رواية احببتها رغم عجزها الفصل الخامس عشر 15 - بقلم الكاتبة الصغيرة

اتعوديه ويلا تصبحي على حاجة شبهك. وباسها على راسها. كيان: تكون انت ياروحى. عند فاطمة، غيرت لبسها وجت تنام، لقت ملك داخلة عليها. فاطمة: في حاجة يا ماما؟ ملك: بطلي تمثيل عشان مش أنا اللي هصدق تمثيلك. يلا احكيلي الخطّة. فاطمة: خطّة إيه، مفيش حاجة. ملك: على أنا برضه أحكي؟ فاطمة: غمزتلها. مقلت مفيش. يلا هتعوزي حاجة، أنا هنام. ملك: ماشي يا فاطمة. فاطمة قربت منها وحضنتها. فاطمة: تصبحي على خير، وخلي بالك. ملك: ماشي، سلام.

الصبح. مازن صحي قبل كيان. مازن وهو بيبص على كيان: يخربيت جمال أمك بقى، في حد يصحى على جمال زي كده ويقوم يروح شغل؟ ده يبقى عيب والله. و راح باسلها على خدها. مازن: صباح الورد يا أجمل ملاك في الكون كله. وسابها وقام دخل الحمام، وطلع راح المطبخ عشان يحضر فطار. كيان صحت ملقتش مازن. كيان: مازن، مازن. مازن: أيوه يا حياتي. كيان: انت فين؟ مازن: جاى أهو، خمسة وجاى. كيان بستغراب: طيب. وبدأت تقوم وتحاول تقعد على الكرسي، مش عارفة.

كيان: مش عارفة، مبعدو ليه كده عن السرير. وجت تحاول تاني توصل للكرسي، وقعت. كيان: آآآه. مازن سمع صوتها، طلع يجري من المطبخ على أوضة النوم. لاقاها واقعة. جري عليها، شالها وحطها على السرير. مازن بغضب: إنتي كويسة؟ اتعورتي ولا فيكي حاجة؟ كيان: لا، اهدى. أنا كويسة، ومتعودة على الواقعات دي. هههههه. مازن: مش وقت ضحك هو. كيان: هههههه، مش قادر والله، مضحكش. مازن بستغراب: ليه بقى؟ كيان: هههه، بص على وشك في المراية، وإنت هتعرف.

مازن بص: آآآآآآآآآآآآه، مين ده؟ كيان: أبويا. هموت. مازن سرح في ضحكتها. مازن: بعشقك وبعشق ضحكتك. كيان بكسوف: شكراً. مازن بقرف: وحياة أمك، إيه شكراً دي؟ كيان: أمّال هقولك إيه؟ مازن قرب منها وبصوت واطي جنب وشها: تقوليلي. كيان وهي نبضات قلبها عمالة تزيد من قربه ليها: أقول إيه؟ مازن: متقوليش حاجة. تاكلي. كيان: عبشكلك يا شيخ، قلبي كان هيقف. وبعدين تقولي تاكلي. مازن: ههههه، كان هيقف ليه؟ هو أنا عملت حاجة ولا إيه؟

كيان: اخلص، تعال ساعدني أقعد على الكرسي عشان أدخل الحمام. مازن: من عيوني. وشالها وحطها على الكرسي، وهو بيحطها بصوت واطي عند ودنها: بدمنك. كيان وشها أحمر وبقى طماطم. مازن: ههههه، وشك وخدودك بقى شبه الطماطم. كيان: وربنا بارد. وسابته ودخلت الحمام. مازن: هخليكي تحبيني بس استني. كيان خلصت وطلعت من الحمام، لقت مازن مجهز الأكل. كيان: مين جهز الفطار؟ مازن: الجيران يعني. من شوية وشي كان كله دقيق، ليه؟ كنت بجرب أبيضه.

كيان: أوبس، معلش. نسيت. بس أرن على المستشفى قبل ما ناكل ولا لأ؟ مازن: هتاكلي وإنتي ساكتة، ولا أحلف ما أوكلكيش، و أخليكي تروحي تجهزي أكل لنفسك. كيان بحزن طفولي: آسفة، هات أكل معاك. مازن: يلا. عند فاطمة، صحت من النوم وفتحت اللاب بتاعها. فاطمة: أما نشوف بقى بيعملوا إيه دلوقتي. الأستاذ والأستاذة، لا جميل، قاعدين يفطروا زي الحبيبة. بس مش هنيكم ببعض، بس استنوا عليا. وراحت قفلت اللاب. بوسي: صباح الخير يا بابا.

محمد: صباح النور يا حبيبتي. عاملة إيه؟ بوسي: الحمد لله بخير. هو مازن وكيان لسه مجوش؟ محمد: واحد ومراته، لسه بدري إنهم يصحوا. عايزهم في إيه؟ بوسي: زي ما صحاني آخر الليل. محمد: مين اللي صحاك؟ بوسي: مازن قالي إنه هييجي هو وكيان النهاردة على الساعة تسعة كده، عشان هروح معاهم. محمد: هتروحو فين؟ بوسي بصوت واطي: مازن عايز يرجع كيان للكلية تاني عشان تكمل، وهو هيقدم فيها ويبقى دكتور، وهيبدأ يشتغل. محمد: بتهزري ولا بتتكلمي جد؟

بوسي: بتكلم جد والله. ولم يجي، أبقى اتأكدي منهم. محمد بفرحة: أخيرًا مازن أخوكي هيرجع زي الأول. بوسي بفرحة: آه يا بابا. وكل ده بفضل كيان. محمد: ربنا يديمهم في حيات بعض يا رب. بوسي: يا رب. لم أرن عليه، أشوفه هيجي إمتى عشان متأخرش على المحاضرة بتاعتي. محمد: ماشي يا حبيبتي. بوسي مسكت الفون ورنت على مازن. مازن كان قاعد بيفطر هو وكيان، وبص لاقي تليفونه بيرن، وبوسي اللي بترن. مازن خبط إيده على راسه: يالهوي، نسيت دي هتنفخني.

كيان بستغراب: مين دي؟ مازن: بعدين أقولك. وفتح عليه. بوسي: فينك يا أستاذ؟ آخرت ليه؟ مازن: آسف والله، شوية وهكون عندك أنا وكيان. بوسي: تمام، أوعى تتأخر. مازن: حاضر. سلام دلوقتي. وقفل معاها. كيان: في إيه؟ قول. مازن: هقولك بس مش دلوقتي. يلا قومي نلبس عشان نروح عند بوسي. كيان بستغراب: استغفر الله العظيم. حاضر. ويلا وقاموا يلبسوا هما الاتنين. بعد شوية، فاطمة نازلة، لقت بوسي رايحة جاية في الصالة. فاطمة: صباح الخير.

بوسي: صباح النور. فاطمة: في إيه؟ رايحة جاية ليه كده؟ بوسي: لا، عادي. محمد: مستنية مازن عشان. بوسي قطعت كلامه: عشان هيوديني الجامعة. فاطمة بستغراب: إنتي كل يوم بتروحي لوحدك، إشمعنى النهاردة؟ بوسي: عادي. فاطمة: اممم، ماشي. فطرتي؟ بوسي: آه. روحي قولي لأي حد يجهزلك الفطار. فاطمة: حاضر. وسابتهم ومشيت. وقفت بعيد. فاطمة: مش مرتحالك يا بوسي، ومأكدة إنك مخبية حاجة عليا. ملك جت من وراها. ملك: واقفة ليه كدا؟

فاطمة بخضة: مش بعمل حاجة. ملك: اتخضيتي ليه كده؟ ولم مفيش حاجة، واقفة ليه هنا؟ فاطمة: حاسة إن في حاجة، بس استني لما مازن يجي. ملك: ليه؟ فاطمة: بوسي عمو محمد كان هيقول حاجة وهي قطعته، وكمان مازن جي هنا قال عشان يوديها الجامعة. ملك: يوديها ومتروحش؟ فاطمة: معرفش، مهو ده اللي مخليني مستغربة. ملك: اممم، أنا ورايا مشوار. لو عرفتي ابقي عرفيني طيب. فاطمة: حاضر، روحي. مازن وصل الفيلا. مازن: خليكي هنا يروحي، هجيب بوسي وأجيك.

كيان: طيب، فهمني في إيه. مازن: هتفهمي، بس خلاص، مافضلش غير شوية وقت. كيان: ماشي، روح نادِ بوسي ويلا. مازن: إشطا. مازن نزل ودخل، وبوسي جرت عليه. مازن: صباح الخير يا حج محمد. محمد بستغراب: حج محمد من إمتى ده؟ مازن: من أي وقت. يلا، مفيش وقت للكلام. يلا يا بوسي. بوسي: يلا. فاطمة: مازن، مازن. مازن بس بوسي شدتة وطلعت، مخلتهاش رد عليه. محمد: زي بعضه، يمكن مسمعكيش. يلا سلام دلوقتي، عندي شغل.

فاطمة: حتى إنت عندك شغل وماشي. طيب قولي هو في إيه؟ محمد تليفونه رن: هقولك لما أجي، بس دلوقتي مينفعش. سلام. فاطمة: ماشي، بقا كده. في العربية ومازن سايق. كيان: قولولي بقا في إيه. مازن: بصي يا ستي، إنتي كان حلمك إن أنا أكمل وأشتغل دكتور، صح؟ كيان بستغراب: آه. مازن: وأنا حلمي إني أطلع دكتور جراحة، صح؟ كيان: اممم، آه. مش فاهمة برضه. مازن: الله يخربيت اللي ربط الحمارة وسابك يا شيخة. بوسي: ههههههه، هموت. كيان بزعل: بقا كده؟

مازن: آسف، حقك عليا. متزعليش. بصي دلوقتي فاطمة في كلية إيه؟ كيان: طب. مازن: وفي سنة كام؟ كيان: رابعة. مازن: وإنتي هتكملي تعليم، وهتكملي معاها عشان تساعدك. وأنا هشتغل دكتور في الجامعة عندك، وكمل وساعد بابا في شركته لحد ما أقدر أعمل شغل لوحدي. كيان بفرحة: بجد هتكمل يا مازن؟ مازن: آه، بس لو إنتي وافقتي تحققي حلمي. غير كده لأ. كيان: بس أنا. مازن: إنتي ما فيكي حاجة، هتكملي. ولا لأ؟ بوسي: وافقي عشان هو يوافقك.

كيان بتفكير ويأس: ماشي، موافقة. مازن: فكي التكشيرة دي الأول، وفين الابتسامة الحلوة؟ كيان: أهي. مازن: أيوه كده. قلبي يا ناس. ملك: ها، عرفتي حاجة؟ فاطمة: لا، ومحدش قالي حاجة. حتى مازن ندمت عليه الصبح ومردش عليا. ملك: طيب، العمل إيه؟ فاطمة: هنعرف بالليل، هييجي ونعرف كل حاجة. واستني. ملك: لما نشوف. بالليل، مازن وبوسي وكيان خلصوا كل حاجة، وروحوا البيت، في البيت. مازن قعد: ها، أخيرًا خلصنا. بوسي: تعبتوني معاكم.

فاطمة: حمدلله على السلامة. مازن: الله يسلمك. أخبارك إيه؟ فاطمة: الحمد لله بخير. وإنتوا؟ مازن: الحمد لله بخير. مازن: روحت قدمت على شغل في جامعة كيان. فاطمة بستغراب: جامعة كيان؟ كيف؟ مازن: اممم، نسيت أقولك، كيان رجعت تكمل تعليمها في الجامعة. فاطمة: اممم، ألف ألف مبروك يا كيان. كيان: الله يبارك فيكي. مش يلا نروح بقى عشان أرتاح. مازن: إشطا، يلا يا قلبي. يلا سلام. بوسي: أما أبقى أسلميلي على بابا بقى. كيان: وأنا كمان.

بوسي: حاضر، سلام. مازن: هتعوزي حاجة يا فاطمة؟ فاطمة: تسلم، سلام. مازن: سلام.