رواية احببت صعيدي الفصل التاسع 9 - بقلم لوليتا التركي

فى صباح اليوم التالى يدلف الطبيب إلى غرفة غرام ومعه الممرضة. الطبيب: صباح الخير. فهد: صباح النور. غرام: دكتور ممكن أخرج النهارده؟ الطبيب: أشوف جرح إيدك الأول وبعدين أكتبلك خروج. ذهب الدكتور وجلس على الكرسي بجوار غرام. فهد: إيدك متلمسهاش. غرام بتريقة: أمال هيغير على الجرح إزاي؟ فهد متجاهلاً ما تفوهت به واردف قائلاً: الممرضة تعرف تغيرلها الجرح. الطبيب: أيوه. فهد موجهاً حديثه إلى الممرضة: اتفضلي غيريلها الجرح.

أنهت الممرضة عملها. فهد: تقدر تخرج. الطبيب: محتاجة عناية ورعاية، لو متوفرة في البيت هكتبلها خروج. فهد: ماشي، ممكن تشوف على الدوار ممرضة تشوفلها الجرح كل يوم؟ الطبيب: مفيش مشكلة. بعد خروج الطبيب. فهد: لآخر مرة بحذرك تتحدتي مع راجل غريب أو مع راجل غيري. غرام: ولاخر مرة بحذرك، ملكش دعوة بيا. فهد: متعاندنيش، ولا فرولة الليل عجبتك؟ أنا معنديش مانع. غرام: انت سافل أصلاً.

فهد: لو معاكي انتي معنديش مانع، يالا جهزي عشان نرجع الدوار. -سلمان: لآخر مرة بقولك بعد عن ولد الجناوي. ناصر: إني مقربتش منه. سعدية: مالك بولدي؟ هو عمل إيه لولد الجناوي؟ سلمان: ولدك ماشي مع أحمد، يبقى بيخططوا لحاجة؟ هو البيت ده كله بيقول أحمد، كان ذلك أحمد الهلالي. سلمان: محدش فاهمك يا جدى يا أخوي. هلال: أحمد بزيادة، قتل. فاكر ياك، ما عرفتش بضربك للغلابة، وإنك شغال تاجر سلاح، انت وولدك وناصر.

سلمان: يا أبوي سلاح إيه بس، ما تنطق يا ناصر. ناصر: لا يا جدى محصلش. هلال: وقف يا أحمد شغلك العفش ده. أحمد: مش شغال في السلاح أنا يا أبوي، ما كل يوم في الزرع من الفجر للعصر. هلال: يا ريت يكون اللي واصلني مش صوح. -دلف غرام إلى القصر. غرام: تيتا يا تيتا، أنا جيت. الحجة رابحة: حمدلله على سلامتك يا بتي. غرام: الله يسلمك يا تيتا. ناهد: ينفع أكده يا بتي؟ غرام: تعبت يا طنط، والله ومعرفش عملت كدا إزاي.

سعاد: حمدلله على سلامتك يا خيتي. غرام: الله يسلمك يا طنط. الحجة رابحة: فين علي يا أمل يا بتي؟ أمل: من وقت ما خرج برا الدوار مرجعش، جتتي وجعتني من الضرب يمه. سعاد: انتي مش شفتي غضبه لسه. أمل: تعبت يا خيتي، والله. غرام: انتوا أصلاً تستاهلوا، ساكتين ليه؟ ما ترجعوا لأهلكم. سعاده بحزن: أهلي، تعيش انتي، مليش مطرح أروح فيه. أمل: وإني أبويا باعني بفلوس وزوروا سني من 13 لـ 18. همليني للي ربنا كتبه عليه.

غرام: اسمعوني ونفذوا اللي هقوله بالحرف الواحد عشان ترتاحوا وعمي يتغير.... فهد: عصابة نسوان، دا انتوا كدا هتكفروه. غرام: والله اللي يمد إيده على واحدة يستاهل، ولا إيه يا فهد باشا؟ فهم فهد ما تريد قوله. فهد: آه، دا أنا هشوف أيام سودة، أنفد بجلدي أحسن. غرام: أمال فين نواره؟ ناهد: من وقت ما شفتك في دمك مخرجتش من أوضتها واصل. غرام: طيب أنا هروح أشوفها وأرتاح شوية وبعدين أنزل. -دلف إلى غرفتها وجدها شارده، اقترب

منها وصرخ بجانب أذنها: نوااااره! نواره صرخت بفزع: جطعت الخلف، هيتجوز عليا أكده، منك لله. غرام: هو مين دا؟ نواره: بهزار وياكي. غرام: سرحانة في إيه؟ ارتمت نواره في حضنها تبكي: حبيتوا بس محدش هيوافق عليه واصل. غرام: اهدى واحكيلي. نواره: سيف. غرام: لا، عرفتوا أنا كده مين دا يا بت؟ نواره: سيف ولد الهلالي اللي عمه قتل أبوي. لو طلب يدي محدش هيوافق، وأنا معايزاش حد واصل غيره.

غرام: دا انتي واقعة أوي، حاربي عشانه لو متمسك بيكي. خليه يتقدملك، وانتي قولي مش عايز حد غيره. نواره: واه، كان فهد قطع رقبتي. غرام: واه، يبقى سيبيه يتجوز غيرك. نواره: قلبي رايده، هو وعدني هيحل كل حاجة قريب. غرام: شوفتيه فين عشان يوعدك؟ نواره: لا، أنا مش شفته، ليا تلات سنين، كلمته من موبايل أمي. غرام: يخربيتك، ولو رن وأمك ردت؟ نواره: مهو عارف إنه بتاع أمه، ومهيرنش واصل غير لما أنا أكلمه، كل أما أقدر.

غرام: هعمل فيكي خير، كل ما تحبي تكلميه، خدي تليفوني. نواره: ربنا يخليكي ليا. غرام: هروح أنا عشان مارك جاي، هنام شوية. فتحت باب غرفتها ودلفت، شعرت بأحد خلفها، استدارت لترى من خلفها، فلتثم فمها مانعاً إياها أن تصرخ... أزاح يده الملثمة لها قائلاً: غرام: أوعى كدا، خضتني، وقعت قلبي. فهد: سلامة قلبك. غرام: عايز إيه؟ فهد متجهاً إلى الأريكة: الدكتور قالي أقعد في مكان فيه طراوة. غرام: طيب اتفضل بره لو سمحت.

فهد: لا، أنا ولا انتي هنطلع من هنا غير وإنتي مسامحاني. غرام: أسامح مين؟ انت عارف عملت إيه. فهد: هتعدي وهتنسي ومش هكررها تاني. غرام: في حاجات مبتعديش وبتفضل في القلب، بتتحفر، مينفعش الزمن يمحيها..💔 انت ضربتني وجعتني، ودا كله ليه؟ عشان خايفة عليك؟ وجع الفراق صعب، وأنا اتوجعت في ماما ومقدرش أفارق تاني وأوجع نفسي. فهد: هيقولوا عليا مرة معرفتش آخد بتاري. غرام: خد بتارك بس بالقانون. فهد: دا آخر ما عندك. غرام بتحدي: أيوه.

فهد: يبقى طريقك غير طريقي، ومن النهارده انتي بنت عمي وبس. ألقى بكلامه وقلبه يعتصر، ثم اتجه ليغادر غرفتها بل القصر بأكمله، ولكن هناك من أوقفه. فهد: وقف عنيدك، رجلك متخطيش دوارنا واصل. سيف: أنا جاي لكبير العيلة، مش جايلك انت. أطلق فهد رصاصة في الهواء. فهد: لو مستغني عن عمرك، رجلك تخطئ الدوار. هرول جميع من بالمنزل إلى الخارج. القناوي: إيه اللي جابك يا ولد الهلالي؟ سيف: طالب يد نواره. القناوي: معندناش بنات للجواز.

فهد: ههه، تعرف تغور من هنا قبل ما أقتلك، مش اخت فهد الجناوي اللي تتجوز واحد منيكم. سيف: أنا عاشجها ورايدها، تارك من عمي، وأنا هتجوزها وأسافر وهي وياي. -في قصر الهلال. عبد الحميد الغفير: الحق يا حج. هلال: في إيه؟ انطق يا وش البومة. عبد الحميد: سيف بيه في دوار الحاج القناوي، وفهد بيه ضرب عليه رصاص. هلال: إيه؟ انت بتقول إيه؟ ناصر: جهز الحرس ويالا بسرعة.

هلال: وقف عندك، لا انت ولا عمك هتطلعوا برة الدوار لحد ما نيجي، يالا يا سلمان تشوف ولدك. سلمان: حاضر يا أبوي. بعد دقائق، وصل سلمان ووالده إلى قصر الجناوي. والقى السلام. سلمان: السلام عليكم. القناوي: وعليكم السلام. هلال: كيففك يا حج؟ قناوي: لا بنتّنا لا حدّيث ولا سلام، تاخد ولد ولدك في إيدك، وبعد كده هيخطّي دورانا تاني، فيها موته. سيف: أنا بحبها، قدامكم كلكم، اطلبوا كيف ما تريدوا، بس أتجوزها. وهنا وصل هشام وعمه ومارك.

أردف هشام قائلاً: لو نصيبك هتاخدها، لو ربنا رايد. فهد: انت بتقول إيه؟ اتجننت في عقلك؟ هشام: سعاده خيتي فوق أي شيء، ولو فكر يأذيها، هقطع رقابته. الهلال: كفاية تار يا حج الجناوي، التار سلسال دم، مهيخلصش. الجناوي: ولدك سبب السلسال ده يا حج، يوم ما قتلت ولدّي. سلمان: يا حج، بزيادة دم. الجناوي: كلامنا خلص. قاطعهم صوتها الأنثوي وهي تتحدث بنبرة مهتزة قائلة: نواره وسيف بيحبوا بعض، ليه تفرقوهم؟ إيه ذنبهم إن عمي قتل أبوه؟

فهد بغضب: اقفل خشمك ومتتحدتيش واصل، وادخلي جوه الدوار. فرت هاربة من نبرة صوته. فهد: الكلام خلص أكده، خد ولد ولدك يا حج الهلالي، ومتعتبوش دوارنا هنا تاني. الجناوي: لسه مخلصش، نواره هتكون في عصمتك يا ولدي، يوم ما يرجع حق ولدي عاصم، وقتها تعالى واسمع باقي الشروط. ثم تابع حديثه موجهاً لهشام: وصلهم لبرا البوابة، ليهم الأمان لحد دارهم. دلف فهد كالثور الهائج: نوااااره! نواره ببكاء: نعم يا خوي. فهد: بتحبي ولد الهلالي؟

ده آخر دلعك يمه. وجذبها من شعرها: بتحب ولد عمه قتل أبوي. غرام: عمه مش هو. فهد: ملكيش صالح، متتحدتيش انتي. القناوي: بعد يدك عنيها. فهد: هقتلها يا جدي، هدفنها مطرح ما واقفة. القناوي: تعالي يا نواره. نواره بخوف: نعم يا جدي. القناوي: رايدة سيف؟ نواره بعد أن نظرت لفهد: لا يا جدي. القناوي: ملكيش صالح بفهد، رايدة. نواره اخفضت رأسها أرضاً وأردفت قائلة: أيوه يا جدي. فهد: هقتلك، ومن اليوم مهعتبركش خيتي.

الحجة رابحة: يا ولدي، الجلب وما يريد. ناهد: يا مري يا مري، بتي بت بطني هتعادي أخوها عشان ولد الهلالي. حسن: يا أبوي، أنا مهطمنش على بت أخوي حداهم. وبزيادةكم حدّيث أكده، اعتذروا من الأجنبي ده، مهعرفش أتحدّث ويااه. مارك: أنا أتكلم العربية قليلاً، لا عليك. غرام: مارك وحشتني أوي. مارك: وانتي أيضاً يا طفلتي. غرام: أريني يدك، هل توجعك حبيبتي؟ غرام: لا، أحياناً، لقد تحسنت كثيراً. حسن: حبيبتي، اتركيها لتأخذ قسطاً من النوم.

غرام: حسناً أبي. ذهب مارك إلى غرفة الضيوف، ومن ثم دلف إلى المرحاض ليزيل إرهاق السفر. انتهزت غرام وجود فهد، فمنذ أن أخبرها بأنها ابنة عمه، قررت أن تذيقه العذاب ألواناً.