رواية عذاب الحب الفصل الخامس 5 - بقلم هاجر سلامة

نبيلة .. قصدك آيات؟ بتوتر.. قصد إزاي حد يتقدملها وهي بالحالة دي؟ شوية وتخف. رحمة بصلته جامد. حاسم ببرود.. معتصم بيه اللي أنقذك من الحادثة هو اللي طلب. فكري يا حورية وقوليلي رأيك. حورية.. حاضر يا بابا. هفكر بس محتاجة أقعد معاه الأول. أنس بص لها بغيره. حاسم.. تمحورية. ماما تطلعيني أوضتي. نبيلة.. حاضر تعالي. في أوضة رحمة. أنس بغيرة وغضب.. لا مستحيل تتجوز، مستحيل! رحمة قربت منه وهي بتقول له: مستحيل إيه؟

وأوعى تنسى نفسك، أنت جوزي. أنا عديها المرة دي، بس المرة الجاية مش هتعديها وهخليك تندم يا أنس. ماشي؟ أنس بتوتر.. ماشي. رحمة ضحكت بسخرية. [بعد ٤ شهور] معتصم قرب من حورية وبقوا صحاب. كان بيروح معاها المستشفى ويتطمن عليها. أنس ورحمة في مشاكل طول الوقت. رحمة.. عايزكم تضربوه. عايزة قرصة ودنه بس. ماشي لو حصل له حاجة هقتلكم. = تمام.

أنس نزل من الشركة ولسه هيركب العربية. عدت عربية سودا جنبه وشاب ضربه برجله قبل ما يركب عربيته. وفجأة الشاب بدأوا يضربوه بعنف وأنس مكنش قادر عليهم. = خلاص يا شباب كفاية كده. يلا بينا. ركبوا عربيتهم. أنس مرمي في الأرض واغمى عليه. حورية طلعت من الشركة شافته تخضت وراحت عنده ومسكته وقالت: أنس حصل لك إيه؟ مين عمل فيك كده؟ أنس بتعب شديد.. اتصلي بالإسعاف. حورية.. حاضر. واتصلت وخلال ٥ دقايق وصلوا وخدوا أنس.

حورية اتصلت على رحمة.. لو رحمة، أنس رايح المستشفى، باين حد ضربه أو عمل حادثة. متقلقيش، طلبت الإسعاف. المستشفى... حورية لسه هتركب، لاقت معتصم نزل من عربيته. معتصم.. خير يا حورية في إيه؟ حورية.. أنس لقيته مضروب هنا والإسعاف بتاخده أهو. معتصم.. إيه ده! مين عمل فيه كده؟ حورية.. مش عارفة. أنا هروح، تيجي معايا؟ معتصم.. أيوا طبعًا. يلا ركبي. ركبوا الاتنين العربية. في المستشفى. دخلت رحمة وبدموع تمثيل.. أنس كويس صح؟

قولي لي يا حورية. حورية.. اهدي. هو هيفضل كويس، متقلقيش. واهدي عشان البيبي. رحمة قعدت وهي بتقول في سرها: عشان يتعلم يا أنس. حورية.. أهلي عرفوا حاجة؟ رحمة.. لا. أنا جيت بسرعة ومقولتش لحد. حورية.. أحسن. أساسًا أنس كويس، ملوش داعي. رحمة بصت لها بضيق وسكتت. معتصم.. حورية، اقعدي على الكرسي. هجيب لك حاجة من تحت. حورية.. طيب. معتصم.. وحضرتك يا مدام رحمة؟ رحمة.. لا شكراً. ممكن عصير بس. معتصم.. تمام. وانزل.

رحمة.. حورية بقولك إيه؟ حورية.. قولي. رحمة.. في حاجة بينك وبينه؟ حورية بخجل.. لا. لسه بس جوايا مشاعر تجاهه. رحمة بفرح.. بجد؟ وعلى فكرة معتصم بردُه شكله بيحبك. حورية ضحكت بخجل وقالت: خلاص اسكتي. رحمة ضحكت لها بفرح وهي بتقول في سرها: أخيرًا حصل اللي كنت خايفة منه يا أنس. نفسي أشوف رد فعلك لما تعرف. وضحكت بسخرية. رجع معتصم. معتصم.. اتفضلي العصير أهو. رحمة.. شكراً. معتصم.. حورية خدي أكلي يلا. حورية ابتسمت.. شكراً.

الدكتور طلع... مين أهل المريض؟ رحمة.. أنا مراته. هو كويس. الدكتور.. متقلقوش، هو كويس. فيه بس شوية جروح من الضرب وعالجناها. رحمة.. طيب هيخرج امتى؟ الدكتور.. هو نايم حاليًا. لو صحي النهارده يقدر يخرج بليل، لكن لو صحي بكرة يبقى هيخرج بكرة. رحمة.. تمام. أقدر أدخل أشوفه؟ دكتور.. طبعًا اتفضلي. [امشي] معتصم.. حورية خلينا هنا، خليها تدخل لوحدها أحسن. حورية.. عندك حق. معتصم قعد معاها وقال: أنا كنت هعمل لك مفاجأة بليل.

حورية.. إيه هي؟ معتصم.. لا بلاها، خليها لبعدين. حورية.. ليه؟ معتصم.. مش شايفة إحنا فين؟ حورية.. وفيها إيه؟ هشوف المفاجأة امتى؟ معتصم.. بليل. حورية بحماس.. أسطى نشوفها بليل. معتصم ابتسمت بحب ليها. حورية.. يا معتصم، شيل إيدك. عايزة أشوف. معتصم.. اهدي، أفضل شوية بس. وفجأة شال الشريط على عينيه. لقت معتصم قاعد على ركبته وهو بيقول: حورية حبيبتي ونصي التاني، تقبلي تجوزيني؟ حورية بفرح شديد.. أقبل طبعًاااا.

معتصم ضحك لها بحب وقام وحط الخاتم في إيدها. حورية حضنته بدون وعي. معتصم مسك وسطها وقربها منه أكتر. حورية خدت بالها وبعدت وهي بتقول: آسفة، مقصدتش. معتصم بضحك.. خلاص، كلها أيام وهتبقي مراتي، هنعمل حاجات كتير وبقصد. حورية ضحكت بخجل. معتصم.. على فكرة الخطوبة بعد يومين. حورية.. إيه؟ وبابا؟ معتصم.. أنا كلمته قبل ما أتقدملك وقولت له لو وافقتي عليا هعمل خطوبة بعد شوية. حورية بدموع

فرح ومسكت إيده وهي بتقول: أنا مبسوطة، أنت دخلت حياتي غيرتها خالص. معتصم بحب.. بحبك. حورية بخجل.. وأنا كمان. معتصم بضحك.. وانتِ كمان إيه؟ حورية بخجل أكتر.. معتصم بقي. معتصم بضحك.. خلاص خلاص. يلا تعالي ناكل. طلبت أكل مفضل ليكي يلا. حورية.. ليه الكافيه فاضي كده يا معتصم؟ معتصم.. لأني حجزته كله النهارده ليكي يا حبيبتي. حورية ضحكت بحب.. يلا ناكل، هموت من الجوع يلا. معتصم بضحك.. يلا. [تاني يوم] على السفرة.

كلهم قاعدين بما فيهم رحمة وأنس ومعتصم. حاسم.. خطوبة حورية بكرة. أنس تشرق فجأة. رحمة ضحكت بخبث. أنس.. إيه المفاجأة دي؟ حصل إيه امبارح أو حصل إزاي؟ حاسم ببرود.. معتصم طلب حورية مني وأنا وافقت، وحورية وافقت. أنس بص لحورية وقال: انتي موافقة؟ حورية ببرود.. أيوا موافقة يا جوز أختي. رحمة بصت له بضحك سخرية وقالت: بصوا واطي! إيه زعلت؟ أنس بص لها بكرة وقال: عن إذنكم يا جماعة، تعبان هطلع أرتاح. نبيلة.. ماشي. ألف سلامة عليك.

أنس.. الله يسلمك. [طلع أوضته] حاسم.. هنعمل الخطوبة في الفيلا. عندك مانع يا معتصم؟ معتصم.. لا. لو حورية موافقة أنا موافق. حورية بخجل.. أنا موافقة. نبيلة بفرح.. ألف مبروك يا قلبي. حورية.. الله يبارك فيكي يا قلبي. [تاني يوم] في أوضة حورية. حورية.. إيه رأيك في الفستان دا يا ماما؟ رحمة.. تحفة، صح يا ماما؟ نبيلة.. أها يا حبيبتي جميل. لو لبستيه هتبقي أجمل. رحمة بغيظ.. صح. نبيلة.. يلا، لبسي الساعة ٣. حورية.. طيب. [بعد ساعات]

حورية.. هو اتأخر ليه يا ماما؟ دخلت سعاد وقالت: العريس وصل، بس قال معاه مكالمة تليفون مهمة وجاي. حورية.. تعرفي راح فين؟ سعاد.. دخل أوضتك القديمة يا هانم. حورية.. تمام. روحي انتي. نبيلة.. هتعملي إيه؟ حورية بفرح.. هعمل له مفاجأة ليه. نبيلة بضحك.. طيب روحي. [حورية طلعت وهي لابسة فستان أبيض ستان رقيق جدا وعملت تسريحة لطيفة وميكب رقيق جدا] حورية قربت على الأوضة لقيتها مفتوحة. لسه هتفتح سمعت:

معتصم.. لا، أنا قررت خلاص. هرجع عن فكرة الانتقام. أنا حبيتها، مستحيل أسيبها. مقدرش مهما كان أبوها مين اللي كان السبب في موت أهلي، بس حورية متعملش حاجة ملهاش ذنب والله. حورية بصدمة شديد وقالت بصوت واطي: كان بيخدعني، كان بيخدعني. ومشيت بهدوء على أوضتها.