رواية عذاب الحب الفصل الثالث 3 - بقلم هاجر سلامة

نبيلة: قومي يارحمة يلا هتتأخري، انهاردة فرحك يلا! رحمة نطت أول ما سمعتها وابتسمت وقالت: أنا هتجوز انهاردة. نبيلة بصتلها وقالت: رحمة، اقعدي عايزة أسألك سؤال. رحمة قعدت. نبيلة: انتي بتحبي انس؟ رحمة: أيوه. نبيلة: وهو؟ رحمة توترت: أكيد بيحبني، اومال هيتجوزني ليه؟ نبيلة: بس انتي عارفة إنه... رحمة قطعتها وقالت: إنه كان حبيب حورية، بس دا ماضي وخلص، احنا في الحاضر دلوقتي، انس هيتجوزني، بلاش تنكدي عليا يومي ياماما.

نبيلة: ياحبيبتي، أنا خايفة عليكي مش أكتر، حقك عليا، طالما أنك مبسوطة، ببقى خلاص هكون مرتاحة. رحمة بصتلها بضيق وقامت دخلت الحمام وسابتها. نبيلة بحزن: ربنا يهديك يارب. وطلعت من أوضتها، راحت أوضة حورية خبطت براحة. حورية: ادخلي. نبيلة: صباح الخير، بتعملي إيه؟ حورية ابتسمت: صباح الفل، بشتغل حاجات مهمة علشان المشروع، علشان قدر خد إجازة انهاردة. نبيلة بابتسامة: طيب ياقلبي، هجبلك الفستان اللي طلبتيه.

حورية راحت حضنتها وقالت: تسلمي ياست الكل. نبيلة: يلا، هسيبك أنا. حورية: أها، صح، ممكن تبعتي الفطور عندي هنا بليززززز؟ نبيلة: عيوني. حورية بابتسامة: تسلم عيونك. نبيلة طلعت من أوضتها. رحمة نزلت شافت أعمال داخلة وطالعة. رحمة: ياداد. سعاد: نعم ياهانم. رحمة: مين دول؟ سعاد: دول العمال بيظبطوا الكنبة وبيشيلوا الشجرة اللي بره بأمر من حاسم بيه. رحمة: أحسن، برود حورية تعرف؟ سعاد: لا، متعرفش، أتمنى متعرفش ياهانم، والله.

رحمة بخبث: خليها تعرف، الشجرة اللي بقالها كتير بتربيها، قولنا كتير إنها بتعمل حشرات ملهاش فايدة، يبقى تستاهل بقي. سعاد بصتلها بحزن. رحمة بضيق: انتي لسه واقفة؟ روحي لشغلك يلا. سعاد بخوف مشيت. رحمة طلعت أوضة حورية خبطت. حورية: ادخلي. رحمة بخبث: صباح الخير، بتعملي إيه؟ حورية: عندي شغل. رحمة بخبث: ممم، طيب، انتي مش سامعة حاجة؟ حورية بهدوء: سامعة إيه؟ رحمة بخبث: بيشيلوا شجرتك اللي تحت. حورية بهدوء: عارفة.

رحمة استغربت: إزاي ومش زعلانة؟ حورية ببرود: لا، ممكن تتطلعي، عايزة أشتغل. رحمة بحقد: ماشي. وطلعت. *** عند انس. رضوان: مالك يابني، عابس ليه، حتى انهاردة فرحك. انس بضيق: كان نفسي حورية تكون عروستي. رضوان بسخرية: خلاص، روح قولها كدة وتجوزها، إيه رأيك؟ انس بضيق: انت بتتريق؟ رضوان: اومال إيه اللي انت بتقوله دا؟ رحمة خلاص بقت أم ابنك، مينفعش تفكر في حورية تاني. انس بضيق: طيب، طيب. عند رحمة.

نبيلة: ما شاء الله، زي القمر ياحبيبتي. رحمة: ميرسي، بس حاسة إني تخنت شوية، أكيد من الحمل. وضحكت وبصت لحورية. حورية قاعدة بهدوء غريب. رحمة بخبث: حورية، مالك؟ مش فرحانة لأختك ولا إيه؟ حورية: لا طبعاً فرحانة، ليكي ألف مبروك ياحبيبتي. رحمة بحقد: الله يبارك فيكي، عقبالك بقي. حورية ابتسمت. البنت: رحمة هانم، انس بيه تحت مستنيكي. رحمة بخبث: مستعجل ليه؟ دا لسه بدري، ههههه. نبيلة: يلا ننزل، يلا. رحمة

(كانت لابسة فستان أبيض حمالات وقصير قبل الركبة بس منفوش من ورا وميكب تقيل) حورية (كانت لابسة فستان ستان لونه أزرق وعاملة تسريحة لطيفة وميكب خفيف) نبيلة (كانت لابسة فستان لونه أخضر هادي وحجاب أخضر وميكب هادي) نزلت رحمة، لقت انس واقف قدام العربية وعابس، اتضايقت ورحت عنده وقالت: انت عابس كدة ليه؟ الناس هتفكر إنك مغضوب عليك. انس: تمام. وشاف حورية وسرح فيها. رحمة خدت بالها ومسكت إيده جامد. انس خد

باله وبص لرحمة وقال بتعمد: إيه القمر ده ياروحي؟ اومال أنا هتجوز الحلوة دي؟ رحمة بابتسامة مزيفة: وانت كمان وسيم ياحبيبي. نبيلة: يلا نركب، هنتأخر. حورية ركبت عربيتها، ونبيلة راحت تركب جمبها. انس ورحمة دخلوا القاعة وقعدين على الكوشة. رحمة بضيق: فرد وشك يا انس. انس بصتلها بضيق وقال: ممكن تسكتي خالص؟ حاسم: يلا علشان نكتب الكتاب. رحمة بفرحة: ماشي يابابا. بعد شوية.

الماذون: اللهم بارك الله لكما وبارك عليكما وجمع بينكما في خير. رحمة حضنت انس من غير كسوف وقالت: أخيرا اتجوزنا ياحبيبي. حاسم بصلاها بقوة. انس بعدها عنه. رحمة بصتله وبصت لأبوها وكسفت ومشيت بعيد. حاسم: فين حورية ونبيلة ياسيد؟ سيد: نبيلة هانم ركبت العربية مع حورية هانم. تليفون حاسم رن. حاسم: ألو، مين... إيه؟ حادثة؟ في مستشفى إيه؟ تمام، تمام، جاي بسرعة اهو. حاسم بصدمة وسرعة: سيد، حضر العربية بسرعة، يلا. سيد: حاضر.

حاسم طلع من القاعة بسرعة. انس بتوتر: رحمة، في إيه؟ أبوكي رايح فين؟ رحمة: معرفش والله، خلينا نفرح بقي، بابا أكيد رايح بره يتكلم تليفون وجاي عادي، يلا نرقص، تعالي. انس قام يرقص معاها. رضوان دخل القاعة، لاقي سيد بيجري. رضوان بفضول: في إيه ياسيد؟ حصل حاجة؟ سيد بدون وعي: حورية ونبيلة هانم عملوا حادثة، يابيه، عن إذنك. رضوان بصدمة. وووووه. ما دخل أشوف انس هيعمل إيه لما يسمع. رضوان راح ناحية

انس وقال بفرحة مزيفة: انس حبيبي، ألف مبروك، عقبال ما أشوف عيالك، وألف سلامة. أكمل بسخرية: أو البقاء لله، هههه. انس باستغراب: الله يبارك، بس انت بتتكلم على إيه؟ مبروك إيه؟ والبقاء لله إيه؟ رضوان بكذب: انت متعرفش حاجة. انس: إيه؟ رضوان: ولا حاجة، كأني مقولتش حاجة. انس مسكه بقوة وقال: قول يارضوان، في إيه؟ رضوان: أصل حورية عملت حادثة. انس بصدمة شديدة: إيه؟ وطلع برا بسرعة وركب عربيته بسرعة. رحمة بصدمة وغضب: انس راح فين؟

رضوان بخبث: المستشفى، اختك ومامتك عملوا حادثة.