تحميل رواية اغتصبني واعطيته قلبي بقلم اميرة محمود pdf
بقلم اميرة محمود
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
مين اللي عمل فيكي كده؟ راحت واقعة في الارض. حور! حور فوقي. أنا خلصت ترجمة الأوراق كلها يا حسام بيه، ممكن أروح؟ معدش حد في الشركة خالص غير الأمن والساعة بقت 11. تروحي فين؟ قام وشدها عليه وأخذ يقطع ملابسها. حور، حسام بيه فوق مال حضرتك يا حسام بييييه! انقض عليها حسام كالحيوان المفترس، فهو لم يكن في وعيه تماماً حتى أفقدها أعز ما تملك. حور بعياط شديد: والنبي فوق حرام عليك فوق مالك ااااااه يا حسام! وراحت غايبة عن الوعي. في مكان آخر. حطيتله الحبوب اللي قولتلك عليها في العصير. أيوه يا باشا، فاته هايص جو...
رواية اغتصبني واعطيته قلبي الفصل الحادي والثلاثون 31 - بقلم اميرة محمود
بعد مرور أسبوع.
حسام: حور، ياللا يا قلبي، متحضريش شنط، إحنا هنروح.
حور: لأ، دي شنطة هدوم لمراد عشان إنت عارف بيوسخ هدومه كتير.
حسام: طب تمام، أنا هكلم مراد أشوف هما فين عشان نلحق نروح قبل ما الدنيا تليل علينا.
حور: ماشي يا حبيبي.
حسام اتصل بمراد: أيوه يا بني، إنتوا فين؟
مراد: خلاص جهزنا أهو، نازلين حالا.
حسام: تمام، تعالي عندي، هنروح في عربيتي.
مراد: ماشي، تمام، سلام.
حسام: سلام.
نور: أنا خلصت يا مراد.
مراد: إيه ده اللي إنتي لبساه ده؟
نور: ده ڤيست.
مراد: إنتي عايزة تروحي الصعيد ودراعك باين كده؟ لأ، وعايزة تنزلي معايا كده؟ ده على جِست.
نور: ليه ماله كده؟ ده حتى أحمر وجميل.
مراد: هو من غير بنطلون كمان؟ بت، إنتي مجنونة؟ أنا مش فايقلك.
نور: مش فايقلي، شكراً يا مراد، بس أنا هروح كده.
مراد: انسى خلاص، خليكي هنا، وأنا هروح أنا وحسام وحور نشوف خالك عايز إيه.
نور: طب إنت مش عايزني أمشي كده ليه؟
مراد: عشان إنتي من حقي لوحدي، ومحدش له حق يشوفك كده، فاهمة؟
نور: فاهمة، بس على فكرة أنا كنت جايبة الفيست ده ألبس بنطلون وبادي تحته، بس حبيت أشوف رد فعلك، هتتغير ولا مش فارق.
مراد: ولقيتي إيه إن شاء الله؟
نور: مش فارقة.
مراد: هههههههه، ماشي يا لمضة، عارفة لماضتك دي أنا بعشقها.
نور: لا والله، ده بجد؟
مراد: آه والله بجد، ياللا ادخلي البسي، الناس واقفين يستنوا.
نور: عشر دقايق وهكون قدامك جاهزة.
مراد: ماشي يا قمري، ياللا بسرعة. ورَاح باسها من خدها.
حور: والله يا حسام، أنا عارفة نور ومراد أبرد منهم مفيش، هما الاتنين، شوف من إمتى إحنا جايين، إحنا في الطريق.
حسام: معلش يا حبيبتي، عرسان جداد بقى، وإنتي فاهمة بيتلكعوا إزاي.
حور: والله بجد.
حسام: أمم، أهم أهه، أهه.
حور: ياللا يا أبلة، اركبي، المفروض كنا كلمناكم تلبسوا على بيات.
نور: معلش بقى يا حور، متزعليش، أهو إحنا أجينا أهو.
مراد: عادي يا جماعة، أما نلطعكوا في الشارع ساعتين تلاتة.
حسام: آه وما له، ده إنت أبرد إنسان شفته في حياتي.
مراد: شكراً يا أسخن إنسان شفته في حياتي.
حور: ممكن تسكتوا إنتو الاتنين عشان مراد نام؟
مراد: لا، أنا منمتش، أنا صاحي أهو.
حور: نيني نيني، خفة.
نور: هههههه، والله يا حبيبي ما حد طايقك غيري.
مراد: أحسن حاجة، كفاية عليه إنك إنتي طيقاني يا روحي.
حسام: آه يا روحي ويا حبيبي، الله يرحم يا بتاع الرقاصات.
مراد: هههههههه، إنت لسه فاكر؟ ما خلاص اترقيت لحبيبي.
نور: طب اسكت يا بتاع الرقاصات عشان الولد ينام.
مراد (بهَمْس): وحياة أمك، أما نروح له، أوريكِ.
نور: هتوريني إيه؟ أنا عايزة أشوف.
مراد: سافلة يا حبيبتي.
نور: تربيتك يا حبيبي.
حسام: مجانين يا حبايبي.
مراد: إنت بتتجسس علينا؟
حسام: أنا حاش لله، وهتجسس عليكم ليه؟ إنتوا اللي صوتكم عالي.
مراد: خلاص، إحنا اتخرسنا خلاص.
حسام: صح كده، طلعوا المصحف اقرأوا فيه، إحنا ماشيين على طريق طويل.
حور: بص، افتح على إذاعة القرآن الكريم، وإحنا هنسمع طول الطريق، لأن مراد في إيدي ومش هعرف أمسك المصحف.
حسام: تمام. وشغل على إذاعة القرآن الكريم، وفضلوا طول الطريق يسمعوا كلام ربنا.
بعد مرور عدة ساعات، وصلوا قدام قصر الحاج ناصر.
حور: حسام، تعالي قبل ما نطلع، نروح نزور قبر ماما.
نور: آه، ياريت يا حسام.
حسام: ماشي. وراح رايح عند القبر.
حور وقفت قدام القبر، وفجأة انهالت الدموع من عينيها، وقالت في سرها: "ماما حبيبتي، وحشتيني، أنا خلفت وجبت مراد، إحنا اتبهدلنا وتعبنا قوي من غيرك والله، بس حسام ربنا عوضني بيه وقربنا من بعض عشان كل حاجة وحشة تتمحى، بس والله أنا كل يوم بنام ودموعي على عيني، مش قادرة أنساكي ولا قادرة أنسى إني كنت السبب في اللي حصلك، سامحيني".
وراحت قَارِئَة له الفاتحة.
نور قعدت تعيط جامد، وراحت نازلة على ركبها: "ماما وحشتيني أوي والله، مش قادرة أنساكي، يوم فراقك عني أنا حاسة إن ده الوقت مش سنة، أنا بجد مدمرة من غيرك، مهما ضحكت أو هزرت، فإنتي في قلبي لسه، مش قادرة أنساكي".
مراد: "نور، قومي، حبيبتي، هي في مكان أحسن، ادعيلها بس، وهي أكيد حاسة بيكي، والدعاء هيوصلها يا قلبي، قومي ياللا وادعيلها".
نور قامت وقفت والدموع على عينها، ومراد مسندها، وقرأت الفاتحة لمامتها ودعتلها، وراحوا ماشيين.
حسام: إيه رأيك، كل سنة في سنويتها أجيبكم تزوروها، وتبقى عادة.
حور: ياريت والله يا حسام، كانت وحشاني فعلاً، أنا حسيت إن النار اللي في قلبي هدت أول ما جيت هنا عندها.
حسام: خلاص، ماشي، هجيبكم هنا على طول، بس تعالوا نروح نشوف الحاج ناصر عايز إيه.
***
في قصر الحاج ناصر.
فاطمة: يا أهلاً وسهلاً، نورتونا، اتفضلوا، اتفضلوا.
ودخلوا كلهم وقعدوا.
فاطمة: كيفك يا نور؟ إنتي وحور؟
حور: الحمد لله.
نور: كويسين.
فاطمة: ده ولدك يا حور؟
حور: آه.
فاطمة: ربنا يخليهولك ويباركلك فيه.
حور: يارب.
حسام: أومال الحاج ناصر فين؟
فاطمة: نايم فوق، تعالوا اطلعوا.
حسام: طب ما ننزل؟
فاطمة: الحاج ناصر معدتش رجليها بتقدر تشيله، لأنه عنده سرطان في البروستاتا، وحالته متأخرة.
مراد: لا حول ولا قوة إلا بالله العلي العظيم، تعالوا نطلعله يا جماعة.
نور: ماشي، ياللا بينا.
طلعوا كلهم غرفة الحاج ناصر يشوفوا عايز إيه.
ناصر أول ما شافهم قعد على السرير عشان يعرف يكلمهم.
ناصر: كيفكم يا بنتي؟ كيفكم؟ اتوحشتكم والله.
نور: كويسين.
ناصر: لسه زعلانين مني؟
حور: ليه؟ هو إنت عملت حاجة تزعل؟
ناصر: أمم، طب إني عايز أقولكم على حاجة في قلبي وجعاني، ونفسي تسامحوني فيها عشان أقابل وجه كريم وأنا مرتاح.
حور: خير، قول.
ناصر: الأول لازم تاخدوا حقكم، اتصلي بالمحامي ييجي حالا يا فاطمة.
فاطمة: حاضر يا أبو محمد.
ناصر: على ما المحامي ييجي، أنا عايز أطلب منكم تسامحوني، إني غلطت في حقكم كتير، سامحوني.
حور: نِسامحك على طردك لأمي وهي جايه تستنجد بيك، واخدانا في إيدها من مصر لهنا عشان تديها أي حاجة من حقها، وإنت رفضت؟ نستنجد بيك؟ على إن أمي وقفت بينا نشحت ونمد إيدها للناس عشان نجيب أجرة رجوعنا مصر؟ قول لي نِسامحك على إيه ولا إيه ولا إيه؟
ناصر: إني والله هرجع ليكوا كل حقكم عشان أبقى مرتاح في قبري، يعني سامحوني، والله هديكوا حق أمكم وفوقيه فوايده، وكمان هعطيكوا حق المرمطة اللي شفتوها من بعد موت أبوكم، بس عايزكم تسامحوني في حاجة أنا عملتها وعايزكم تغفروها لي.
نور: حاجة إيه؟
ناصر: أوعدوني أول إنكم هتسامحوني.
نور بصت لحور: بأيوه عشان ياخدوا حقهم.
حور: مسامحينك، بس هي إيه الحاجة دي؟
نور: وأنا مسامحة، بس عايزة أعرف في إيه.
ناصر: إني اللي بعت رجالة يجتلوا أبوكم.
حور ونور بصدمة وذهول.
حور: لا، لا، مفيش كده، جبروت، لا ده إنت عديت الجبروت اللي في الدنيا كله.
نور (بصوت عالي): إنت مش بني آدم! إنت السبب في دمار حياتنا! إنت اللي حرمتنا من الضهر اللي كان هيحمينا من أي كلب ممكن ييجي علينا! إنت للدرجة دي حيوان؟ إنت بتعيط؟ فكرك دموعك دي هتغفر لك ذنبك؟ حلال عليك مرضك وحوجتك، ربنا بيك زي ما أختك اتذلت! إنت مش بني آدم، إنت ألعن من الحيوان!
مراد: نور، اهدي، اهدي، معلش.
نور (بصوت عالي): أهدي مين؟ ده قتل أبويا وسرق ورث أمي! ده ذل أمي وعيشنا حياتنا في ذل! اختك يا خالي يا محترم، مرة كانت بتمسح محل عشان تجيب لنا أكل، صاحب المحل راح اتحرش بيها، وهي مسكته وضربته وسابته له المحل، وأنا كنت عيلة واقفة أتفرج على أمي وهي بتعافر، وكلاب الشوارع عمالين يحاولوا ينهشوا لحمها! اختك اللي المفروض تحافظ عليها وتكرمها، إنت السبب في حرمانها من ورثها ومن جوزها! إحنا عمرنا ما هنسامحك، عمرنا، إنت فاهم؟ موت، أولع بجاز، مش هتهمنا! إنت أصلاً متنفعش تبقى بني آدم!
مراد: يا نور، ياللا نمشي، ده مينفعش حد يتكلم معاه أصلاً، ياللا يا حبيبتي.
حسام: ياللا يا حور.
حور (بصاله وهو عمال يعيط): عمر الدموع ما هتغفر ولا تنضف السواد اللي جوه، ربنا ينتقم منك. وسابته وخرجت مع حسام.
فاطمة طالعة ومعاها المحامي.
فاطمة: المحامي أهو، اصبروا يا بنتي، ماشيين ليه؟
فجأة سمعوا ضرب نار من غرفة الحاج ناصر.
مراد: ده ضرب نار!
كلهم طلعوا جرى على الغرفة.
رواية اغتصبني واعطيته قلبي الفصل الثاني والثلاثون 32 - بقلم اميرة محمود
فاطمه، ناصر! ليه كده يا حبيبي؟ ليه؟
نور، مراد ده مات صح؟
مراد، اهدي يا حبيبتي. انزلي تحت.
نور، أهدى إيه يا مراد؟ ده مات!
حور، حسّت وراحت واقعة في الأرض مغمي عليها.
حسام، حور! خد يا مراد الولد. وراح شايل حور ونزل بيها تحت. نيمها على الكنبة يفوقها.
حور فاقت، حسام ده... ده مات.
حسام، اهدي يا حبيبتي. اهدى.
نور، اهدى يا حور.
مراد، أنا اتصلت بالقسم عشان هيتعمل محضر. عشان ده ميت مقتول.
نور، بس هو اللي قاتل نفسه.
مراد، ولو، بس بردك لازم إثبات حالة عشان يتدفن.
نرمين، قتلته وارتحتوا. قتلته؟
نور، إحنا مقتلناش حد.
نرمين، أنا كنت في الأوضة اللي جنبيكم وسمعت كل حاجة. قولتلهم.
مراد، يعني عرفتي؟ طب كويس إنك عرفتي إن أبوكي عاش قاتل جاحد ومات كافر.
نرمين، إني مسمحلكش تقول كده على أبويا.
مراد، محمد لو سمحت سكت أختك.
نرمين، هو انتوا لسه هتجعدوا هنا؟ يالا بره، بره!
حسام، يالا يا جماعة. إحنا فعلاً قعدتنا هنا ملهاش لازمة.
حور، فعلاً. يالا يا حسام.
المحامي، استنوا.
محمد، يستنوا إيه؟ وانت مين انت عشان تقولهم يستنوا؟
المحامي، حضرتك نور محمود إبراهيم منصور.
حور، لا، أنا حور أختها. نور أهي.
نور، خير؟ في إيه؟
المحامي، الأستاذة نور والأستاذة حور، أبوكم كتبلهم نص القصر ونصف الأملاك كلها والأراضين.
نرمين، انت بتكدب يا راجل انت؟ انت كداب ومتفق معاهم.
المحامي، عيب كده يا آنسة.
نرمين، وهو انت تعرف العيب؟ يا بتاع انت! وراحت تهجم عليه تضربه.
مراد، انتي يا بتاعة انت! ابعدي بدل ما بجد هرميكي في القسم. احترمي الراجل اللي ميت فوق.
محمد، خلاص يا نرمين. مينفعش كده. عشان أبويا. وبعد ما نخلص من العزا نبقى نشوف هنعمل إيه.
نرمين، ماشي يا محمد. ماشي.
عربية البوليس وصلت. الظابط دخل.
الظابط، في بلاغ إن فيه هنا جريمة قتل.
مراد، أيوه. أنا الرائد مراد خيري ابن وزير الداخلية.
الظابط، أهلاً يا فندم. خير؟ في حاجة؟
مراد، الحاج ناصر فوق. ضرب نفسه بالنار بعد ما نزلنا من عنده أنا وحسام ابن عمي ومراته ومراته.
الظابط، بس أنا لازم أبلغ النيابة تيجي تعاين.
مراد، تمام.
الظابط، بس لازم كله يبقى موجود عشان كلكم هتتسألوا.
مراد، تمام.
الظابط كلم النيابة وطلع يعاين الجثة.
بعد نص ساعة وصل وكيل النيابة وعاين الجثة.
وكيل النيابة، للأسف ده مقتول مش قاتل نفسه. والطب الشرعي هيثبت اللي بقوله.
مراد، فعلاً. أنا إزاي ما أخدتش بالي؟ إزاي فعلاً الرصاصة داخلة من راسه من ورا وخارجة من قدام.
نور، بس مكنش حد غيرنا يا مراد.
حسام، أنا مش عارف مين ممكن يعمل كده.
مراد، أنا عارفه كويس. وكويس جداً كمان.
الظابط، مين يا مراد بيه؟
مراد، آنسة نرمين، ممكن أعرف انتي عرفتي منين الكلام اللي كنا بنتكلم فيه مع والدك؟
نرمين، عادي. سمعتكم بتتكلموا وانا في أوضتي.
مراد، طب متعرفيش بقى مين اللي قتله؟
نرمين، انتوا اللي قتلتوه بكلامكم. والله ما أنا مسامحاكم.
مراد، أيمن باشا. بنته هي اللي قتلته.
نرمين، انت إيه اللي بتجوله ده؟ أنا كيف هقتل أبويا؟ كيف؟
مراد، والله ده السؤال اللي المفروض تجاوبينا عليه. قتلتيه إزاي؟
نور بصدمة، إزاي؟ مش معقول يا مراد. تقتل أبوها؟ انت اتجننت يا مراد؟
مراد بزعيق، نووووور! متدخليش خالص غير أما أواجهلك كلام.
نور فهمت إنها حرّجته قدام الناس. أنا آسفة يا مراد بيه. وراحت قاعدة.
مراد، أيمن باشا. خد البنت دي معاك في القسم. وأنا هاجي معاك وهعرف إزاي أقربها.
نور، مراد؟ طب إحنا هنروح فين؟ أما انت تروح القسم؟
مراد، خليكم هنا. انتي ليكي انتي وأختك نص القصر. اقعدي فيه براحتك.
فاطمة، آآآآه يا قلبي. ليه كده يا ناصر؟ ليه كده؟ ضيعت كل حاجة.
حور، لا. متقلقيش. إحنا مش هناخد حاجة.
نور، والله ما اتنازل ليكم عن قشاية واحدة من حق أمي.
فاطمة، أمك دي فاجرة.
نور، عارفة لولا إنك ست كبيرة كنت قتلتك بإيدي.
فاطمة، بنتي لو حصلها حاجة، أنا هقتل جوزك يا نور وهحسر قلبك عليه.
نور، وربنا لو مسكتي يا ست انتي لهكلمة يرميكي في السجن.
حسام، نور. الكلام الكتير ده غلط.
نور، والله شوف هي بتقول إيه الأول.
حسام بزعيق، نووور! اتفضلي انتي وأختك معايا. هنروح نبات في أي أوتيل.
نور، مش ماشية من هنا. يا حسام. من هنا ده قصر أمي.
محمد، أمك منين؟ أمك الفاجرة يا بنت الفاجرة.
حسام، لا. ده انت عايز اللي يقطعلك لسانك. وراح عطاله بونيه وفضل يلطش فيه.
فاطمة، سيب ولدي أحسن ما أفضي الطبنجه دي في راسك.
حسام رمى محمد على الأرض ووشه كله دم.
فاطمة جرت على ابنها، ولدي! وراحت تمسحله الدم من على وشه.
حسام، هتيجوا معايا وإلا هتفضلوا أما واحد فينا يتقتل هنا؟
نور، يالا يا حور. إحنا جايين معاك يا مراد.
محمد شد الطبنجه من أمه وراح ضارب رصاصة. جت في رجل حسام.
حور، حساااام!
فاطمة، ليه كده يا ولدي؟
محمد طلع يجري هرب من الفيلا.
حسام، متخافيش يا حور. أنا كويس.
حور بدموع، طب يالا يا حبيبي عشان نروح المستشفى. رجليك بتنزف جامد.
حسام، ماشي يا حبيبتي. يالا بينا.
حور ساندته وخرجوا بره القصر. وقفوا وركبوا تاكسي وراحوا المستشفى.
***
في المستشفى.
الدكتور، لازم يدخل العمليات بسرعة عشان الرصاصة تطلع ونعقم الجرح.
حور، تمام يا دكتور. بس هو لسه كان عامل عملية كبيرة.
الدكتور، تمام. إحنا لازم دي الوقت نشيل الرصاصة عشان الرجل متضرش.
حور، تمام يا دكتور.
نور، أيوه يا مراد. تعالالنا دي الوقت بسرعة والنبي.
مراد، أجلك فين يا حبيبتي؟ وفي إيه مالك؟
نور، حسام. محمد ضرب عليه نار والرصاصة جت في رجله. وهو دخل العمليات.
مراد، هو إيه العيلة دي؟ اللي بيزرع شر بيحصد شر. ابعتيلي اللوكيشن بتاع المستشفى على الواتس.
نور، ماشي يا حبيبي.
حسام دخل العمليات وعمل العملية. الدكتور خرج.
حور، خير يا دكتور؟ أخبار حسام إيه؟
الدكتور، الحمد لله. العملية خلصت. بس هيقعد فترة يعرج بيها وهيحتاج علاج طبيعي.
حور بدموع، ياربي.
نور، قولي الحمد لله بدل ما كان الرصاصة جت في حتة تانية. الحمد لله.
حور مسحت دموعها، طبعاً الحمد لله.
مراد، إيه؟ حسام عمل إيه؟
حور، الحمد لله. أهم فتحوا الباب أهو. هيخرج أهو.
نور، هي اللي قتلت أبوه؟
مراد، طب الدكتور مقلقش؟ ممكن في خطر على رجليه؟
حور، لا الحمد لله.
نور، مراد. أنا بكلمك على فكرة.
مراد، عايزة إيه؟
نور، انت بتكلمني كده ليه؟
مراد، أه. أصل أنا اتجننت. معلش.
نور، والله العظيم. أبداً يا حبيبي. بس أنا انفعلت.
مراد، تنفعلي تغلطي فيا قدام وكيل النيابة والظابط؟
نور، أنا آسفة والله يا مراد. بس أنا قولت كده والله من انفعالي. مش قادرة أصدق إن في بنت تقتل أبوها.
مراد، وأما اللي كنت بقول عليكي ذكية. للأسف ذكائك خانك المرادي.
نور، يعني إيه؟
مراد، اعترفت. هي اللي قتلته بمساعدة أخوه.
نور، لا. مش معقول. لا.
مراد، اللي بيعمل غلط بيحصده في الآخر.
حور، يالا تعالوا ندخله الأوضة. هو اتنقل غرفة عادية خلاص.
مراد، تمام. الحمد لله. يالا يا نور.
دخلوا يطمنوا على مراد. ولكن حصلت مفاجأة. ودي هنعرفها البارت القادم.
رواية اغتصبني واعطيته قلبي الفصل الثالث والثلاثون 33 - بقلم اميرة محمود
حمد الله على السلامه يا حبيبي.
حسام، الله يسلمك يا حبيبتي.
نور، معلش يا حسام، إحنا السبب في اللي حصلك.
حسام، لا سبب ولا حاجة، هما عالم همج. المهم عملت إيه يا مراد؟ هي اللي قتلاهم؟
مراد، للأسف آه.
حسام، إزاي بنت تقتل أبوها؟ قتلته إزاي؟
مراد، هي اعترفت بعد ما ضغطنا عليها وقالت.
فلاش باك
ناصر، أنا هديكوا حق أمكم وهديكوا زيادة كمان عشان تسامحوني.
نرمين واقفة في البلكونة بتاعة ناصر وسامعة كل حاجة.
نرمين، عايز تديهم فلوسنا يا بوي؟ لولاد الفاجرة؟ والله ما هياخدوا جنيه.
ناصر، جبل ما المحامي يجي هجولكم علي سر، بس ارجوكم سامحوني.
نرمين، ليه أكده يا بوي؟ ليش جولتلهم السر ياربي؟
نور وحور وحسام ونور خرجوا. نرمين دخلت من البلكونة.
نرمين، ليه أكده يا بوي؟ عايز تديهم فلوسنا؟ تديهم لولاد اختك الفاجرة؟
ناصر، انتي واقفه تتجسسي عليه يا بت الفرطوس؟
نرمين راحت طلعت المسدس من الدرج وحطته في وش أبوه.
ناصر، عايزة تقتلي أبوكي صحيح؟ ربيتكم بفلوس حرام واتجوزت مرة بت حرام جابتكم ليه؟
وراح لف وشه الناحية التانية عشان بنته تخرج. راحت ضاربة عليه نار.
نرمين، آآآه، انت السبب اللي خليتني أعمل أكده يا بوي، انت السبب.
وحطت المسدس في إيده وخرجت جري من الأوضة. راحت أوضته.
مراد، بس كده. شفت إيه آخره الحرام.
حسام، بس صعب شوية بسبب ده أبوها.
مراد، اهو أكل فلوس أخته وذلها وقتل جوزها. واهو اتقتل وبنته اللي قتلته هتتعدم. وابنه مرمي في السجن بسبب أنه ضربك بالنار. أكيد فاطمة أوص المصايب. ربنا كان عاينلها كل ده من غل قلبه.
نور، ربنا يرحمهم ويسامحهم.
حور، اتعمل لأمي عزا يوم واحد. هو متعملوش عزا خالص؟ ربنا قال "فأما اليتيم فلا تقهر وأما السائل فلا تنهر وأما بنعمة ربك فحدث". صدق الله العظيم.
نور، أنا دخلت حقوق عشان أجيب حق ماما بالقانون. بس رب العزة ليه حكم فوق القانون. الحمد لله يارب.
مراد، الحمد لله يا حبيبي، الحمد لله.
حسام، هو أنا همشي من هنا امتى؟
حور، أما الدكتور يقول.
حسام، طب ماتسألوه عايز أمشي.
مراد، تمام. أما يجي دلوقتي نعرف.
حسام، هو انتو لقيتوا محمد فين يا حسام؟ ده هرب؟
مراد، كان راكب عربيته وخارج. جابوه من على الكمين.
حسام، أمم تمام.
المحامي خبط عليهم.
مراد، اتفضل.
المحامي، السلام عليكم.
وعليكم السلام ورحمة الله وبركاته.
المحامي، أنا كنت عايز أديكم ورثكم وحقكم.
نور، تمام. إحنا جاهزين ناخد حقنا. وإلا إيه رأيك يا حور؟
حور، آه. أنا هاخد حقي. مش هسيبه.
نور، أيوه كده. نحاول نبتدي كل حاجة على نضافة من أول وجديد. ويا ريت منسبش هنا يا حور عشان نبقى نيجي هنا على طول عشان نزور قبر ماما وبابا.
حور، هو قبر بابا؟
نور، أيوه يا حور. أنا عرفت ماما كانت طالبة مننا أما تموت تدفن هنا. ليه خالك الله يسامحه قاله أنه مسامحه وإنه يجي يقعد معاه. وأما وصل الصعيد خالك بعت ناس قتلوه. وأخد الجثة دفنها في المقابر بتاعتهم عشان ميبانش أنه صاحب المصيبة قدام الحكومة وإنه شهم. دفن الراجل في المقابر بتاعتهم.
مراد، وإنتي عرفتي منين الكلام ده يا نور؟
نور فتحت شنطتها وهي منهارة والدموع بتجري من عينيها مثل السيول.
نور، دي مذكرات ماما الله يرحمها. كتبه فيها كل حاجة. وكتبه قصة حبها لبابا بكل تفاصيلها. وللأسف كاتبه مدى الظلم اللي اتعرضتله أما هربت معاه واتجوزته.
حور حضنتها.
حور، الله يرحمهم يا حبيبتي. الله يرحمهم.
نور، حور مالك؟ إنتي متلجة كده ليه؟
حور، أنا كويسة. وفجأة راحت واقعة في الأرض مغمي عليها.
نور، حور! حور!
حسام حاول ينزل من على السرير وحاول يقومها ونيمها على السرير مكانه.
مراد خرج جري نده للدكتور.
الدكتور دخل، خير؟ فيه إيه يا جماعة؟
نور، مش عارفة. أنا فجأة لقيتها متلجة وراحت واقعة في الأرض مغمي عليها.
الدكتور حاول يفوقها لحد ما فاقت.
الدكتور، أنا هكشف عليها. مش عايز حد في الأوضة غير جوزها.
حسام، تمام.
الدكتور، حمد الله على السلامة.
حور، الله يسلمك يا دكتور.
الدكتور، هو إنتي مش المفروض اللي معاكي ده ابنك؟
حور، آه. ليه؟
الدكتور، يعني إنتي عارفة إنك حامل ولا لأ؟
حور، حامل.
حسام، بجد يا دكتور؟
الدكتور، آه حامل. بس إزاي مخلفة قبل كده ومش عارفة؟
حور، ما خطرش في بالي يا دكتور خالص. بسبب كان فيه مشاكل كتير.
الدكتور، تمام. المهم أنا عايز التحاليل دي تتعمل. وتتغذي كويس عشان الأنيميا شكلها مدمرة.
حور، تمام يا دكتور.
الدكتور، وإنت إيه اللي منزلك من على السرير؟
حسام، أنا ليه أغلى منها؟ أنزل أطمن عليها.
الدكتور، حافظي عليه عشان شكله بيحبك. لا وبيحبك جامد. ربنا يخليكو لبعض. استأذن أنا.
حسام، شكراً يا دكتور.
مراد ونور دخلوا.
نور، فيه إيه يا حسام؟ نور مالها؟
حسام، جاي لينا ولي عهد جديد.
نور، الله يبارك يا قلبي. يتربوا في عزكم يا رب.
حسام، اللهم آمين يارب.
مراد، عقبالنا يارب.
نور، إحنا لسه متجوزين من عشر أيام يا حبيبي. يعني لسه بدري.
مراد، بدري مين؟ أنا عايز تسع شهور بالظبط ألاقيكي جايبالي ولي العهد.
نور، وليه ميكونش بنوتة؟
مراد، لا لا لا بنت. لا. أنا كرهت البنات.
نور، خايف اللي كنت بتعمله يتردلك في بنتك؟ مانت لو بتراعي ربنا ومكنتش تعمل اللي كنت بتعمله مكنتش تخاف كده. صح؟
مراد، أنا والله زيي زي أي شاب على فكرة. عارفة حسام اللي قدامك ده.
حسام، لا والنبي مانت قايل حاجة. الله يستر. أنا صدقت إننا اتصالحنا.
مراد، ههههههههه. خلاص. مش هتكلم خلاص.
الدكتور بتاع حسام دخل.
الدكتور، إيه ده؟ ماشاء الله. شيفك كويس أهو. الحمد لله.
حسام، الحمد لله. تمام يا دكتور. بس يا ترى نخرج امتى؟
الدكتور، يومين بس ترتاح. وبعدين إحنا اللي هنشحتكم.
مراد، تمام. هيكون إجراءات نقل ملكية الأراضي. واستلمتو حقكم يا نور إنتي وحور. ونمشي.
حور، تمام.
بعد مرور يومين
المحامي، كده تمام. إحنا نقلنا الملكية بتاعتكم وإنتو استلمتم حقكم. كده خلاص.
نور، تمام. متشكرين لحضرتك جدا.
وأكدوا ورثهم وراحوا لحسام المستشفى.
مراد، خليكم إنتو هنا. أنا هطلع أجيب مراد.
حور، لا أنا هطلع معاك.
مراد، لا خليكي مع أختك. دقيقتين وهننزل. هو جاهز فوق. أنا هسنده أنزله.
حور، تمام.
مراد طلع سند حسام ونزلو. ركبوا العربية.
مراد، معلش بقى يا حسام أنا اللي هسوق.
حسام، أنا خايف إنها تكون آخرتنا على إيدك. ده من هنا للقاهرة. ربنا يستر ونوصل بالسلامة.
نور، يارب. قولوا الشهادة يا ولاد عشان خلاص.
حور، يعني مش هنلحق نتهنى بفلوسنا؟
نور، شكلها كده يا حور.
مراد، لا متخافوش. مش هجري بالعربية. همشي على مهلي عشان البيبي بتاعك يا حور.
حور، طب كويس إنك فاكر. مش عايزة أسقط.
مراد، ماشي. هههههههه.
وطلع يجري بالعربية.
نور، طب وربنا. وربنا إنت. وبعدين افتكرت إنه بيضايق أما بتشتمهم.
مراد، أنا إيه؟
نور، إنت حبيبي يا مراد. حبيبي. بطأ السرعة بقى.
مراد، طب والله لهمشي براحة عشان خاطرك يا قلبي.
رواية اغتصبني واعطيته قلبي الفصل الرابع والثلاثون 34 - بقلم اميرة محمود
بعد مرور شهر
مراد، نور
نور، ايه يا مراد
مراد، حبيبي أنا كل ما أجي ألاقيكي نايمة
نور، أطفئ النور يا مراد وسيبني نايمة الله لا يسيئكم
مراد، والله طيب يا نور
وذهب خارجًا، وجلس أمام التلفزيون لوحده، وعمل لنفسه فيشار.
نور قامت خرجت، جلست معه.
نور، أخيراً قومتي يا نور أخيراً
نور، والله غصب عني، كل ما أصحى أنام تاني غصب عني والله
وجلست بجانبه، وقعدت تأكل فيشار.
نور، مراد
مراد، نعم
نور، بتحبني؟
مراد، أيوه
نور، بجد؟
مراد، أه
نور، مراد
مراد، قلبي
نور، هتفضل مركز مع التلفزيون ومتبصليش حتى وأنا بكلمك؟
مراد، أنا مستني الفيلم ده من امبارح عشان بحبه
نور، أكتر مني؟
مراد، ادخلي نامي يا نور الله لا يسيئكم
نور، ماشي يا مراد، وخدت فيشارك أهو
مراد، أووووف، دي عيشة بقت تخنق
نور واقفة على باب الأوضة.
نور، على فكرة يا مراد اللي أنا فيه ده كله بسببك
مراد، بسببي؟ ليه هو أنا اللي قولتلك نامي ومتصحيش أبداً؟
نور، أنا بتوحم يا مراد
ودخلت الأوضة، وقفلت الباب.
مراد، إيه، بتتوحم يعني حامل؟
وقام جرى على الباب.
مراد، نور يا نور افتحي
نور، روح اتفرج على الفيلم بتاعك وأنا هنام زي ما أنت عايز
مراد، افتحي بقا يا روحي
نور قامت فتحت الباب.
مراد بفرحة، انتي حامل بجد؟
نور، لا بهزار
مراد، نور بجد حامل؟
نور، أه والله
مراد، عرفتي إزاي؟
نور، مفيش، عملت تيست لقيتني حامل
مراد، يعني أنا هبقى أب بجد؟
نور، أه يا حبيبي
مراد، طب البسي يللا عشان نروح للدكتور
نور، دلوقتي؟
مراد، أه يللا
حور وحسام
حور، حسام أنا عايزة أشغل فلوسي معاك
حسام، لا، أنا محبش اشتغل بفلوس مراتي
حور، لا، أنا عايزة أشتري أسهم زي مراد وكده
حسام، طب ماتسيبيهم زي ما هما في البنك
حور، خلاص ينفع أعمل بيهم مشروع خاص بيا؟
حسام، تمام يا حبيبتي، شوفي عايزة تعملي إيه وأنا هساعدك
حور، نفسي يبقى عندي أتيليه كبير وكله فساتين
حسام، تمام، اعملي دراسة جدوى للمشروع وشوفي هتجيبي الفساتين منين وأنا هجبلك المكان
حور، بجد يا حسام؟ يعني مش هتقول لي انتي حامل ولا مينفعش ولا كلام من ده؟
حسام، حبيبي، أنا بحب المرأة يكون ليها شخصية، وحتى لو خلصتي الأتيليه، البت جنى تاخد من عندك فستان الفرح
حور بفرحة، بجد يا حسام؟ أنا مش مصدقة نفسي إني هعمل الحاجة اللي نفسي فيها
حسام، ربنا يوفقك يا حبيبتي
***
عند الدكتورة
الدكتورة، أه، في حمل بس لسه في أوله وكيس الحمل قدامي أهو، تمام
مراد، هو فين البيبي يا دكتورة؟
الدكتورة، أهو، لسه في الأول، ربنا يبارك
مراد، اللهم آمين
الدكتورة، كده تمام، خلاص اتفضلي قومي وتعاليلي المكتب
نور، ماشي
وقامت عدلت هدومها وراحت ورا الدكتورة.
الدكتورة، البيبي تمام وكل حاجة تمام، بس محتاجين غذا كويس والتحاليل دي تتعمل والفيتامينات دي تتاخد بانتظام، هو الحمد لله، انتي كده قفلتي شهر ونص، إن شاء الله الكشف القادم كمان أسبوعين، بس اعمليلي التحاليل دي، تمام؟
نور، تمام، متشكرة لحضرتك
مراد أخد نور ونزلوا، ركبوا العربية.
مراد، مبروك يا قلبي
نور، الله يبارك فيك يا حبيبي، مراد، أنا نفسي أقعد شوية قدام النيل
مراد، تمام، تعالي ياروحي نروح نقعد على الكورنيش
نور، ماشي يللا
مراد مشي بعربيته لحد ما وصلوا للكورنيش.
نور راحت قعدت قدام النيل هي ومراد.
مراد، مالك يا نور، عنيكي مليانة دموع ليه؟
نور، لا مفيش حاجة يا حبيبي
مراد، لا، في، مالك؟
نور، هتسمعني ولا هتتضايق؟
مراد، هسمعك طبعاً، وأنا من امتى ضايقت منك؟
نور، مراد، أنا كان نفسي ماما تبقى أول واحدة تعرف بخبر حملي، بجد كان نفسي فيها تكون في حياتي، هي وحشاني أوي يا مراد
وراحت معيطة.
مراد، حبيبتي، هي أكيد حاسة وعارفة كل حاجة، أنا عارف إن الأم مبتتنسيش، أنا أهو داخل على تلاتين سنة ونفسي آخد أمي في حضني، أنا محتاجة لحضنها زيك بالظبط، بس أكيد هي في مكان أحسن من هنا
نور نامت على كتفه.
نور، تعرف إن بحبك أوي، في الأول كنت خايفة منك، بس كنت بحاول أجري نفسي عشان كنت خايفة لتعمل فيا زي حسام، بس لقيتك لسان بس
مراد، هههههههه، حلوة لسان بس دي
نور، يعني آخرك تعاكس بس زي أي شاب
مراد، هههههههه، طب كويس، أنا خفت من كلمة لسان بس دي
نور، هههههه
مراد، قلبي
نور، أنا بعشقك والله
مراد، وأنا بموت فيكي يا أجمل عوض ليا في الدنيا
نور، وأنت بردك أحلى وأجمل عوض ليا في الدنيا، ربنا يخليك ليا يا حبيبي
مراد، ويخليكي يا قلبي، يللا نقوم نمشي عشان الجو برد عليكي
نور، تمام، يللا بينا
***
بعد مرور سبع شهور
نور، مراد، أوم
مراد، في إيه؟
نور، بولد يا مراد، أاااااه
مراد، طب أهدي، هو في حد بيولد دلوقتي؟
نور، والله أنا مش قادرة، هموت
مراد، بعد الشر عنك يا حبيبتي، أنا بتصل على الدكتورة أهو، يارب بس تكون صاحية
نور، اااااااه، بمووووووت خلاص، اااااه
مراد، الو، أيوه يا دكتورة، أنا مراد خيري، أنا آسف إني بكلم حضرتك دلوقتي، أصل
نور، أنت لسه هتتعرف، قولها إني بموت
مراد، نور مراتي بتولد يا دكتورة
الدكتورة، هي في إيه مالها بالظبط؟ إيه الأعراض؟
مراد، إيه الأعراض؟
نور، مغص هيموتني
مراد، مغص هيموتني، قصدك هيموتها
نور، وخبط جامد في ضهري
مراد، وخبط جامد في ضهرها
الدكتورة، خلاص تمام، هاتوهالي بسرعة على المركز
مراد، تمام، شكراً لحضرتك
وراح قافل.
مراد، يللا يا حبيبتي ننزل
نور، أنت هتروح بالبيجامة؟
مراد، أوووف، نسيت، هغير هدومي وأنزل أهو
نور، كلم حور والنبي تجيي معايا
مراد، ماشي
مراد اتصل بحسام.
حسام، أيوه يا مراد
مراد، أنت صاحي ليه دلوقتي؟
حسام، حور بتولد جوه، وقالتلي أتصل بيكم، بس أنا مرضتش، قولت حرام أصحيكوا، إيه خير، عايز إيه؟
مراد، هههههههه، أصل نور بتولد
حسام، أنت بتتكلم بجد؟
مراد، هتصل بيك أربعة الفجر أهزر، يللا، إحنا جايين ليكم في الطريق عشان نور تولد
بعد ربع ساعة وصل مراد المستشفى بنور.
مراد، أيوه يا دكتور، إحنا خلاص وصلنا المركز بتاع حضرتك
الدكتورة، تمام، في أيدي ولادة، وقدامي خمس دقايق بالظبط وهجيلكم
مراد، تمام
وراح قافل.
نور، مش قادرة يا مراد
مراد، الدكتورة في إيدها ولادة، خمس دقايق وهتجيلكم
نور، هي حور هتيجي امتى؟
مراد، ماهي حور هي حالة الولادة
نور، أنت بتتكلم بجد؟
مراد، أه والله، هي اللي بتولد جوه
نور، طب وديني قدام باب العمليات، هاتلي كرسي متحرك
مراد، تمام
وجابه وقعد نور، وراحوا قدام باب العمليات.
أول ما وصلوا قدام باب غرفة العمليات، الدكتورة خرجت.
الدكتورة، مدام نور، يللا تعالي أكشف الأول
نور بتعب جامد، حور عاملة إيه يا دكتورة؟
الدكتورة، هي قريبتك؟
نور، أختي
الدكتورة، انتي وأختك قلق، تصحوني من تلاتة الفجر كده، هههههههه
مراد، لا، والاتنين في نفس التوقيت، ظبطناها مع بعض
الدكتورة، لا، حور سابقة أهو
نور، طب هي عاملة إيه يا دكتور؟
الدكتورة، الحمد لله، ولدت بالسلامة، وهي دقيقتين وهتخرج، بس ما شاء الله، جوزها بيحبها أوي، مرضيش يسيبها ودخل معاها العمليات، وأول ماشافنا واحنا بنفتح بطنها، طب في الأرض مغمي عليه، هههههههه
مراد، هههههههه، حسام مش بيستحمل يشوف دم، يقوم يدخل يشوف عملية
نور، انتوا عمالين تتسابقوا ونسيتوني، اااااااه، أنا هموت يا ناس
الدكتورة، أه، تمام، تعالي هكشف عليكي عما أختك تخرج ويعقموا المكان
بعد خمس دقايق، نور جهزت للولادة ودخلت العمليات.
مراد، لا إله إلا الله، يا حبيبتي
نور، محمد رسول الله
وراحت داخلة العمليات.
مراد دخل يطمن على حور.
مراد، حمد الله على السلامة يا حور، يتربى في عزكم
حسام، يارب يا مراد، عقبال ما مراتك تخرج بالسلامة
مراد، يارب
حور، تخرج بالسلامة منين؟ هي نور مالها؟
مراد، في نفس المكان اللي كنتي فيه حالاً
حور، يا قلبي، ربنا يقومها بالسلامة يارب، يا حبيبتي يا نور، ربنا معاها يااااارب
مراد، أنا هخرج أطمن عملت إيه
حسام، مالك يا عم، وشك أصفر كده ليه؟ كأنك أنت اللي بتولد، هههههههه
مراد، أنت بالذات متتكلمش خالص، عامل فيها سبع رجالة في بعض، وأول ما شفت بطنها بتتفتح، قمت واقع مغمي عليك، يا أخي، فضحتنا يا أخي
حسام، أنت عرفت منين؟
مراد، ده المركز كله بيتكلم عليك، ههههههه
حور، هههههه
حسام، أنت بتضحكي؟
حور، مانت بتخاف من الدم، إيه اللي دخلك معايا؟
حسام، مقدرتش أسيبك يا حياتي
حور، ربنا يخليك ليا يا حبيبي يارب، هو إحنا هنسمي البيبي إيه؟
حسام، عز، نفسي أسميه عز
حور، جميل أوي يا حبيبي، ربنا يبارك فيه هو وأخوه
عند مراد، نور ولدت طبيعي، وطلبت تروح الغرفة مع حور.
حور، حبيبتي، حمد الله على سلامتك يا قلبي
نور، الله يسلمك يارب، وريني البيبي بتاعكم كده يا حسام
حسام، أهو يا ستي، إيه رأيك في الأستاذ عز؟
نور، بسم الله ما شاء الله، قمر، تبارك الله
مراد، بس إحنا بنتنا أحلى
نور، أخص عليك يا مراد، ماهو ابننا زي ما هي بنتنا
مراد، أنا بنتي قمر
نور، طب ممكن توريهالي؟
مراد، لا، مش هسيبها من حضني
نور، أنت مجنون، طب أنت اللي هترضعه؟
مراد، أما تجوع هجبهالك
حور، أول ما هتعيط دي الوقت، هيسبها، استني كده أما تشتغل عياط
حسام، وريهالي كده يا مراد، بسم الله ما شاء الله، لا فعلا ليك حق يا مراد، البنت قمر، خلاص إحنا هنحجزها من دي الوقت لمراد ابني
مراد، ده بعيد عن شنب عيلتك
حسام، امشي ياله، دي هتبور جنبكم
مراد، ملكش دعوة أنت
حور، ربنا يبارك لنا فيهم يارب، ويجعلهم ذرية صالحة
نور، اللهم آمين.