رواية عطر اليونسي الفصل العاشر 10 - بقلم نور شريف

أنا اللي سق'طت عطر وخليتها متخلفش تاني. كملت كلامها وهي بتقعد على رجليه. يونس قال كلام كتير يوجعني عشان كدا قررت أنتقم منه في أكتر حاجة بيحبها. هز دماغه بخوف منها: بس هو لو عرف إن أنتي مش هيرحمك و دي فرصتك الأخيرة؟ أسكت أنا معملتش حاجة أنا اللي كنت بحبه و بقيت مضطره أن أبقا خاينه. ولما عرف فضحني يا حسن بس أنت سترت عليا و جيت قعدت معاك. قامت و شغلت أغاني و بقت ترقص في صالة البيت و عيونها في صورة يونس على الحيط.

انت اللي عملت كدا في نفسك يا حبيبي عمرك ما هتعرف أن أنا؟ مشي يونس على أوضة عطر دخل و شكلها وهي على الارض بيتكرر قدام عيونه. قعد على الكرسي و شاف الد'م اللي بقا متجلط و أبنه الحتة اللي على الارض. وكلام جده لما حلف أنه مش هو. وكان رده: أنا وعدتك أنك لو اتجوزتها و كان ولد هسق'طها لكن أنا معرفش أحدد نوع الجنين ايه ده لسه مكملش شهر. لما مش هو السبب معقول هيكون مين؟ قمر ولا فضيلة ولا راضية؟ و ممكن جدي؟

مش ممكن عطر تس'قط نفسها؟ بس مستحيل لأن عظم رجليها مكسور. قام مسح الد'م و نظف المكان و صورها قبل ما يروقها. فرش ملاية جديدة و وقف مع مراد في البراندة بحزن شديد. وأرهاق من قلة النوم ظاهر عليهم. أنا شاكك في قمر ممكن هي اللي عملت كدا يا يونس. قمر جبانة يا مراد بتترعب مني لو عملت حاجة زي كدا. عمري ما هعديها بالساهل وملهاش غاية تسقط عطر لأنها عارفة إن بحبها.

فضيلة مرآة عمك هي ممكن تعمل كدا و تهرب مترجعش أو تبعت حد يدخل يسقطها. راضية أمها حنينة عليها و بتفرح ليها و حساسة زيها لما بتزعل منها مبتكلمهاش بس عمرها ما تأذي بنتها. وجدك حلف بالله ما هو واليمين عنده زي السيف على رقبته. أنا كنت معاها في الأوضة نزلت ألاقيها مضر'وبة. أكيد حد دخل أما حد من البيت وجدك مخبي عليا. أنا مش عارف أنام من التفكير.

وانت لازم ترتاح عندك مأمورية كبيرة جدا و مهمة جدا بنسبة ليك أنت و غرام لأنها هتترقي. ولو خسرت يا حبيبي هتأذيك وأنا خايف عليك. نام و ركز و هي هتشرحلك تعمل ايه واللي تقولك عليه تنفذ بلحرف. وأنا الصبح هروح لعطر زمانها فاقت. مشي مراد وعيونه مدمعة خايف على عطر. قعد على الكرسي عنده و نام مكانه لحد ما صحا متأخر و جري على القسم. فاق يونس راح المستشفى ليها كانت فاقت و ساكتة مبتتكلمش. مسح

دموعه اللي على وشك النزول: عطر أنتي كويسة؟ الحمد لله. أنا حاسس بيكي يمكن ربنا بيغفر لينا على الذنب ده هتجوزك و نخلف غيره. بصتله و عيونها حمرا من كتر العياط: نخلف غيره عشان يموت الدور عليك يا يونس اللي جات الأوضة معرفهاش ولا سمعت صوتها قبل كدا. قالت همو'ته و أخلص منه بدري. كل ما تخلفي منه هخليكي عمرك ما تخلفي؟ ضيع عمري اللي كنت بحلم بيه يبقي أنا أعيشه في هم و حزن ميقدرش يفوق منه. ونزلت على بطني بحديدة.

كانت بترن على السرير مش خشبة لاء كانت توجع أكتر و تقيلة على جسمي. وحطت مخدة تكتم نفسي بعد ما سقطت وقالت عليك ابن حر'ام أفعالك سوداء زيك. وخرجت من البر'ندة لما صرخت أخر صرخة. دموعي نزلت وأنا بحكي وهو مسك أيدي و طمني وقال بجمود: المشكلة مش عارف هي مين اللي ممكن تكون بتكرهني أوي كدا دي مش حد من البيت يا عطر ممكن تكون تعرفك؟ دخل الدكتور

و معاه تحليل وقال بحزن: نسبة إنك تخلفي صعب أوي خصوصا أن عندك كسر في عظام الحوض اللي هي ماسكة الرحم بتاعك. ولازم نبلغ الشرطة قبل فوات الاوان مش هينفع تخرجي لمدة شهر غير لما نطمن على حالتك. وبعد ما تخرجي نشوف ليكي علاج طبيعي. أتمني حالتك النفسية تبقي أحسن و جوزك معاكي باين عليه بيحبك. كشف على أعصابه قبل ما يمشي. وكانت تعبانه أوي من الزعل عليكي ربنا يخليكوا لبعض و تبقي أحسن بإذن الله.

اه يا يونس قلبي وجعني من الزعل كان نفسي أبقا أم و تبقي معايا دمرت كل ده بأفعالك و لما رجعت البيت قتل'توا روح مني. هبقي كويسة أزاي بعد اللي حصل ده. لازم تبقي قوية الحالة مش بعيدة شوية كسور بسيطة زي ما قال وهتبقي أم. وأنا أوعدك هعوضك عن كل حاجة. ينفع اسالك سؤال: ليه أتجوزت قمر و سبتني؟

كنت مغصوب عليها و ماشي على أوامر من جدي وكان لازم أعمل كدا تقومي بسلامه و أحكيلك كل حاجة بس انا هجبلك ورق جدي ماضي عليه و هاخد بطاقتك و جهز ورق كتب كتاب. هجبلك تبصمي عشان القضية قبل ما تترفع لأنه أمر مينفعش أسكت عليه و لو عرفوا أنك سق'طتي من غير جواز هروح في ستين داهية أنا وانتي. هزت دماغها و غمضت عينها و دموعها نازلة على خدها. مسحها يونس و أبتسم وقال بحب: حتى وانتي تعبانة حلوة كدا أنا مش قادر أمنع نفسي؟

عيب يا يونس مش وقته هزار. بحاول أخفف عنك يا عيون يونس حقك على عيني يا كل حياتي أسف. صفحة بيضاء وانتي هنا بعيدة عن أي مشاكل محدش عارف مكان المستشفى غيري أنا و مراد. أول ما القضية تشتغل هخدك على شقة محدش يعرفها غيرنا و نعيش مع بعض أي رأيك؟ قمر طلقتها و هعيش معاكي و ليكي أنتي. قعد معاها ممرضة و رجع على شغله في الشركة لما رن خطاب صحبه و قاله أن المؤتمر الشركة خسرته.

وهيدفع مليون جنية لشركة الام خرج وهو مش طايق نفسه و الدنيا بتدور بيه هدفعهم منين يا رب. سمعت قمر خبر إن عطر سقطت رنت على فضيلة بتوتر: أنطقي أنتي روحتي سقط'يها يونس قالب الدنيا. و جدي رن عليا. هو مش انتي يا قمر؟ لا والله ما أنا عمري ما أعمل كدا لوحدي أنا بترعب من يونس. لطمت فضيلة و صوتها اللي كان مصدوم: أنا سافرت لما رجعت مع راضية مش أنا. أمال مين اللي عمل كدا يا قمر محدش كان هناك غير يونس و مراد و جدي.

معقول ممكن يكون جدي بس هيعمل كدا كان قال. قفلوا مع بعض و كل واحده بتفكر يا تري مين اللي عمل في عطر كدا. جري مراد على القسم و شاف غرام قرب منها كانت بتعيط بقوة و صوت شهقاتها عالية. أتأخرت يا مراد ضاعت علينا خلاص كنت عايزه أحقق أن شاطرة وانت غبي فاشل في كل حاجة في علاقات في شغل عايش حياتك على الفاضي عمرك ما هتنفع في حاجة أي الورد اللي انت جايبه ده أنت جاي تتقدملي.

اخدت الورد رمته منه بدل ما تروح تجيب ورد كنت تعالا بسرعة عندنا شغل ولا فيك ريحة مسؤولية اللي اتجوزك تبقي خسرت عمرها و حياتها راجل بلا هدف ولا أخلاق. شاطر تجري ورا دي و ورا دي بس. مش عايزه أشتغل معاك تاني غور من وشيي يا مراد. بص على الورد و بصلها وهو ساكت و ركز في عيونها و ضغط على كف أيده. مشي و رجع بصلها من فوق لتحت. أنا مش جاي الشغل تاني ولا عايز أشتغل معاكي يا غرام.

اه صحيح أنتي أشطر مني و أنا فاشل مبروك على المؤمرية سبتهالك مش عايزها. مراددددددد متهربش مني مراددددددد. مسكت الورد و هو دموعه نزلت من قسوة كلامها. بكرهك مش بحبك كنت كداب ملعون القلب اللي يحب واحده زيك. لسه هيخرج جت عربية بسرعة خبطته و مشيت.