رواية أحببت أخي حب جنوني الفصل العاشر 10 - بقلم ايات عبد الرحمن

ولاء: أحمد عايز أمانته اللي عندنا. مصطفى: إيه؟ ولاء: أيوه، خايفة أوي يا مصطفى ومش عارفة هعمل إيه. مصطفى حط راسه بين إيديه: خلاص كده. خايف من المواجهة أوي، وخايف كمان على مي مش مستحملة صدمة جديدة، وخصوصاً إنها من كام يوم قاطعة شرايين إيديها. ولاء: ربنا يستر. مصطفى: أنا هحاول أتكلم مع أحمد وأخليه يسيبنا فترة لحد مي تتعافى. ولاء: أيوه والنبي يا مصطفى. مصطفى: إيه يا أسر؟ كنت فين؟

أسر: في مشوار مهم. بابا، أنا كنت عايز أتكلم مع حضرتك في موضوع كده. مصطفى: اتفضل. أسر: أنا عايز أخطب. مصطفى: عايز تخطب؟ أسر: أيوه. مصطفى: مين اللي عايز تخطبها؟ أسر: فاتن صاحبة مي. مصطفى: فاتن؟ أسر: أيوه، واتفقنا ومش فاضل غير موافقة حضرتك. مي: إنت كداب، فاتن مستحيل تعمل كده. أسر: طاااااخ على وش مي. ومسك دراعها جامد: لما تتكلمي مع أخوكي الكبير، تتكلمي بأدب. أحمد: إيه اللي إنت عملته ده؟ بترفع إيدك على أختك؟

أسر: عشان مش محترماني. أحمد: بس ده مايديش ليك الحق ترفع إيدك عليها. أسر: ليه بقى؟ مصطفى: عشان إنت دايماً بتعاملها كويس، ماينفعش تتغيروا مرة واحدة كده. مي: سيبه يا بابا. أنا هقبل منه أي حاجة. ودخلت أوضتها عشان تكلم فاتن. فاتن تليفونها بيرن وهي دموعها بتنزل: سامحتيني يا مي؟ كل ده عشان خايفة عليكي. ولاء: إيه يا مي؟ رايحة فين؟ مي: خارجة. ولاء: الساعة دلوقتي ٩، مش هينفع تخرجي. مي: لا يا ماما، محتاجة أخرج.

أسر: هي مش قالت الساعة ٩ وماينفعش تخرجي؟ مي: يهمك في إيه؟ أخرج دلوقتي ولا لأ؟ إنت مش عملت اللي إنت عايزه وفرقتني عن صحابي خلاص، عايز إيه تاني؟ أسر: عايزك تدخلي أوضتك وما أسمعش صوتك تاني. مي: وأنا هخرج يا أسر. أسر: قولتلك ادخلي أوضتك. مي: مش هدخل يا أسر. أسر مسك إيديها ودخلها أوضتها غصب وقفل الباب. أحمد: إنت بتعمل كده ليه معاها؟ أسر: معلش يا خالو، أنا تعبان دلوقتي وعايز أرتاح، وبكرة نتفاهم. ندي: هي مي مالها؟

هي وأسر مش طايقين بعض ليه؟ مصطفى: ندي، اسكتي. ألاء: تعرف يا خالو إن أسر ومي فيهم شكل كبير جداً منك، وگإنهم ولادك. دول حتى مش شكل بابا وماما. مصطفى: ألاء، يلا على أوضتك. منك ليه؟