رواية احببت زين الصعيد الفصل الخامس عشر 15 - بقلم ذات الخمار

الصبح قاموا ونزلوا. زين: ريم مصطفى طالب يدك، رأيك إيه؟ جدته: أنت هتاخد رأيها؟ معندناش بنات تقول رأيها، ومصطفى ابننا وموافقين. ردت فرح: معلش يا تيتا، بس هي اللي هتتجوز مش حضرتك. الرأي رأيها هي. جدته بحده: وأنتِ لما جوزوكِ ولد ولدي، كانوا خدوا رأيك؟ جوزوكِ عشان خايفين على رجالتهم. البنات ملهمش رأي يا مرت الكبير. فرح بصت لزين بدموع وطلعت.

زين بص لها بغضب: تعرفي لولا إنك جدتي، كنت هتصرف تصرف تاني مع اللي يقول الكلمتين دول ويقهر مرتي. وهي معاها حق، الرأي رأي ريم، ولو موافقتش براحتها. وسابها وطلع. لقاها قاعدة شارده. زين باس إيديها: حقك على قلبي. فرح بابتسامة: أنا مش زعلانة، وعلى فكرة ريم بتحبه وموافقة. بس كلام جدتك عصبني. زين: عارف كده، وأسف يا عيوني. فرح: ولا يهمك. زين: طب يلا ننزل بقى نشوفوا الموضوع ده. خدها ونزلوا، كانوا كلهم متجمعين. زين: ها يا ريم.

ريم بكسوف: الرأي رأيك يا خوي. زين بص على مصطفى وضحك: وأنا موافق. مصطفى قام حضنه: الفرح امتى بقى؟ زين بضحك: الفرح مرة واحدة! لأ الخميس الجاي الشبكة. كلهم زرغطوا. يوم الشبكة عملوها في جنينة البيت، وكانوا فرحانين ورقصوا كلهم وهيصوا. وعدى 3 شهور. وجه وقت ما يعرفوا نوع الجنين. زين: يلا يا حبيبتي، هنتاخر. فرح: حاضر يا حبيبي، حاضر. اهدى، مستعجل ليه كده؟ زين: خلصتي؟ استنى شعرك باين. وقف يظبط لها الخمار.

فرح بصت له بحب وابتسمت. زين: مالك بتبصي كده ليه؟ فرح: بحبك. زين حضنها: والله أول مرة تقوليها يا مفترية. فرح ضحكت، وهو قال: يالهوي، يلا كده مش هنروح. نزلوا، راحوا للدكتورة. الدكتورة كشفت عليها: ولدين إن شاء الله. الاتنين بصوا لبعض بصدمة: ولدين؟ الدكتورة ضحكت على شكلهم: ألف مبروك. فرح بسعادة: الله يبارك فيكي يا دكتورة. طلعوا من عند الدكتورة وراحوا على البيت. سميحة: الدكتور قال لكم إيه يا ولدي؟ زين

قرب من أمه وباس إيديها: ولدين يا حاجة، إن شاء الله. ريم زرغطت وحضنتهم: مليون مبروك يا خوي. بت عمته جات: خير إن شاء الله، بتزرغطي ليه يا ريم؟ ريم حبت تكيدها: مرت أخوي حامل في ولدين. بت عمته بصدمة: إيه! بقا دي تجيب ولدين! هه. وسابتهم ومشيت. فرح بصت لزين، حطت إيديها على بطنها وقالت بخوف: ربنا يستر. زين ابتسم لها: متقلقيش.