رواية عيون الفصل الثامن والعشرون 28 - بقلم رحمة محمد

مالك: مخدرات انتي بتشربيها؟ عيون: مالك: بغضب. انطقي بتشربيها لي ومن امتى؟ عيون كانت بتعيط وبتطلع شهقات من كتر العياط. مالك بكل غضبه رمى علبة البرشام في الأرض، كسرها ميت حتة، ومسح على شعره بغضب وبقى بيحاول يهدى. مالك: بعصبيه وبيحاول يداريها، مسك عيون من إيدها وقعدها على السرير. مالك: قوللي بتاخديها لي ومن امتى بتاخديها أصلاً؟ عيون: مالك بعصبيه: ساكتة لي ما تتكلمي؟

عيون بعياط وصوتها عالي نسبياً: باخدها من ساعة ما انت سبتني، باخدها عشان أعرف أنام، باخدها عشان طول النهار والليل بفكر فيك لدرجة اني فكرت أنتحر، مكنتش قادرة أتحمل بعادك عني، انت السبب مش أنا. وبقت تعيط أكتر. مالك في الوقت ده بقى مش عارف يعمل إيه، كل اللي يعرفه إن عيون وصلت للحالة دي بسببه. عيون كانت بتعيط، مالك خدها في حضنه وضمها جامد وبقى يمسح على شعرها. مالك: شش اهدى عشان خاطري. عيون بصوت متقطع: متسبنيش يا مالك.

مالك: طول ما أنا عايش هفضل جنبك يا عيون قلبي. عيون بصتله وبقت الابتسامة على وشها. مالك: أهو أنا عايزك على طول الابتسامة على وشك كدا. عيون: طول ما انت معايا هتفضل الابتسامة على وشي يا مالك قلبي. مالك في اللحظة دي خد عيون في حضنه وضمه لى جامد قوي. مالك طلع عيون من حضنه: عيون انتي لازم تسمعي كلامي في الوقت اللي جاي عشان لازم تتخلصي من السم اللي في جسمك ده. عيون: أنا واثقة فيك يا مالك.

مالك: انتي مش هتروحي الشغل دلوقتي وأنا هعالجك في البيت وهكون معاكي دايماً. عيون: حاضر. مالك وعيون رجعوا البيت وبقى مالك مع عيون على طول، رغم عيون كانت بتتعذب لكن مالك دايماً كان بيقويها، كان اليوم بيعدي عليها كأنه سنة من التعب، فات يوم ورا يوم وعيون كانت بتتعافى. بعد شهر. مالك: حمد لله على سلامتك. عيون: أنا مبسوطة أوي يا مالك بجد حاسة كأني رجعت عيون من أول وجديد، رجعت زي ما أنا.

مالك: انتي زي ما انتي يا حبيبتي، المهم في مفاجأة جوة في الحمام عايزك تجهزي نفسك عشان بعد ساعة هعدي عليكي. عيون: بجد هنروح فين؟ مالك: دي مفاجأة. عيون: حاضر. عيون دخلت الحمام لقيت فستان أسود، أقل ما يقال عنه إنه غاية في الجمال، كان طويل وبكم شفاف وكان معاه هيلز أسود بكعب. عيون: الله ده جميل أوي، تحفة بجد.

عيون لبست الفستان ولبست الهيلز وحطت ميكب خفيف جداً لأنها مكانتش محتاجة أصلاً، وسابت شعرها ورا ضهرها، كان شعرها طويل ونزلت خصلتين، كانت بجد جميلة جداً تشبه الأميرات. مالك: عيون خلصتي؟ عيون: اه. مالك: طب انزلي أنا مستنيكي قدام الفيلا. عيون نزلت وكأنها طلعت الأميرات، مالك أول ما شافها تنح ومبقاش عارف يتكلم، عيونه بس مركزة عليه ونظراته. عيون اتكسفت من نظرات مالك ليها. عيون: هنفضل واقفين؟

مالك: احم أنا نفسي أخبيكي عن عيون الناس. عيون نزلت راسها بخجل ومالك ضحك على كسوفها وقام مطلع شريطة سودا من جيبه وحطها على عيونها. عيون: إيه ده؟ مالك: شش سبّيلي نفسك النهاردة. وبعدين ركبها العربية وطول ما هو في الطريق ماسك إيدها وهما ساكتين، وبعد فترة مالك وقف العربية. عيون: وقفت لي؟ مالك: وصلنا يا حبيبتي. ونزل عيون من العربية وبقى ماسك إيدها وماشي. عيون: هنروح فين تاني؟ أنا عايزة أشيلها بقى.

مالك: بس اقفي هنام بقى بس متشليهاش أنا هشيلها. مالك جه من ورا عيون وابتدى يفك الشريط، وعيون أول ما فتحت عينها لقيت نفسها واقفة وسط ورد وبلالين كتير أوي. مالك: بصي فوق في السما. عيون أول ما بصت لقيت نور اتجمع في السما واتكتب كلمة "بعشقك يا عيون قلبي"، وبقت من كتر الفرحة مش قادرة تتكلم، بصت على مالك لقيته قاعد على الأرض ورافع إيده وماسك علبة فيها خاتم ألماس وعلى حرفين حرف M/A ومقدمها ليها.

مالك: تقبلي تكوني مراتي وحبيبتي وعشقي كله؟ عيون حرفياً مكانتش قادرة تتكلم من الفرحة والابتسامة على وشها وهزت راسها. مالك قام ولبسها الخاتم، وقام شدها من وسطها وشالها مرة واحدة وبقى يلف بيها والورد كان نازل عليها من فوق. مالك: أنا بعشقققققققققك. عيون: أنا بحبببببببك أوي يا مالك. مالك: وأنا بعشقك يا قلب المالك. وقام منزلها. عيون: أنا مش مصدقة اللي أنا فيه، أنا بحبك أوي.

مالك: وأنا بعشقك يا روحي ويا قلبي، أوعدك يا عيون إن عمري ما هسيبك أبداً وعمري ما أزعلك ودايماً أخلي الابتسامة على وشك وأخليكي أسعد واحدة في الدنيا. عيون: وأنا هفضل جنبك أوعدك إني عمري ما هسيبك وميفرقش بينا غير... في اللحظة دي مالك حط إيده على بوقها. وهنا مشهد سلو موشن على أغنية رومانسية وابتدى مالك يحرك عيون ويرقصها مع بعض، وعيون كانت مستسلمة ليه خالص. وبعد شوية خلصوا. مالك: ليكي عندي مفاجأة. عيون: بجد إيه هي؟

مالك: هعملك أحلى وأجمل فرح في الدنيا عشان تلبسي الفستان الأبيض. عيون عينها اتملت دموع وكان قلبها بيدق جامد. عيون: بجد يا مالك؟ أنا أنا مبسوطة أوي، أنا بحبك أوي. مالك: أنا عايزك مبسوطة على طول يا حبيبتي، ربنا يقدرني وأخليكي مبسوطة على طول. وخدها في حضنه وقضوا ليلة من أجمل أيامهم وكانوا مبسوطين جداً، وبعديها روحوا البيت وعيون فضلت في حضنه لحد ما ناموا. في الصباح. مالك صحي وكانت عيون لسه نايمة لأنه صحي بدري شوية.

زينب: صباح الخير يا حبيبي. مالك: صباح الخير يا أمي. زينب: ألف مبروك يا حبيبي. مالك: الله يبارك فيكي. سليم: مبروك يا ابني أخيراً هنفرح بيك. مالك: الله يبارك يا بابا. دنيا: مبروك يا أحلى أخ في الدنيا كلها يا حبيبي. مالك خدها في حضنها: الله يبارك فيكي يا حبيبتي عقبالك. دنيا اتكسفت. وكذلك عمها ومرات عمها باركولها. هايدي نزلت واتكلمت بقرف: مبروك يا مالك. وكانت جايه تحضنه، بعد عنها. مالك ببرود: الله يبارك فيكي.

دنيا: امال العروسة فين؟ مالك: نايمة فوق. دنيا: طب أنا هطلع لها عشان نلحق نجهز، وكمان فين علياء؟ مالك: علياء جايه، وأنا كلمت الميكب أرتيست وكل حاجة. خلال ساعة هتكون جت، وكمان الفستان بتاع عيون. *** دنيا طلعت لعيون، وبعد شوية علياء جت. علياء: يلهوي على القمر اللي فرحانة النهاردة، ألف مبروك يا حبيبتي. عيون: الله يبارك فيكي يا قلبي. دنيا: حبيبة قلبي، ألف مبروك. أخيرًا هنفرح بيكي وبمالك. علياء: متتصوريش أنا مبسوطة قد إيه.

دنيا وعلياء: دايماً مبسوطة. بعد شوية جت الميكب أرتيست، وابتدت عيون تجهز. عيون: الله، الفستان جميل أوي أوي. علياء: آه، الله وأكبر يا حبيبتي. عيون لبست الفستان الأبيض، وكانت زي الملكات. وحطت ميكب بسيط وهادي، لأنها مكانتش محتاجة أصلًا، وكانت جميلة. البنت بتاعت الميكب: واو، أنا بجد عمري ما شوفت عروسة قمر كده، ما شاء الله عليكي. عيون: حبيبتي، تسلميلي. علياء: ما شاء الله، كأنك ملكة. دنيا: يا خواتي، عندي مرات أخ قمر كده.

عيون: أنتم أحلى، يا أحلى أصحاب وأخوات. يلا اجهزوا أنتم كمان. وعلياء ودنيا لبسوا وجهزوا، وخلصوا، وكل حاجة كانت جهزت. *** *** إياد: ألف مبروك يا صاحبي، أخيرًا شوفتك عريس. مالك: الله يبارك فيك يا إياد. وحضنوا بعض بحب أخوي. إياد: مش يلا تجيب العروسة؟ سليم: أنا اللي هستلم العروسة، لأنها بنتي. مالك حضن أبوه، وكان مبسوط بالقرار ده، لأنه مش عايز يخلي عيون تحس بغياب أبوها. عيون خلصت وجهزت، وكانت مستنية مالك.

علياء: عيون، أنا بجد مبسوطة أوي يا حبيبتي. دنيا: طبعًا، ما النهاردة يومك الجميل، ولا إيه؟ عيون: هااا. دنيا: مالك سرحانة في إيه؟ عيون: كان نفسي يكون بابا موجود في اليوم ده معايا، عشان هو اللي يسلمني لمالك. وأكملت بدموع: أو ماما، كان نفسي تكون معايا. علياء: متقوليش كده يا حبيبتي، إحنا كلنا معاكي أهوه. دنيا: ليه كدا يا عيون؟ إحنا أهوه، مش إحنا إخواتك برده؟ سليم: وأنا روحت فين يا بنتي يعني؟

عيون: بابا، طبعًا أنت على طول موجود. سليم: ما شاء الله يا بنتي، زي القمر. ربنا يحميكي يا حبيبتي. وباس جبينها. عيون: ويخليك ليا يا بابا. سليم مسك إيد عيون، وطلعوا من الأوضة. وكان ماسك إيدها، ونزلوا من على السلم لحد ما وصلوا لمالك. مالك كان مبهور من جمال عيون، لأنها كانت حلوة أوي. سليم: خلي بالك منها يا مالك، أوعى تزعلها أبدًا، فاهم؟ مالك: هي في قلبي، مقدرش أزعلها. ومسك عيون من إيدها، وباس جبينها بحب، وهمس في ودنها:

مالك: كان نفسي أخبيكي عن عيون الناس كلها، نفسي أحطك في قلبي. بحبكككككك. عيون اتكسفت، ونزلت رأسها بخجل. زينب: مبروك يا بنتي، زي القمر يا حبيبتي. عيون: الله يبارك فيكي يا قلبي يا ماما. وابتدت الليلة، والكل فرحان، وكان بيرقص، وكانت عيون فرحانة جدًا. وفي اللي كان فرحان ومبسوط لهم، وفي اللي كان بيحقد عليهم.

هايدي بحقد: هههه، افرحي يا عيون كويس أوي. أنتِ ما تعرفيش اللي جاي لكِ هيكون إيه. صدقيني مش هسيبك تكملي فرحتك، لأنك خدتي مني كل حاجة. خلص الفرح، والمعازيم مشيوا. وعيون ومالك غيروا هدومهم، ولبسوا لبس تاني، وحضروا شنطهم. زينب: خلوا بالكم من نفسيكم، يا رب ولاد. عيون: حاضر يا ماما. والعيلة ودعتهم، ومالك وعيون اتجهوا للمطار، وركبوا الطيارة، وسافروا المالديف يقضوا شهر العسل. وبعد فترة وصلوا، ومالك كان حاجز شاليه.

عيون: الله يا مالك، بجد المكان هنا تحفة أوي. مالك: كل حاجة بتحلمي بيها هحققها لكِ يا حبيبتي. عيون: ربنا يخليك ليا يا حبيبي. مالك قرب منها، وكان هيبوسها. عيون: طب أنا داخلة أغير هدومي. ومشيت، ومالك ضحك على كسوفها. وبعد شوية عيون خرجت، وكانت لابسة بيبي دول مثير جدًا. ومالك لما شافها اتصدم، وبقى يقرب منها لدرجة أنفاسهم تلاقي بعض. ومالك ابتدى يقرب من عيون، ويسحبها لحضنه، ووووو تاهوا في بحر عشقهم......