رواية اكاذيب العشق الفصل الأول 1 - بقلم شهد وائل

كانت واقفة فالحمام بتلطم ومنهارة. "يالهوي يالهوي، هعمل إيه أنا فالمصيبة دي؟ وخبطت الأم عليها. "هتفضلي فالحمام كتير يانوران؟ خلصي يابنتي، أبوكي عايز يدخل الحمام عشان الشغل، يلا ياحبيبتي، هتتأخري عليه." نوران وبتمسح دموعها وبتعدل نبرة صوتها. "حاضر ياماما، بغسل وشي أهو وطلعة أهو." وفتحت الباب. "إيه ياريـرو ياقمر؟

انتِ رجاء خديني على قد عقلي، خديني. يلا روحي البسي عشان الكلية وتعالي خدي الفطار بتاعك والشاي بلبن عملتهم ليكي على مكتب فـ أوضتكم." نوران وحضنتها. "حبيبتي ياماميتو." وراحت أوضتها وقفلت الباب ورنت على شخص. "إيه ياحبيبتي، صباح الخير ياقلبي، لحقت أوحشك بس؟ انتِ وحشتيني أوي كمان." نوران بخوف. "أنا لازم أشوفك انهارده ونتقابل." "تمام، على خمسة هخلص الكلية نتقابل فـ عربيتك، عايزاك فـ حاجة مهمة."

"بخبث، تمام يانور عيني، على خمسة أشوفك بقا، بحبك، سلام." نوران ونزلت تركب المواصلات عشان توصل الكلية وداخلت وقعدت فـ المدرج وداخل الدكتور إلياس. "إزيكم، معاكم دكتور إلياس الجارحي، وأنا همسك مكان دكتور محمد، وياريت نكون حلوين مع بعض عشان أنا مبسميش على حد، مفهوم؟ وبدأ يشرح ونوران مكنتش مركزة. "إلياس: الآنسة اللي لبسة طرحة بيضة، كانت بقول إيه أنا من شوية؟ واقفة كدا. نوران فاقت من شرودها. "حضرتك بتكلمني أنا يادكتور؟

"إلياس بسخرية: لأ، بكلم نفسي، أكيد بكلمك. قومي اقفي وقولي كانت بقول إيه من شوية." نوران بإحراج. "أنا آسفة يادكتور، مكنتش مركزة مع حضرتك." "إلياس ببرود: اطلعي بره." "نوران بغيظ: بس حضرتك أنا معملتش حاجة، وقولتلك آسفة." "إلياس بغضب: قولتلك اطلعي برا، اللي مش مهتم يسمع المادة بتاعتي مش مهم عندي، اخرجي برا يلا." نوران وخدت حاجاتها وطلعت وهي بتعيط متعصبة. "إنسان مريض نفسي وعديم الإحساس كمان." ورن تلفونها. "مالك ياحبيبتي؟

طالعة متعصبة وبتعطي لي حد؟ عملك حاجة؟ وأنا أجي أمحي اسمه من على الأرض." "نوران: مفيش، الدكتور الجديد هزقني قدام صحابي وقالي اطلعي برا." "انت فين وأنا أجي ليك، أو أجي على العربية." "تعالي، وانتي وحشتيني أصلاً." وقالها على مكان العربية وهي راحت وفتحت الباب وقعدت وقرب منها يبوسها. نوران بعدتو عنها. "نوران بخوف شديد: أنا حامل يايوسف، وأهلي لو عرفوا هيموتوا فيها، انته لازم تيجي تقدملي." "يوسف بتوتر: قصدك إيه بكلامك ده؟

انتي مكنتش بتاخدي حبوب ولا إيه؟ "نوران بدموع: كنت باخد والله، معرفش حصل إزاي الحمل ده، وانت وعدتني هتيجي تتقدم ليا." "يوسف بسخرية وضحك: أنا قولتلك ده لما كنتي آنسة، إنما دلوقتي مدام، أنا مخدش حاجة، خدتها فـ الحرام، يانوران، فاهمة كلامي؟ وكمان انتي سلمتي نفسك لي." "نوران بدموع وضربته فـ صدره: يبن كلب، يعني كنت بتضحك عليا؟ يعني إيه؟ أنا خسرت كل حاجة، ياحيوان يكلبي." "يوسف

ومسك إيديها: لأ بقولك إيه ياشاطرة، الكلام ده لحد غيري، ويمكن ميكونش ابني، يمكن ابن حد تاني." "نوران بدموع: اخرس، قطـ*ـع لسا*ـنك، والله محد غيرك لمسني. طب أبوس ايدك تيجي تتقدم وتجوزني، حتى لو هعيش معاك على الأرض فترة وتطلقني فيها، أبوس ايدك، أنا هموت فيها يايوسف. ماما بدأت تلاحظ." "مسكت ايده تبوسها راح زقها." "يوسف

بسخرية وزقها بعيد عنه: ما قولتلك مش بتجوز حاجة جربتها قبل كدا يانوران، وانزلي، وقتك خلص معايا، ابقي قولي لطنط مبروك، شفتي عيالك، أهو." "نوران بدموع وانفعال: يعني إيه؟ وفين كلام ليا بحبك؟ كل ده كان كدب؟ طب واللي فـ بطني، أعمل المصيبة دي؟ رد عليا. خدت اللي انته عايزه وسبتني لوحدي؟ طب أعمل إيه؟

رد عليا، ده ابنك زي ما هو ابني، أهلي مش هيرحموني ولا يرحموك، هتطير فيها رقـ*ـاب. انت إنسان حقير وزبالة، ده كان غلطتي من الأول، كذبت عليا بحاجة اسمها الحب، انت ما حبيبتنيش أصلاً." "يوسف ببرود: دلوقتي بقا فيه عملية إجها*ـض، اعمليها ولا من شاف ولا من داري. طب بدل ما انتي عارفة كده يا شاطرة، سلمتي لي نفسك من الأول ليه؟

"نوران: كل حاجة كانت بإرادتك. أنا ما غصبتكيش على حاجة، كل حاجة كانت بإرادتك برضه، وأنا غلطان زي ما انتي غلطتي، بس انتي أكتر مني. تاني مرة يا شاطرة، ما تسلميش نفسك لأي حد، ما تخلينيش أعمل حاجة تندمي عليها. والشتا*ـيم دي يا قطة، هعديها، بس المرة الجاية صدقيني، ما يهمني حاجة وهفضحك بسهولة كده." وكمل بزعيق. "انزلي يلا." وفتح باب العربية. "جود باي يابيبي، طريق السلامة." وانتِ زقته.

نوران نزلت وهي تمسح دموعها اللي زي الشلال، بتحاول تخرج على اللي في نفسها بالدموع، مش عارفة تعمل إيه وماشية تايهة شارده الذهن، بتفكر فـ كلامه، إزاي قدرت تسلم نفسها لواحد حقير زي ده، قدر بسهولة يخو*ـنها فـ أكتر وقت كانت محتاجة جانبه، يسيبها كأنها ما كانتش تسوى في حياته غير الليلة قضاها معاها بس وزهق منها. ومن كتر الزعل والتفكير أغمي عليها وشافها شخص و...