رواية احببت زين الصعيد الفصل السابع عشر 17 - بقلم ذات الخمار

جه يوم السبوع الصبح. زين: صلاح ادب*ح العجول يلا. فرح ندهت عليه من البلكونه وهي مخدتش بالها إنها بشعرها. زين بصلها، وهي دخلت تجري. طلعلها فوق. زين: عارفه إني مش هنكد عليكي دلوقتي بسبب اللي عملتيه، بس هحاسبك بعدين. فرح: حبيبي، والله ما خدت بالي. زين بحده: عاوزة إيه؟ انجزي. فرح بزعل: مش عاوزة حاجة يا زين. زين: يكون أحسن. ونزل وسابها. ريم طلعتلها لبس الولاد، وهي لبست ونزلوا. كان الليل جه والسبوع بدأ.

فضلوا يغنوا والناس تدي فرح هدايا. حمزه اداها انسيال وقال بابتسامه: مبروك يا مرت أخوي، يتربو في عزكم حبايب عمهم. فرح بابتسامه: الله يا حمزه، جميل. عقبال ما أجيب لمراتك يا رب. حمزه ابتسم لها: ربنا يخليكي يا رب. زين جه وطلع سلسلة دهب مكتوب عليها يزن وياسين. فرح بصتله بسعادة: الله، تعيش وتجيب لي يا حبيبي. زين اداها السلسلة: هلبسهالك فوق بقا. وغمز، وأمه وريم ضحكوا، وهو طلع بره. السبوع خلص وهما خدوا الولاد وطلعوا.

فرح: آآه، تعبت، مش قادرة، بالله مش قادرة، وجعانة. زين: إنتي مأكلتيش أكيد، عارفاك، والله مهملة. هنزل أجيب، تكوني غيرتي إنتي والولاد. ونزل. فرح قامت غيرت هدومها ولبست بجامة، وغيرت للولدين وحطتهم في سرايرهم. كان زين جه. زين: يلا، تعالي. فرح راحت قعدت جنبه. زين: آه، كان بينا حساب بقا إنك طلعتي بشعرك. فرح باستعطاف: زين، والله ما خدت بالي، وآخر مرة، والله والله آخر مرة. زين: تؤ، تتعاقبي عقاب بسيط كده عشان تفتكري.

فرح: طب الصبح، بس خلينا ننام دلوقتي، تعبانة. زين: امم، ماشي. وشالها حطها على السرير وخدها في حضنه وناموا. شويه ويزن عيط. زين قام على عياطه، بص على فرح لقاها رايحة في النوم. قام شاله لحد ما نام، وحطه في سريره، ونام هو كمان. الصبح. زين: فرح، قومي حضري هدومي عشان أمشي. فرح بنوم: بالله حضرهم إنت، مش قادرة. زين بزعيق: فرح، قوومي. فرح قامت نطت من على السرير وحضرت لبسه، وهو لبس وباس راسها ومشي. وهي كملت نوم.

عدى أسبوعين وفرح نزلت تحت وكانت بتقعد معاهم لحد ما زين ييجي عشان يساعدوها. زين: بما إنكم كلكم متجمعين كده، أنا قررت إننا نخطب لحمزه رضوي بت مسعود. حمزه بصدمة: كيف يعني يا خوي؟ أنا مبحبهاش. زين: هتحبها بعدين يا حمزه. حمزه بزعيق: على جثتي لو اتجوزتها، سامع. زين قرب منه وضرب'ه بالقلم: بتعلي صوتك عليا وبتوقف قدامي؟ إيه رأيك بقا؟ هتتجوزها غصب عنك. حمزه بص له ومشي بغضب من قدامه. سميحه: تعالي يا زين جوه.

وقامت، وهو راح وراها. سميحه بلوم: بتضرب أخوك قدامنا، منظره إيه بقا لما يرجع؟ هو مش عيل صغير، هو غلط لما على صوته، بس مكنش يصح. زين بندم: والله ياما، مقصدتش حاجة. حمزه ومالك عيالي، أنا مربيهم، بس ميقفش قصادي، أنا كلمتي بتمشي على الكبير والصغير في البلد. سميحه قاطعته: عارفة يا ولدي، ولما ييجي هخليه يتأسف لك، بس إنت كمان راضي. زين تنهد: حاضر ياما، هطلع أشوف العيال. طلع وفرح طلعت وراه.

لقته قاعد على الكنبة وحاطط إيده على دماغه. نيمت الولاد وراحته حضنته. فرح: حبيبي، مكنش ينفع كده. زين: عارف، بس هو غلطان، والبت كويسة وحلوة. فرح بغيرة وابعدت عنه: وحضرتك شوفتها فين بقا، إن شاء الله. زين ضحك بغلب وشدها تاني: تعالي بس، والله ما يملي عيني غيرك يا أم العيال. فرح ضحكت: امم، بحسب. يلا قوم بس خد دش وتعالي. زين: ماشي، طلعي هدوم يلا. تحت سميحه قاعدة مستنية حمزه. لقته داخل. سميحه: حمزه، تعالي.

حمزه راح لها: نعم يا أما. سميحه: ينفع اللي حصل ده؟ حمزه: ياما، أنا مش عيل صغير تجوزوني غصب عني. سميحه: إنت شوفتها، والله غلبانة وهتحبها قوي قوي، والله أخوك مبيختارش غير الحاجات الحلوة. اسمع مني. حمزه بتنهيدة: ماشي يا أما. سميحه بحنان: قوم بقا راضي أخوك، مكنش ينفع تقف قصاده أكده، ده هو اللي مربيك. حمزه: ماشي يا أما، طالع له. وطلع. خبط عليه زين فتحله وبص بعيد. حمزه: آسف يا خوي، وأنا موافق، واللي تأمر بيه.

ولسه هينزل زين شده حضنه. زين: إنت ابني يا حمزه، إنت ومالك عيالي. وكمل: وأنا كمان آسف إني مديت إيدي عليك. حمزه بابتسامه: ولا يهمك يا خوي، إنت أبويا. هنزل أنام بقا. زين بابتسامه: ماشي. حمزه نزل وزين قفل الباب.