رواية احببتها رغم عجزها الفصل الثالث 3 - بقلم الكاتبة الصغيرة

كيان: اه ياعمو عادي. وراحت طلعت هي وهو الجنينة. كيان: اتفضل اتكلم. مازن: بصي بقا من غير كدب، أنا هتجوزك عشان خاطر ابوي وقلبه واجعه ومش عايز أتعبة. بس أنا بحب واحدة تانية سليمة وكويسة وهنتجوز بس بعد متجوزك بفترة. موافقة ولا لأ؟ كيان: مش موافقة. مازن: انتي بترفضيني؟ كيان: أه، فيها إيه؟ مازن بعصبية: كويس برضو، اطلعي قولي كدا لبابا. كيان: متطلع انت، وكمان عرفه أنا رفضت ليه. مازن بتوتر: قولوا رفضتي ليه.

كيان: أه، امال هتعمل إيه؟ مازن: أنا مرفضتش، انتي اللي رفضتي. يبقى اطلعي انتي يلا ياعروسة، ورايا عشان نكتب الكتاب. وسابها مازن وطلع، وكيان طلعت وراه. محمد: يلا ياحبايبي عشان نكتب الكتاب. مازن: يلا، أنا موافق. كيان واقفة مش عارفة تقول إيه. الماذون: يلا قولي ورايا ياعروسة. كيان: مش موافقة. محمد: بتقولي ليه كدا يابنتي؟ كيان: مش عايزة أتجاوزه. محمد: انتي كنتي موافقة، إيه اللي حصل؟ كيان: أصل... ولسه هتتكلم. محمد: أه، قلبي.

الكل جري عليه. كيان: عمو مالك؟ محمد: قلبي واجعني، يلا اكتبوا الكتاب ياحبايبي عشان عايز أشيل عيالكم قبل ما أموت. كيان: بعد الشر ياعمو. محمد: رفضتي ليه يابنتي؟ انتي كنتي موافقة. مازن بص لكيان. كيان: ها، لا عادي، كنت بشوف رد فعلك إيه. أنا موافقة، يلا نكتب. محمد بفرحة: بجد؟ طيب يلا اكتب يامأذون. الماذون: قولي وراي يابنتي. كيان بحزن: حاضر. الماذون بدأ بقول وهي تقول وراه، ومازن كان بيقول كمان زيها.

الماذون: بارك الله لكم وبارك عليكم وجمع بينكم في مودة ورحمة. ألف مبروك. محمد بفرحة: ألف ألف مبروك ياحبايبي. وحضن مازن وكيان. فتحي: لولولولولوي. وجابت شربات ووزعته. محمد: مازن، بكرا تاخد عروستك وتفسحها شوية. مازن بقرف: حاضر. كيان بصت لمازن بحزن وسكتت. تاني يوم. مازن راح ياخد كيان من البيت. فتحيه فتحتله الباب. فتحيه: اتفضل يابني. مازن بقرف: فين كيان؟ فتحيه: فوق يابني، ارتاح وأنا أنادي عليها. وبتبص لقت الباب بيخبط.

فتحيه: جي اهو. طيب بص، اطلع فوق انت هتلاقيها فين أوضتها، نادم عليها ونزلها. مازن بيكلم نفسه: حتي أنا اللي هطلع أجيبه، صبرني يارب لحد مشوف آخرتها. حاضر، طالع اهو. فتحيه: ماشي يابني، روح. (معلش نسيت أقولكم إن كيان منتقبة) مازن طلع ينادي على كيان، ولاقي باب أوضة مفتوح منه حتة. بيبص منه، لاقي واحدة قاعدة على كرسي قدام المراية، عيونها رمادي وبشرتها بيضة جداً، وقمر. مازن: إيه الجمدان ده؟ مين الحورية دي؟

يخربيت جمال أهلك ياشيخة. فتحيه: وصلت للأوضة يامازن يابني. مازن: ها، لا بصي، أنا هنزل وتعالي انتي شوفيها. وبيكلمها وهو واقف قدام الأوضة، عمال يبص للي في الأوضة لحد ما نزل. فتحيه: هطلع أنادي أنا عليها ونزلها دلوقتي. مازن: ماشي، وأنا قاعد هنا اهو. وقعد وهو عمال يفكر في البنت اللي شافها فوق. فتحيه طلعت جابت كيان ونزلت. مازن: يلا. كيان: يلا. فتحيه: خلي بالك منها يابني. مازن: حاضر، سلام. ومسك الكرسي بتاع كيان ولسه هيمشيه.

كيان: أنا بعرف أمشي الكرسي بنفسي، سيبه. مازن: حاضر. وسابه وسابها وطلع قدامها. فتحيه: ليه كدا بس؟ ده حابب يساعدك. كيان: مش عايزة مساعدة من حد. فتحيه: طيب، روحي يابنتي، ربنا يسترها عليكي. كيان: يارب، سلام عليكم. كيان طلعت، ومازن ساعدها تركب العربية. وركبت، وهو ركب وساق العربية. مازن: ها، هنروح فين؟ كيان: معرفش، المكان اللي انت عايزه ودينا فيه، بس يكون هادي. مازن: تمام. والفون بتاعه رن. مازن: الو، أيوه ياروحي.

فاطمه: قلبي، انت فين؟ مازن: رايحين الكافتريا، متيجي؟ فاطمه: اشطاا، جي. مازن: تمام، نتقابل يابطلي. كل ده وكيان قاعدة متعصبة من اللي بتسمعه. كيان: هي جي معانا؟ مازن: أه. كيان: طيب وليه؟ مازن: عادي، فيها إيه؟ ويلا وصلنا. كيان: تمام، يلا. في مكان تاني. خالد: رايحة فين؟ فاطمه: مازن نازل هو والمشلولة وهروح لهم. خالد: هههه، روحي ياختي، معاكي ربنا. فاطمه: ماشي، سلام. عند كيان ومازن. مازن: ها، هتطلبي إيه؟

كيان: عايزة واحد قهوة مظبوطة وبوش أهم. موظف: تمام، وانت ياستاذ مازن؟ مازن: نفس اللي طلبته. وبيتكلم وهو باصلها. موظف: تمام. مازن: انتي بتحبيها مظبوطة وبوش؟ كيان: ده العشق بتاعي، بوش ومظبوطة. مازن: زي. فاطمه جت من وراهم وحطت ايدها على وش مازن. فاطمه: أنا مين؟ مازن: قلبي، أكيد. فاطمه: مش عارفة بتعرفني على طول كيف؟ مازن: في حد ميعرفش قلبه. المهم، تعالي أعرفك على كيان.

مازن: كيان، دي فاطمه حبيبتي. فاطمه، دي كيان اللي هتكون مراتي. كيان: اتشرفت بيكم. موظف: القهوة، القهوة. مازن: في إيه ياض يامروان؟ اتكلم براحة مرة. مروان: بحب أفرفشكم. إيه ده؟ كيان! كيان: ميرو، أخبارك إيه؟ مازن: انتو تعرفوا بعض؟ مروان: أه، دي كوكي اللي كنت بحكيلك عليها، إنها واقفة جمبي في كل حياتي. بس انتو تعرفوا بعض منين كدا؟ مازن: أنا وكيان كتبنا كتابنا، وكم يوم وهنعمل الفرح. مروان: بجد؟ إيه الصدفة الحلوة دي!

ألف ألف مبروك، ربنا يتمملكم على خير يارب. بجد انتو كويسين وتستاهلوا بعض. كيان ومازن بصوا لبعض. كيان: خد هنا، قولي، أديني يجي يومين مش سامعة ليك صوت ليه؟ مروان: انتي عارفة الكلية وكل حاجة. كيان: ربنا معاك يارب. مروان: يارب. بصي، دي قهوتك أم وش، وكمان مظبوطة، ونفس الخلطة اللي بتحبيها. كيان: تسلملي. مروان: عارف يامازن، انتو الاتنين بتحبوا نفس طريقة القهوة. فاطمه: مش ناوين تخلصوا رغي ولا إيه؟

مازن: خلصنا، يلا اقعدوا. تعال اقعد معانا. مروان: لا، هروح أكمل شغل. كيان: روح وخلي بالك من نفسك. مروان: حاضر، سلام. كيان ومازن: سلام. فاطمه: كيان، أنا متهيألي عيونك مش كانوا لونهم عسلي زمان؟ مازن: كيف؟ فاطمه: معرفش، يمكن أنا ناسياها عشان مشوفتهاش منك زمان. مازن: ممكن. المهم، وحشتيني. فاطمه: وانت كمان. وقعدوا يتكلموا وسابوا كيان لوحدها. بعد شوية. مازن: كيان، تعالي أوصلك. ولسه بيبص، ملقاهاش.