رواية احببت زين الصعيد الفصل العشرون 20 - بقلم ذات الخمار

قبل ما زين يطلع ينام مصطفي نده عليه. زين: خير يا مصطفي مالك؟ مصطفي: احم زين احنا بقالنا كتير مخطوبين و اخوك خطب و اتجوز قبلي. زين: مش دلوقت يا مصطفي، هي لسه صغيرة. مصطفي بزعيق خفيف: هو ايه اللي مش دلوقت و ريم مش صغيرة. زين بحده: مصطفي اتكلم بـ أدب و بلاها الجوازة دي و دهبك هيجيلك الصبح. و سابه و طلع. فتح الباب و رمي العبايه بتاعته. فرح: مالك يا زين؟ زين: مليش يا حياتي، عايز انام بس. فرح: طيب يلا ننام. زين: يلا.

و خدها في حضنه و نام. عند مصطفي رن علي ريم تطلعله الجنينة. ريم: في ايه يا مصطفي، مالك مطلعي ليه؟ مصطفي حكالها كل اللي زين قاله. ريم بدموع: انت هتسبني صح؟ مصطفي سكت و مردش عليها و هي دخلت لـ جوه جري و كانت بتعيط. الصبح فرح قامت قبل زين و قعدت تبصله. زين فتح عينه بكسل: بتبصيلي كده ليه يا بت؟ فرح: امم بحبك. زين: لا دا احنا نقوم نتعدل بقا و نشوف الرومانسيه دي.

فرح ضحكت: لا نام و انا هنزل تحت قبل ما يطلعو يكسرو الباب ولا حاجة. زين بضحك: طيب يا حبيبتي انزلي و انا هخلص و انزل علشان ماشي. فرح باسته و قامت: ماشي يا عيوني، هدومك متحضرة جوه. و نزلت و زين قام. فرح نزلت ملقتش حد. الحمدلله زمانها مخمودة لسه، اما اروح اقوم ريم. خبطت علي ريم و دخلت. فرح بخضه: فيه ايه يا بنتي، عيونك حمرا كده ليه و بتعيطي ليه؟ ريم حضنتها عيطت: زين قال لـ مصطفي نلغي الجوازة دي.

فرح بصدمه: بتهزري ليه، حصل ايه طيب؟ ريم حكتلها اللي مصطفي قالهولها. فرح: طيب اهدي، انا هطلع اشوف في ايه و انزلك و بعدين زين استحاله يعمل كده، متخفيش هطلع و اجي تكوني غسلتي وشك. ريم: حاضر. فرح طلعت لقت زين واقف قدام المرايا. حضنته من ضهره. فرح: حبيبي. زين: نعم يا روحي. فرح: انت قولت لـ مصطفي بلاها الجوازة دي؟ زين بصلها: اه قولت و الدهب هياخده النهارده. فرح وقفت قدامه: زين متهزرش، علي فكرة ريم تحت مش مبطله عياط.

زين ببرود: متبطلش، انا نازل رايح شغلي، تعالي حضري الفطار يلا. فرح مسكت ايده: زين استنى فهمني. زين ببرود: لما ارجع. و خد يزن و نزل و هي خدت ياسين و نزلت وراه. علي الفطار و كلهم حاضرين. زين ببرود: حضري الدهب يا ريم، مصطفي هياخده و مفيش جواز. كلهم اتصدمو و بصوله. سميحة: فيه ايه يا ولدي، حصل ايه؟ زين ببرود: ولا حاجة يا ماما. مصطفي بزعيق و عصبيه قام وقف: والله العظيم ريم ما هتكون لحد غيري حتي لو انت مش موافق يا زين.

زين قام وقف و قرب منه: و انا مش موافق، و وريني هتتجوزها ازاي؟ و لا ايه رايك يا ريم؟ ريم بصتله بدموع و سكتت. حمزه: يا خوي اهدي و فهمنا في ايه. زين ببرود: مفيش حاجة. مصطفي بعصبيه و زعيق: والله ريم ليا و محدش يقدر يقرب منها، سامع هيا ليا و بس و مش هتتجوز غير... زين بصله و ضحك بصوت عالي و كلهم استغربوه. زين بضحك: الفرح الخميس الجاي، يلا الحق جهز نفسك يا عريس. مصطفي بصله بصدمه: انت قولت ايه؟ زين: خليك مصدوم و هغير رأيي.

مصطفي مسك فيه: استنى يا جدع، والله منا مصدق، وقعت قلبي منك لله، منمتش طول الليل. زين ضحك علي شكله و قرب من ريم و حضنها: انتي بنتي انا اللي مربيكي، تفتكري اني هديكي لاي حد كده، لازم ابقي عارف انه هيحافظ عليكي. ريم حضنته: ربنا يخليك ليا يا خوي و ابويا و سندي. زين: يلا همشي انا اتاخرت. و باس راس امه و فرح و مشي. فرح طلعت وراه. زين بصلها: مالك طالعه ورايا ليه؟ فرح حضنته: متتاخرش. زين بغمزه: ليه يا تري؟

فرح ضربته في كتفه: يا بارد، امشي. زين ضحك و مشي. الليل جه و زين اتاخر و بترن عليه تليفونه مقفول. فرح بقلق: استر يارب، هيكون فين؟ و لسه بتكمل لقت الباب بيتفتح و كان زين. و هي جريت عليه. فرح بدموع حضنته: انت كنت فين؟ انا كنت علي اعصابي من ساعتها و تليفونك مقفول. زين حضنها: والله التليفون فصل و كان عندي شغل كتير، معلش يا حبيبي، حقك علي قلبي. فرح مسحت دموعها: طيب غير يلا عبال ما اجيب الاكل، انا مكلتش. زين بابتسامه: حاضر.

نزلت تجيب الاكل و هي طالعه سمعت صوت حمزه و رضوي بيتخانقو و كان صوتهم عالي. فرح جابت الاكل و طلعت و قعدو ياكلو. فرح بتوتر: احم زين هو كنت عاوزه اقولك حاجة بس والله انا مقصدتش اسمع. زين انتبه ليها: في ايه؟ فرح: و انا نازله سمعت صوت حمزه و رضوي بيتخانقو و حمزه بيقولها والله كلمة كمان عليها لتكوني طالق، والله مش قصدي اسمع، هما صوتهم كان عالي. زين اتنهد: مش عارف فيه ايه، نشوف الصبح، سيبك منهم و قوليلي ايه الحلاوه دي.

فرح بكسوف: زين اسكت. زين: اسكت ايه دا بوز الاخص، الاتنين نايمين. و شالها و هي ضحكت و نسكت علشان عيب. الصبح ياسين عيط و زين قام شاله. مكنش بيسكت برضوا. زين راح جنب فرح: حبيبتي ياسين بيعيط و مش راضي يسكت، شكله جعان. فرح بنوم: هات يا حبيبي و نام انت. زين اداها الولد و نام و هي قعدت بيه لحد ما نام. الصبح زين قام لبس و مرضاش يصحيها. باس راسها و باس الولاد و نزل. زين لقي ريم قاعده: ايه يا عروسه قاعده كده ليه؟

ريم بابتسامه: مفيش حاجة، هي فرح فين منزلتش؟ زين: نايمه، مرضتش اصحيها كانت سهرانه بـ ياسين. مالك اخوه من وراه: كانت سهرانه بـ ياسين ولا مع ابو ياسين؟ و غمزله. زين: والله هضربك، اخرس احسلك. امه جات و هو باس راسها و فطرو و زين مشي. رضوي قاعده قالبه وشها لـ حمزه. حمزه بصلها بقرف: انا ماشي ياما، عايزه حاجة؟ سميحه: سلامتك يا حبيب امك. حمزه مشي و سميحه نادت علي رضوي. رضوي: نعم يا حجه. سميحه: انتي متعاركه مع جوزك؟

رضوي بتوتر: لا. سميحه باستغراب: ماشي يا بتي. رضوي: هيا فرح منزلتش ليه؟ سميحه: زين قال نايمه علشان عيالها كانو صاحيين طول الليل. رضوي: ماشي. و قامت. سميحه في سرها: يا تري وراكي ايه يا بت مسعود. و طلعت لـ فرح خبطت. فرح قامت فتحت بـ كسل: تعالي يا ماما، معلش والله زين مقومنيش. سميحه بحنان: عادي يا حبيبتي، زين قال ان العيال سهروكي، لو صحيتي هاتيهم يلا، مبقتش اعرف اقعد من غيرهم تحت.

فرح بضحك: عيوني، اغير هدومي بس و اجي، استنيني ننزلو سوا بقا. و قامت بسرعه دخلت الحمام. خلصت و نزلو. لقت جدة زين بتزعق جامد و رضوي واقفه ساكته. جدة زين:..