رواية عطر سارة الفصل الحادي والثلاثون 31 - بقلم شيماء سعيد

حاولت إخفاء ابتسامتها بعيدًا عنه، ليلقي بجسده فوق الفراش، ساحبًا جسدها بجواره. تأمل ملامحها، يرى بها جمالًا بريئًا، نظرات طفلة صغيرة تتلهف على العيش بحياة آمنة لقلبها. قرب وجهه منها، ثم وضع قبلة ناعمة على أنفها، مردفًا بنبرة ساخنة: _بحبك. كلمة رائعة بها مشاعر السعادة، عندما تسمعها منه تشعر بالكمال. رفعت عينيها لعينه ورأت بهما ما نطقه لسانه، فهمست: _وأنا كمان بحبك.

يا الله على حلاوة ما نطقت، بكلمة بسيطة جعلت قلبه يدلف لعالم وردي رائع. ضم وجهها بيديه وهمس بعتاب: _واللي بيحب حد بيبعد عنه؟ بنفس العتاب قالت: _ما أنت بعدت بدل اليوم خمس شهور، اتعاملت معايا على إني حاجة مالهاش قيمة من حقك ترميها في أي مكان ولازم أسكت، ضيعت منا أجمل أيام عمرنا يا محمود، فترة حملي دي هتفضل معلمة في قلبي لحد ما أموت. وضع أحد أصابعه على شفتيها يمنعها من إكمال حديثها، ثم قال:

_اياكي تجيبي سيرة الموت أبدًا، حقك عليا يا روحي، عملت كدة من خوفي، كل ما أسيبك أرجع ألاقيقي بتعملي أي حاجة عشان نبعد عن بعض، مكنش في قدامي حلول، كنت بشوفك دايمًا ومتابعك في كل لحظة، اليوم الوحيد اللي غبت عنك فيه يوم الولادة. تنهدت بثقل وقالت: _أنا شوفت اللقاء الصحفي وشوفت كلام معتز، حسيت وقتها لأول مرة إني فعلاً حاجة كبيرة عندك ومهمة بالنسبة لك، محمود أنت عايزني أسامحك صح؟ _اممم صح. برجاء شديد قالت:

_حسسني بالأمان والحب، خليني لما أبقى جنبك مبقاش خايفة من اللحظة الجاية. طلب بسيط جدًا طلبته منه، لو تعلم ما حدث برجولته بعد هذا الطلب. مسح على خصلاتها بالكثير من الحنان، ثم قال: _حقك وأقل من حقك كمان، خليكي متأكدة إنك أغلى من روحي وإن اللي فات كان محتاج منك شوية ثقة فيا وكنا هنبقى أحسن من كدة.

وعد جديد تتمنى من أعماق قلبها أن يتم تحقيقه. أومأت إليه بابتسامة جميلة، ليشعر بعودة أنفاسه لصدره. نزل بجسده على جسدها، يضمها إليه حتى يثبت لقلبه أن صاحبته بين أحضانه. رغم ثقله، إلا أنها أغلقت يديها عليه، وهي على يقين بأن القادم أفضل. ربما كان ينقصها ثقتها به، وها هي أعطتها إليه. شعرت بلمسة يده الفاجرة على مقدمة صدرها، فهمست له بمكر: _نزل أيدك يا غالي، اللي في دماغك مش هيحصل. بخيبة أمل واضحة، ابتعد عنها وقال:

_عارف، أنا بس لما أخدتك في حضني الحماس خدني شوية. أطلقت ضحكة رنانة، ليقوم من فوق الفراش يحدق بها بغيظ. أرسلت إليه قبلة بالهواء، وقامت على الأخرى من فوق الفراش، مردفة: _يلا بقى نروح بيتنا عشان طمطم لوحدها. حرك رأسه بنفي وقال: _انسى بلا بوجي بلا طمطم، إحنا هنفضل هنا النهاردة وبكرة نحب في بعض، بس غير كدة ممنوع. حب طلب لقلبها أن تبقى معه بمفردها، يحبها بطريقته الخاصة. ومثل أي أم قالت:

_لأ طبعًا، فاطمة بيبي صغنون مينفعش تبقى لوحدها، هتعوز ترضع وتغير وتنام في حضني. _ده عند أمك، عارفة أمك الله يرحمها عندها، البنت دي بتعمل حاجات هموت وأعملها. شهقت من وقاحة حديثه، ضربته على صدره، مردفة: _بتقول إيه يا سافل أنت. ببراءة قال: _يعني هي ترضع وتقلع وتنام في حضنك وأنا أنام على الكنبة، تعرفي ده اسمه إيه؟ _إيه؟ _ظالم يا سارة، اسمه ظلم. أصبحت بين يومين أم لطفلين، ابتسمت إليه، مردفة: _يعني أنت عايز إيه دلوقتي؟

_نفضل اليومين دول مع بعض وأنا أوعدك أبقى مؤدب. سألته بقلة حيلة: _طيب وفاطمة؟ _مع جدتها، وكلمة زيادة، هنقضي مكان اليومين أسبوع. بعد عشر دقائق. كان يقف بالمطبخ عاري الصدر، وهي تجلس على الرخامة المقابلة إليه. أخذت قطعة من الخيار ووضعتها بفمها، مردفة: _هو الأكل هيحصل إمتى؟ أنا جوعت جامد. رفع يده أمام شفتيها لتأخذ منه قطعة أخرى من الخيار، ثم قال: _الأكل على النار يخلص، وأنا هأكلك بأيدي.

أومأت إليه، ثم ابتسمت وعينيها تسير على كل جزء به بأعجاب، مردفة: _الا قولي يا محمود؟ مسح على شفتيها، ونظراته تحكي ما يدور بعقله، هامسًا: _قولي يا روح محمود. _أنت متعود تكون حلو كدة على طول؟ ضحك ضحكة بمفردها، قدرت على سحب روحها من بين ضلوعها. وسيم، وقور، رجل كامل يستطيع جعل أي امرأة مغرمة به. صمت هو يسمعها تقول بصراحة: _تعرف إنّي وقعت في حبك من قبل ما أشوفك. ابتعد عنها قليلًا، ثم رفع حاجبه بتعجب، مردفًا:

_ده اللي هو إزاي يا بسبوسة؟ مررت أحد أصابعها على شعر ذقنه المهلك لها، وقالت وعينيها هائمة به: _كانت دايما مريم تقول لعلاء أبعد عن سارة عشان لو عقلها أخدها تروح تشتكي لمحمود علام، أنا وأنت هنبقى في الشارع. حسيت وقتها إنك بطلي اللي واقفة ورا ضهره. بعدها جيت قصر علام، كان كل تفكيري وقتها إزاي أعيش في القصر ده باقي عمري. دخلت وأخدتني تيتا في حضنها، بصيت على الحيطة لقيت صورة لرجل بس مش أي راجل.

صمتت لتزيد من فضوله. ليبتلع ريقه من حلاوة تأثير حديثها عليه، وهمس بنبرة خشنة: _كان ماله الراجل ده؟ انحنت لتقترب منه أكثر، ولفت يديها الاثنين حول عنقه، مكملة: _كان حلو أوي، ملامحه خشنة وعينه واثقة كأنه بيقول أنا محمود علام. حسيت إنه بيص لي وبيقولي إنتِ ملكي. جسم قشعر وأنا ببص في عينك جوا الصورة. سألت تيتا قالت ده محمود. وقتها نطقت اسمك وثبته في عقلي وعدت نفسي وعد وحققته، وفخورة إني قدرت أحققه. _وعد إيه؟

_إنّي أبقى أيامك اللي جاية كلها يا محمود. محظوظ، لا يجد صفة يقولها لنفسه إلا إنه رجل أعطاه الله أكبر قدر من الحظ، امرأة رائعة تقف أمامه وتعترف إنها بغرامه غارقة. حملها بزراع واحد، ونزل بها من فوق الرخامة، ليجلس على الأرض ويضع جسدها فوق فخذه بين أحضانه، مردفًا: _شكرًا. حدقت به بتعجب، مردفة: _شكرًا على إيه؟

_على إنك دخلتي حياة راجل ضايع عايش لأن لسه مجاش معاد موته، وخلتيها جنة. شكرًا على حب كنت بحاول أهرب منه بس كان بيشدني لحد ما دخلت الجنة. تعرفي يا سارة إيه أكتر حاجة ندمان عليها؟ حركت رأسها بنفي، فقال بصدق: _إنّي سبتك في إيد الكلب جوز أختك، وكنت فاكر إنك أنتِ اللي مش عايزة تعيشي معانا. لو كنت أخدتك وقتها كنتي أتربيتي على إيدي وتحت حمايتي.

حركت كتفها بدلال، تعلم تأثيره عليه جيدًا. وضعت قبلة صغيرة على شفتيه، فعلت به الكثير، ثم قالت بدلال: _وقتها كنت هتبقى البابي بتاعتي وهنعيش جوا العذراء والشعر الأبيض كدة حلو أوي يا حاج. ضحك وضحكت معه. فزاد من ضمها إليه كأنه يود إدخالها بصدره وغلقه عليها. ابتسمت ودفنت وجهها بعنقه، أخذت نفسًا عميقًا من رائحته المثيرة، وقالت: _تعرف إنّي عملت لك البرفان اللي اتفقنا عليه؟ _وراح فين بقى يا ست بسبوسة؟ بعتاب قالت:

_في شاليه إسكندرية، عملته لما فضلت لوحدي شهور. تلومه بطريقة شيك وتقولها له صريحة، ما زال بداخلها جزء حزين منه. فقام من مكانه وجسدها بين يديه، مردفًا: _لسه زعلانة، يبقى لازم أصالحك. _ما قولنا مينفعش يا قليل الأدب. غمز إليها بوقاحة، وقال وأصابعه تتحرك بحرية على سلسلة ظهرها: _والله العظيم أنتِ اللي قليلة الأدب وشكلك هتموتي عليا، بس مش ده اللي في دماغي.

خجلت من كلماته، أو ربما تكون خجلت لأنها بالفعل اشتاقت قربه. وضع قبلة حنونة على خصلاتها، فقالت: _محمود. _يا عيوني محمود. _لم نفسك عشان بتكسف. _يسلملي المكسوف. زاد من ضمه لها، وقال: _تعالي نعوم شوية، أهو نأخد على بعض. قالها بمرح، لتضحك ويضحك معها، مستمتعًا بتلك اللحظات اللذيذة التي ينعم بها وهي بين يديه.

على قرب أذان الفجر، كانت بين أحضانه بماء حمام السباحة. تعلقت بعنقه مثل الطفلة الصغيرة، وشعورها بالسعادة يزيد مع كل دقيقة تمر لهما معًا. مرر يده على خصرها، مردفًا: _الحلو مبسوط؟ أومأت إليه وقالت: _أوي يا محمود، مبسوطة أوي، ونفسي نفضل كدة على طول مبسوطين مع بعض وفي حضن بعض. طلبها بسيط. ابتسم إليها بحنان وعشق ظاهر على معالم وجهه، كل جزء به يعشقها، شغوف بنعومتها. شدد على خصرها، مردفًا بتملك:

_وأنتِ بين إيدي بحس إنّي ملكت الدنيا كلها، عايزك دايما كدة يا سارة في حضني. بنعومة لا تليق إلا عليها، قالت: _خليك أنت معايا طيب وحلو على طول، وأنا هبقى في حضنك على طول. قهقه بمرح، ثم وضع قبلة على شفتيها المتساقط منها حبات المياه، مردفًا: _والنبي ما في حلو غيرك يا طعم أنت، بقولك إيه تيجي نريح فوق شوية. حركت رأسها بقلة حيلة، ثم ابتعدت عنه قليلًا، مردفة: _أبعد عني ولم نفسك بقى.

نفذ أمرها وأبتعد عنها. صرخت برعب من فكرة كونها بالماء بمفردها. بلحظة واحدة تعلقت بعنقه، مردفة: _أنت سبتني بجد، وأنت عارف إنّي بخاف، أخاف عليك يا العيال. غمز لها بمكر، وقال وأصابعه تتحرك بحرية على سلسلة ظهرها: _قولتي أبعد، بعدت، أنا نفذت طلباتك يا روحي. حدقت به بغيظ، ليحملها مرة واحدة ويخرج بها من حمام السباحة، مردفًا: _كفاية لحد كدة، ندخل نأخد شاور وتنامي، الفجر قرب يأذن، أكيد تعبتي.

ألقت برأسها على صدره، ثم أغلقت عينيها بتعب. هي بالفعل مرهقة، وفاطمة تحرم عليها النوم نصف ساعة على بعضها. دلف بها للمرحاض، ثم وضعها على حافة حوض الاستحمام، مردفًا: _نحط الماية والشور، وبعدين نحط البسبوسة جوا البانيو. تعشق هذا الدلال وما تعيشه معه من حنان. دقيقة ووضعها بحوض الاستحمام، تشعر أمامه بالقليل من الخجل، خصوصًا بحالتها تلك، فقالت: _محمود، أطلع برة لو سمحت، ولما أخلص هبقي أطلع.

مرر يده على خصلاتها الناعم، ووضع بيده الأخرى كم من الشامبو، مردفًا بحنان: _غمضي عينك يا بسبوسة عشان الشامبو ميدخلش فيها. نفت بخجل شديد جعلها على وشك البكاء: _أرجوك أخرج، أنا مش حابة تشوفني كدة. _أنا مرتاح كدة، لو أنتِ مش مرتاحة غمضي عيونك الحلوين. لم تجد أمامها حلًا إلا أن تغلق عينيها وتهرب من ما تعيشه. شعرت بلمساته الحنونة على خصلاتها، وابتسمت براحة شديدة.

بعد عشر دقائق، كانت تجلس على مقعد التسريحة، وهو بيده المشط يحاول أن يعمل لها تسريحة جديدة، فقالت بغضب: _خلاص بقى يا محمود، شعري باظ. زفر هو الآخر بحنق، وعينيه على خصلاتها بتركيز: _طيب أعمل إيه يعني، في دماغي تسريحة بس مش عارف بتتنفذ إزاي، اسكتي ساعة والا اتنين، وبإذن الله هعملها. صرخت به: _هاتي المشط ده وروح صلى الفجر، أذن، وأنا جبت أخرى منك.

ألقى المشط من يده، ثم رفع شعرها على شكل كعكة عشوائية، وقام بحملها ووضعها على الفراش بعنف، مردفًا: _مينفعش معاكي الرومانسية، كل ما أقول ربنا هداني تطلعي العربجي اللي جوايا. رمشت عينيها ببراءة، تعلم تأثيرها عليه، ثم قالت: _حرام عليكي، ضهري وجعني. حرام عليها هي اللعب بمشاعره الضعيفة. ما هذا يا فتاة، كيف أن يكون لكِ هذا القدر من السيطرة على مشاعري. رددها عقلها وأكد عليها قلبه، ليعود لحنانه، مردفًا:

_حسبي الله ونعم الوكيل فيا عشان وجعتك يا بسبوسة. نفت بحركة سريعة من رأسها، وفتحت ذراعيها إليه، قائلة: _بعد الشر عليكي يا حبيبي، تعالي نامي في حضني. نفذ أمرها ووضع رأسها على صدرها الطري، ثم أغلق عينيه براحة شديدة، مردفًا:

_تعرفي يا سارة، أنا اتعودت أكون ضهرك وسند الكل، مكنش ينفع أتعب في يوم ولا أحط راسي على صدر حد وأقول مش قادر، حتى لو الحد ده أمي. بس أنا دلوقتي بحط راسي على صدرك وبقولك خليكي جانبي، لأنّي من غيرك مش هقدر أكمل. مررت أصابعها بين خصلاته الناعمة، وهمست بحنان: _اعتبرني أمك، واضعف قدامي زي ما أنت عايز. رفع عينيه إليها، وقال بتحذير: _بس ده يبقى بيني وبينك، أنا قصاد الكل محمود علام. ابتسمت بحنان، وقالت:

_كل حاجة حلوة ووحشة هتبقى بيني وبينك. كلماتها أراحت قلبه، ويدها الحنونة على خصلاته جعلته يشعر بهدوء نفسي أخذه للنوم سريعًا. ظلت تتأمله عدة لحظات، وأغلقت عينيها هي الأخرى براحة وشعور رائع بالأمان. صباح اليوم الثاني بمصنع سارة. كانت تحدق أروي بتعجب لضحى الجالسة أمامها تفرك بيدها. زفرت بضيق، ثم قالت: _وبعدين يا ضحى، ما تقولي في إيه، ما وقت ما وصلت وأنتِ قاعدة ساكتة.

أخذت ضحى نفسها بتوتر، لا تعلم كيف تبدأ حديثها أو ماذا تقول. ضيق أروي من صمتها جعلها تأخذ القليل من الشجاعة، وتقول: _مدام أروي، أنتِ عارفة أنا كنت بعمل إيه في بيت علي؟ قالت اسمه بلا ألقاب، لعل الأخرى تفهم معنى حديثها. عقدت أروي حاجبيها بحذر، وقالت: _كنتي بتشتغلي في البيت، بتساعدي يعني أقصد. لا تريد قول كلمة تقلل من قيمة الأخرى، فابتسمت ضحى، مردفة: _تقصدي خدامة مش كدة؟ أومأت إليها أروي بحرج، ثم قالت:

_أيوة، متزعليش مني، الشغل مش عيب، والحمد لله دلوقتي شغلك وحياتك بقوا أحسن كتير. ثقل كبير على قلب ضحى تريد أن تسقطه من عليها. ضمت يديها لبعض بتوتر كبير، وأنذلت رأسها بالأرض، مردفة: _ده اللي كان قدام الناس، لكن الحقيقة كانت حاجة تانية خالص. ثقلها تم نقله لأروي. خافت من ما هو قادم، وكأنها بدأت تفهم الأمر المريب. ارتجف قلبها وهي تتمنى أن لا تسمع ما وصل لعقلها، تتمنى غلق باب الماضي إلى الأبد. ابتلعت ريقها، مردفة:

_إيه هي الحاجة التانية خالص؟ _مش عارفة أقولك إزاي، ولا أقولك إيه. أنتِ عزيزة عليا جدًا يا مدام أروي، ويعلم ربنا خير محمود بيه عليا كتير، ولولا كدة كنت سكتت وعشت في حالي. بس مقدرش أشوفك بترمي نفسك في النار وأسكت. تدمر أعصابها، فصرخت بغضب: _ضحى كفاية مقدمات، قولي عايزة تقولي إيه. _كنت بالنسبة له **** للمتعة، مراته في السر، ولما شبع مني طلقني وسبني في بيته خدامة.