رواية اكاذيب العشق الفصل السابع 7 - بقلم شهد وائل

المدام اتعرضت لعنف ومحاولة اغتصاب والبيبي اتوفى في الحال. لازم نعمل محضر. والخبطة كانت قوية على الرحم وهيكون في مشاكل في الحمل. إلياس بهدوء: ملوش لزوم كل ده. وأنا هعرف أتصرف مع اللي عمل كده فيها. طمنيني عليها بس. حالتها عاملة إيه؟ _هي كويسة بس لسه ما فاقتش. ويا ريت نهتم بيها وبحالتها الصحية والنفسية والعلاج عشان تقدر تقوم وتكون أحسن. والبقاء لله في البيبي.

إلياس شكر الدكتورة وخد منها اسم العلاج وذهب إلى غرفة نوران. كانت نايمة نوم عميق وباين على وشها التعب. قرب منها وهو ملامح وشه حزينة على حالها. ما كانش ليها ذنب تعيش كل ده. ومسك إيديها وهي بدأت تفوق. بصتله بخوف. إلياس بهدوء: أهدي يا نوران. أنا إلياس. متخافيش. وأنا والله هجيب لك حقك من ابن كلب ده. وعملوا إزاي يتعرض لك. نوران بدموع: هو لمسني صح؟ لما أغمي عليا. رد عليا يا إلياس. ساكت ليه. لمسني صح؟

إلياس بهدوء وقرب منها: أهدي. والله ما لمسك. هو لما شافك أغمي عليكي والدم حوليكي خاف وجري. الجبان. والله هعرفه إزاي يعمل كده. وكمان في خبر وحش. البيبي نزل. وهيكون يعني في مشاكل. الرحم عندك هيكون صعب يشيل طفل تاني. نوران بدموع وبابتسامة: بجد يعني مبقتش حامل؟ الحمد لله. يا رب فضلك كبير أوي عليا. يا رب. وأنا والله هكون إنسانة جديدة. إلياس بهدوء

وبعد عنها وقعد على الكرسي: المهم دلوقتي. إحنا هنرجع الفندق. هتقولي إنك يعني جاتلك. إنتي فهماني. أكيد. وإن باب الأوضة كان مفتوح وأنا كنت بعدي وشوفتك وروحنا المستشفى. وقال إنه نزيف. تمام. نوران بخجل: ها. حاضر. هو مين اللي لبسني الهدوم دي؟ وقالت بصدمة: أوعى تكون انت؟ إلياس بضحك: احم. يعني هو مكنش ينفع أنزلك وإنتي بالفوطة. الناس تفتكرني جايبك من شقة مشبوهة وتكون فضحتنا فضيحة.

نوران ضحكت جامد وهو سرح في ضحكتها. وهي اتكسفت. أمّـمـم. مش هنمشي ولا إيه؟ ما بحبش المستشفيات. إلياس بهدوء: حاضر. وساعدها تقوم وياخدها ويرجعوا الفندق. تحت أنظار الجميع لتاني مرة. وقربت منها داليا. داليا بدموع: حصالك إيه؟ طمنيني عليكي. قلقتيني عليكي أوي. إنتي كويسة؟ حد عاملك حاجة؟ نوران بهدوء: مفيش حاجة والله. دكتور إلياس أنقذني. الحمد لله. دلوقتي أحسن. لما نطلع هفهمك. وداليا خدتها وطلعت. ونوران فهمتها كل حاجة.

وتاني يوم بالليل. محمود: البت داليا دي بومة. معرفش نوران صاحبتها إزاي دي. دي حتى نوران فرسة مزة كدا. يوسف: خلاص ي عم محمود. أروح أجوّزهالك. وكمان عايز أرجع لها. وحشتني بصراحة. وبمرة أتسلّى بيها شوية. عصام: يسطا خلاص. مبقاش في حاجة تخاف منها. أنا سقطها. وأكيد سقطت. بس زي ما اتفقنا. هيكون ليا ليلة معاها. يوسف: طبعاً يسطا. هنا في الساحل. وقريب. أو في البيت عندي. متخافش.

محمود وكان بيشرب: بس تصدق. البت داليا ممكن تيجي سكة. بس مع حد كدا وهو سليم. البت بتحبه وهو مش شايفه. ممكن نلعب عليها. عصام: فكك من داليا. إحنا لينا في نوران. عايزنها هي. مش حد تاني. يوسف: خلاص. قولتلكوا هدلعكم على الآخر. نروح على شاطئ البحر. كان قاعد الكل بيضحكوا. ونوران وداليا موجودين. إلياس وهو بيغني: خدناها. خدناها. خدناها بالسيف الماضي. سليم وبيطبل: خدناها. خدناها. نوران

وهي بتضحك وبتكمل مع إلياس: وأبوها ما كانش راضي. وعشانها بعنا الأراضي الحلوة اللي كسبناها. رد الجميع: خدناها. خدناها. إلياس: خدناها. خدناها بالملايين. وهما ما كانوش راضيين. عشانها بعنا الفدادين. الحلوة اللي كسبناها. نوران بضحك وهي بصه: حلوة يا واد وصغيرة. مالية عليك المندرة. حلوة يا واد ورِقة. مالية عليك الشقة. يا صغيرة يا أحلى بنات العيلة. إلياس

وكان باصص في عيونها وكمل: خوفي عليكي من الحسد الليلة. يا صغيرة يا أحلى بنات الحتة. خوفي عليكي من الحسد. طبطب على نوران وضحكت: الله بجد. على فكرة دمك حلو أوي يا دكتور إلياس ومرح. إلياس بابتسامة: شكراً يا نوران. حبيت أفرفشكم شوية. داليا بحب: بتحب الهزار ي دكتور سليم. وعجبتني الأغنية. سليم بابتسامة وهدوء: شكراً يا داليا. ويا رب أكون قدرت أفرحك. داليا بسرعة: فرحانة من زمان. قصدي يعني حضرتك بتفرحنا من زمان ي دكتور سليم.

سليم وضحك: يا رب دايماً. هقوم أتمشى شوية على البحر. تحبي تيجي معايا؟ داليا: أوي. أحب أجي. يلا بينا. ومشيو مع بعض. نوران وقامت تتمشى شوية على البحر وسرحانة. وجتلها رسالة من آيسو. _آيسو: ماشية لوحدك لي يا نوران؟ ومتبعديش عن صحابك عشان محدش يتعرض لك. وسرحانة لي؟ بتفكري في إيه؟ خلاص كل حاجة اتحلت.

نوران بدموع: مش عارفة ي آيسو. بفكر في حاجات كتيرة أوي. عايزة أعيط مع حد. ومش عارفة أحكي لحد المصيبة اللي عملتها. وكرهت نفسي أوي. كل ما افتكر. آيسو: طب أهدي. مش تعيطي. دموعك غالية عندي يا نوران. والله وهندم اللي خلاكي تنزلي دمعة من عينك. نوران وبتمسح دموعها: طب إنت موجود هنا صح؟ خليني أشوفك. أو أقعد معاك حتى. إنت مين طيب؟

آيسو: مش دلوقتي يا نوران. هعرفك نفسي قريب أوي. بس توعديني تخلي بالك من نفسك. وابدأي صفحة جديدة. ولبسك يتغير. وشعرك اللي باين من طرحة ده. اللي هاجي أشدك منه لو مدخلش جوه. نوران: حاضر. هروح أنام عشان تعبانة أوي. وهبقى أحكيلك بكرة. تصبحي على خير. آيسو: تمام. وإنتي من أهلي يا نوراني. باين نوران فرحت من كلمته. ونفس الوقت زعلت. ممكن يكون زي يوسف بيتسلى. وراحت أوضتها ونامت.

وتاني يوم فتحت فونها. لقت رسالة من يوسف. ورمت الفون من إيديها وقعدت تعيط. و…… ياترى يوسف عايز إيه من نوران؟