رواية اغتصاب غامض الفصل الثالث 3 - بقلم جوري محمد

جوري: المكان الغريب ده... المقابر اللي جت لي في الحلم؟ جوري: فين التليفون؟ إيه ده كان لسه في إيدي دلوقتي، يمكن وقع مني. طيب فين ميجو؟ والمكان ضلمة كده ليه؟ وفجأة ظهرت لها بنت بتشاور لها وحواليها نور. جوري: أكيد مش شبح يعني. وتقرب من البنت. جوري: انتي مين؟ وبتعملي إيه في الوقت ده؟ البنت: السر في القبور. دوري جوه هتعرفي الحكاية. جوري: مش فاهمة، وضحي. البنت: أنا هبقى هنا أول ما تطلع الشمس. جوه القبر.

جوري: طيب فين مكانك؟ وأنا أحاول أنقذك. البنت: خلاص، ادامي بكلمك يبقى ما فيش أمل في الإنقاذ. وبدأت تختفي. جوري فاقت، لقيت نفسها نايمة في الأرض وميجو الكلب بيفوقها. جوري: إيه ده؟ إيه اللي بيحصل معايا؟ معقول يكون كل اللي حصل ده حلم؟ وهنا جت الجدة.

الجدة: أنا قلت لك، صدقي اللي انتي تشوفيه. كفاية عليكي النهاردة، واستعدي للي انتي هتشوفيه وهتكتشفيه، لأنك دخلتي عالم صعب تخرجي منه إلا لو فهمتي وحلتي. اللعنة مش عليكي انتي بس، عليكي انتي كمان. ما فيش حاجة صدفة. جوري: تقصدي إيه؟ الجدة: كل اللي هقوله لك لحد ما تيجي لي بالليل، إن اللي جاي واللي حصل، انتي ليكي وجود فيه. جوري: قصدك إيه؟ انتي رحتي فين؟ وهنا جه اتصال من بلال. جوري: الو. بلال: انتي فين؟

ده كله الوقت اتأخر جدا. جوري: جايه على الاستراحة، ولا أنتم في القسم؟ بلال: لا في القسم، لسه ما رحناش الاستراحة. جوري: طيب، أنا جايه. مراد: إيه يا ابني؟ مش هتحكي لي بقى الحكاية بتاعة النقيب جوري؟ بلال: حاضر. كان في قضية عن ولدين، عمر وعمار. فلاش باك. عمار: بص يا عمر، احنا زهقنا من الحاجات اللي مش مرعبة اللي احنا بنعملها دي. نروح قصر قديم نبات فيه يوم، كله أي كلام. إنما أنا عرفت لعبة جديدة نزلت على موقع، أول مرة أشوفه.

عمر: عايزنا نجرب ونلعبها؟ عمار: أيوه، واحنا خسرانين حاجة. والاثنين لعبوها، بس اللعبة دي كانت نازلة على موقع بتاع سحر وشعوذة. عمر: اللعبة الفظيعة دي، والأشكال الوحشة اللي بتظهر كل شوية. عمار: هي دي يا ابني الألعاب ولا بلاش. عمر: بس دي طالبة إني أدخل قبر، وانت تقفل عليّ. عمار: وإيه يعني؟ يعني هي أول مرة نعمل حاجة مخيفة؟ ثم خلينا علشان نطلع للمرحلة اللي جاية. عمر: بس أنا أخاف أبات في القبر لوحدي.

عمار: لا، ما تقلقش، هي ساعة واحدة وأنا هاكون فوق جنب القبر قاعد. عمر: خلاص، اتفقنا، يلا بينا. ودخل عمر القبر، وعمار قفل عليه. عمار وهو قاعد فوق جنب القبر نام. وبعد فترة. عمار: إيه ده؟ أنا نمت؟ يا خبر! عمر فتح القبر ولقى حشرات كتير على وش عمر. وبدأ عمار يشيل صاحبه ويطلعه فوق في الهوا، ويشيل من عليه الحشرات، ويحاول إن هو ينعش القلب ويرجع له التنفس تاني. عمر: بيبدأ يفوق ويهلوس بكلمات غريبة. عمار: قال ما فهمتش منها حاجة.

وبعد فترة، عمر اتقتل في ظروف غامضة. وكل الأدلة كانت بتشير إن عمار هو اللي قتله فعلاً. تم القبض على عمار، ولكن ظهرت عليه حاجات غريبة وأفعال، كلنا فهمنا إنه بيدعي الجنون. بس جوري اهتمت بالقضية، لأنها بتحب تهتم بالحاجات الخارجة عن الطبيعة، وعندها مكتبة مليانة كتب غريبة، وكلها بتحكي على الظواهر الغريبة.

وبدأت إنها تدخل على الموقع علشان تحل القضية، وما حدش صدق الولد غيرها. فما حدش ساعدها في القضية دي، وكان هيتحكم على الولد بالإعدام أو دخول مستشفى المجانين. وبدأت فعلاً تدخل الموقع وتدور وراه. وشركت بالفعل وحلت القضية، وكان بالمقابل موت أبوها وأمها. وهي بتحاول تدافع عنهم، أخدت الإصابة في رجلها. بس الغريب إن الرصاصة لسه موجودة، ما فيش دكتور عارف يطلعها، وما حدش يعرف السبب.

كلنا زعلنا من منظر الجثة بتاعة باباها ومامتها، لأنهم كانوا مسلوخين. منظر بشع. وكانوا بيستخدموهم في طقوس السحر بتاعتهم. كشفت حقيقة الموقع، وتحلت القضية، وحياة ناس كتير لحقناها قبل ما يحصل فيها زي دول. وبعدها بفترة، أخدت لقب الضابط الأعرج، لأن الإدارة حبت إنها تخفف عنها وتقلل من الخسارة اللي ما تتعوضش بالنسبة لها. فقالوا لها: لو انتي عايزة تستمري في الشرطة، أهلاً بيكي مرة تانية. وهي وافقت.

هي كده على طول، أي قضية غريبة تدخل فيها، لأنها دايماً بتقول: أنا ما عنديش حاجة أخاف عليها. وما رضيتش ترتبط بأي حد. مراد: بس أنا في بعض الأحيان بحس إنها بتمشي طبيعي، والبعض التاني لقيتها بتعرج. بلال: إحنا كمان قلنا كده. حتى هي، وما تعرفش السبب. واللي لسه هتستغرب له إن فيها قوة عجيبة. وهنا دخلت جوري. جوري: في أخبار جت على أي ضحية جديدة؟ بلال: لا، ما فيش.

جوري: طب يلا استعدوا وناموا، علشان بكرة قدامنا يوم طويل. أنتم هتناموا في الاستراحة، وأنا هنام هنا في الكرفان. مراد: ماشي، بس حافظي على المحاليل والأجهزة اللي هنا. جوري: أوكي. ومع بداية يوم جديد. بلال: شكلك ما نمتيش امبارح. جوري: لا. انت عرفت فين مكان الوحدة الصحية هنا؟ بلال: لا، ما عرفتش لسه. هسأل. غير كده البلد ما فيهاش نت خالص، مش عارف أدخل على المواقع كويس علشان أحدد الأماكن.

جوري: في شبكة اتصال نت على بعد 10 كيلو، عند المكتبة العامة بتاعة المحافظة. بلال: وانتي عرفتي منين؟ جوري: تصدق ما أعرفش. هي جت في دماغي، قلتها. مراد: أنا عايز مكان علشان أبدأ أكون المعمل بتاعي، حتى لو بشكل مصغر، علشان أبدأ الشغل. جوري: خلاص، هنشوف الوحدة الصحية، أكيد فيها لو أوضة صغيرة فاضية. طارق: حضرة الضابط، صباح الخير. سيادة النقيب. جوري: صباح النور. أنا عايزة كل الملفات الخاصة بالخمس ضحايا.

طارق: إحنا ودينا كل الملفات عندكم في الإدارة. جوري: طيب، أوضح طلبي كويس. عايزة أهالي الضحايا، عامل السجل المدني، مدير مصنع السكر، وبعد العمال اللي هناك. وما فيش أي بلاغ عن ضحية جديدة؟ طارق: لا، ما فيش، ما جتش. جوري: عايزة عسكري معاه كوريك وأدوات حفر. طارق: ليه حضرتك ناوية تعملي إيه؟ جوري: هفتح قبور الخمس بنات. طارق: مستحيل، أهل البلد كلها هتقوم علينا.

جوري: ما تخليهم. يمكن يفوقوا ونحاول نعرف البنات دي حصل لها كده إزاي. طارق: ما فيش عسكري هيرضى يعمل كده، لأنهم من أهل البلد، وهيقولوا فيه حرمة للقبور. جوري: هات الأدوات، وأنا اللي هحفر بنفسي. طارق: وحضرتك جبت تصريح من الإدارة إنك هتعملي كده؟ جوري: ليه؟ عندي إحساس إنك مش عايز تتعامل معايا. ثم ما تقلقش، انت تنفذ المطلوب، وأنا اللي قدام الإدارة مسؤولة. ولا إيه يا حضرة الضابط؟ طارق: تمام يا فندم. وهنا مراد دخل.

مراد: إيه الكلام اللي الظابط بيقوله ده؟ جوري: أيوه، أنا هعمل كده. مراد: وإيه وجهة نظرك؟ جوري: أنا متأكدة إني مش هالاقي جثث في القبور. يلا بينا. ومشت جوري ومراد وصلوا عند المقابر بتاعة كفر النجم. مراد: انت شايف اللي أنا شايفه؟ جوري: كنت متوقعة، وتأكدت من اللي أنا عايز أتأكد منه. بلال: يا خبر! وهنعمل إيه دلوقتي؟ يا ترى إيه المنظر اللي شافوه عند المقابر؟ وهل جوري تقصد إن المقابر بيبيعوا منها الجثث؟

وإيه الدليل على إن عندها قوة؟ وكان لسه هيحكي بلال لمراد...