رواية اكاذيب العشق بقلم شهد وائل | كاملة

كانت واقفة فالحمام بتلطم ومنهارة. "يالهوي يالهوي، هعمل إيه أنا فالمصيبة دي؟" وخبطت الأم عليها. "هتفضلي فالحمام كتير يانوران؟ خلصي يابنتي، أبوكي عايز يدخل الحمام عشان الشغل، يلا ياحبيبتي، هتتأخري عليه." نوران وبتمسح دموعها وبتعدل نبرة صوتها. "حاضر ياماما، بغسل وشي أهو وطلعة أهو." وفتحت الباب. "إيه ياريرو ياقمر؟ انتِ رجاء خديني على قد عقلي، خديني. يلا روحي البسي عشان الكلية وتعالي خدي الفطار بتاعك والشاي بلبن عملتهم ليكي على مكتب ف أوضتكم." نوران وحضنتها. "حبيبتي ياماميتو." وراحت أوضتها وقفلت الباب ورنت على شخص. "إيه ياحبيبتي، صباح الخير ياقلبي، لحقت أوحشك بس؟ انتِ وحشتيني أوي كمان." نوران بخوف. "أنا لازم أشوفك انهارده ونتقابل." "تمام، على خمسة هخلص الكلية نتقابل ف عربيتك، عايزاك ف حاجة مهمة." "بخبث، تمام يانور عيني، على خمسة أشوفك بقا، بحبك، سلام." نوران ونزلت تركب المواصلات عشان توصل الكلية وداخلت وقعدت ف المدرج وداخل الدكتور إلياس. "إزيكم، معاكم دكتور إلياس الجارحي، وأنا همسك مكان دكتور محمد، وياريت...