رواية عشقي انت بقلم سولييه نصار | كاملة
قيّم الرواية:
لا توجد تقييمات بعد
من أحداث الرواية
يعني مش ناوية تسامحيني يا مُهرا؟ قولتها وأنا ببصلها بندم. كان باين عليها الخذلان وقلبي كان واجعني لأني خذلتها. أنا اللي عملت فيها كده، مُهرا اللي خلت حياتي جنة، أنا رميتها في النار. أنا مستحيل أسامح نفسي على اللي عملته فيها. مسحت هي دموعها وبصتلي. عينيها العسلي كانت حزينة على غير العادة. كانت مطفية وكنت عارف إني أنا اللي عملت كده. أنا اللي دمرتلها حياتها. الإنسانة اللي أنقذتني، أنا اللي قتلتها. قتلت قلب معملش غلطة إلا إنه حبني! دموعها نزلت وهي بتبص على ندمي وقالت: مش قادرة أنسى إنك خطبتني عشان تخلي مراتك القديمة تغير عليك. انت أخدتني بديل ليها. أخدتني عشان تنساها. أنا كنت مجرد بديل ليها. كل كلامك عن حبك ليا كان كذب. كله كان خداع. أنا مستحيل أسامحك أبداً. وبعدين مدت إيديها عشان تقلع الدبلة. مسكت كفها جامد وعيوني دمعت وأنا بقول: عشان خاطري بلاش. بلاش تقلعي الدبلة. أنا... أنا هستنى لحد ما تهدّي ولحد ما تسامحيني...
