رواية عذراء بين يد مراهق الفصل الخامس 5 - بقلم ضحى خالد

لم تنطق جليلة بكلمة بسبب خبط فخر على طاولة الطعام. فخر بغضب: تتجوز مين يا جدع انت؟ دي خطيبتي. جليلة بغضب: مش خطيبة حد، احنا رفضناك مرتين. فخر وهو يضغط على أسنانه: جليلة، الناس بتتفرج علينا. متخلينيش أقسى عليك. جليلة بغضب: تقسى عليا؟ مين؟ شكلك متعرفنيش. حلو يا فخر. فخر بغضب: انتي اللي متعرفينيش يا جليلة هانم. ثابت بهدوء: ممكن تهدى؟ فرجت الدنيا علينا. فخر بغضب: وانت مالك أساساً؟ وبعدين مالك ومال خطيبتي؟

ثابت بهدوء: خطيبتك إزاي؟ اديها فاضية، ومحدش سمع. أحرج فخر. لم يتوقع أن يكون هذا رده. جليلة بشماتة: مترد يا ههه، خطيبي. جز فخر على أسنانه، يود أن يهشم رأسها العنيد. ثابت بهدوء: يا أستاذ فخر، أهدى. مش كده. جليلة بغضب: اللي زيه مش عايز تتكلم معاه بهدوء. فخر بغضب: جليلة، على البيت. جليلة بعند: لا. ثابت بهدوء: جليلة، ممكن تاخدي معاد من تيته. فخر بغضب: تيته في عينك. جليلة: فخر اتلم. دلف معتز عندما رأى انفعاله.

معتز: فخر، فخر أهدى. الناس اتفرجت عليكم. وانت يا آنسة اتفضلي دلوقتي على بيتكم بعد إذنك. رمقت جليلة فخر باحتقار وأخذت حقيبتها ورحلت. فخر لثابت: اسمع، جليلة دي خط أحمر. قدامك بنات حواء كلهم، مافيش إلا دي يعني. ثابت ببرود: فعلاً مافيش غيرها في دينا كلها. أصلها مميزة عن الكل. مكس كده بين القوة والضعف، تجذبك في ثانية. ضغط فخر على أسنانه واستعد للانقضاض عليه، ولكن أمسكه معتز. معتز: أهدى، بيستفزك. أهدى.

فخر بغضب: أقسم بالله أمحيك من على وش الأرض. ثابت تخلى عن هدوئه: اسمع، أنا ساكتلك بمزاجي. فخر: وأنا مش عايزك ساكت يا حليتها. جذبه معتز: يلا يا فخر، كفاية. في السيارة. معتز: يابني، مش انت قلت لو هي مش عايزاك هتسبها؟ فخر: هحاول معاها وهفضل أحاول. مش أول جولة أستسلم. معتز: يا صاحبي، أنا خايف عليك. بحر الحب وحش. خاف عليك تغرق يا صاحبي. فخر بتنهيدة: هعمل كل حاجة عشان تحبني. معتز: انت تعرف جليلة دي منين؟

فخر: أولاً، إحنا جيران. ثانياً، كانت صديقة طفولة لي. كنت بستناها ترجع بفارغ الصبر من السعودية علشان تقضي الإجازة عند جدتها. معتز بضحك: مجنون جليلة من صغرك. ضحك فخر: بالظبط كده. قلت عادي لما أكبر مشاعري هتتغير. كبرت ولقيتني حبتها أكتر. معتز: حالتك صعبة. فخر: أوي. يلا اتحرك خليني أروح أكسر راسها. ضحك معتز، فهو يعلم أن صديقه لن يجعل هذا يمر بهدوء. يعلم أيضاً أنه لن يؤذيها.

مختبأة في غرفته من فخر الذي يصرخ عليها من الآخر. جليلة بعند: هتجوزه يا فخر وهتشوف. فخر بغضب وهو يدق عليها الباب: وريني كده، وريني بس. جليلة: هتشوف يا فخر هعمل إيه. اعتماد بحدة: فخر، فخر أهدى بقا. فخر بحدة: حفيدتك، عايزة تتجوز ثابت ده. اعتماد ببرود وهي تجلس على كرسيها: طب وإيه يعني. صدمة فخر من كلامها. وهي دائماً كانت تقول أنها ستزوجه جليلة، فبعد أن أصبح متيم بها تتخلى عنه. جلس فخر على عقبيه أمامها وهو يمسك

يدها ويقول بنبرة مهزوزة: تيته، طب وأنا عشمتيني ليه من الأول. حاوطت اعتماد وجهه بحنان: النصيب. هي نصيبها مع حد تاني. ضحك فخر بسخرية: آه، حد تاني. تمام. اعتماد بتنهيدة: فخر حبيبي، ركز في شغلك وحياتك. جليلة مش ليك. فخر بشرود: تمام. خرج فخر من بيتهم. في غرفة جليلة كانت تحادث ثابت. جليلة: أنا خايفة. دا كان شايط. ثابت بهدوء: متخافيش، ولا يقدر يعمل حاجة. جليلة: ده مجنون. ثابت: المهم، خدي معاد من تيته. جليلة بخجل: حاضر.

ثابت بحب: بحبك على فكرة. تصاعدت ضربات قلبها من الخجل هامسة: سلام يا ثابت. ثابت بابتسامة: مع السلامة.