيرقص جوا صدري من السعادة. كنت مبسوط أوي إنها متخطبتش. بصتلي بجرح وقالت: عشان أنا مش زيك. مقدرش أدخل حد حياتي عشان أنسى حد تاني. مقدرش أجرح مشاعر حد ملوش أي ذنب عشان أخليك تغير زي ما عملت معايا. عشان مشاعر الناس مش لعبة في إيديا زي ما أنت خليت مشاعري لعبة في إيديك. أنا مش زيك يا آسر. حسيت بالخجل من نفسي. أنا فعلاً كده استغليتها عشان أخلي طليقتي تغير. أنا مش هسامح نفسي لو هي مقدرتش تسامحني.

قربت ومسكت إيديها وقولت: أنا عارف إني غلطان. ولو اعتذرت لحد ما أموت برضه مش كفاية. بس أنا طمعان إنك تسامحيني يا مُهرا. قلبك الطيب هيخليكي تسامحيني. ابتسمت بتريقة وقالت: قلبي إنت قتلته بإيديك. وبعدين بعدت إيديها وقالت: آسر روح ارجع لمراتك. إنت لسه بتحبها وإنساني زي ما أنا بحاول أنساك. وحتى لو متخطبتش دلوقتي أو اتجوزت فهتجوز بعدين عادي. لكن مش انت الشخص اللي هتجوزه بكل الأحوال. وأنا مش هخليكي تبعدي عني.

قولتها بغيرة وأنا شايفها بتتكلم عن جوازها. بصتلي بحيرة فقولت: المأذون جاي دلوقتي وهنكتب الكتاب وتبقي مراتي.