رواية احببت زين الصعيد الفصل الثامن عشر 18 - بقلم ذات الخمار

عدّي أسبوعين وجه فرح حمزه. عند فرح وزين. فرح باسته من خده: صباح الخير يا زينو. زين بنوم: هنام وأقوم أصبح عليكي يا قلب زين. فرح: طيب هاخد يزن وأنزل تحت وأنتي أصحي براحتك وهات ياسين علشان أنت عارف زمان ريم طالعه. زين: لا متنزليش. فرح: ستّك هتضربني تحت علي فكرة والناس هتبدأ تيجي أنت ناسي النهارده الحنة. زين ضحك: طيب أنزلي يا روحي وأنا هلبس وأجي. فرح خدت يزن ونزلت تحت لقت ريم مشغلة أغاني. ريم:

بقولك يا مرة أخوي هنعمل إيه في الحنة كده. فرح: هنهيص شوية متقلقيش. جدة زين من وراهم بزعيق: واقفين تتحدتو روحوا على شغلكم. زين نزل وفطرو واشتغل الرقص بره عند الرجالة. بالليل زين بيلبس وفرح لبست، زين قرب منها. زين: لو رقصتي هتنامي النهارده مع ريم تحت وغير عقابك برضو. فرح حاوطت رقبته: تقدر تنام بعيد عني يا زين. زين: المرادي هقدر يا قلب زين وأديني قولتلك أهوه علشان مترجعيش تزعلي أنا كلامي جد. فرح:

ماشي يلا ننزل بس خد يزن يلا. نزلو، زين طلع بره وفرح دخلت للحريم. البنات قعدت ترقص وفي واحدة شدت فرح ترقص وفرح رقصت. بره عند الرجالة زين كان بيرقص مع أخوته وكانوا فرحانين. اليوم خلص وكله كان فرحان وزين طلع فوق وفرح طلعت بعده. زين: تاخدي نفسك مع غير كلام وتنزلي لريم تحت تنامي معاها. فرح بتوتر: ليه يا حبيبي. زين: أنتي سمعتي أنا قولت إيه. فرح: والله هما اللي شدوني و... قاطعها زين: ششش أنزلي. فرح نزلت وخبطت على ريم. فرح:

أحم عاوزة أنام هنا معلش. ريم بضحك: فيه إيه انطردتي ولا إيه أنتي وعيالك. فرح: من غير استزراف بجد طردنا علشان رقصت. ريم: طيب تعالي هاتي يزن ونامي. فرح فضلت تتقلب مش جايلها نوم، قامت طلعت فوق لقته واقف في البلكونة وبيشرب سجاير. زين من غير ما يبصّلها: عاوزة إيه. فرح: عايزة أنام. زين: هو حد حاشاك ما تنامي. فرح: في حضنك زي كل يوم. زين: لا أنزلي علشان مش هتنامي هنا. فرح: يا زين والله هما شدوني. زين ببرود:

والله لو قولتي أعذار من هنا لبكرة مش هتنامي هنا برضو. فرح بصّتله وسابتْه ونزلت. الصبح زين قام وراح خبط على أوضة ريم ودخل لقى ريم صاحية وقاعدة بياسين وفرح نايمة هي ويزْن. زين راح عند فرح وبيصحيها. زين: فرح قومي الوقت اتأخر. فرح قامت بصّتله وخدت عيالها وطلعت فوق. ريم بصّتله وضحكت: بصراحة معاها حق مكنش يصح تنزل تنام هنا هي وعيالها وبعدين كنا ليلة فرح مكنتش تنكد عليها كده. زين بغضب:

و هي مكنتش ترقص علشان محظورها مبتسمعش الكلام عنيدة. وتلع متعصّب. فوق فرح حطت العيال على السرير ودخلت الحمام لبست ونزلت. المزمار اشتغل والرجالة بترقص بره وكذلك الحريم برضو. المغرب كله طلع يلبس. زين: كويتي الهدوم. فرح حطت الهدوم قدامه. زين شدّها عليه: بكلمك تردي. فرح: الهدوم أهيه أنا داخلة البس. وسابتْه ومشت. زين خلص واستناها علشان ينزلو سوا بصّلها: امسحي اللي في وشك علشان ننزل. فرح بغيظ: كله حاطط. زين مسك منديل:

وإحنا مش زي حد إيوا كده أحلى يلا. بصّتله بغيظ ونزلو. الفرح اشتغل والبلد كلها كانت فرحانة. زين بيرقص وبيبص بعيد لقي... زين نزل جري.