رواية عزيز الفصل الحادي عشر 11 - بقلم نور الشامي

نزلت نجمه الي الاسفل بسرعه فوجدت الجميع يقف بصدمه ينظر الي عزيز. "طلاق؟! " تحدثت نجمه مردفه. "انت طلجتني بجد؟ "لا لسه... بس هطلقك ان شاء الله قريب." قال عزيز ببرود. "انا دلوقتي اخدت فلوسي خلاص كلها ال انتي مضيتي عليها امبارح." حاولت نجمه ان تتذكر ما حدث حتي تذكرت انها وقعت علي بعض الاوراق ولكن بدون ان تري اي شئ. فنظرت اليه

بصدمه وهو يتحدث مردفا: "واي المشكله في ال عملته.. انا مش فاهم انتي مستغربه اوي ليه كده.. هو مش دا الطبيعي ال المفروض كان يحصل؟ "الطبيعي انك تخدعني.. انك تستغل حبي ليك وبعدين دلوجتي تجولي انك مش عايزني وتخليني امضي علي كل حاجه.. انا كنت هكتبلك اصلا كل حاجه." قالت نجمه بصدمه.

"دي حاجتي انا.. دي فلوس عيلتي انا متحسسنيش انك بتديني مساعده اصلا." قال عزيز بعصبيه. "جوازنا كان غلط.. انا مش بحبك ولا عايزك ولا انتي تناسبيني لا من قريب ولا من بعيد ولا ننفع مع بعض اصلا وخلاص انا خدت ال انا عايزه.. مش هتفرق بقا خدته ازاي.. حضري نفسك علشان ترجعي لأختك." "بس انا بحبك يا عزيز... واتجوزتك علشان بحبك... انا عملت اي علشان استاهل منك كل دا.. انت ازاي تعمل فيا اكده.. ليه تستغلني." قالت نجمه بصدمه ودموع.

وفجأه انصدمت عندما وجدت هذه الفتاه تقترب منه وتحتضنه وهو يبتسم لها. "مااااجي ابعدي عن ابني." تحدثت انغام بحده. نظر عزيز اليها بضيق ثم ابتعد عن ماجي. "طيب الحمد لله انك مخدعتنيش انا كمان وانا ال كتبت كل حاجه بنفسي." تحدثت ايه مردفه. "بس خلاص احنا اصلا مكنش ينفع نتجوز من الاول.. انا هرجعك مع اختك علي الصعيد." قال طارق بضيق. نظرت ايه

اليه بصدمه ثم تحدثت مردفه: "هو انتوا سيبتونا اهنيه علشان خاطر اكده.. علشان تاخدوا الفلوس وبس.. طيب كنتوا عرفونا وقولوا احنا عايزين فلوسنا وبس." "احنا خدنا فلوسنا وخلاص كده انتهينا." قال عزيز بضيق. "حضروا نفسكم علشان ترجعوا الصعيد." جاءت نجمه لتتحدث ولكن قاطعها صوت زيدان بغضب مردفا: "انغام خلي حد يحضرلي الشنط.. محدش ماشي من اهنيه غيري انا والله ما عرفتوا تربوهم." نظر الجميع

بصدمه فتحدث عزيز مردفا: "جدو رايح فين دا بيتك." "بيتي؟! " قال زيدان بحده. "هو انتوا خليتوا فيها بيتي يا ولاد ابني... ياريتك كنت فضلت تعبان علي الاقل كان عندك رحمه وانسانيه لكن دلوجتي شوف نفسك بجيت اي... وانت يا طارق... انت فقدت الذاكره مش اخلاقك.. اي ال انتوا بتعملوه دا." "الصح ياجدي... بنرجع فلوسنا ال انتوا اديتوها لبنتين منعرفش اصلا اصلهم من فصلهم بنتين لا من عيلتنا ولا نعرفهم...

برجع مراتي تاني.. مراتي الاولي ال فجأه وبدون مقدمات ال ال كرها فجأه كأنكم اول مره تتعرفوا عليها وعزيز بيعمل الصح.. هو مختارش لا... كان مجبور." قال طارق بضيق. "خلاص انا همشي من اهنيه وهاخدهم معايا ومليش رجعه علي القاهره تاني." قال زيدان بحده. "يا جدوا انت بتعمل كده ليه دا بيتك خليك معانا." قال عزيز بضيق. "يا حج خليك معانا." قال كارم. "اخليني؟!

" قال زيدان بعصبيه. "انا امشي احسن بدل ما ولادك يطردوني زي ما طردوا مراتتهم." "مين قال اننا بنطردهم بس.. طيب حضرتك اقعد وهنعمل ال انت عايزه." قال طارق بضيق. شعر زيدان ببعض التعب ولكنه اكمل مردفا: "لع.. مش عايز حاجه منكم و... ولم يكمل زيدان كلماته وفجأه وقع علي الارض فاقدا وعيه فأرتعب الجميع وحملوه وصعدوا الي الاعلي وطلبوا الطبيب. وبعد فتره من الوقت خرج توفيق فتحدث كارم بلهفه مردفا: "في اي يا توفيق قولي هو كويس."

"لا مش كويس وحالته مش مستقره محتاج راحه تامه وميتعرضش لأي ضغط خلال الفتره دي علشان ممكن حالته تتأخر اكتر من كده وهكتبله علاج لازم تجيبوه." قال توفيق بضيق. "حاضر هنجيبه دلوقتي." قال رماح بلهفه. ذهب توفيق ودخل الجميع الي زيدان الذي تحدث بتعب مردفا: "كملوا الشهرين مع بعض وبعدها كل واحد يروح لحاله وانت يا رماح مش هيبجوا خمس شهور هيبجوا شهرين بس."

نظر رماح اليه بصدمه من اي مكان علم بهذا الامر انه سيظل مع جيهان لمده خمس شهور فقط. فجاءت جيهان لتتحدث ولكنه قاطعها مردفا: "فاكرين اني معرفش حاجه... لع انا عارف كل حاجه.. هيبجوا شهرين بس وبعدها اطلقوا.. انا مش هجبر حد منكم علي حاجه بعد اكده." "يا جدو بس انت ارتاح دلوقتي واحنا هنعمل ال انت عايزه كله." قال عزيز بضيق. القي عزيز كلماته ثم خرجوا جميعا ليتركوه

يرتاح فتحدثت انغام مردفه: "ماجي اول حاجه كده انتي تمشي من هنا علشان هنتكلم في حاجات عائليه وخاصه." "وانا مش من العيله ياخالتي؟! " قالت ماجي بضيق. "لا مش من العيله يا خالتي." قال عزيز مقلدا صوتها. نظرت ماجي اليه بضيق ثم تحدثت مردفه: "ماشي يا عزيز انا ماشيه بس هرجع تاني." "الكرامه في ذمه الله." قال عزيز بسخريه. ذهبت ماجي من البيت فتحدث كارم مردفا: "كل واحد ياخد مراته وتتكلموا تشوفوا هتعملوا اي."

ذهبت نجمه وايه كلا منهم الي غرفتها. عن ايه دخل طارق بضيق وجاء ليتحدث ولكن قاطعته ايه بحده ودموع مردفه: "دوري انا اتكلم شويه... انا موافجه افضل اهنيه شهرين.. بس خلال الشهرين دول عايزه اخد كل حقوقي الشرعيه... انا يوم وهي يوم طلباتي تكون عندي.. ليا يوم في الاسبوع تخرجني فيها لوحدنا ولو عايز تجيب ساجد معانا معنديش مشكله.. انا عايزه كل حقوقي." نظر طارق اليها بصدمه ثم تحدث مردفا: "حقوقك الشرعيه ال هي اي بقا ان شاء الله...

"انت فاهم كويس جووي انا جصدي اي يا طارق." قالت ايه بحده. "انتي هبله ولا دماغك تعبانه ولا اي؟! انا مش بحبك ومعرفش المس واحده مش بحبها." قال طارق بعصبيه. "انا مش جصدي اكده... انا جصدي انك هتنام جمبي علي السرير وهنعيش الشهرين دول كزوج وزوجه انا مكنش جصدي علي ال في دماغك دا انت فهمت غلط." قالت ايه بحده واحراج. اما عند نجمه كانت تحضر حقيبه ملابسها وجميع اشيائها من الغرفه فتحدث عزيز بابتسامه: "اي دا انتي هتمشي بجد."

"همشي من اوضتك وهروح اجعد في اوضه تانيه خلال الشهرين دول... انت جولت كل حاجه من وجت ما عرفتك.. انت بس ال كنت بتتكلم انا مكنتش بتكلم نهائي كنت بسمعك وبس." قالت نجمه بحده. "قولي يا قلبي ال انتي عايزاه كله." قال عزيز ببرود. "اول حاجه ملكش صالح بيا نهائي اعتبرني اي شخص اهنيه عايش معاكم مش مرتك.. اعمل اي حاجه تعجبني.. انا هعتبر نفسي محرمه عليك." قالت نجمه بحده. وضع عزيز يده علي قلبه ثم تحدث بتأثر مردفا: "ااااه قلبي...

كده يا نجمه كسرتي قلبي حرام عليكي تكسري قلب شاب بريئ كده علي فكره انتي معندكيش رحمه بقلوب العذارا." ثم اكمل: "عذارا اي.. اي الغباء ال بقوله دا." "تصدق بالله انك شخص مستفز.. انت اكده ازاي." قالت نجمه بغضب من بروده. "زي السكر في الشاي." قال عزيز بسخريه. نظرت نجمه اليه بغضب ثم اخذت ملابسها وذهبت فتحدث عزيز بسخريه: "طيب اجي اشيل معاكي بدل ما انتي واخده البلوزتين بتوعك وهترحلي من الاوضه كده."

القي عزيز كلماته ثم ذهب خلفها فوجدها تضع ملابسها في احدي الغرف القريبه منه فتحدث مردفا: "مش قادره تبعدي عني للدرجادي صح علشان كده واخده الاوضه ال جمبي.. تعرفي ان البلكونه مشتركه." نظرت نجمه اليه بعصبيه ثم مسكت يده وسحبته خارج الغرفه واغلقت الباب خلفه وجلست علي الفراش تبكي بشده.

وفي صباح اليوم التالي اجتمع الجميع علي مائده الفطور فجلست سما بجانب طارق فأقتربت منه وجلست بجانبه من الاتجاه الاخر وجاءت سما لتطعمه فأطعمته ايه ايضا فتحدث طارق بضيق مردفا: "هو انا اتشليت في اي." "انتي بتعملي زيي ليه... دا جوزي." قالت سما بحده. "وجوزي انا كمان اعمل ال يعجبني متنسيش الموضوع دا يا ضرتي." قالت ايه بضيق. نظرت سما اليها بصدمه ثم تحدثت مردفه: "ضرتك؟! "ايوه امال هي بيبجي اسمها اي عااد." قالت ايه بحده.

"بس بقااا انتوا الاتنين." قال طارق بعصبيه. "خلصنا." قالت انغام بحده. "صحيح هو في اي." جاءت سما لتتحدث ولكن قاطعها دخول الخدم وخلفها احدي الشباب فنهضت سما بسرعه واحتضنته بلهفه وتحدثت مردفه: "علي.. وحشتني اووي انت وصلت امتي." "انهارده واول حد جيت اشوفه هو انتي." قال علي بابتسامه. اقترب الجميع منه ورحبوا به وطلبوا منه الجلوس معهم فتحدث بأستغراب مردفا: "انا حاسس ان فيه ناس غريبه." "ال جمبي دي نجمه مراتي...

وال جمب طارق دي ايه مراته." قال عزيز ببرود. انفزع علي من مكانه ثم تحدث مردفا: "مرات مين؟! طاارق." تنهد طارق بضيق ثم تحدث مردفا: "ما هي كانت نقصاك انت كمان." "اه وبموافقه اختك الجميله ال قاعده جمبك دي.. هي ال قالتله يتجوز." قال عزيز ببرود. "سما اي الكلام دا." قال علي بحده. "علي كل دا كان علشان الفلوس دا مجرد جواز علي ورق بس بسبب الشغل انا هفهمك بالتفاصيل بعدين هو مش جواز عادي." قالت سما بضيق. "جواز شغل يعني؟!

"ايوه وشهرين وهيطلقوا." قالت سما بلهفه. "اها شهرين بالظبط وهنطلق متخافش واختك هتفضل اهنيه اصلا محدش يعيش في البيت دا ويرتاح." قالت ايه بحده. "And you, what is your interest in this marriage؟ " قال علي بضيق. تنهد كارم بضيق وجاء ليترجم لها ولكن انصدم الجميع وبالتحديد طارق عندما وجدوها ترد عليه مردفه: "Sometimes we choose the interest of others over our own..but I will definitely get something." "ال هو اي؟!

" قال طارق بحده. "اي هي المصلحه ال هتاخديها وبعدين انتي بتعرفي تتكلمي انجليزي اهه." "وفرنساوي كمان... احنا مش جهله... الحمد لله متعلمين وبنعرف لغات." قالت نجمه بضيق. "خلونا ننهي النقاش دا لحد ما افهم من اختي لو سمحتوا." قال علي بضيق. بعد تناول الفطور نهض الجميع وجلست نجمه في الحديقه تتحدث في الهاتف مع شمس ولكن لم تخبرها بأي شئ وعندنا انتهت التفتت لتدخل فوجدت علي امامها فتحدثت بتوتر مردفه: "محتاج حاجه؟!

"انتوا هتطلقوا بجد من عزيز وطارق." قال علي بابتسامه. "متخافش علي اختك... اختي هتطلج من طارق بعد شهرين ان شاء الله وانا كمان وهنرجع الصعيد يعني مفيش خطر من ناحيتنا علي جواز اختك." قالت نجمه بضيق. ابتسم علي ثم تحدث مردفا: "شكرا انك قولتيلي الحقيقه واطمنت علي اختي." جاءت نجمه لتذهب ولكن تعركلت في احدي الاحجار الصغيره وكادت ان تقع لولا ان علي مسكها امام انظار عزيز الذي تحدث مردفا: "اي جو المسلسلات الهندي دا."

"هو اي دا ماسكها كده ليه دا." قال طارق بضيق. "طارق تعالي يا حبيبي اعدلي الاريل ال هركبه." قال عزيز بحده. القي عزيز كلماته ثم ذهب وتحدث ببرود مردفا: "البطل انقذ البطله." شعرت نجمه بالاحراج وابتعدت عنه قليلا فتحدث علي مردفا: "هي كانت هتوقع وانا لحقتها." "شوفت يا حبيبي تسلم.. اختك عايزاك." قال عزيز ببرود. ابتسم علي لنجمه ثم ذهب فتحدث عزيز مردفا: "طارق الاريل معدول." "انا داخل اشوف ساجد." قال طارق بضحك. القي طارق كلماته

ثم ذهب فتحدث عزيز مردفا: "نجمه.. اعدلك الاريل يا بابا علشان تكوني مبسوطه... انتي صغيره مش عارفه تمشي... بتتكعبلي." "وانت مالك بتكلمني اكده ليه." قالت نجمه بحده. "مالي في جيبي يا حلوه.. الزمي حدودك بدل ما اكسر البيت فوق دماغك دماغ ال جابك." قال عزيز ببرود. القي عزيز كلماته ثم ذهب اما عند رماح كان يجلس في بيته يجهز نفسه للخروج حتي اخبرته الخادمه ان السكرتيره الخاصه به تنتظره في الاسفل فنظرت جيهان

اليه وتحدثت بحده مردفه: "هو في اي.. اي ال جابها دي." "مش عارف هنزل اشوف اكيد في حاجه مهمه." قال رماح بضيق. القي رماح كلماته ثم نزل الي الاسفل وخلفه جيهان فوجدها تبكي بشده فأقترب منها وتحدث مردفا: "مالك يا يمني اي ال حوصل جوليلي."

"يا بشمهندس بالله عليك انا جيت هنا علشان عزيز بيه وطارق بيه بيوصلوا متأخر اوي الشركه.. انا ماما تعبانه خالص ودخلت العنايه المركزه.. انا عارفه ان لسه فاضل 20 يوم علي المرتب بس بالله عليك انا عايزه سلفه ضروري." قالت يمني ببكاء. "طيب اهدي خالص الاول وامسحي دموعك دي وانا هاجي معاكي وادفع كل فلوس المستشفي كمان ونتطمن علي مامتك." قال رماح بضيق. نظرت جيهان اليه بضيق فتحدثت يمني بلهفه مردفه: "بجد يا بشمهندس."

"طبعا بس بعد ما تمسحي دموعك الاول." قال رماح بابتسامه. مسحت يمني دموعها فأخذها رماح وذهب امام انظار جيهان الغاضبه وعندما خرجوا تحدثت بغضب مردفه: "اه هي الحكايه كده بقا هما بيحبوا بعض وانا الغبيه ال في النص طيب والله ما انا ساكته." اما عند طارق كان يرتدي ملابسه فأقتربت ايه منه وبدأت تساعده وهو ينظر اليها بأستغراب حتي انتهت فأحضرت له الهاتف ومفاتيح

السياره وتحدثت مردفه: "انهارده يومي.. انت امبارح روحت نمت عن مرتك الاولي يبجي انهارده تنام عند مرتك التانيه." نظر طارق اليها بضيق ثم ذهب اما في المطبخ كانت نجمه تقوم بتحضير احدي العصائر فدخل علي وتحدث مردفا: "هو مفيش حد هنا ولا اي." "لع الكل بينظفوا الاوض دلوجتي.. لو محتاج حاجه جولي وانا اعملها." قالت نجمه بتوتر. "اه بصراحه كنت محتاج عصير برتقال." قال علي بابتسامه.

بدأت نجمه في تحضيره وعزيز يقف امام المطبخ ينظر اليهم بضيق حتي انتهت فدخل وتحدث مردفا: "انا هجيبلنا احنا الاتنين يا علي." اخذ عزيز الاكواب ثم وضع شطه في كوب علي بدون ان يراه احد ووضع العصير وتحدث مردفا: "اتفضل." اخذ علي العصير وذهب فنظر عزيز اليها بابتسامه وتحدث مردفا: "نجمه.. اي رأيك لو ركبت قرون.. هيبقي شكلي احلي صح." "انت بتجول اكده ليه." قالت نجمه بضيق.

"علشان مش معني اننا اتفقنا انك تعملي ال يعجبك لحد الشهرين دول ما يخلصوا تنسي انك مراتي.. بلاش تطلعي عصبيتي ال اقسم بالله ما حد هيستحملها انا راجل شرقي يا روح امك مش بقرون علشان اشوف مرتي بتضحك وتهزر مع حد تاني ويلمسها." قال عزيز بعصبيه. "هو لمسني امتي... انا كنت هقع في الارض وهو انقذني." قالت نجمه بحده.

"ما توقعي هو انتي يعني هتوقعي في النار وبعدين انقذك اي وزفت اي علي دماغك هو انقذك من الموت اي القرف ال انا فيه دا اسمعي يا بنت انتي الزمي حدودك هنا بدل والله العظيم ما هتعرفي ممكن اعمل اي." قال عزيز بغضب. القي عزيز كلماته وجاء ليذهب ولكن سمع صوت صراخ في الاعلي فصعد بسرعه وانصدم عندما وجد وووو.