رواية احببت زين الصعيد الفصل الرابع عشر 14 - بقلم ذات الخمار

عدت امتحانات فرح ورجعوا البلد. تيريم جريت حضنت فرح: وحشتيني قوي قوي، في حاجات كتير عايزه أحكيها لك. فرح: وأنتي كمان والله، وعندي حاجات برضه أحكيها، بس نرتاح. أنزلِك يا معلم؟ ريم بضحك: حلو قوي. وبعد السلامات بقا طلعوا فوق. فرح اترمت على السرير: ياني تعبت، مش قادرة والله. زين: والله ولا أنا عايز أنام، تعالي نغير وننام قبل ما يخبطوا. فرح بضحك: حاضر. وغيروا وزين حضنها وناموا. جه الليل، فرح قامت وقعدت تهزه.

زين: عايزة إيه يا بت، سبيني أنام. فرح: إحنا بقالنا كتير نايمين، قوم ننزلوا. زين: ننزلوا الصبح. فرح: زين أنا جعانة، مش هتنزل، سيبني أنزل آكل أنا. زين بص لها وقام دخل الحمام. خلصوا ونزلوا. إخواته حضنوه. زين: حمدلله على السلامة يا حبايبي. أخوه حمزة: الله يسلمك يا خوي، إزيك يا مرت أخوي؟ فرح ابتسمت: الحمدلله. أخوه التاني مالك: تعالي بره في كلام عايزك فيه. زين بص لها: روحي أوضة ريم. فرح: حاضر. وراحت خبطت ودخلت.

ريم: تعالي نامي جنبي هنا بقا، خليني أقولك. فرح نامت جنبها: هاا ي ستي قولِ. ريم حكت لها اللي حصل. فرح بقلق: ريم إنتي متأكدة من مصطفى ده، أصل بصراحة أمه وأخته... قاطعتها ريم: والله هو كويس وأنا بحبه، وهو قال لما زين يرجع هيطلب إيدي. فرح بسعادة: ماشي ي حبيبي، ربنا يفرحك يارب. ريم: يلا احكيلي. فرح حكت لها اللي حصل معاها. فرح: بت أنا شامة ريحة فسيخ. ريم: هي فين دي؟ والله نفسي فيه.

فرح: أخوكي قالي لما نرجع هيخليني آكله هنا، بصي هرن عليه ييجي وأقول له. فرح رنت عليه وهو راح ليها. قربت منه وحاوتت رقبته. فرح بدلع: بقولك يا زيزو. زين: نعم يا قلبي. وبعدين خد باله إن ريم قاعدة. احم. فرح: عايزة فسيخ. زين: برضو؟ ريم: يا خوي دي بتتوحم، لازم تاكله. زين: تمام، هجيب بس تاكلوه في الجنينة بره. فرح وريم بفرحة: اشطااا، يلا بسرعة. زين طلب لهم فسيخ وخدوه وطلعوا الجنينة. حمزة بقر: إيه الريحة دي؟ مين جاب فسيخ؟

زين: أنا يا حبيب أخوك. حمزة: إنت إزاي؟ إنت مبتأكلوش وحد فينا مبيأكلوش. زين: مراتي وأختك. حمزة: آه، قولتلي. وقعدوا يتكلموا وفرح وريم نازلين على الفسيخ. زين راح عندهم وبص بقرف عليهم: فرح كفاية كده، غلط عليكي. فرح وهي ماسكة الفسيخ: آخر واحدة بس. زين بزعيق: قومووو. الاتنين اتخضوا وسابوا الأكل وجروا. فرح طلعت من الحمام بتبص في المرايا لقت وشها منفوخ. فرح بصدمة: إيه ده؟ أنا وشي عمل كده ليه؟ أنا نفخت ليه؟ قعدت تعيط.

(جماعة إحنا كنسوان أساسا نكديين جدا) زين كان داخل لقاها بتعيط، جري عليها. زين: في إيه؟ رفعت وشها وهو بص لها شوية وقعد يضحك على شكلها. زين بضحك: مش قادر، مش قادر. فرح عيطت: زين وشي منفوخ صح؟ منفوخ أوي. زين قرب منها وقال بجدية: قولتلك متأكليش كتير يا فرح، مش بتسمعي الكلام. فرح بدموع: كان كان نفسي فيه يا زين، أعمل إيه يعني. زين حضنها: طيب أطلبلك الدكتورة؟ فرح: لا، هنام. زين خدها في حضنه وناموا.

تاني يوم زين فاق قبلها ومرضاش يصحيها. نزل وسابها نايمة. جدته بحده: زين، تعالي، عايزة أخاطبك. زين راح لها وقعد. قالت: هي مراتك منزلتش معاك ليه؟ زين: تعبانة والله وسبتها تنام. جدته: إنت مدلّع مراتك قوي، وأنا ميُعجبنيش الحال ده. زين خد نفس: ستي، لو سمحتي، دي مراتي أنا وهي حامل وفي الشهور الأولى. جدته بحده: كلنا كنا حوامل، مراتك تنزل كل يوم زيها زي نسوان عمامك، سامع؟ هي على رجليها نقش الحنة. زين: تمام.

وقام مش قدمها وطلع بره بغضب. فرح صحت بتعب ملقتش زين جنبها: هو راح فين؟ رنت عليه مردش. قامت لبست ونزلت، سألت كله محدش عارف. جه الليل وهو مجاش، وأمه وفرح وريم مستنينه بره. حمزة دخل: مالكم قاعدين هنا ليه؟ سميحة: أخوك مرجعش ومراته قلقانة، شوفوا أكده. حمزة: حاضر. ورن عليه كتير مردش برضه. شوية ولقوه جاي. فرح جريت عليه: إنت كنت فين؟ أنا رنيت عليك كتير. زين: كنت في الشغل والتليفون صامت والله.

سميحة: خد مراتك واطلع، ولينا كلام الصبح. زين خدها وطلع. فرح بغضب: إنت كنت فين يا أستاذ؟ مش سائل في الكلب*ة اللي متجوزها؟ لأ وكمان مبتردش. زين بحده: قولتلك مسمعتش، إيه مبتفهميش؟ فرح: مبفهمش، تمام. وسابته ودخلت الحمام. طلعت وراحت نامت على الكنبة. وهو خلص وشالها ونام على السرير. زين: بلاش شغل عيال، إحنا متخانقين بس متناميش بعيد عني، سامعة؟ ودي آخر مرة هقولهالك. الباب خبط. مصطفى: احم، زين، معلش أنا عايزك.

زين: مينفعش، بكرة يا مصطفى. مصطفى: لو سمحت يا زين. زين قام لبس ونزل معاه، قعدوا في الجنينة. مصطفى: بص يا زين، بصراحة أنا بحب ريم. وسكت شوية وقال: وعايز أتجوزها. زين: وريم رأيها إيه؟ مصطفى: ابقي اسألها. زين حضنه: أنا مش هلاقي زيك يا مصطفى والله، وأنا هسألها وهقولك. مصطفى بفرحة: ماشي يا حبيبي، اطلع نام. معلش قلقت نومك. زين بضحك: لا، وانت الصادق، كنت هتخانق لسه. ضحكوا الاتنين وطلعوا. زين خد فرح في حضنه ونام.