رواية احببت زين الصعيد الفصل التاسع عشر 19 - بقلم ذات الخمار

زين بيرقص و بيبص بعيد لقي واحد واقف وموجه مسدس ناحية فرح. زين نزل جري و أمر رجّالته يمسكوه، ومحدش خد باله من حاجة. الفرح خلص و زين خد حمزة و اتكلموا. زين: يلا يا حمزة خد مراتك و اطلع. حمزة: حاضر. وشالها وطلع فوق، حطها على السرير. عند زين. فرح واقفة قدام المرايا. زين حضنها من ضهرها. فرح بصتله في المرايا و فكّت إيده وراحت على السرير. زين برفعة حاجب: والله هنفضل زعلانين كده كتير يعني؟

فرح ادّته ضهرها و مردتش عليه، وهو نفخ. عند حمزة. كشف وشها لقاها حلوة. حمزة: احم، قومي غيري و تعالي. رضوى: حاضر. قامت غيرت، لبست قميص و وقفت بتفرك في إيديها. حمزة قرب منها و شالها. ونسكت علشان عيب. شوية و اشتغل ضرب نار. عند زين. فرح أول ما سمعت ضرب النار نطّت حضنته. زين: والله مش كنا متخاصمين؟ فرح: هما بيضربوا نار ليه يخربيتهم؟ زين ضحك وضمّها ليه وغمزلها: تعالي أقولك بيضربوا ليه.

فرح زقّته: ابعد يا قليل الأدب، أنا فاهماك. زين ضحك جامد: وطالما فهماني بتسألي ليه يا سوسة انتي؟ 😂😂😂 فرح ضحكت و شالت يزن علشان عيط و فضلت قاعدة بيه لوقت لحد الفجر و بعدين نامت. الصبح قاموا على خبط جامد على الباب. زين فتح لقي عمّته: إنتي بتخبطي كده ليه؟ مش في بني آدمين نايمين يا عمّتي. عمّته: مراتك فين؟ ستك قاعدة تحت وشها مقلوب. زين باستغراب: ليه؟ عمّته: علشان مراتك المفروض تعمل الفطور وتطلعه للعرسان، قومها يلا بسرعة.

زين حاول يتحكم في غضبه: تمام، عشر دقايق وتكون تحت. وقفل وراح عندها. فرح: خلاص يا زين، هنزل و أطلع، مش هتأخر. زين: معلش يا حياتي. فرح ابتسمت وقامت نزلت لقت جدته قاعدة. جدته: لسه فاكرة تقومي؟ الساعة بقت ٧ وجنابك نايمة. فرح من تحت درسها: أنا سهرانة بابني طول الليل ولسه نايمة من شوية. هروح أحضر الفطار وأطلعه. وسابتها ومشت. جدة زين: والله لازم أخليه يطلقك ويرميكي يا بومة.

فرح سمعتها ومردتش عليها، راحت حضرت الفطار وطلعت خبطت. حمزة بابتسامة: صباح الخير يا مرات أخويا. فرح: صباح الورد يا عريس، الفطار أهو. هنزل أنا علشان العيال. حمزة: معلش تعبناكي. فرح بابتسامة: مافيش تعب ولا حاجة، تتهنوا يارب. ونزلت وحمزة قفل الباب و دخل. حمزة: رضوى قومي كلي. رضوى: حاضر. قامت، كلو ودخلوا يلبسوا علشان ينزلوا. عند فرح. دخلت الأوضة بتنفخ، راحت نامت في حضن زين. زين: حاجة حصلت؟

فرح قلدتها وقالت: والله لأخليه يطلقك ويرميكي يا بومة انتي. زين ضحك: معلش استحمليها، وأنا هاخدك وننزل القاهرة شوية. فرح بسعادة: لا متهزرش. زين بضحك: والله. ولسه هيكمل، ياسين عيط. زين بغيظ: هي العيال دي مالها؟ فرح ضحكت: هي مش مكتوب نوم أصلًا. قوم علشان ننزل. خلصوا ونزلوا. شويه وحمزة ورضوى نزلوا. جدة زين: بسم الله ما شاء الله، إيه القمر ده؟ تعالي في حضني أكده كيف القمر، مش زي ناس. وبصت على ناس. فرح بصت لزين وسكتت.

كله جه يبارك لحمزة ورضوى، واليوم خلص.