رواية احببتها رغم عجزها الفصل السابع 7 - بقلم الكاتبة الصغيرة

وعد وراح مودع الأطفال، هو وكيان، وطلعوا. *** كيان: على فكرة، أسفك مش هيعمل حاجة على اللي أنا سمعته امبارح. مازن: انتي عارفة من الأول إني بحب غيرك، وكانت هي يعني، مكنتش مع واحدة غيرها. كيان: أنا قصدي الكذب، ليه تكذب وتقولي إنك عندك شغل وتكون معاها؟ فين الشقة لوحدكم؟ ولا تقولها إن العاجزة متجيش جنبها؟

حاجة، مازن، أنا قبل خمس شهور كنت بمشي وبعمل كل حاجة، وكان ألف واحد يتمناني، ولو مش مصدق ممكن تروح كليتي وتسأل على كيان البنهاوي. مازن: ممكن بلاش الكلام ده. كيان: حاضر. مازن تلفونه رن، وبيجيبه راح واقع، فبيميل يجيبه. كيان: حاسب! مازن عمل فرامل بسرعة ووقف العربية. مازن: كيان! كيان! انتي كويسة؟ كيان: آه الحمد لله، وانت؟ مازن: الحمد لله. كيان: مش تاخد بالك وتسيبك من التليفون، أدينا كنا هنموت دلوقتي، ومين اللي بترن دي؟

مازن سكت شوية وتنهد. مازن: دي فاطمة، ومعلش حقك عليا. كيان بحزن: تمام، يلا نروح. مازن: يلا. *** فاطمة رايحة جاية في الشقة وخالد قاعد. خالد: في إيه يابنتي؟ متقعدي شوية. فاطمة: الأستاذ مازن قفل في وشي السكة، ولع وأي قفل التليفون خالص. خالد: ههههه، فتح سمعك إنها معاك وقفل ولا إيه؟ فاطمة: خالد متعصبنيش، أنا على آخري. خالد: خلاص، اهدي بس كده. فاطمة: أهدي؟

ده أنا هكسرها فوق دماغهم هما الاتنين، وبالأخص كيان اللي بتسرق الرجالة دي. خالد: بصراحة، آه هي عاجزة بس جامدة وتخطف أي حد. فاطمة رمت المزهرية على خالد. خالد قام جري، مجتش فيه. خالد: يابنت المجنونة، كنتي هتموتيني! فاطمة: غور من وشي، طيب عشان أنت بتولعني أكتر. خالد: هههه، طيب بمناسبة الولعة، هتروحي فرح مازن وكيان بكرة؟ فاطمة رفعت حاجبها. فاطمة: هو بكرة؟ خالد: آه. فاطمة: اشطا، هنروح، منروحش ليه؟ خالد: مش مطمنلك في إيه.

فاطمة: مفيش حاجة، يلا روح روح أنت. خالد: حاضر، هروح، وبكرة هتقوليلي في إيه. فاطمة: هههه، ماشي، باي. خالد: باي. خالد ساب فاطمة ومشي. فاطمة قعدت على الكرسي. فاطمة: بقا بتتجاهلني يامازن؟ ماشي. وانتي يا كيان بتسرقيه مني؟ إن مخليتكم انتوا الاتنين بكرة مسخرة، مبقاش أنا فاطمة. *** عند مازن، وصل هو وكيان، وقف العربية ونزلها، حطها على الكرسي، وبيقفّل باب العربية وبلف. مازن: كيان؟

بيبص لاقى إنها مشيت بالكرسي. راح خابط بإيده على العربية. مازن: هوف! هخلص من مشكلة أوقع نفسي في مشكلة؟ هعمل إيه المرة دي؟ لما أدخل وراها. مازن: يعني سبتيني ومشيتِ؟ كيان: سبتك يمكن عايز تروح بسرعة عشان تروحلها، أو هترن عليها، فسيبتك على راحتك. مازن بيأس: لا مش هروحلها ولا هرن أصلاً، التليفون باظ يا أختي، هروح بس هنام عشان أصحى بدري، المهم. كيان: إيه؟ مازن: هتروحي لكوافير بكرة ولا هجبهملك لحد هنا؟

كيان: مش محتاجاهم، ولا هنا ولا هروح. مازن: مينفعش، لازم تروحي للكوافير. كيان: مالكش فيه، وكده كده أنا منتقبة يعني محدش هيشوف وشي. مازن: براحتك. وأيو صح، أنا عمري مشوفت وشك، ممكن أشوفه؟ كيان: متخافش، وشي مش متشوه ولا فيه حاجة. مازن بعصبية: وأنا مقولتش عشان كده، ومش عايزة أشوفه. سلام. وسابها ومشي. فتحيّة من وراها. فتحيّة: بتزعله ليه؟ منك دايماً كلامك زي الدبش.

كيان: مش دبش، هو كان عايز عشان كده، وأصلاً مش بيحبني، عايز يشوف وشي ليه؟ فتحيّة: عادي، فيها إيه؟ وليه بتزعله، ليلة فرحكم. كيان: فكك، أنا داخل أنام. فتحيّة: ربنا يهديكم انتوا الاتنين، روحي تصبحي على خير. كيان: وانتي من أهل الخير. كيان دخلت، غيرت ونامت. ومازن روح البيت، غير ونام. *** الصبح الكل صحي. عند مازن، باب الأوضة اتفتح والستاير اتفتحت والشبابيك. مازن: اطفوا النور واقفلوا الشبابيك، عايزة أنام.

راحت نطت على السرير. بوسي: لا لا لا لا! قوووم! مازن: عايزة أنام، سيبيني أنام. بصوت طفولي: بقا كده يامازيزو؟ عايز تنام ومش هين عليك تقوم تسلم على بوسي أختك حبيبتك؟ مازن شال البطانية من على وشه. مازن: هوف، أسف، أديني قمت، حمدلله على السلامة ياروحي. وراح حاضنها. بوسي: الله يسلمك ياقلبي، يلا قوم يا... مازن: زحها وراح حاطط البطانية تاني عليه. مازن: بوسي سلمت عليكي، يلا طيري من الأوضة، سيبيني أنام. بوسي: طيب، مش ماشي.

وخليك نام. وراحت جابت كوباية الميه وكبتها عليه. مازن قام يطنتت من على السرير، وبوسي طلعت تجري. برضه الأوضة ومازن وراها. مازن: هو انتي هتفضلي طفلة؟ طيب مش سايبك. بوسي: والنبي أسفة، سيبني بقا، ده أنا بوسي حبيبتك. مازن: مش سايبك عشان تبطلي تعمليها تاني. بوسي لقت محمد واقف بيتكلم في التليفون، استخبت ورا بابا. بوسي: بابا حوش مازن عني. محمد قفل التليفون. محمد: في إيه انتوا الاتنين على الصبح؟

مازن: الأستاذة كبت الميه عليا وأنا نايم. محمد: ليه كده؟ انتي بتكبري ولا بتصغري؟ بوسي: عمالة أقوم فيه مش قايم، رحت كبيت الميه عليه. زاد، أنا لسه صغيره، أنا عندي 18 سنة بس. مازن: والله أنا مش عارف وافقة عليكي في كلية صيدلة كيف؟ بوسي: بشطارتي طبعاً يا أخويا، هو أنا زيك فاشلة؟ مازن: أنا فاشل؟ طيب أوعى يابابا وسيبني عليه. بوسي: لا والنبي يابابا.

محمد: بس انتوا الاتنين، يلا يامازن روح شوف هتعمل إيه من التجهيزات، وانتي روحي جهزي نفسك عشان هتروحي عند كيان تفضلي معاها لحد الفرح. بوسي بصوت عالي: ها هاهاهاهاهاهاهاها! هروح عند كيان! مازن: فرحانة على إيه؟ بلا نيلة. بوسي: وربنا البت كيان غلطانة لما وافقت عليك، بقا ملكة الجمال دي توافق بيك يا عبدو البواب؟ مازن: بت انتي لمي دورك على الصبح، ومين عبدو البواب ده؟ إحنا بعتناك بره تتعلمي ولا بعتناك في الشارع؟

بوسي: ههههه، والله البت كيان اللي علمتني كل ده، دي جامدة آه، بس جعفر والدبش بتاعها مسيطرين عليها خالص، شكلك لسه مأخدتش عليها وشوفت جعفور بتاعها. مازن: مش عايز، بلا قرف، أنا طالع آخد دش وأنزل أفطر. محمد: ماشي، روحي ياحبيبي. محمد مسك بوسي من الطرحة. محمد: مش تتلمي بقا يازفتة انتي؟ بوسي: والله يابابا الواد ده خسارة فيك، البت دي كانت محتاجة مززز من بلاد بره مش المصريين أبو كروش، على رأي البت كيان.

محمد: عارفة لو أمك شافتِك بتتكلمي كده هتعمل فيكي إيه؟ بوسي: هههه، هتعملني رغيف حوووشي، كفك ياحمادة. محمد: وه وه، لا أنا همشي أحسن، انتي مين يابتي؟ بوسي: بنتك ياراجل، والله. محمد: متقعديش مع كيان تاني والنبي. بوسي: هههه، دي الأربع وعشرين ساعة بكلمها. محمد: ربنا يسترها على مازن ومتجننش زيكم. بوسي: متخافش ياحج، الأحداث معانا إن شاء الله. يلا سلام بقا. محمد: سلام يامجنونة. ***

عند كيان، صحت، توضت، صلت الصبح عشان راح عليها الفجر، وطلعت عشان تفطر. فتحيّة: صباح الورد ياعروسة. كيان: صباح الفل ياقلب عروستي، عايزة أفطر فين الأكل؟ فتحيّة: مجهزةولك أهو. كيان: اشطا، هاتيه. فتحيّة حطت الأكل لكيان وقعدت تاكل. بوسي: اااعععععععععععع! جعانة! وراحت قعدت تاكل. كيان بتبصلها باستغراب. كيان: مفجوعة من يومك، مش تسلميلي يازفتة؟ بوسي: من بعض ما عندكم ياخوتشي، بس جعانة. وراحت قامت سلمت على كيان وقعدت تاكل.

كيان: براحة، أنا لسه هاكل. بوسي: والنبي يادادة حطيلها أي حاجة تاكلها عشان متصدعناش. كيان: لا والله. فتحيّة: هههه، زي بعضه يابنتي، مهو اتلحس منك. كيان: داده! لا والله. فتحيّة: يو! مش قصدي يابنتي، قصدي طلعاله. بوسي: هههه، انتي لسه بتخافي منها يادادة؟ فتحيّة: دي قلبي يابت، يلا كله، وأنا هروح أجبلكم تاني. بوسي: اشطا. بوسي وكيان قعدوا ياكلوا لحد ما شبعوا. كيان: ها؟ قوليلي إيه جابك؟ بوسي: وه وه، يا فتحيّة ما أجيش كيف؟

مش فرح أختي النهارده. كيان: قصدي مش مع أخوكي ليه؟ بوسي: اتخانقنا، فسيبته وجيت. كيان: كبيتي ميه عليه وهو نايم تاني؟ بوسي: حصل، فكك، يلا نقوم عشان نجهز نفسنا. كيان: يلا. *** الكل بقا مشغول وبيجهز نفسه للفرح. ليل. مازن خلص ولبس البدلة وراح عشان يجيب كيان من الفلة بتاعتها عشان الفرح في الفلة بتاعت مازن. أول ما مازن وصل، دخل وفتح الباب. مازن: إيه ده؟ البيت هوس هوس؟ يادادة؟

بيبص لاقي كيان لابسة الفستان الأبيض والنقاب الأبيض وقاعدة على الكرسي وزي الملايكة، وبوسي وفتحيّة واقفين جنبها. مازن فضل باصص في عين كيان كتير. مازن بصوت واطي: إيه ده؟ نفس العيون الرصاصي اللي بشوفها في الأوضة؟ ممكن تكون لابسة lenses عادية؟ بوسي: سرحت في إيه؟ مازن: ولا حاجة، خلصتوا؟ بوسي: اه. يلا طلعوا ركبوا العربية وراحوا الفرح. ***

في الفرح بقا، الكل فرحان وبهيص، بس الناس عاملين يبصوا لكيان ومازن إنه اتجوز واحدة عاجزة. "بقاله ابن محمد المصري القمر بيتجوز واحدة عاجزة؟ "والنبي يا أختي معرف، دي مامته ملك وافقت كيف على كده؟ "يمكن مغصبين عليها." "معرفش، ويمكن عشان غني، ماهي دي بنت البنهاوي الله يرحمه." "لا والله، بقا دي كيان البنت الحلوة بقت عاجزة." "آه." عند بوسي وكيان. بوسي: مالك؟ كيان: انتي عارفة مش بحب الأجواء دي.

بوسي: استحملي، ده فرحك، وشوفي الواد سايبك وعمال يهزر ويتكلم مع أصحابه. كيان: سيبيه براحته. فاطمة جت وراحت عند كيان. فاطمة: ألف مبروك ياعروسة. كيان: الله يبارك فيكي. فاطمة: أمال فين مازن؟ بس خلاص، شفته. بعد إذنكم. وسابتهم ومشيت راحت عنده. فاطمة أول ما وصلت عند مازن، سلمت عليه وخدته بالحضن والناس بتتفرج. فاطمة: ألف مبروك، عقبالنا ياحبيبي. مازن: إن شاء الله. فاطمة راحت مسكت إيد مازن وودته عند كيان.

فاطمة: يلا، ارقصوا سوا. مازن: بس... فاطمة: وبس؟ ليكيان؟ فاطمة: مابسش؟ في إيه؟ مازن: كيان. فاطمة عملت نفسها مستعبطة. فاطمة: أوبس، معلش يا كيان، نسيت ياحبيبتي إنك عاجزة. وراحت مسكت إيد مازن. فاطمة: تعال نرقص إحنا طيب. بوسي: وقفي مكانك.