رواية احببتها رغم عجزها الفصل الخامس 5 - بقلم الكاتبة الصغيرة

مازن... وه وه في أي لا فوق كدا يامازن بس بصراحة البت صاروخ بكرة أبقى أسأل كيان عليها بس أقولها إيه المهم كبر يامازن واتخمد عندك شغل بكرة وأبوك هينفخك وراح نايم. عند كيان راقدة عليها السرير وعمالة تفتكر مازن وهو بيلعب ويهزر مع الأطفال. كيان... فوقي ياكيان مازن بقا مش بيحبك وبيحب واحدة تانية وهيتجوزها ويسيبك طلعي من دماغك بقا يارب طلعوا من دماغي وقلبي مدام مش هيكون ليا 🥲 وراحت نامت.

الصبح كيان صحت من النوم واتوضت وصلت وراحت تفطر. عند مازن صحي ولبس ونزل تحت. مازن... صباح الخير. الكل... صباح النور. مازن... بابا أنت كنت عايزني في إيه. محمد... بص هتاخد كيان وتروح أنت وهي تشوفوا فستان حلو للفرح عشان خلاص بعد بكرة. مازن... هو ده اللي أنت عايزه أنت كنت عايزني في الشركة. محمد... لا خلاص روح بس لكيان وخدها دلوقتي. ملك...

وهو لازم ياخدها يعني هي أصلاً مش هيكون مهم هتلبس إيه كدا كدا هتكون قاعدة على كرسي ومش هتتحرك ولابسة نقاب كمان يعني أي نيلة تلبسه وخلاص. محمد بصوت عالي... اتكلمي عدل عليها هي زي البنات وأحسن وأنضف منهم وإياك أسمعك تقولي عليها كلمة تاني أنت سامعة. مازن... بس بس وأنتي يا ماما متقوليش كدا تاني عليها. ملك... والله براحتكم اللي عايزين تعملوه اعملوه كدا كدا محدش بيسمع كلامي وكلامي بيبقى كخه وراحت سابتهم ومشيت. مازن...

بابا اهدى. محمد... بلا اهدى بلا زفت مش شايفها بتقول إيه. مازن... كبرلها المهم ماشي هروح آخدها ونروح نشوف فستان في حاجة تاني. محمد... لا روح. مازن... تمام باي وسابه ومشي. ملك في أوضتها رايحة جاية وراحت مسكت الفون ورنت عليها فاطمة. ملك... الو يافاطمة عاملة إيه. فاطمة... الحمد لله بخير يا طنط أنتِ عاملة إيه. ملك... الحمد لله بخير يا روحي بقولك. فاطمة... قولي. ملك...

مازن واخد البت اللي بتقول العاجزة دي وهيروح يجيب لها فستان الفرح النهارده. فاطمة... كيف ده هو قالي إن أنكل محمد محتاجه النهارده في الشركة ومرضيش يسهر معانا يبقى كدب عليا. ملك... مش عارفة بس هو رايح دلوقتي قلت أقولك عشان تمنعي العاجزة دي إنها تأثر عليها زي ما أثرت على محمد. فاطمة... تمام يا طنط متحافيش يلا باي دلوقتي وأبقى شوية وأكلمك. ملك... ماشي يا حبيبتي باي. عند مازن وصل عند كيان. فتحية... إزيك يا ابني اتفضل.

مازن... كيان فين يا دادة. فتحية... كيان في أوضتها قاعدة. مازن... تمام ممكن تناديها. فتحية... ادخلها أنت أنا مش فاضية وسابته ومشيت وأسبته وهو معدي بيبص يلاقي برضه الأوضة اللي كانت مفتوحة مفتوحة وبيبص عشان يشوف البنت اللي شافها راح فتح الباب شوية وبيبص لاقاها قاعدة قدام المراية وحاطة طرحة على رأسها. مازن... يالهوووي على القمر ده لا أنا لازم أعرف مين دي ولسه هيفتح الباب ويدخل لاقي الفون بيرن. مازن...

يوووه هو وقتك يا فاطمة دلوقتي وراح فاتح عليها. مازن... الو. فاطمة بصوت عالي... أنت فين دلوقتي. مازن... في إيه صوتك عالي ليه كدا وراح طالع برة. فاطمة... أنت في الشركة دلوقتي. مازن بتوتر وهو بيكلم نفسه... لو قولتلها إني مش في الشركة ورحت عند كيان عشان أجيب فستان الفرح هتزعل وتتخانق معايا. فاطمة... رحت فين يا مازن مش بترد عليا ليه. مازن... ها.. لا معاكي أهو. فاطمة... أنت فين دلوقتي. مازن... في الشركة. فاطمة...

ولا بتعرف تكدب ماشي يا مازن خليك مع كيان ومش عايزة أعرفك تاني وخليها تنفعك. مازن... أهدي بس وافهمك كل حاجة. فاطمة قفلت في وشه السكة. مازن... يوه بقا لازم أروح لها دلوقتي حالاً. فتحية... كيان يا حبيبتي مازن مجاش هنا ليكي. كيان... لا هو جه. فتحية... آه وكان عايزك وقولت له روح لها أنت وأنا رحت عشان كان في الأكل على النار. كيان... طيب استني أطلع أشوفه راح فين.

وطلعت كيان هي وفتحية وعاملين يتلفتوا فين البيت وينادوا على مازن مش لاقيينه. كيان... فين مازن ده. فتحية... والله معرفش يا بنتي والله كان هنا ومعرفش راح فين. كيان... لم كان هنا يبقى راح فين. فتحية... معرفش رني شوفيه فين. كيان... حاضر ورنت على مازن. مازن كان بيسوق العربية بيبص يلاقي كيان بترن. مازن... الو. كيان... سلام عليكم. مازن... وعليكم السلام ورحمة الله وبركاته. كيان... دادة فتحية بتقول إنك كنت هنا رحت فين. مازن...

آه كنت عندكم بس جالي مكالمة ضروري تخص الشغل فروحت. كيان... طيب أنت لم جيت كنت عايز حاجة. مازن... آه كنا هنروح نجيب فستان الفرح بس مدام طلع عندي شغل هبعت فساتين البيت وأنتي اختاري منهم عشان مش هينفع تروحي هناك لوحدك. كيان بحزن على حاله... لا عادي قولي فين بس وأنا هروح. مازن... قولت خليكي والفساتين هتيجي وأنا هكلمك فيديو وأنتي بتختاريها. كيان بيأس... ماشي. مازن... تمام يلا باي. كيان... سلام. مازن...

آسف سلام وراح موقف العربية وراح عند شقة فاطمة وفتح الباب ودخل. فتحية... ها كان في إيه يا بنتي. كيان... مافيش حاجة كنا هنروح نختار فستان الفرح عشان الفرح بعد بكرة. فتحية... طيب ومشي ليه. كيان... جاله شغل ف هيبعت الفساتين على هنا وأنا هختار منها. فتحية... ألف ألف مبروك يا حبيبتي وربنا يسعدك إن شاء الله. كيان بحزن... إن شاء الله يا دادة أروح أدخل الأوضة. فتحية... ماشي روحي. مازن دخل الشقة... فاطمة فاطمة. فاطمة... نعم.

مازن... في إيه بقا مالك. فاطمة... بتكدب ليه عليا يا مازن. مازن... بصي أهدي وأنا هفهمك على كل حاجة. فاطمة... ما أنا هادية أهو يلا فهمني. مازن... بصي والله معرف بابا كان عايزني في إيه غير الصبح ولم عرفت وكدبت عليكي في التليفون عشان مكنتش عارف هقولك إيه وخفت تزعلي فكدبت عليكي. فاطمة... هصدقك أنا كدا يعني. مازن... لازم تصدقي عشان أنتي عارفة إني مش بكدب عليكي. فاطمة... ماشي يا مازن هصدقك بس متتكررش تاني. مازن...

ماشي يا روحي تعالي بقا نطلب أكل عشان جعان. فاطمة... ماشي يلا. عند كيان قاعدة وتبص ناس داخلة عليها. كيان... نعم. _الفساتين ياهانم اللي أستاذ مازن طلبها. كيان... تمام استني أرن عليه وراحت مسكت الفون ورنت عليه. مازن كان قاعد بياكل هو وفاطمة. فاطمة... مين بيرن. مازن... كيان متتكلميش خالص دلوقتي ماشي. فاطمة... هوف حاضر. مازن فتح على كيان... أيوه. كيان... الفساتين جت هتختار معايا. مازن...

حاضر وفاطمة قاعدة هتولع ومازن عمال يبصلها تهدى. مازن... تمام افتح الكاميرا ووريني. كيان... تمام وفتحت الكاميرا وبدأت توري مازن الفساتين وكل ما يشوف واحد ميعجبهوش وعمال يهزر مع كيان ويضحك وفاطمة ياختيييي فاضلها عود كبريت وتولع 🙆‍♀️😂😂😂. مازن... بصي ده هيكون جميل أوي خدي ده. كيان... هو فعلاً حلو تمام هاخد ده. مازن... أشطا وبص لفاطمة ياختيييي. كيان... أشطا. مازن...

يلا سلام دلوقتي أخلص الشغل وأكلمك وراح قافل بس الكاميرا ونسي يقفل السكة كلها وراح سايب الفون وراح قاعد جنب فاطمة. مازن... أهدي بقا عشان خاطري. فاطمة... أهدى وأنا شايفة ك يا عمال تهزر وتضحك معاها وكمان بتختاره فستان الفرح اللي هو المفروض أبقى أنا اللي مكانها وألبسه. مازن... أهدي بقا ماهو أنتي هتكوني مكانها بس بعدها وهتاخدي مكانتك في كل حاجة بس وقت بقا العاجزة دي تاخد مكانك وتاخد مازن منك عيب حتى. مازن لفاطمة بس.

فاطمة... أيوه خدني بكلمتين حلوين زي كل مرة كدا. مازن... مقدرش دانا سيبتها وجيتلك يلا هاتي لنا عصير نشربه. فاطمة... حاضر يا عيوني. ده كله وكيان ماسكة الفون وعلي ودنها وبتسمع كل حاجة وراحت قافلة السكة. كيان بعياط... خدوا كل الفساتين مش عايزة حاجة. فتحية... ليه بس كدا يا حبيبتي حصل إيه. كيان... مش عايزة أتجوز يلا خدوا كل حاجة. البنات أخدت كل الفساتين ومشيت. فتحية... في إيه بقا احكي مالك. كيان قعدت تعيط وترمت في حضنها.

فتحية... أهدي يا روحي مالك. كيان... الواطي بيخوني معاها. فتحية... كيف ده. كيان... هو عندها في الشقة دلوقتي ومش في شغله أنا مش هتجوزها خلاص.